నిర్గమకాండము 1–6

నిర్గమకాండము 1–2లో వివరించిన స్త్రీల గురించి ఏది మిమ్మల్ని ఆకట్టుకున్నది? ఆయన పిల్లల కొరకు దేవుని ప్రణాళికను నెరవేర్చడానికి వారెలా సహాయపడ్డారు? వారి ప్రయత్నాలు దేవుని కార్యములో సేవ చేయడం గురించి మీకేమి బోధిస్తాయి?

నిర్గమకాండమును చదవడం ప్రారంభించడానికి ముందు, మీరు పడుతున్న ఒక కష్టం గురించి మీరు ఆలోచించవచ్చు—ప్రభువు మిమ్మల్ని విడిపిస్తారని మీరు ఆశిస్తున్నది ఏదైనా. నిర్గమకాండము 1–3లోని ఏ పదాలు మరియు వాక్యభాగాలు ఆధ్యాత్మిక చెరను లేదా ఈరోజు మనం ఎదుర్కొంటున్న ఇతర విషయాలను పోలియుంటాయి? ఇశ్రాయేలీయులు విమోచనను ఎలా కోరుకున్నారు మరియు ప్రభువు ఎలా స్పందించారో కూడా గమనించండి (ఉదాహరణకు, నిర్గమకాండము 2:23–25; 3:7–8 చూడండి). మిమ్మల్ని “విడిపించడానికి ప్రభువు ఎలా దిగివచ్చారు”?

నిర్గమకాండము యొక్క గ్రంథమంతటా, మీరు మోషే మరియు యేసు క్రీస్తుల మధ్య కొన్ని పోలికలను కూడా గమనించవచ్చు (ద్వితీయోపదేశకాండము 18:18–19; 1 నీఫై 22:20–21 చూడండి). నిర్గమకాండము 1:22; 2:1–10 మరియు మత్తయి 2:13–16 మధ్య మీరు ఏ పోలికలను చూస్తారు? లేదా నిర్గమకాండము 24:18 మరియు మత్తయి 4:1–2 మధ్య ఏ పోలికలను చూస్తారు? ఆయన గురించి మరియు ఆయన శక్తి గురించి మీరు ఏమి గ్రహించాలని ప్రభువు మిమ్మల్ని కోరుతున్నారని మీరు భావిస్తున్నారు?

ఏదైనా మిమ్మల్ని విస్మయం మరియు ఆశ్చర్యంతో నింపిన సమయం గురించి మీరు ఆలోచించగలరా? మీరు ఎలా స్పందించారు? మీరు అనుభవించిన భావోద్వేగాలను మీరెలా వివరిస్తారు?

దానిని మనస్సులో ఉంచుకొని, నిర్గమకాండము 3:1–6 చదవండి. మోషే యొక్క స్ఫూర్తిదాయకమైన అనుభవం గురించి మిమ్మల్ని ఏది ఆకట్టుకుంటుంది? దేవుని పట్ల భక్తిని చూపించడానికి మోషే ఏమి చేశాడు? అతని చర్యలు మరియు పవిత్రమైన విషయాల పట్ల గౌరవం మధ్య మీరు ఏ సంబంధాలను చూస్తున్నారు?

ఈ వచనాలను చదవడం మీ జీవితంలోని పవిత్రమైన విషయాలు మరియు పవిత్ర స్థలాల గురించి ఆలోచించడానికి మిమ్మల్ని ప్రేరేపించవచ్చు. అవి మీకు ఎందుకు పవిత్రమైనవి? మీరు సాధారణమైన వాటి నుండి వాటిని భిన్నంగా ఎలా చూస్తారు? మీ ఆలోచనకు మార్గనిర్దేశం చేసేందుకు, మీరు ఎల్డర్ డేవిడ్ ఎ. బెడ్నార్ గారి సందేశం “అత్యంత ఘనమైన మరియు విలువైన వాగ్దానములు” (లియహోనా, నవ. 2017, 91–93)లోని “వాగ్దానములను జ్ఞాపకముచేసుకొనుట” అనే విభాగాన్ని చూడవచ్చు.

అయితే, మనం అద్భుతమైన ఆధ్యాత్మిక అనుభవాలను పొందినప్పటికీ, పవిత్రమైన విషయాలను చాలా తేలికగా తీసుకొనే ప్రమాదం ఉంది. మీరు దీన్ని ఎలా నివారిస్తారు? ఈ సమస్యను పరిష్కరించే రెండు సందేశాలు ఇక్కడ ఉన్నాయి; ఒకదాన్ని ఎంచుకోండి మరియు మీకు సహాయపడే వ్యాఖ్యానాల కొరకు చూడండి: యులిసెస్ సోవారెస్, “క్రీస్తు మరియు ఆయన సువార్త పట్ల ఆశ్చర్యము” (లియహోనా, మే 2022, 115–17); జెరాల్డ్ కాస్సే, “Is It Still Wonderful to You?” (లియహోనా, మే 2015, 98-100).

సిద్ధాంతము మరియు నిబంధనలు 6:10–12; 63:64 కూడా చూడండి.

మోషే ఒక గొప్ప ప్రవక్త మరియు నాయకుడని ఈరోజు మనకు తెలుసు. కానీ ప్రభువు మొదట అతడిని పిలిచినప్పుడు మోషే తననుతాను ఆవిధంగా చూడలేదు. మీరు నిర్గమకాండము 3–4 చదువుతున్నప్పుడు, మోషే యొక్క ఆందోళనలను మరియు ప్రతిదానికి ప్రభువు ఎలా స్పందించారనే దానిని జాబితా చేయండి. మీరు అయోగ్యులుగా భావించినప్పుడు మిమ్మల్ని ప్రేరేపించేలా ఈ అధ్యాయములలో మీరు ఏమి కనుగొంటారు? దేవుడు తన పనిని చేయడానికి మీకు లేదా ఇతరులకు శక్తినివ్వడాన్ని మీరు ఎప్పుడు చూశారు?

మంచి చేయడానికి మన హృదయపూర్వక ప్రయత్నాలు పని చేయనప్పుడు—మనం ప్రభువు చిత్తాన్ని చేయడానికి ప్రయత్నిస్తున్నప్పటికీ మనం ఆశించిన ఫలితాలను చూడనప్పుడు నిరుత్సాహంగా ఉంటుంది. మోషేకు ఎదురైన అలాంటి అనుభవం గురించి తెలుసుకోవడానికి, నిర్గమకాండము 5:4–9, 20–23 చదవండి. నిరుత్సాహ భావాలను అధిగమించడానికి ప్రభువు మోషేకు ఎలా సహాయం చేసారు? (నిర్గమకాండము 6:1–13 చూడండి). ఆయన చిత్తమును చేయుటలో మీరు పట్టుదలగా ఉండడానికి ప్రభువు మీకు ఎలా సహాయపడ్డారు?

జెఫ్రీ ఆర్. హాలండ్, “ప్రభువు కొరకు కనిపెట్టుకొనియుండుట,” లియహోనా, నవ 2020, 115-17 చూడండి.

• ఇశ్రాయేలీయులను దాస్యం నుండి విడిపించడంలో మోషే ప్రధాన పాత్ర పోషించాడు. కానీ అతని తల్లి, అతని సోదరి, ఫరో కుమార్తె మరియు ఇతర విశ్వాసులైన స్త్రీలు అతన్ని రక్షించి, శ్రద్ధ వహించకపోతే అతడు దీన్ని సాధించలేకపోయేవాడు. నిర్గమకాండము 1:15–20; నిర్గమకాండము 2:2–10 (సంఖ్యాకాండము 26:59 కూడా చూడండి); మరియు నిర్గమకాండము 2:16–21 నుండి ఈ స్త్రీల గురించి నేర్చుకోవడానికి మీ పిల్లలకు సహాయపడండి. వారి కథలను చెప్పడానికి ఈ వారపు ప్రోత్సాహకార్యక్రమ పేజీని మరియు (పాత నిబంధన కథలు, 61–63 లో) “పసివాడైన మోషే” కూడా మీరు ఉపయోగించవచ్చు. ఈ స్త్రీలు దేవుని ప్రణాళికను నెరవేర్చడానికి ఎలా సహాయపడ్డారు? చిన్న మరియు సులభమైన మార్గాలతో సహా, దేవుని పనిలో సహాయం చేసినప్పుడు మీరు మెచ్చుకునే ఇతర వ్యక్తుల గురించి ఒకరితో ఒకరు మాట్లాడుకోండి. వారి మాదిరిని మనము ఎలా అనుసరించగలము?

  

  1:36

• నిర్గమకాండము 3:1–5 కలిసి చదివిన తర్వాత, ఈ వచనాలను వారి స్వంత మాటలలో సంక్షిప్తపరచమని మీ పిల్లలను అడగండి (పాత నిబంధన కథలు, 64–21లో “మోషే ప్రవక్త” కూడా చూడండి). మోషే ప్రభువు సన్నిధిలో భక్తిని ఎలా చూపించాడు? మనం భక్తిని ఎలా చూపించాలని ప్రభువు కోరుకుంటున్నారు? మనము భక్తితో ఉండవలసిన పవిత్ర స్థలాలు లేదా ప్రోత్సాహకార్యక్రమాల చిత్రాలను కనుగొనడానికి (లేదా గీయడానికి) మీకు సహాయం చేయమని కూడా మీరు మీ పిల్లలను అడగవచ్చు. మన ఇంటిని పవిత్ర స్థలంగా మార్చుకోవడానికి మనం ఏమి చేయాలి?

  

  1:26

• మనము మొదటిసారిగా ఒక స్నేహితుడిని సంఘానికి తీసుకువస్తుంటే, భక్తితో ఉండడం అంటే ఏమిటో మనం ఎలా వివరిస్తాము?

• నిర్గమకాండము 3; 4:1–17లోని వృత్తాంతాన్ని ఉపయోగించి, మీ పిల్లల్ని వంతులవారీగా మోషేలా నటించనివ్వండి. ఫ్లాష్‌లైట్ మరియు మండుతున్న పొద‌ను సూచించడానికి ఒక మొక్క వంటి సాధారణ వస్తువులను చేర్చడం సరదాగా ఉండవచ్చు. ప్రభువు తనకు అప్పగించిన పని గురించి మోషే ఎలా భావించాడో తెలుసుకోవడానికి మీ పిల్లలకు సహాయం చేయండి (నిర్గమకాండము 3:11; 4:1, 10 చూడండి). మీరు అలాంటి భావాలను కలిగియున్నప్పటి సమయాల గురించి మీరు ఒకరితో ఒకరు పంచుకోవచ్చు. మోషేకు సహాయం చేయడానికి మనం అతనితో ఏ సలహాను పంచుకుంటాము? నిర్గమకాండము 3:12; 4:2–9, 11–12లో మోషేను ప్రభువు ఎలా ప్రోత్సహించారనే దాని గురించి చదవండి. మీ పిలుపును నెరవేర్చడానికి, ఒక ప్రేరేపణను అనుసరించడానికి లేదా మీకు కష్టమైనది ఏదైనా చేయడానికి రక్షకుడు మీకు ఎలా సహాయం చేసారో పిల్లలకు చెప్పండి.