Esoto 35–40; Levitiko 1; 4; 16; 19

O leEsoto 35–40 o loo faamatala mai ai taumafaiga a tagata Isaraelu e fau ai se falefetafa’i, lea o le a fesoasoani ai sauniga paia ia i latou ia avea ma se nuu paia. A o e faitauina nei mataupu, vaavaai mo mea na fetalai mai le Alii i Lona nuu e tuu i totonu o le falefetafai. O le a se mea e ono faatusa i ai nei aitema? O le a se mea latou te fautuaina atu ia te oe e uiga i le faateleina o le paia? Ia faapitoa ona mafaufau pe faapefea ona liliu atu e nei aitema ou mafaufauga agai i le Faaola. Atonu e fesoasoani se siata faapenei ia te oe:

Ioe, o le tau lava o le i ai i nofoaga paia e le faapea tatou te paia ai. O leLevitiko 19 o loo faamatala ai tulafono ma poloaiga na tuuina mai e le Alii e fesoasoani ai ia Isaraelu ia tuputupu a’e i le paia. O le a se mea e te maua i nei poloaiga lea e mafai ona fesoasoani ia te oe e saili le paia mai le Alii? O le a se mea ua e lagona le musuia e fai e ola atoatoa ai i nei mataupu faavae?

Tagai foi i le Henry B. Eyring, “O Le Paia ma le Fuafuaga o le Fiafia,” Liahona, Nov. 2019, 100–103; “The Tabernacle” (vitio), Potutusi o le Talalelei.

7:22

I le tausaga ina ua tuua Aikupito, o le sootaga a le fanauga a Isaraelu ma Ieova e mafai ona faamatalaina e le’i ogatusa. Ae peitai, a e faitau i le Esoto 35:4–35 ma le 36:7, maitau le ala na tali atu ai tagata Isaraelu i le poloaiga e fau le falefetafa’i. O le a se mea e mafai ona e aoao mai i tagata Isaraelu lea e mafai ona fesoasoani ia lelei atili ai ona e auauna atu i le Alii?

Atonu e lē talosagaina oe e ia mo ni u’amea tautele, ie, po o ni laupapa mo se falefetafa’i. O le a le mea ua tuuina mai e le Alii ia te oe, ma o le a le mea o loo Ia talosagaina oe e ofo atu? O anafea na “uai atu ai [lou] loto mo le galuega”?

Tagai foi i Autu ma Fesili, ‟Ositaulaga,” Potutusi o le Talalelei

O leEsoto 40:12–14 e faatatau i sauniga anamua ia e faatinoina foi i o tatou aso i le maota o le Alii. O nisi nei o fuaiupu faaopoopo e mafai ona fesoasoani ia te oe e aoao ai e uiga i le auala e molimau ai nei sauniga ia Iesu Keriso:

• Mulumulu: Salamo 51:2; Esekielu 36:25–27

• Ofu i ofu paia: Isaia 61:10; Mataio 22:11–14; Faaaliga 19:7–8

• Faauuina: Luka 4:18–19; Galuega 10:38

O le tele o le tusi o Levitiko atonu tatou te le masani ai—taulaga i manu, sauniga e aafia ai le toto ma le vai, ma tulafono e limataitaiina ai mea auiliili ma laiti uma o le olaga. Ae o nei sauniga ma tulafono sa faamoemoe e aoao ai mataupu faavae masani—salamo, paia, ma le Togiola a le Faaola. Ina ia maua nei mataupu faavae a o e faitauina le Levitiko 1:1–9; 4; 16, mafaufau i fesili faapenei:

• O a upu po o fasifuaitau ou te maua e faamanatu mai ai ia te au ia Iesu Keriso ma Lana taulaga togiola?

• O a mea ua ou aoaoina mai i nei taulaga e uiga i taulaga a le Faaola?

• E faapefea ona pei a’u o tagata na faia nei taulaga?

E le toe manaomia e le Alii ni taulaga i manu. Ae o le ositaulaga o se mataupu faavae taua lava o le talalelei. Ina ia aoao e uiga i ituaiga taulaga e manaomia e le Alii, suesue le 3 Nifae 9:19–20; Mataupu Faavae ma Feagaiga 64:34. O faapefea ona e ofoina atu nei ituaiga o taulaga? O le a le mea ua aoao atu e le Mose 5:7 ia te oe e uiga i le auala e tatau ona e vaai ai i au osigataulaga?

Tagai foi i “Manatu e Nofouta i Ai: O Le Falefetafa’i ma le Taulaga.”

• I le faaiuga o lenei otootoga o loo i ai se ata o le falefetafa’i i le vaomatua a Isaraelu. Atonu e te manao e vaai i ai ma lau fanau ma fesili atu ia i latou po o a anomea semanu e manaomia e fausia ai le falefetafa’i. Ona mafai lea ona outou faitau faatasi i le Esoto 35:20–29 e iloa ai pe na faapefea ona saunia nei anomea. Na faapefea ona valaaulia i tatou e le Alii e saofaga i le fausiaina o Lona malo?

• Mafaufau e faitau faatasi ma i latou le Esoto 36:1 e iloa ai po o le a le mea na tuuina mai e le Alii ia Pesaleli ma Aliavu e fesoasoani e fausia ai le falefetafa’i. Ona mafai lea ona e talanoa i lau fanau e uiga i mea e te lagona ua tuuina mai e le Alii ia i latou e fesoasoani ai e fausia Lona malo. E mafai faapefea ona tatou faaaogaina nei mea e faamanuia ai isi?

• O leEsoto 40:17–34 o loo lisiina ai mea sa avea ma se vaega o le falefetafa’i a tagata Isaraelu. Atonu e mafai ona e mauaina ma lau fanau i nei fuaiupu ma le ata o le falefetafa’i i le faaiuga o lenei otootoga. Talanoa pe faapefea ona aoao vaega taitasi o le falefetafai e uiga i le Faaola po o le Tama Faalelagi. Mo se faataitaiga, o le atolaau o le molimau e mafai ona faamanatu mai ai ia i tatou poloaiga a le Atua, e mafai e le fata faitaulaga ona faamanatu mai ia i tatou le taulaga a Iesu Keriso, ma isi mea faapena.

• O a ni nofoaga paia ua tatou maua i aso nei e fesoasoani tatou te lagona ai le latalata atu ia Iesu Keriso? I le avea ai o se vaega o lenei talanoaga, e mafai ona outou matamata faatasi i le vitio “Temples” (Potutusi o le Talalelei). E mafai foi ona e usuina se pese e pei o le “Holy Places” (Potutusi o le Talalelei). Faasoa atu i le tasi ma le isi ou lagona e uiga i nofoaga paia e pei o le malumalu.

5:48

• O taulaga i manu o loo faamatalaina i le Feagaiga Tuai na fuafuaina e aoao atu ai le fanauga a Isaraelu e uiga i le faamagaloga e ala atu ia Iesu Keriso. Mafaufau pe faapefea e le faitau e uiga i nei osigataulaga ona faia lea lava mea e tasi mo lau fanau. E mafai ona e faaali atu ata o Iesu Keriso i Ketesemane ma luga o le satauro (tagai i le Tusi Ata o le Talalelei, nu. 56, 57) a o e faitau faatasi ma tamaiti le Levitiko 1:1–4. Fesoasoani ia i latou e sue upu po o fasifuaitau e faamanatu atu ai ia i latou le taulaga a Iesu Keriso.

• Atonu e mafai foi ona outou faitau faatasi le 3 Nifae 9:19–20 e iloa ai po o le a le mea ua poloaiina i tatou e ositaulaga nai lo manu. O le a le uiga o le ofoina atu o se loto momomo ma se agaga salamo? Tagai i le Taiala i Tusitusiga Paia, “Loto Momomo” (Potutusi o le Talalelei) mo se fesoasoani i le taliina o lenei fesili.