Ելք 35–40, Ղևտական 1, 4, 16, 19

Ելք 35–40 բաժիններում նկարագրում է իսրայելացիների խորան կառուցելու ջանքերը, որտեղ սուրբ արարողությունները կօգնեին նրանց դառնալ սուրբ ժողովուրդ։ Այս գլուխները կարդալիս փնտրեք, թե Տերը ինչ է խնդրել Իր ժողովրդին դնել խորանում: Ի՞նչ կարող են խորհրդանշել այդ իրերը: Ի՞նչ են հուշում ձեզ այդ իրերը սուրբ դառնալու վերաբերյալ: Հատկապես մտածեք, թե ինչպես են այդ իրերը ձեր մտքերն ուղղում դեպի Փրկիչը: Նմանատիպ աղյուսակը կարող է օգնել ձեզ․

Իհարկե, միայն սուրբ տեղերում գտնվելը մեզ սուրբ չի դարձնում: Ղևտական 19 բաժինը նկարագրում է օրենքներն ու պատվիրանները, որոնք Տերը տվել է, որպեսզի օգնի իսրայելացիներին սուրբ դառնալ: Ի՞նչ գտաք այս պատվիրաններում, որը կարող է օգնել ձեզ սրբություն փնտրել Տիրոջից: Ի՞նչ եք ոգեշնչվում անել՝ այս սկզբունքներն ավելի լիարժեք կիրառելու համար:

Տես նաև Հենրի Բ. Այրինգ, «Սրբությունը և երջանկության ծրագիրը», Լիահոնա, նոյ. 2019, 100–103, «Խորան» (տեսանյութ), Gospel Library հավելված։

7:19

Եգիպտոսից հեռանալուց մեկ տարի անց Իսրայելի որդիների հարաբերությունները Եհովայի հետ կարելի է նկարագրել որպես ոչ հետևողական: Սակայն, կարդալով Ելք 35․4–35 և 36․1–7 հատվածները, նկատում ենք, թե իսրայելացիներն ինչպես արձագանքեցին խորանը կառուցելու պատվիրանին: Ի՞նչ սովորեցիք իսրայելացիներից, որը կարող է օգնել ձեզ ավելի լավ ծառայել Տիրոջը:

Նա չի կարող ձեզանից թանկարժեք մետաղներ, կտավներ կամ փայտ խնդրել խորանի համար: Ի՞նչ է տվել ձեզ Տերը և ի՞նչ է Նա խնդրում ձեզ առաջարկել: Ե՞րբ է ձեր «սիրտը դրդել» [ձեզ] անցնել աշխատանքի:

Տես նաև «Զոհաբերություն» նյութը Թեմաներ և հարցեր բաժնում, Gospel Library հավելված:

Ելք 40․12–14 հատվածները վերաբերում են հին ժամանակների արարողություններին, որոնք նույնպես կատարվում են մեր օրերում՝ Տիրոջ տանը: Ահա մի քանի լրացուցիչ հատված, որոնք կօգնեն ձեզ իմանալ, թե ինչպես են այդ արարողությունները վկայում Հիսուս Քրիստոսի մասին.

• Լվացվել․ Սաղմոս 51․2, Եզեկիել 36.25–27

• Հագնել սրբազան հանդերձներ․ Եսայի 61.10, Մատթեոս 22.11–14, Հայտնություն 19.7–8

• Օծվել․ Ղուկաս 4․18–19, Գործք Առաքելոց 10․38

Ղևտական գրքի մեծ մասը մեզ կարող է տարօրինակ թվալ՝ կենդանիների զոհաբերություններ, արյան ու ջրի հետ կապված ծեսեր և կյանքի փոքր մանրուքները կարգավորող օրենքներ: Բայց այս ծեսերն ու օրենքները նախատեսված էին ծանոթ սկզբունքներն ուսուցանելու համար՝ ապաշխարությունը, սրբությունը և Փրկիչի Քավությունը: Որպեսզի գտնեք այդ սկզբունքները, Ղևտական 1․1–9, 4, 16 հատվածները կարդալիս տվեք հետևյալ հարցերը.

• Ի՞նչ բառեր կամ արտահայտություններ եմ գտնում, որոնք հիշեցնում են ինձ Հիսուս Քրիստոսի և Նրա քավիչ զոհաբերության մասին:

• Ի՞նչ եմ ես սովորում այս զոհաբերություններից Փրկչի զոհաբերության մասին:

• Ինչո՞վ եմ ես նման այն մարդկանց, որոնք կատարել են այս զոհաբերությունները:

Տերը այլևս չի ակնկալում մեզանից կենդանիներ զոհաբերել։ Բայց զոհաբերությունը դեռևս ավետարանի կարևոր սկզբունքն է: Որպեսզի իմանաք, թե ինչպիսի զոհաբերություններ է ակնկալում Տերը մեզանից, ուսումնասիրեք 3 Նեփի 9․19–20, Վարդապետություն և Ուխտեր 64.34 հատվածները։ Ինչպե՞ս եք դուք նման զոհաբերություններ կատարում: Ի՞նչ է ձեզ ուսուցանում Մովսես 5․7 հատվածն այն մասին, թե ինչպես պետք է վերաբերվեք ձեր զոհաբերություններին:

Տես նաև «Մտքեր հիշելու համար. Խորանը և զոհաբերությունը» նյութը։

• Այս նյութի վերջում պատկերված է իսրայելացիների անապատի խորանը։ Կարող եք նայել այն ձեր երեխաների հետ և հարցնել նրանց, թե ինչ նյութեր կպահանջվեին խորանը կառուցելու համար: Ապա կարող եք միասին կարդալ Ելք 35․20–29 հատվածները՝ պարզելու, թե ինչպես են տրամադրվել այդ նյութերը: Ինչպե՞ս է Տերը հրավիրել մեզ նպաստել Իր արքայության կառուցմանը:

• Կարող եք նրանց հետ կարդալ Ելք 36․1 հատվածը՝ փնտրելով, թե Տերը ինչ տվեց Բեսելիելին ու Ողիաբին, որպեսզի օգնի նրանց խորան կառուցել: Ապա կարող եք խոսել ձեր երեխաների հետ այն մասին, թե, ըստ ձեզ, Տերը ինչ է տվել նրանց՝ օգնելու կառուցել Իր արքայությունը: Ինչպե՞ս կարող ենք օգտագործել դրանք` ուրիշներին օրհնելու համար:

• Ելք 40․17–34 հատվածներում թվարկված են իրեր, որոնք իսրայելացիների խորանի մաս էին կազմում: Ձեր երեխաների հետ կարող եք գտնել դրանք այս հատվածներում և այս նյութի վերջում ներկայացված խորանի նկարում: Խոսեք այն մասին, թե խորանի յուրաքանչյուր հատված ինչպես կարող է ուսուցանել Փրկչի կամ Երկնային Հոր մասին: Օրինակ՝ վկայության տապանակը կարող է հիշեցնել մեզ Աստծո պատվիրանների մասին, զոհասեղանը՝ Հիսուս Քրիստոսի զոհաբերության մասին և այլն:

• Ի՞նչ սուրբ վայրեր ունենք այսօր, որոնք օգնում են մեզ ավելի մոտենալ Հիսուս Քրիստոսին։ Այս զրույցի ընթացքում կարող եք միասին դիտել «Տաճարներ» տեսանյութը (Gospel Library հավելված): Կարող եք նաև երգել «Սուրբ վայրերը» երգը (Gospel Library հավելված): Կիսվեք միմյանց հետ, թե ինչ եք մտածում այնպիսի սուրբ վայրերի մասին, ինչպիսիք են տաճարները:

5:41

• Հին Կտակարանում նկարագրված կենդանիների զոհաբերությունները կոչված էին Իսրայելի որդիներին ուսուցանելու Հիսուս Քրիստոսի միջոցով ներման մասին: Մտածեք, թե ինչպես կարող է այդ զոհաբերությունների մասին կարդալը ուսուցողական լինել նաև ձեր երեխաների համար: Ցուցադրեք Հիսուս Քրիստոսի նկարները Գեթսեմանիում և խաչի վրա (տես Ավետարանի պատկերագիրք, հմր. 56, 57)՝ Երեխաների հետ Ղևտական 1․1–4 հատվածները կարդալիս։ Օգնեք նրանց գտնել բառեր կամ արտահայտություններ, որոնք հիշեցնում են նրանց Հիսուս Քրիստոսի զոհաբերության մասին:

• Կարող եք նաև միասին կարդալ 3 Նեփի 9․19–20 հատվածները՝ փնտրելով, թե ինչ է մեզ պատվիրված զոհաբերել կենդանիների փոխարեն: Ի՞նչ է նշանակում կոտրված սիրտ և փշրված հոգի առաջարկել Տիրոջը: Այս հարցին պատասխանելու համար տես «Կոտրված սիրտ» բաժինը Սուրբ գրքերի ուղեցույցում (Gospel Library հավելված)։