“Eprōļ 27–Māe 3. ‘E Kwojarjar n̄an Irooj: Exodus 35–40; Livitikōs 1; 4; 16; 19,” Itok, Ļoor Eō—N̄an M̧weeo im Kabun̄ in: Kallim̧ur M̧okta 2026 (2026)

“Eprōļ 27–Māe 3. ‘E Kwojarjar n̄an Irooj,’” Itok, Ļoor Eō: Kallim̧ur M̧okta 2026

Rio de Janeiro Brazil Tampeļ

Eprōļ 27–Māe 3: “E Kwojarjar n̄an Irooj”

Exodus 35–40; Livitikōs 1; 4; 16; 19

Em̧m̧akūt jān Ijipt—āinwōt an kar lukkuun aorōk—ekar jab lukkuun dedeļo̧k jibadbad eo an Anij n̄an ro nejin Israel. Jekdo̧o̧n n̄e juon mour ekoņ ilo āneen kallim̧ur ekar jab kōttōbar eo eļaptata an Anij n̄an er. Men kein rekar bun̄tōn ko wōt n̄an ta eo Irooj ekar kōņaan n̄an armej ro An: “Kom̧in kwōjarjar: bwe N̄a Irooj ami Anij, I kwōjarjar” (Livitikōs 19:2 Ekōjkan an Anij kar karōk n̄an kōm̧m̧an bwe armej ro An ren ekwojarjar ālkin aer kar mour in kōm̧akoko ium̧win elōn̄ epepen? E ekar kakien er n̄an ejaake juon jikin ekwojarjar n̄an Irooj—juon m̧ōn kōppād ilo āne jem̧aden. Ekar leļo̧k n̄an er bujen ko im kien ko n̄an tōl kōm̧m̧an ko aer im būruwer. Im Ekar kakien er n̄an kōm̧m̧an katok in mennin mour n̄an katakin er kōn pinmuur n̄an jerawiwi ko aer. Aolep men kein rekar jitōn̄ļo̧k ļōmņak ko aer, būruer, im mour ko aer n̄an Rilo̧mo̧o̧r eo. E ej iaļ eo em̧ool n̄an ekwojarjar, n̄an riIsrael ro im n̄an kōj. Jekar aolep joļo̧k iien ko ad ilo kōm̧akoko in jerawiwi, im em̧ōj karuwaineneik kōj n̄an ukweļo̧k n̄an likūt jerawiwi im ļoor Jisōs Kraist, eo ekar kallim̧ur, “N̄a imaron̄ kōm̧m̧an bwe kom̧in ekwōjarjar” (Katak im Bujen Ko 60:7).

Kōn juon etale ekadu kōn bok in Livitikōs, lale “Livitikōs” ilo Bible Dictionary.

Ļōmņak ko n̄an Ekkatak ilo M̧weeo im ilo Kabun̄ in

Exodus 35–40; Livitikōs 19

Irooj ekōņaan bwe in ekwojarjar.

Exodus 35–40 ej kōmeļeļeik kijejeto eo an ri Israel ro n̄an kalōk juon m̧ōn kōppād, ijo kain̄i ko rekwojarjar renaaj jipan̄ er erom armej ro rekwojarjar. Ilo am̧ riiti jebta kein, pukot men ko me Irooj eaar kajjitōk ippān armej ro An n̄an likut ilo m̧ōn kōppād eo. Ta eo men kein rej jutak kaki? Ta ko men kein rej jiron̄ eok n̄an kōļapļo̧k ekwojarjar? Eļaptata ļōmņak kōn wāween an aitōm̧ kein ukōt ļōmņak ko am̧ n̄an Rilo̧mo̧o̧r. Juon tebōļ āinwōt in emaron̄ jipan̄ eok:

Ta eo kwaar loe?	Ta eo men in emaron̄ jutak kake?
Ta eo kwaar loe? Tōptōp in bujen eo (Exodus 37:1–9; 40:20–21)	Ta eo men in emaron̄ jutak kake? (Lale Exodus 25:20–22; Unin Tōl eo n̄an Jeje ko Rekwojarjar, “Ark of the Covenant”)
Ta eo kwaar loe? Lokatok in spais ko ren̄aj (Exodus 40:26–27; bar lale Exodus 30:1, 6–8)	Ta eo men in emaron̄ jutak kake? (Lale Revelesōn 8:3–4)
Ta eo kwaar loe? Candle ak jikin lamp (Exodus 37:17–24	Ta eo men in emaron̄ jutak kake? (Lale Matu 5:14–16; John 8:12)
Ta eo kwaar loe? Lokatok in katok (Exodus 38:1–7; bar lale Exodus 27:1; 29:10–14)	Ta eo men in emaron̄ jutak kake? (Lale Unin Tōl eo n̄an Jeje ko Rekwojarjar, “Sacrifice”)
Ta eo kwaar loe? Booļ laver (pājin) in dān (Exodus 30:17–21	Ta eo men in emaron̄ jutak kake? (Lale 2 Kronikel 4:6; Aiseia 1:16; Jeremaia 33:8)

Aaet em̧m̧ol, pād ilo jikin ko rekwojarjar ejjab kōm̧m̧an bwe kwon ekwojarjar. Livitikōs 19 ej kōmeļeļeik kakien im kien ko me Irooj ekar leļo̧k n̄an jipan̄ riIsrael ro kōļapļo̧k aer kwojarjar. Ta ko kwoj loi ilo kien kein me emaron̄ jipan̄ eok pukot ekwojarjar jān Irooj? Ta eo kwoj en̄jake ej im̧we eok n̄an kōm̧m̧an bwe en ļapļo̧k am̧ mour kōn katak kein?

Bar lale Henry B. Eyring, “Holiness and the Plan of Happiness,” Liahona, Nov. 2019, 100–103; “The Tabernacle” (pija in alooj), Gospel Library.

Kōjerbal al ko rekwojarjar. Ewōr kajoor eļap ilo al n̄an karuwaneneik im̧we eo an Jetōb n̄an kalōk tōmak ilo Jisōs Kraist. Ennaan ko ilo al ekkā aer kalikkarlo̧k katak eo ilo jeje ko rekwojarjar. N̄an waanjon̄ak, al kōn juon al āinwōt “More Holiness Give Me” (Hymns, no. 131) emaron̄ kalikkarļo̧k enaan ko kar katakin ilo Livitikōs 19. Emaron̄ bar jipan̄ eok ļōmņak ta meļeļein n̄an ekwojarjarļo̧k āinwōt Rilo̧mo̧o̧r eo im ļōmņak elmen An jipan̄ eok ļapļo̧k ilo ekwojarjar.

Exodus 35:4–35; 36:1–7

Irooj ej kajjitōkin eō n̄an kōm̧m̧ani katok ko aō kōn aolepān buruō.

Ilo iiō eo ālkin diwōjļo̧k eo jān Ijipt, jem̧jerā eo an riIsrael ro ippān Irooj emaron̄ kar jab jejjet kōmeļem̧eiki. Ijoke, ilo am̧ riiti Exodus 35:4–35 im 36:1–7, kile wāween an riIsrael ro kar uwaak n̄an kien eo n̄an kalōk im̧ōn kōppād eo. Ta eo kwoj ekkatak jān riIsrael ro me emaron̄ jipan̄ eok bwe en em̧m̧anļo̧k am̧ jerbal n̄an Irooj?

E emaron̄ jab kajjitōk ippam̧ kōn metal aorōk ko, m̧ōttan nuknuk ko, ak alaļ n̄an juon m̧ōn kōppād. Ta eo Irooj ear lewaj n̄an kwe, im ta eo E ej kajjitōk bwe kwon leļo̧k? N̄āāt eo “būruō[m̧] eaar kōm̧m̧akūt eok n̄an itok n̄an jerbal”?

Bar lale Unin Kōnono ko im Kajjitōk ko, “Sacrifice,” Gospel Library eo.

RiIsrael ro rej aiintok jortak ko n̄an m̧ōn kōppād eo — Ro nejin Israel rekar leļo̧k mennin joortak ko n̄an m̧ōn kōppād kōn juon “em̧ōņōņō buruōn” (Exodus 35:5). Kōmeļeļe eo jān Corbert Gauthier, © Lifeway Collection/licensed from goodsalt.com

Exodus 40:12–14

Kain̄i ko an tampeļ raar litok etto.

Exodus 40:12–14 ej kōnnaan kōn kain̄i ko etto me jej bar kōm̧m̧ane ilo raan kein ad ilo m̧weeo im̧ōn Irooj. Erkein bar jet eoon me remaron̄ jipan̄ eok ekkatak kōn elmen an kain̄i kein kam̧ool kōn Jisōs Kraist:

Dān in Karreo: Sam Ko 51:2; Ezekiel 36:25–27
Nuknuk Kaarment eo ekwojarjar: Aiseia 61:10; Matu 22:11–14; Revelesōn 19:7–8
Ekapit: Luk 4:18–19; Jerbal 10:38

Livitikōs 1:1–9; 4; 16

Kōn en̄taan eo an Jisōs Kraist, bōd ko ad remaron̄ jeorļo̧k.

Elōn̄ iaan bok ko an Livitikōs remaron̄ oktak n̄an kōj—katok kōn mennin mour ko, jar ko rekwojarjar an kajjojo Kabun̄ ekoba bōtōktōk im dān, im kakien ko me rej tōl meļeļe in mour in. Ak jar kein rekwojarjar im kakien ko rekar n̄an katakin pedped in katak ko me rej āinwōt—ukweļo̧k, ekwojarjar, im Pinmuur eo an Rilo̧mo̧o̧r. N̄an pukot pedped kein ilo am̧ riit Livitikōs 1:1–9; 4; 16, ļōmņaki kajjitōk kein:

Ta naan ak eoon ko n̄aij lo me ej kakeememej eō kōn Jisōs Kraist im en̄taan in pinm̧uur eo An?
Ta ko ij ekkatak jān katok kein kōn katok eo an Rilo̧mo̧o̧r?
Ewi wāween aō āinwōt armej ro me raar kōm̧m̧ani katok ko?

Irooj ejjab aikuji katok in mennin mour ko. Ak katok ej juon pedped eaorōk wōt ilo gospel in an. N̄an ekkatak kōn kain katok rōt ko Irooj ej aikuji, ekkatak 3 Nipai 9:19–20; Katak im Bujen Ko 64:34. Elmen am̧ leļo̧k kain katok rōt kein? Ta eo Moses 5:7 ej katakin eok kōn ewi wāween am̧ aikuj kalimjōk katok kein?

Bar lale “Ļōmņak ko n̄an Keememeji: M̧ōn Kōppād im Katok.”

Ļōmņak ko n̄an Katakin Ajri ro

Exodus 35:20–29; 36:1

Anij eaar letok mennin letok ko n̄an jipan̄ jerbal in An.

Ilo jem̧ļo̧kin in unin tōl in ewōr juon pija in m̧ōn kōppād eo an riIsrael ro ilo āne jem̧dan. Kwomaron̄ kōņaan lale ippān ajri ro nejum̧ im kajjitōk ippāer ta kein jerbal ko ren kar aikuji n̄an kalōk m̧ōn kōppād eo. Innām kwomaron̄ riiti ippān doon Exodus 35:20–29 n̄an kappukot elmen an kar boktok kein jerbal kein. Ekōjkan an kar Irooj karuwaneneik kōj n̄an leļo̧k ko̧ņaad n̄an kalōk aelōn̄ in kiin̄ eo An?
Ļōmņak in riit ippaer Exodus 36:1 n̄an kappukot ta eo Irooj ear leļo̧k n̄an Bizalel im Oholiab bwe ren kalōk m̧ōn kōppād eo. Innām komaron̄ kōnono ippān ajri ro nejum̧ kōn ta eo kwoj en̄jake Irooj ear leļo̧k bwe ren jipan̄ kalōk aelōn̄ in kiin̄ eo An. Ewi wāween ad maron̄ kōjerbal men kein n̄an kōjeraam̧m̧an ro jet?

Exodus 40:17–34

Imaron̄ en̄jake jetōb eo an Irooj ilo ijoko rekwojarjar.

Exodus 40:17–34 ej laajrake men ko me rej m̧ōttan m̧ōn kōppād eo an riIsrael ro. Bōlen kwe im ajri ro nejum̧ maron̄ pukoti ilo eoon ko im ilo pija ko an m̧ōn kōppād eo ilo jem̧ļo̧k in unin tōl in. Kōnono kake elmen an kajjojo m̧ōttan ilo tabernacle eo maron̄ katakin kōn Rilo̧mo̧o̧r eo ak Jemedwōj Ilan̄. N̄an waanjon̄ak, katok in naan in kam̧ool eo ej kakeememej kōj kōn kien ko an Anij, lokatok eo emaron̄ kakeememej kōj kōn en̄taan eo an Jisōs Kraist im ko jet.
Jikin kwojarjar ta ko ewōr rainin me ej jipan̄ kōj en̄jake ad epaakeļo̧k Jisōs Kraist? Āinwōt m̧ōttanļo̧k ekkōnono in, kom̧ maron̄ aloj ippān doon pija eo “Temples” (Gospel Library). Kom̧ maron̄ al juon al āinwōt “Holy Places” (Gospel Library). Kwaļo̧k n̄an doon ami en̄jake kōn jikin ko rekwojarjar āinwōt tampeļ.

Levitikōs 1:1–4

Kōn en̄taan eo an Jisōs Kraist, bōd ko aō remaron̄ jeorļo̧k.

Katok kōn mennin mour ilo Kallim̧ur M̧okta rekar n̄an katakin ajri in Israel ro kōn jeorļo̧k bōd ilo Jisōs Kraist. Ļōmņak ewi wāween an katok kein maron̄ kōm̧m̧an ejja jekjek in n̄an ajri ro nejum̧. Kwomaron̄ kwaļo̧k pija in Jisōs Kraist ilo Getsamen im ioon debwāāl eo (lale Bok In Gospel Pija, nos. 56, 57) ilo am̧ riit ippān ajri ro Livitikōs 1:1–4. Jipan̄ er pukot naan ak eoon ko me rej kakeememej er kōn en̄taan eo an Jisōs Kraist.
Kwomaron̄ bar riit ippān doon 3 Nipai 9:19–20 n̄an lale ta eo kar kakien kōj n̄an katok kake ijelo̧kin mennin mour. Ta meļeļein n̄an leļo̧k bōro erup im jetōb ettā n̄an Irooj? Lale Unin Tōl eo n̄an Jeje Ko Rekwōjarjar, “Bōro Erup” (Gospel Libary) n̄an jipan̄ uwaake kajjitōk in.

N̄an eļapļo̧k, lale ennaan eo an allōn̄ in ilo eo Jera māākjiin.

m̧ōn kōppād etto — M̧ōn Kōppād Etto, jān Bradley Clark

peij in m̧akutkut eo an Būraimere: Imaron̄ en̄jake jetōbin Anij ijoko rekwojarjar. — M̧ōn Kōppād Etto, jān Bradley Clark