Genesis 37– 41

Etibe afiak editibe, ekebiet nte eti mfɔniso ama-ɔkpɔŋ Joseph, edi Jehovah ikikpɔŋke enye. Nte mbufo okotde mbuk Joseph, kere baŋa mme oruk mbume ntem: Nso ŋkpɔ ke Joseph akanam ndidu mkpere Jehovah? Didie ke Jehovah okodu “ye enye”? (se Genesis 39; 40:1–19; 41:9–45). Nso ŋkpɔ ke mbufo ekpep oto mbuk Joseph emi ekemede ediŋwam fi ndikut iso Jehovah ke uwem fo?

Mbufo emekeme ndibup ukem mbume oro kabaŋa uwem fo? Nso idiɔŋɔ ke mbufo okut ete ke Jehovah ikikpɔŋke fi ke ini idomo? Kere-baŋa nte mbufo edibuanade ifiɔk-ukpep fo ye mbon ufɔkemana ye mme emana ini-iso (se 1 Nephi 15:14).

Nte ededi, mbufo eyenyene mme idomo efen ke ini-iso. Nso ŋkpɔ ke mbufo ekeme ndinam idahaemi man otodo afanikɔŋ emi okuduri fi ɔkpɔŋ Jehovah? Kere-baŋa ndiwet leta kiet ndisɔŋɔ uwem ini-iso fo ke edidu mkpere Enye ibeheke ŋkpɔ emi etibede. Mbufo emekeme edi-sin ikike otode uwem Joseph mme otode etop Elder D. Todd Christofferson “Our Relationship with God” (Liahona, May 2022, 78–81).

Se ŋko John 14:18; Romans 8:28; Alma 36:3; Doctrine ye Covenants 121:7–8; “Di-daŋ ye Ami!,” Ikwɔ, no. 166.

Joseph ama enyene enɔ edidiɔŋɔ etop emi otode Jehovah oto ke ndap. Nso ŋkpɔ ke mbufo ekeme edikpep nto Genesis 37:5–11; 40:5–8; 41:14–25, 37–38 kabaŋa ndibɔ nyuŋ ndiɔŋɔ eriyarare eketode Jehovah? Nte uwutŋkpɔ, nso ŋkpɔ ke mbufo ekeme ndikpep nto uwutŋkpɔ Joseph kini eriyarare ebietde nte ɔsɔsɔŋ ndifiɔk? (se Genesis 41:8; 41:16).

Kere baŋa nte Jehovah akayarare uduak Esie ɔnɔ fi. Nso ŋkpɔ ke mbufo enam ke ndinam utom ke eriyarare emi Enye ɔkɔnɔde fi? Didie ke mbufo oyom ndausuŋ efen oto Enye?

Edieke Joseph ekpenɔde item kabaŋa nte edisinde idomo edinam idiɔkŋkpɔ idaŋ, nso ŋkpɔ ke mbufo ekere ke enye ekpetiŋ? Ekere ebaŋa emi nte mbufo ekotde ifiɔk-ukpep esie ke Genesis 39. Nte uwutŋkpɔ, kere-baŋa nte Joseph akpanamde ye mme mfina ntem:

• Edieke owo efen midiɔŋɔke se ami nnamde, nso akwa mfina idu do? (se ufaŋ 8–9)

• Ami mmedomo edi-sin, edi ebiet nte ke idomo oro iyomke nditre (se ufaŋ 10).

• Nso ŋkpɔ ke ami mkpenam kini ami ndude ke ndaha emi idomo ɔsɔŋde? (se ufaŋ 12).

Didie ke mbufo ekeme ndinam-aŋwaŋa ntak emi edinim mbet mfara-ke-idem edide akpan-ŋkpɔ? (se Enɔde ke Nsɔŋɔnda eke Iwaad: Ndausuŋ ke Ndinam Mbumek, 23–28).

Uwutŋkpɔ eke Joseph, ke akpanikɔ, ekeme edinyene ufɔn ke ke mme ndaha idomo efen. Ye ifiɔk-ukpep eke Joseph ke esit, kere-baŋa edinam uduak ndikpɔŋ nyuŋ nsin idomo. Nte uwutŋkpɔ, mbufo emekeme ndikere kabaŋa idomo kiet ndien ewet mme usuŋ ndikpɔŋ ye nte mbufo edi “fehede” kini idomo edide.

Se emi ubak itie ŋwed Abasi efen emi ekemede ediŋwam uduak fo. Nso ɔkpɔ ke mbufo ekpep kiet-kiet kabaŋa nte Andinyaŋa ekemede ediŋwam fi ndisin idomo? Matthew 4:1–11; 1 Corinthians 10:13; 1 Nephi 15:23–24; 3 Nephi 18:17–18.

Nte mbufo enamde uduak fo, oro ekeme ŋko ndiŋwam ndikere kabaŋa mme ini ke ini edem emi mbufo ekenehede ɔkpɔŋ mme ekesinde idomo. Didie ke Andinyaŋa akaŋwam fi? (se 2 Nephi 4:18–33).

Joseph edikabare ndap Pharaoh ada ekesim ubak nti ye ata usuŋ item ke ndibɔhɔ unana-udia (se Genesis 41:15–57). Kere-baŋa ewe etop ŋkpɔ-Abasi ke Jehovah ekeme edinyene nnɔ fi ke mbuk emi? Didie ke mbufo ekere ke Enye oyom fi ete ebeŋe-idem ɔnɔ ukut ke ini-iso?

Se ŋko David A. Bednar, “We Will Prove Them Herewith,” Liahona, Nov. 2020, 8–11.

• Ndikot mbaŋa idiɔk ekikere emi odude ke ufɔkemana Joseph ekeme nditɔŋɔ nneme kabaŋa usuŋ nte nnyin ikpidade mbon ufɔkemana nnyin. Man etiŋ mbuk abaŋade Joseph ye nditɔ-ete esie ke Genesis 37, mbufo emekeme ndikama mme ndise ke ŋwed-ukpep emi mme ke “Joseph’s Inspired Dreams” (ke Mbuk Akani Testament, 47–51). Eyak nditɔ mbufo ebuana mme ŋkpɔ emi mmɔ efiɔkde kabaŋa mbuk oro. Mbufo emekeme edidɔhɔ ndit mbufo ete ekere ke mmɔ ekedu ke ufɔkemana Joseph. Nso ŋkpɔ ke mmɔ ekpeketiŋ mme ekpenam ndidi anam-emem ke ufɔkemana? Nte uwutŋkpɔ, nso ŋkpɔ ke ɔwɔrɔ ndi “tiŋ ikɔ emem” ke ufɔkemana nnyin? (ufaŋ 4) Didie ke Jesus Christ edi anam-emem ke ufɔkemana eke Abasi?

  

  2:17

• Ini emi nditɔ mbufo esobode mkpɔsɔŋ ini, mmɔ eyom ndidiɔŋɔ ke Jehovah eyedu ye mmimɔ, nte okodude ye Joseph. Ndusuk mbufo emekeme ediŋwam nditɔ mbufo ndinam ibat mkpɔsɔŋ ŋkpɔ emi eketibede ɔnɔ Joseph (se Genesis 37:23–28; 39:20; mme “Joseph’s Inspired Dreams” ye “Joseph in Egypt,” ke Mbuk Akani Testament, 47–51, 52–56). Ke ukut kiet-kiet emi mmɔ ekutde ama ebe, dɔh nditɔ mbufo ete efiak etiŋ, “Jehovah ododu ye Joseph” (Genesis 39:2).

  

  2:17

  

  2:50

• Ndusuk nditɔ mbufɔ ekeme ediduŋɔ Genesis 39:1–3, 20–23 eyom ofuri uwutŋkpɔ eke udim-ikɔ emi “Jehovah ododu ye Joseph” ye mme mbiet udim-ikɔ ntre. Yak mmɔ ebuana ŋkpɔ se mmɔ ekerede se udim-ikɔ emi ɔwɔrɔde. Didie ke nnyin idiɔŋɔ nte Jehovah odude ye nnyin? Edɔhɔ kiet eken kabaŋa nte mbufo okopde ke Abasi ama odu ye mbufo kini afanikɔŋ kiet.

• Se emi edi ŋkpɔ ukpep-ŋkpɔ emi ekemede ediŋwam nditɔ mbufo nditiene uwutŋkpɔ Joseph ke edifehe mkpɔŋ ŋwan Potiphar: Eda umen-ukwak iba ndida-nnɔ Jesus Christ ye Satan. Eda ekpri ŋkpɔ ukwak kiet, ebietde emi ebietde ŋkpɔ edifat-ababru, ndida-nnɔ nnyin. Ekem eyak nditɔ mbufo ekut nte odudu emi umen-ukwak oro enyenede ke ŋkpɔ ukwak oro ɔsɔŋde kini mmɔ esikde ŋkpɔ-ukpep oro ekpere enye. Didie ke ifiɔk-ukpep eke Joseph ke Genesis 39:7–12 emen akpanikɔ emi owut? Nso ŋkpɔ ke nnyin ikeme ndinam man ikpɔŋ idiɔkŋkpɔ ndien isaŋa-ikpere Jesus? Ndise-vidio emi “Idomo Eyeyeme nte Nnyin Iyomde Christ ke Ofuri Ekikere” (Gospel Library) ye ikwɔ nte “Ami Mmoyom Fi Kpukpru Ini” (Ikwɔ, no. 98) ekeme ediŋwam ke nneme emi.

  

  2:58

  Ekama ikwɔ. “Mme ikwɔ ye nsasana ikwɔ efen ekeme ediŋwam nditɔ-ŋwɔŋ ekop ima Abasi, ekop Spirit Abasi, enyuŋ ekpep mme akpanikɔ eke ikɔ-Abasi. Inem-ikwɔ, ndaha-usɔp-ikwɔ, ye ndimem uyo-ikwɔ ekeme ediŋwam nditɔ-ŋwɔŋ nditi akpanikɔ eke ikɔ-Abasi ke ediwak isua emi edidide. Nte mbufo ekwɔde ye nditɔ-ŋwɔŋ, ŋwam mmɔ ndikut nyuŋ mfiɔk ukpep-ŋkpɔ emi ekpepde ke mme ikwɔ oro” (Ndikpep nte Andinyaŋa Ekekpepde, 32).

• Ŋwam nditɔ mbufo ndikere mbaŋa mme idomo emi mmɔ ekemede ndikut. Yak mmɔ enam-ewut nte mmɔ ekemede “edifehe” mkpɔŋ mme idomo emi.