ዘኍልቍ 11–14፤ 20–24፤ 27

በዘኍልቍ 11፥11–17፣ 24–29፣ ሙሴ የሚያጋጥመውን ችግር እና እግዚአብሔር የሰጠውን ምላሽ አስተውሉ። “የእግዚአብሔር ሕዝብ ሁሉ ነቢያት ቢሆኑ” ብሎ ሲመኝ ሙሴ ምን ማለቱ ነበር ብላችሁ ታስባላችሁ? (ቁጥር 29)። ይህን ጥያቄ ስታሰላስሉ፣ በፕሬዘደንት ራስል ኤም. ኔልሰን “Revelation for the Church, Revelation for Our Lives” ((ሊያሆና፣ ግንቦት 2018 (እ.አ.አ)፣ 93-96) መልዕክት ውስጥ ያሉትን መልሶች ፈልጉ።

ሁላችንም መገለጥ መቀበል እንችላለን ማለት ግን ሁላችንም እንደ ሙሴ የእግዚአብሔርን ህዝብ መምራት እንችላለን ማለት አይደለም። በዘኍልቍ 12 የተፈጠረው ክስተት ይህንን ግልጽ ያደርጋል። በዚህ ምዕራፍ ውስጥ ምን ማስጠንቀቅያ ታገኛላችሁ? ስለግላዊ መገለጥ እና ነብዩን ስለመከተል ጌታ እንድትረዱ የሚፈልገው ምን እንደሆነ ይሰማችኋል?

በተጨማሪም 1 ኔፊ 10፥17፤ ትምህርት እና ቃል ኪዳኖች 28፥1–7፤ ዳሊን ኤች. ኦክስ፣ “Two Lines of Communication,” ሊያሆና፣ ህዳር 2010 (እ.አ.አ)፣ 83–86ን ይመልከቱ።

አንዳንድ ሰዎች በፈርዖን ፊት ቆሞ በጌታ ሃይል ድንቅ ተአምራትን ያደረገው ታላቁ መሪ ሙሴ፣ “እጅግ ትሑት” እንደነበረም ሲማሩ ይገረማሉ (ዘኁልቁ 12፡3)። ትሁት መሆን ማለት ምን ማለት ነው? ሽማግሌ ዴቪድ ኤ. ቤድናር በመልእክታቸው “Meek and Lowly of Heart” (ሊያሆና፣ ግንቦት 2018 (እ.አ.አ)፣ 30–33) ውስጥ ስለ ትህትና የሰጡትን ማብራሪያ መከለስ ወይም በ “የዋህ፣ የዋህነት” በቅዱሳት መጻህፍት መመሪያ (የወንጌል ላይብረሪ) ውስጥ ማጥናት ትችላላችሁ።

በዘጸአት 18፡13–25፤ ዘኍልቍ 11:26–29፤ ዘኍልቍ 12፤ ዕብራውያን 11:24–27፤ እና ሙሴ 1፡10–11 ላይ ከሙሴ የትህትና ምሳሌዎች ምን ትማራላችሁ? በተጨማሪም አዳኙ እንዴት ትህትና እንዳሳየ ማሰላሰል ትችላላችሁ (ማቴዎስ 11:29፤ 27:11–14፤ ሉቃስ 22:41–42፤ ዮሐንስ 13:4–5 ተመልከቱ)። እነዚህ ምሳሌዎች ምን ያስተምሯችኋል?

ዘኍልቍ 13–14 ስታነቡ፣ እራሳችሁን በእስራኤላውያን ቦታ ለማድረግ ሞክሩ። “ወደ ግብፅ መመለስ” ለምን የፈለጉ ይመስላችኋል? (ዘኍልቍ 14፥3)። ካሌብ የነበረውን ሌላ “መንፈስ” እንዴት ትገልፁታላችሁ? ዘኍልቁ 14:24)። ስለ ካሌብ እና ኢያሱ እምነት ምን ያስደንቃችኋል፣ እንዲሁም ምሳሌያቸውን በሚገጥሟችሁ ሁኔታዎች ላይ እንዴት ተግባራዊ ማድረግ ትችላላችሁ?

በዘኍልቍ 21፥4–9 ውስጥ የተመዘገበውን ታሪክ የመጽሐፈ ሞርሞን ነቢያት ያውቁት ነበር እንዲሁም መንፈሳዊ ጠቀሜታውን ተረድተው ነበር። ስለዚህ ታሪክ ትምህርቶቻቸውን በ1 ኔፊ 17፡40–41፤ አልማ 33፡18–22 እና ሔለማን 8፡13–15 ላይ አንብቡ። ይህን ስታደርጉ ልታሰላስሉ የምትችሏቸው አንዳንድ ጥያቂዎች እነዚህ ናቸው፥

• የናሱ እባብ ምንን ሊወክል ይችላል?

• በእባብ መነደፍ ምንን ሊያመለክት ይችላል?

• ለመፈወስ እስራኤላውያን “የናሱን እባብ [መመልከት]” (ዘኍልቍ 21፥9) ነበረባቸው። አንዳንድ ሰዎች ለማየት ፈቃደኛ ያልነበሩት ለምን ይመስላችኋል? ተመሳሳይ ነገር በእናንተ ላይ ደርሶ ያውቃል?

• ሙሉ ለሙሉ “በእምነት የእግዚአብሔርን ልጅ [ለመመልከት]” እና ለመፈወስ ምን ለማድረግ ተነሳሽነት ይሰማችኋል? (ሔለማን 5፥12)።

እነዚህን ማንበብ ሰዎች በቅዱሳት መጻሕፍት ውስጥ ያሉ ትኩረታቸውን በክርስቶስ ላይ ማድረግ ስለነበረባቸው ሌሎች ጊዜያትን ሊያስታውሳችሁ ይችላል። ለምሳሌ፣ የዘኍልቍ 21፡4–9 መልእክት ከማቴዎስ 14፡25–31 እና 1 ኔፊ 8፡24–28 ጋር አወዳድሩ (በዚህ ሳምንት ዝርዝር መጨረሻ ላይ ያሉትን ሥዕሎችም ይመልከቱ)። ከክርስቶስ እንድንርቅ የሚያደርገን ምንድን ነው? በእርሱ ላይ ትኩረት የሚያደርጉ ሰዎችን የሚባርከው እንዴት ነው?

በተጨማሪም “Jesus, the Very Thought of Thee፣” መዝሙሮች፣ ቁጥ 141ን ይመልከቱ።

የሞዓብ ንጉሥ ባላቅ እስራኤላውያን እየቀረቡ መሆናቸውን ባወቀ ጊዜ በረከትን እና እርግማንን በመናገር የታወቀውን ሰው በለዓምን ጠራ። ባላቅ እስራኤላውያንን እንዲረግም ፈለገ። ባላቅ በለዓምን ለማሳመን እንዴት እንደሞከረ ልብ በሉ (ዘኍልቍ 22፥5–7፣15–17)፣ እንዲሁም ከእግዚአብሔር ፈቃድ በተቃራኒ እንድትሄዱ የሚገጥሟችሁን ፈተናዎች አስቡ። በዘኍልቍ 22፥18፣ 38፤ 23፥8፣ 12፣ 26፤ 24፥13 ውስጥ ያለው የበለዓም ምላሽ ምን ያስደንቃችኋል? አሳዛኙ ነገር፣ በለዓም በመጨረሻ በግፊቱ ተሸንፎ እስራኤልን ከዳ (ዘኍልቍ 31፥16፤ ይሁዳ 1፥11ን ይመልከቱ)። በሌሎች ግፊት ቢኖርም ለጌታ ታማኝ ሆናችሁ ለመቆየት እንዴት እንደምትችሉ አሰላስሉ።

• ጌታ እስራኤላውያንን ለመርዳት ያደረጋቸውን አንዳንድ ተአምራት ያስታውሱ እንደሆን ልጆቻችሁን ጠይቋቸው (“የግብፅ መቅሰፍት” እና “ፋሲካ” በየብሉይ ኪዳን ታሪኮች፣ 67–74 ይመልከቱ)። ከዚያም እስራኤላውያን በረከቶቻቸውን እንደረሱና እያጉረመረሙ እንደነበር አጽንዖት በመስጠት ዘኍልቍ 11:4-10ን ጠቅለል ልታደርጉላቸው ትችላላችሁ። አንዳንድ ጊዜ ምን በረከቶችን እንረሳለን?

• ስለ ምስጋና እንደ “Count Your Blessings” (መዝሙር፣ ቁጥር 241) ያለ መዝሙር ስትዘምሩ ወይም ስታዳምጡ ልጆቻችሁ ጌታ ስለሰጣቸው በረከቶች ስዕል መሳል ይችላሉ።

• ዘኍልቍ 12ን ለማስተዋወቅ፣ ጌታ የሙሴ ወንድም እና እህት በሆኑት በአሮን እና በማርያም ደስተኛ እንዳልነበረ ለልጆቻችሁ መንገር ትችላላችሁ። ለምን እንደሆነ እንዲያውቁ ዘኍልቍ 12፡1–8ን እንዲያነቡ ጋብዟቸው። ልጆቻችሁ የጌታን ነቢይ የሚያከብሩ እና የተባረኩ ሰዎችን ምሳሌ በቅዱሳት መጻህፍት ውስጥ እንዲያገኙ ለመርዳት የወንጌል አርት መጽሐፍን ለመጠቀም አስቡ። የጌታን ነቢይ ስንከተል እንዴት እንባረካለን?

• በዘኁልቁ 21፡6–9 ውስጥ የሆነውን ነገር ልጆቻችሁ እንዲያውቁ ለመርዳት በየብሉይ ኪዳን ታሪኮች፣ 83–84 ላይ “ሙሴ እና የናሱን እባብ” መጠቀም ትችላላችሁ። የናሱ እባብ ኢየሱስ ክርስቶስን እንዴት ይመስላል? (ዮሐንስ 3፡14–15 ይመልከቱ)። ልጆቻችሁ እባብን ከወረቀት በመሥራት እና በላዩ ላይ “በእምነት… የእግዚአብሔርን ልጅ [ለመመልከት]” ማድረግ የሚችሏቸውን አንዳንድ ቀላል ነገሮችን መጻፍ ሊያስደስታቸው ይችላል።(ሄለማን 8:15)

  

  1:2

• ትልልቅ ልጆች ከሚከተሉት ምዕራፎች ውስጥ አንዱን መምረጥ እና ለታሪኩ የሚጨምርላቸውን መረዳት ማካፈል ይችላሉ፡ 1 ኔፊ 17፡41፤ አልማ 33፡18–20፤ ሔለማን 8፡13–15፤ ትምህርት እና ቃል ኪዳኖች 6፡36።

• ለልጆቻችሁ በለዓም ምንም እንኳን የሞዓብ ንጉሥ ባላቅ ክብርና ሀብት ቢያቀርብለትም የእግዚአብሔርን ሕዝብ እንዴት ከመራገም እንደተቆጠበ ትኩረት በመስጠት ዘኍልቍ 22፡1-18ን ጠቅለል አድርጉ። ከዚያም ልጆቻችሁ በለዓም እግዚአብሔርን ለመከተል እንደፈለገ የሚያሳዩ ሐረጎችን በሚከተሉት ጥቅሶች ውስጥ እንዲፈልጉ መርዳት ትችላላችሁ: ዘኍልቍ 22:18፤ 23:26፤ 24:13። ልጆቻችሁ ለጌታ መታዘዝን እንዲያስታውሱ ለመርዳት የሚወዱትን አንድ ሀረግ መርጠው በካርድ ላይ ይፃፉ።