Exodus 1– 6

Nso ŋkpɔ inem fi kabaŋa mme iban emi esiakde ke Exodus 1–2? Didie ke mmɔ ekeŋwam uduak Abasi ndiwɔrɔ-nsu nnɔ ikɔt Esie? Ns ŋkpɔ ke ukeme mmɔ ekpep fi abaŋa uŋwam ke utom Abasi?

Mbemiso mbufo ɔtɔŋɔ edikot Exodus, mbufo emekeme ndikere mbaŋa ukut emi mbufo okutde—ŋkpɔ emi mbufo ekerede ke Jehovah eyenyaŋa fi osio. Ewe ikɔ mme udim-ikɔ ke Exodus 1–3 enyene ukem ebuka ŋkpɔ-spirit mme ŋkpɔ efen emi nnyin ikutde mfin emi? Efiɔk ŋko nte nditɔ Israel eyomde erinyaŋa ye nte Jehovah ɔkɔbɔrɔde (se, nte uwutŋkpɔ, Exodus 2:23–25; 3:7–8). Didie ke Jehovah “okosuhɔre-edi erinyaŋa” fi?

Ke ofuri ŋwed Exodus, mbufo emekeme ŋko edikut ubak mbiet-ŋkpɔ ke ufɔt Moses ye Jesus Christ (se Deuteronomy 18:18–19; 1 Nephi 22:20–21). Nte uwutŋkpɔ, ewe mbiet-ŋkpɔ ke mbufo okut ke Exodus 1:22; 2:1–10 ye Matthew 2:13–16? Mme ke Exodus 24:18 ye Matthew 4:1–2? Nso ŋkpɔ ke mbufo okop nte Jehovah oyomde ete mbufo ɔdiɔŋɔ abaŋa Idemesie ye odudu Esie?

Nte mbufo emekeme edikere ini emi ŋkpɔ kiet akanamde fi odu ke ndik ye mkpaidem? Didie ke mbufo akanam? Didie ke mbufo owut mme ekikere emi mbufo ekenyenede?

Ye ŋkpɔ oro ke seit fo, kot Exodus 3:1–6. Nso ŋkpɔ inem fi kabaŋa eti ifiɔk-ukpep eke Moses? Nso ŋkpɔ ke Moses akanam ndiwut uteŋe nnɔ Abasi? Ewe ebuana ke mbufo okut ke ufɔt edinam esie ye ndinyene uteŋe nnɔ nsasana ŋkpɔ?

Ndikot ufaŋ ŋwed emi ekeme ndinam fi ekere abaŋa ndisana ŋkpɔ ye ndisana ebiet ke uwem fo?ebiet Nsidi ntak emi mmɔ edide nsasana enɔ fi? Didie ke mbufo anam-ŋkpɔ isio-isio ɔkpɔŋ mme ŋkpɔ emi edide usuhɔde. Man aŋwam fi ndikere, mbufo emekeme ndika ikpehe emi ibuot-ikɔ edide “Remembering the Promises” ke etop Elder David A. Bednar eke “Exceeding Great and Precious Promises” (Liahona, Nov. 2017, 91–93). Mbufo emekeme ŋko edikwɔ mme edikop ikwɔ kiet emi esinde mkpaidem, nte “I Stand All Amazed” (Hymns, no. 193) ndien ekere se ikwɔ oro adade ɔnɔ ke ikɔ-Abasi emi anamde idem enyek fi.

Edi ntre, kpa kini nnyin inyenede nti ifiɔk-ukpep ke ŋkpɔ-Abasi, afanikɔŋ odu ke ndikabare nam mbubru kabaŋa nsasana ŋkpɔ. Didie ke mbufo edifep emi? Emi edi etop iba eke eneŋede ŋkpɔ emi; mek kiet, yuŋ se sio mme ikɔ emi aŋwamde fi: Ulisses Soares, “In Awe of Christ and His Gospel” (Liahona, May 2022, 115–17); Gérald Caussé, “Is It Still Wonderful to You?” (Liahona, May 2015, 98–100).

Se ŋko Doctrine ye Covenants 6:10–12; 63:64.

Mfin emi nnyin imidiɔŋɔ Moses nte akwa prophet ye adausuŋ. Edi Moses ikikutke idemesie ntre kini Jehovah okokotde enye ke akpa ini. Nte mbufo okotde Exodus 3–4, bat se ikifinade Moses ye nte Jehovah ɔkɔnɔde ibɔrɔ ke mfina kiet-kiet. Nso ŋkpɔ ke mbufo okut ke mme ibuot-ŋwed emi emi ekemede ndinɔ fi odudu kini mbufo ekerede ke mbufo ukemke? Ini ewe ke mbufo okokut nte Abasi ɔsɔŋɔde fi idem mme mbon efen man enam utom Esie?

Se ŋko “The Church Gives Us Opportunities to Assist in God’s Work” ke “Ndutum Ufɔk Abasi” ke Topics and Questions, Gospel Library.

Oro ekeme ndidi ubiɔŋɔ kini ata eti udɔŋ nnyin ndinam eti ŋkpɔ ebiet nte inyeneke ufɔn kini nnyin iŋwanake ndinam uduak Jehovah edi nnyin ikwe ibɔrɔ emi nnyin ikiyomde. Man ekpep ebaŋa ukem ifiɔk-ukpep emi Moses ekenynede, ekot Exodus 5:4–9, 20–23. Didie ke Jehovah akaŋwam Moses ndikan mme ekikere ubiɔŋɔ esie? (se Exodus 6:1–13). Didie ke Jehovah aŋwam fi ndiyire ke ndinam uduak Esie?

Se ŋko Jeffrey R. Holland, “Waiting on the Lord,” Liahona, Nov. 2020, 115–17.

• Moses ama enyene ata iso-utom ke ndinyaŋa Israel nsio ke ufun. Edi enye ikpkinyeneke ukeme ndinam emi ŋkure edieke eka esie, eyeneka esie ŋwan, eyen-aŋwan Pharaoh, ye mme nti iban efen mikpikikpeme-ke inyuŋ ise enye enyin. Ŋwam nditɔ mbufo ndikpep mbaŋa iban emi ke Exodus 1:15–20; Exodus 2:2–10 (se ŋko Numbers 26:59); ye Exodus 2:16–21. Mbufo emekeme ŋko ndida ikpa-ŋwed edinam eke udua emi ye “Nsekeyen Moses” (ke Mbuk Akani Testament, 61–63) man etiŋ mbuk mmɔ. Didie ke iban emi ekeŋwam ndinam uduak Abasi ɔwɔrɔ-osu? Enemem ye kiet eken ebaŋa mbonowo emi mbufo emade emi eŋwamde ke utom Abasi, ke esit-edide kemkpri ye ndimem usuŋ. Didie ke nnyin ikeme nditiene uwutŋkpɔ mmɔ?

  

  1:36

• Ke ema ekekot Exodus 3:1–5 ɔtɔkiet ekure, ebup nditɔ mbufo ndinam mme ufaŋ-ŋwed emi edi ibio-ibio ke mme ikɔ idem mmɔ (se ŋko “Moses the Prophet” ke Mbuk Akani Testament, 64–66). Didie ke Moses okowut uteŋe ke iso Jehovah? Didie ke Jehovah oyom ete nnyin iwut uteŋe? Mbufo emekeme ŋko ndibup nditɔ mbufo ete eŋwam mbufo ndikut (mme ndiduri) mme ndise eke nsasana ebiet mme edinam emi nnyin ikpidude ke uteŋe. Nso ŋkpɔ ke nnyin ikeme ndinam man inam ufɔkiduŋ nnyin edi nsasana ebiet?

  

  1:26

• Ekwɔ ikwɔ abaŋade uteŋe ɔtɔkiet, utɔŋ nte “Reverence Is Love” (Children’s Songbook, 31). Nte mbufo enamde oro, nditɔ mbufo eyekut ikɔ mme udim-ikɔ emi anamde se ɔwɔrɔde ndidu ke uteŋe aŋwaŋa. Edieke nnyin ikpidade ufan kiet ika ufɔk Abasi ke akpa ini, didie ke nnyin ikpinam aŋwaŋa se ɔwɔrɔde ndidu ke uteŋe?

• Ke ekamade mbuk ke Exodus 3; 4:1–17, eyak ndit mbufo eda ini kiet kiet ndinam nte mmimɔ idi Moses. Oro ekeme ndidi inem ŋkpɔ ke edisin ŋkpɔ-ukpep mme mkpri ŋkpɔ-mbre, utɔ nte flashlight ye engine-ikaŋ ndida nnɔ ikɔt emi ikaŋ asakde. wam nditɔ mbufo ndifiɔk nte Moses ekekerede abaŋa ubiɔŋ-utom emi Jehovah ɔkɔnɔde enye (se Exodus 3:11; 4:1, 10). Mbufo emekeme edibuana ye kiet eken mme ini emi mbufo ekenyenede ukem ekikere oro. Ewe item ke nyin ikpibuana ye Moses man aŋwam enye? Ekot ebaŋa nte Jehovah ekesɔŋɔde Moses idem ke Exodus 3:12; 4:2–9, 11–12. Etiŋ enɔ nditɔ-ŋwɔŋ nte Andinyaŋa akaŋwamde mbufo ndinam ikoot ŋkure, editiene ntuuk spirit, mme edinam ŋkpɔ efen emi ɔkɔsɔŋde ɔnɔ mbufo ndinam.