ዘጸአት 35–40፤ ዘሌዋውያን 1፤ 4፤ 16፤ 19

ዘፀአት 35–40 እስራኤላውያን ቅዱስ ህዝብ ይሆኑ ዘንድ የሚረዷቸው ሥርዓቶች የሚሰጡበት የማደርያውን ድንኳን የመስራት ጥረትን ይዘግባል። እነዚህን ምዕራፎች ስታነቡ ጌታ ህዝቡ በድንኳኑ ውስጥ እንዲያኖሩ የጠየቃቸውን ነገሮች ፈልጉ። እነዚህ እቃዎች ምን ሊወክሉ ይችላሉ? በቅድስና ስለመጨመር ለእናንተ ምን ይጠቁማሉ? በተለይም እነዚህ ነገሮች ሀሳቦቻችሁን ወደ አዳኙ እንዴት እንደሚያዞሩ አስቡ። እንደ እነዚህ ያለ ሰንጠረዥ ሊረዳችሁ ይችላል፥

በእርግጥ በተቀደሱ ስፍራዎች መሆናችን ብቻ ቅዱስ አያደርገንም። ዘሌዋውያን 19 እስራኤላውያን ቅድስናቸው እንዲጨምር እግዚአብሔር የሰጣቸውን ህጎች እና ትእዛዛት ይገልጻል። ከጌታ ቅድስናን እንድትፈልጉ የሚረዷችሁን በእነዚህ ትእዛዛት ውስጥ ምን ታገኛላችሁ? እነዚህን መርሆች በተሟላ ሁኔታ ለመኖር ምን ለማድረግ ተነሳስታችኋል?

እንዲሁም ሄንሪ ቢ. አይሪንግን፣ “Holiness and the Plan of Happiness,” ሊያሆና፣ ህዳር 2019 (እ.አ.አ)፣ 100–103፣ ይመልከቱ። “The Tabernacle” (ቪዲዮ)፣ የወንጌል ላይብረሪ።

7:19

ከግብፅ ከወጡ ከአመት በኋላ የእስራኤል ልጆች ከያህዌህ ጋር ያላቸው ግንኙነት ተለዋዋጭ ነበር ማለት ይቻላል። ሆኖም፣ ዘጸአት 35፥4 እና 36፥7ን በምታነቡበት ጊዜ እስራኤላውያን የማደርያ ድንኳኑን ለመገንባት ለተሰጠው ትእዛዝ እንዴት ምላሽ እንደሰጡ ልብ በሉ። ከእስራኤላውያን እግዚአብሔርን በተሻለ ሁኔታ ለማገልገል ሊረዳችሁ የሚችል ምን ትማራላችሁ?

እናንተን ለድንኳን የሚሆን የከበረ ብረቶች፣ የተልባ እግር ወይም እንጨት ላይጠይቃችሁ ይችላል። ጌታ ምን ሰጥቷችኋል እንዲሁም ምን እንድትሰጡት እየጠየቃችሁ ነው? “ሥራውን ለመሥራት… ል[ባችሁ] [የተነሳሳው]” መቼ ነው?

በተጨማሪም፣ ርዕሶች እና ጥያቄዎች፣ “መስዋዕት፣” በወንጌል ላይብረሪ ውስጥ ተመልከቱ።

ዘጸአት 40፡12–14 የሚያመለክተው በዘመናችንም በጌታ ቤት ውስጥ ስለሚደረጉ ጥንታዊ ስርዓቶችን ነው። እነዚህ ስርዓቶች ስለ ኢየሱስ ክርስቶስ እንዴት እንደሚመሰክሩ ለመማር የሚረዷችሁ አንዳንድ ተጨማሪ ጥቅሶች እነዚህ ናቸው፥

• መታጠብ፡ መዝሙር 51:2፤ ሕዝቅኤል 36:25-27

• የተቀደሰ ልብስ መልበስ፡ ኢሳይያስ 61፡10፤ ማቴዎስ 22:11-14፤ ራእይ 19:7-8

• መቀባት፡ ሉቃስ 4፡18–19፤ የሐዋርያት ሥራ 10፡38

እንደ የእንስሳት መስዋዕቶች፣ ደምን እና ውሃን ያካተቱ ሥነ ሥርዓቶች እና የህይወትን ዝርዝር ጉዳዮች የሚመለከቱ ሕጎችን የያዘው አብዛኛው የዘሌዋውያን መጽሐፍ ለእኛ እንግዳ መስሎ ሊሰማን ይችላል። ነገር ግን እነዚህ ሥነ-ሥርዓቶች እና ህጎች የተለመዱ መርሆዎችን፣ እንዲሁም ንስሀ መግባትን፣ ቅድስናን እና የአዳኙን የኃጢያት ክፍያ ለማስተማር የተደረጉ ነበሩ። እነዚህን መርሆዎች ለማግኘት ዘሌዋውያን 1:1–9፤ 4፤ 16ን ስታነቡ እነዚህን ስለመሳሰሉ ጥያቄዎች አስቡ፥

• ኢየሱስ ክርስቶስን እና የኃጢያት ክፍያውን የሚያስታውሱኝን የትኞቹን ቃላት ወይም ሀረጎች አገኛለሁ?

• ከእነዚህ መስዋዕቶች ስለአዳኙ መስዋዕትነት ምን እማራለሁ?

• እኔ እንዴት እነዚህን መስዋእቶች እንዳደረጉት ሰዎች ነኝ?

ጌታ የእንስሳት መሥዋዕት አይፈልግም። ነገር ግን መስዋዕትነት አሁንም ጠቃሚ የወንጌል መርህ ነው። ጌታ ስለሚፈልገው አይነት መሥዋዕት ለማወቅ፣ 3 ኔፊ 9፡19–20፤ ትምህርት እና ቃል ኪዳኖች 64፡34ን አጥኑ። እንደዚህ አይነት መስዋዕቶችን እንዴት እያቀረባችሁ ነው? ሙሴ 5:7 መሥዋዕቶቻችሁን እንዴት መመልከት እንዳለባችሁ ምን ያስተምራችኋል?

በተጨማሪ “Thoughts to Keep in Mind: The Tabernacle and Sacrifice.” የሚለውን ይመልከቱ።

• በዚህ መግለጫ መጨረሻ ላይ የእስራኤላውያን የምድረበዳ የማደሪያ ድንኳን ሥዕል አለ። ከልጆቻችሁ ጋር ልትመለከቱት ትችላላችሁ እንዲሁም የማደሪያውን ድንኳን ለመሥራት ምን ቁሳቁሶች አስፈልጓቸው እንደነበር ጠይቋቸው። ከዚያም እነዚህ ቁሳቁሶች እንዴት እንደቀረቡ ለማወቅ ዘፀአት 35:20-29ን አብራችሁ ማንበብ ትችላላችሁ። ጌታ መንግሥቱን ለመገንባት የበኩላችንን አስተዋጽኦ እንድናደርግ የጋበዘን እንዴት ነው?

• እግዚአብሔር ባስልኤልና ኤልያብ የማደሪያውን ድንኳን ለመሥራት እንዲረዱ ምን እንደሰጣቸው ለማወቅ ዘጸአት 36፡1ን በአንድነት አንብቡ። ከዚያም ጌታ መንግስቱን ለመገንባት እንዲረዱ እንደሰጣቸው ስለሚሰማችሁ ነገር ከልጆቻችሁ ጋር መነጋገር ትችላላችሁ። እነዚህን ነገሮች ሌሎችን ለመባረክ ልንጠቀምባቸው የምንችለው እንዴት ነው?

• ዘጸአት 40፡17–34 የእስራኤላውያን የማደሪያ ድንኳን ክፍል የሆኑትን ነገሮች ይዘረዝራል። ምናልባት እናንተ እና ልጆቻችሁ በእነዚህ ቁጥሮች ላይ እንዲሁም በዚህ ማብራሪያ መጨረሻ ላይ ከሚገኘው የማደሪያው ድንኳን ሥዕል ላይ ልታገኟቸው ትችላላችሁ። እያንዳንዱ የድንኳኑ ክፍል ስለ አዳኙ ወይም የሰማይ አባት እንዴት ሊያስተምር እንደሚችል ተነጋገሩ። ለምሳሌ፣ የምስክሩ ታቦት የእግዚአብሔርን ትእዛዛት፣ መሠዊያው ደግሞ የኢየሱስ ክርስቶስን መስዋዕትነት እና የመሳሰሉትን ሊያስታውሱን ይችላሉ።

• ዛሬ ላይ ወደ ኢየሱስ ክርስቶስ ይበልጥ እንድንቀርብ የሚረዱን ምን ቅዱስ ቦታዎች አሉን? እንደዚህ ውይይት አካል፣ “Temples” (የወንጌል ላይብረሪ) የሚለውን ቪዲዮ አብራችሁ መመልከት ትችላላችሁ። እንዲሁም እንደ “Holy Places” (የወንጌል ላይብረሪ) ያለ መዝሙር መዘመር ትችላላችሁ። እንደ ቤተ መቅደስ ስላሉ ቅዱስ ቦታዎች የሚሰማችሁን ስሜት አንዳችሁ ለሌላው አካፍሉ።

5:41

• በብሉይ ኪዳን ውስጥ የተገለጹት የእንስሳት መሥዋዕቶች ለእስራኤል ልጆች በኢየሱስ ክርስቶስ አማካኝነት ስለ ይቅርታ ለማስተማር የታሰቡ ናቸው። ስለእነዚህ መሥዋዕቶች ማንበብ ለልጆቻችሁም በተመሳሳይ መልኩ እንዴት እንደሚረዳ አስቡ። ከልጆች ጋር ዘሌዋውያን 1፡1–4ን ስታነቡ የኢየሱስ ክርስቶስን ሥዕሎች በጌቴሴማኒ እና በመስቀል ላይ ማሳየት ትችላላችሁ (የወንጌል አርት መጽሐፍ ቁጥር 56፣57 ይመልከቱ)። የኢየሱስ ክርስቶስን መስዋዕትነት የሚያስታውሷቸውን ቃላትን ወይም ሀረጎች እንዲያገኙ እርዷቸው።

• እንዲሁም በእንስሳት ምትክ እንድንሰዋ የታዘዝነውን ለማወቅ 3 ኔፊ 9፡19–20ን አብራችሁ ማንበብ ትችላላችሁ። የተሰበረ ልብ እና የተዋረደ መንፈስን ለጌታ ማቅረብ ማለት ምን ማለት ነው? ለዚህ ጥያቄ መልስ ለማግኘት እንዲረዳችሁ የቅዱሳን መጻህፍት መመሪያ “የተሰበረ ልብ” (የወንጌል ላይብረሪ) የሚለውን ተመልከቱ።