Ini Easter

Ediwak itie-ŋwed ke Akani Testament owut iso-utom ye uwa-isop eke Andinyaŋa. Se idude ke idak emi ɔnɔ-ibat eke ubak itie-ŋwed emi. Nte mbufo okotde ufaŋ-ŋwed emi, ewe ekikere ke mbufo enyene kabaŋa Andinyaŋa?

Mme prophecy emi ekpepde abaŋa Andinyaŋa enehede awak onyuŋ aŋwaŋa ke Ŋwed Mormon. Kere-baŋa nte mbuɔtidem fo enyenede nsɔŋɔ-nda oto mme itie-ŋwed ntemi: 1 Nephi 11:31–33; 2 Nephi 25:13; Mosiah 3:2–11; Alma 7:10–13.

Mme prophet ukperedem usen eka-iso ndiDI asaŋa-asaŋa ntiense mbaŋa Jesus Christ ye iso-utom eke uwa-isop Esie. Nte mbufo akpaŋde-utɔŋ okop akwa mbono eke utit-usua ini Easter emi, wet mkpri-etop kabaŋa mme ikɔ-ntiense eke Christ emi mbufo okopde. Nso ke mme ikɔ-ntiense oro ekpep fi abaŋa Enye?

Ini Easter edi ini ɔyɔhɔ idara, koro enye edi ini edidara Erisio-isop ye Eriset eke Andinyaŋa. Ndien edi, kpa kini Easter oro, odu ediwak owo emi minyeneke idara oto ke mme nsio-nsio ntak. Nso ŋkpɔ ke mbufo ekeme ndinam man asuan emem ye idara eke Andinyaŋa ke ini Easter emi?

Ekikere kiet edi ndiyom mme etop ke ŋwed Abasi abaŋade emem ye idara emi Jesus Christ ɔnɔde, nte mbon emi: Psalms 16:8–11; 30:2–5; Isaiah 12; 25:8–9; 40:28–31; John 14:27; 16:33; Alma 26:11–22. Kere-baŋa didie ke mbufo ekeme edibuana mme etop emi ye mbon efen. Nte uwutŋkpɔ, ekeme-ndidi mbufo emekeme mme card eke ini Easter, ɔkɔŋɔde ke mme etop emi. Bɔŋ-akam kabaŋa owo emi oyomde ndibɔ ekɔm eke ini Easter fo. Mbufo emekeme ŋko edibiere ndibuana etop fo ke social media, ke ebiet emi ediwak owo ekemede edikut.

Mme ikwɔ abaŋade Christ ye Eriset-ke-mkpa, utɔ nte “Enye Emeset!” (Hymns, no. 199), ŋko ekeme ediŋwam nnyin ndinyene emem ye idara ke ini Easter. Yom mme udim-ikɔ ke esit ikwɔ oro, ke ekikere fo, emi owutde idara eke ini Easter.

Se ŋko Jeffrey R. Holland, “Idighe nte Ererimbot Enɔde,” Liahona, May 2021, 35–38; Mark S. Palmer, “Eyekabare Mfuhɔ Nnyin esin ke Idara,” Liahona, May 2021, 88–90.

Emi edi edinam kiet emi ekemede ediŋwam fi ndikut ediwak edidiɔŋ emi otode Jesus Christ ye Erisio-isop Esie. Kot itie ŋwed Abasi eke idak emi abaŋade ŋkpɔ emi Jesus Christ akaŋwamde nnyin ndikan. Domo ndibahare itie-ŋwed emi nsin ke mme ikpehe emi: idiɔkŋkpɔ, mkpa, idomo, ye mmemidem. Nte mbufo okotde, ewe inem-ekikere ke mbufo enyene abaŋa odudu eke Andinyaŋa?

• Isaiah 61:1–3

• Ezekiel 36:26–28

• Matthew 11:28–30

• Luke 1:46–55

• Ŋwed Mbon Rome 8:35–39

• Alma 7:10–13

• Alma 11:42–45

• Alma 58:11

• Moroni 10:32–33

• Doctrine ye Covenants 19:15–19

• Moses 5:9–12

Didie ke mbufo ekeme ndinam man aŋwaŋa ufan kiet emi midighe owo-Christ ntak emi Jesus Christ edide akpan-ŋkpɔ ɔnɔ fi? Etop eke Elder Ahmad S. Corbitt “Do You Know Why I as a Christian Believe in Christ?” (Liahona, May 2023, 119–21) ekeme ndiŋwam.

Se ŋko Reyna I. Aburto, “Udi Inyeneke Erikan Ndomokiet,” Liahona, May 2021, 85–87; Topics and Questions, “Erisio-isop eke Jesus Christ,” “Eriset,” Gospel Library.

Nso ŋkpɔ ke mbufo ekpep oto mme ufaŋ-ŋwed emi kabaŋa ekɔm-urua emi Jesus Christ ekekpede ɔnɔ erinyaŋa-ukpɔŋ fo: Isaiah 53:3–5; Mosiah 3:7; Doctrine ye Covenants 19:16–19? Ewe ekɔm-urua ke Ete eke Enyɔŋ ekekpe? (se John 3:16).

• Udua ini Easter edi eti ini ndikpep nditɔ mbufo kabaŋa ŋkpɔ emi Andinyaŋa akanamde ɔnɔ nnyin ke Gethsemane ye ke cross. Mbufo emekeme editɔŋɔ ke ndiwut mmɔ mme ndise eke idak emi onyuŋ ayak mmɔ eneme ebaŋa ŋkpɔ emi etibede ke mme ndise oro. Kini nditɔ mbufo esede mme ndise oro, mbufo emekeme ndikot mme ufaŋ-ŋwed emi owutde mme edinam emi (se Matthew 26:36–46; 27:35–50; Luke 22:39–46; John 19:16–30). Nditɔ mbufo ekeme ndiwut mme ikɔ ke ndise oro ke mmɔ ekopde ke mme ufaŋ-ŋwed oro.

• Didie ke nnyin ibɔ edidiɔŋ otode ke nwaidem emi Jesus akanamde ɔnɔ nnyin? wanm nditɔ mbufo ndiyom mme ikɔ mme udim-ikɔ emi ɔbɔrɔde mbume emi ke Isaiah 53:4–12; Alma 7:11–13; and Doctrine ye Covenants 19:16–19. Buana ye kiet eken se mbufo ekerede abaŋa Andinyaŋa ke amam okokt mme itie-ŋwed Abasi emi okure.

• Mbufo emekeme ndida ikpa-ŋwed edinam eke udua emi mme ndise efen ke ŋkpɔ-ukpep emi nditiŋ nnɔ mbufo mbuk eke Eriset-ke-mkpa (se ŋko “Jesus Emeset,” ke Mbuk Obufa Testament, 139–44). Ekem eyak nditɔ mbufo efiak etiŋ mbuk oro enɔ fi.

• Kere-baŋa nte mbufo ediŋwamde nditɔ mbufo ndikut idara ke Christ ke ini Easter emi. Nte uwutŋkpɔ, mbufo ekmekeme edikwɔ edima ikwɔ eke ini Easter ɔtɔkiet, utɔ nte “Christ Ɔbɔŋ Eset Mfin Emi” (Ikwɔ, no. 200) mme “Gethsemane” (Gospel Library). Man okut mme ikwɔ efen abaŋade Eriset-ke-mkpa, mbufo emekeme ndise ke ibuot-ikɔ k utit-ŋwed eke Ikwɔ mme Children’s Songbook. Mbufo ye nditɔ mbufo emekeme edibuana ye kiet eken ntak emi mbufo emade mme ikwɔ emi ye nte mbufo ekerede kini mbufo ekwɔde mmɔ. Nso ŋkpɔ ke mme ikwɔ emi ekpep nnyin kabaŋa Ete eke Enyɔŋ ye Jesus Christ?

• Gospel Library enyene ntaŋ-mbono eke ndise-vidio eke ini Easter emi nditɔ mbufo ekemede edikop idaresit. Ekeme-ndidi mbufo emekeme ndiyak mmɔ emen ndise kiet man ese. Ebup mmɔ ŋkpɔ se mmɔ ekpepde ebaŋa Jesus Christ eto ke ndise-vidio oro. Mbufo emekeme ŋko edidɔhɔ mmɔ enam etop eke ndise-vidio oro edi ibio-ibio ke udim-ikɔ kiet.

• Nte mbufo ye nditɔ mbufo esede akwa mbono ke utit-udua eke ini Easter emi, ŋwam mmɔ ndikut ini emi mme asaŋa-asaŋa ntiense eke Andinyaŋa enɔde ikɔ-ntiense ebaŋa Eriset-ke-mkpa. Ndusuk mbufo emekeme edinam ŋkpɔ-mbre oto ke oro—kot mmɔ ete edaha-eda ke ini ekededi emi mmɔ ekopde mme ikɔ nte Easter mme Erisio-isop mme Eriset-ke-mkpa. Ebuana ye kiet eken ntak emi mbufo enemde esit ke mme ikɔ-ntiense eke mme odu-uwem prophet eke Andinyaŋa.