Eke Primary—Ndibeŋe Nditɔ Idem mbaŋa Uwem ke Usuŋ Ediomi Abasi

Nɔ nditɔ mme ndise emi adade ɔnɔ mbuɔtidem ke Jesus Christ, edikabadere esit, uduɔkmmɔŋ, ye ndori-ubɔk (se Gospel Art Book, nos. 1, 111, 103, ye 105). Kot mme tiŋ ke ibuot ye nditɔ fourth article of faith, nyuŋ dɔhɔ yak mmɔ emenede mme ndise mmɔ ke ini esiakde ido mme edinam oro. Ŋwam nditɔ efiɔk nte mme ido ye mme edinam emi kiet kiet eŋwamde nnyin ikabade itie nte Ete ke Heaven ye Jesus Christ.

Didie ke afo ekeme ndiŋwam nditɔ efiɔk ete ke mbuɔtidem, edikabare esit, uduɔkmmɔŋ, ye ndori-ubɔk idighe edinam ini kiet edi enye ɔyɔhɔ ŋkɔri spirit nnyin ke ofuri uwem nnyin? Afo emekeme ndiwut mmɔ ndise mkpasip ye akamba eto (mme emiŋ mme ŋkpɔ emi ke obukpɔk). Ŋwam mmɔ ekere ebaŋa mme ŋkpɔ emi enamde mkpasip oro ɔkɔri edi akamba eto, ŋkpɔ nte mmɔŋ, ntan, ye eyo. Ŋwam mmɔ ekut ete ke mme ŋkpɔ emi edi mme ŋkpɔ emi nnyin inamde man ikɔri ikpere Abasi ke ofuri uwem nnyin—ndidori mbuɔtidem nnyin ke Jesus Christ, ndikabade esit ke usen ke usen, ndidu ediomi uduɔkmmɔŋ nnyin, ndidia udia Ɔbɔŋ, ye ndibɔ Edisana Spirit.

Buana ye nditɔ mbuk abaŋade knockout ke etop Elder Dale G. Renlund “How Can Repenting Help Me Feel Happy?” Friend, Dec. 2017, 12–13, or Liahona, Dec. 2017, 70–71; see also the video “Repentance: A Joyful Choice” [Gospel Library]). Ke mme nsio nsio ini ke mbuk oro, kot nditɔ ete ekere ebaŋa nte Elder Renlund okokopde ke idem. Ntak emi ikopde idaresit ke ini ikabarede esit? Buana ye nditɔ idaresit ye ima emi ekenyenede ke ini ɔkɔdɔhɔde Ete ke Heaven efen ɔnɔ fi.

4:36

Wut ndise uduɔkmmɔŋ Andinyaŋa ye uduɔkmmɔŋ owo efen (mme se Gospel Art Book, no. 35 ye mme no. 103 mme no. 104). Dɔhɔ yak nditɔ ebuana se idide ukpuhɔde ye se idide ukem ke mme ndise iba oro. Ekot kiet Matthew 3:13–17 or “Chapter 10: Jesus Is Baptized” ke Mme Mbuk Obufa Testament, 26–29. Yak nditɔ ewut mme ŋkpɔ ke mme ndise oro emi mmɔ ekopde ke mme mbuk emi. Dɔhɔ nditɔ fo baŋa ima emi afo enyenede ɔnɔ Andinyaŋa ye udɔŋ fo nditiene Enye.

1:52

Ekpaŋ-utɔŋ enɔ mme ekwɔ ikwɔ abaŋade uduɔkmmɔŋ, utɔ nte “When Jesus Christ Was Baptized” (Children’s Songbook, 102). Nso ke nnyin ikpep ibaŋa uduɔkmmɔŋ ke ikwɔ emi? Kot 2 Nephi 31:9–10, ndien kot nditɔ ete ekpaŋ-utɔŋ enɔ ntak emi Jesus Christ ɔkɔduɔkde mmɔŋ. Kot mmɔ ete emiŋ ndise idem mmɔ ke usen uduɔkmmɔŋ mmɔ.

Nam anwaŋa ete ke ediomi edi eŋwɔŋɔ ke ufɔt owo ye Ete ke Heaven. Nte nnyin idomode ndinim mme eŋwɔŋɔ nnyin ye Abasi, Abasi ɔŋwɔŋɔ ndidiɔŋ nnyin. Wet ke obukpɔk Mme eŋwɔŋɔ mi nnɔ Abasi ye Mme eŋwɔŋɔ Abasi ɔnɔ mi. Ekot kiet Mosiah 18:10, 13 ye Doctrine and Covenants 20:37, ndien nwam nditɔ ewet udim mme eŋwɔŋɔ emi mmɔ ekutde ke mme nnen nnen ibuot (se ŋko Dallin H. Oaks, “Your Baptism Covenant,” Friend, Feb. 2021, 2–3). Buana nte Ete ke Heaven ɔdiɔŋde fi nte afo odomode ndinim ediomi uduɔkmmɔŋ fo.

Wut nditɔ mme ndise mme ŋkpɔ emi Jesus Christ akanamde ke ini utom Esie (ke usuk mme uwut-ŋkpɔ, se Gospel Art Book, nos. 33–49). Yak nditɔ etiŋ ebaŋa se Jesus anamde ke ndise kiet kiet. Kot Mosiah 18:8–10, 13, nyuŋ kot nditɔ ete ekpaŋ-utɔŋ enɔ mme usuŋ mmɔ ekemede ndinim ediomi uduɔkmmɔŋ se ŋko “My Baptismal Covenant,” Liahona, Aug. 2023, 10–11). Didie ke ediomi uduɔkmmɔŋ otuk mme edinam nnyin kpukpru usen? Kot mmɔ ete emiŋ ndise idem mmɔnte eŋwamde ke usuŋ emi Jesus akpanamde.

Kot owo emi mibighike ekeduɔk mmɔŋ enyuŋ edoride ubɔk edi class onyuŋ edibuana nte eketiede ndibɔ ndori-ubɔk. Dɔhɔ yak owo oro etiŋ abaŋa se ɔwɔrɔde ɔnɔ enye ndidi owo Ufɔk Abasi Jesus Christ Mme Ndisana Owo ke Ukperedem Usen. Wam nditɔ fo ekere ebaŋa mme usuŋ emi mmɔ ekemede ndinim ediomi uduɔkmmɔŋ mmɔ nte mbon Ufɔk Abasi. Buana nte ndinam mme ŋkpɔ emi anwamde fi okop idaresit ndidi owo Ufɔk Abasi.

Wut ndise mme owo ke mme Mmɔŋ Mormon (se Gospel Art Book, no. 76), ndien dɔhɔ yak nditɔ etiŋ ebaŋa se mmɔ ekutde ke ndise oro. Tiŋ mbuk Alma ye ikɔt esie nte eduɔkde mmɔŋ do (se Mosiah 18:1–17; “Alma at the Waters of Mormon,” ke Book of Mormon Stories). Fiak kot Mosiah 18:8–9 nyuŋ kot nditɔ ete enam mme edinam ndiŋwam mmɔ eti mme ŋkpɔ emi mme owo ekemade ndinam nte mbon Ufɔk Abasi. Buana ifiɔk ke ini afo okutde nte mbon Ufɔk Abasi enamde utom ke mme usuŋ emi.

2:41

Kot Doctrine and Covenants 33:15, ndien dɔhɔ yak nditɔ ekpaŋ utɔŋ enɔ saŋa saŋa enɔ emi Ete ke Heaven ɔnɔde nnyin ke ini nnyin iduɔkde mmɔŋ inyuŋ ibɔde udori-ubɔk. Man aŋwam mmɔ ndikpep mbaŋa nte enɔ Edisana Spirit. ediŋwamde mmɔ, efiak ese kiet John 14:26; Galatians 5:22–23; 2 Nephi 32:5; 3 Nephi 27:20. Afo ŋko emekeme ndifiak nse “A Special Gift” (Liahona, Aug. 2023, 18–19).

Mbemiso etɔŋɔ ukpep-ŋkpɔ, dɔhɔ yak ete ye eka eyen kiet mme iba ebuana nte ediɔŋde ke ntak emi mmɔ enyenede enɔ Edisana Spirit. Didie ke Enye aŋwam mmɔ? Didie ke mmɔ ekop uyo Esie?

Ekwɔ kiet ikwɔ abaŋade Edisana Spirit, utɔ nte “The Holy Ghost” (Children’s Songbook, 105). Ŋwam nditɔ efiɔk se ikwɔ oro ekpepde nnyin abaŋa nte Edisana Spirit ekemede ndiŋwam nnyin.

Ŋwam nditɔ ekere ebaŋa mme nsio nsio usuŋ emi nnyin ikemede ndineme nneme ye ufan emi oduŋde ke ayan usuŋ, utɔ nte letter, email, me nditiŋ ikɔ ke phone. Kpep mmɔ ete ke Ete ke Heaven ekeme nditiŋ ikɔ ye nnyin ke nsio nsio usuŋ oto Edisana Spirit. Da etop President Dallin H. Oaks “How Does Heavenly Father Speak to Us?” man aŋwam nditɔ efiɔk mme nsio nsio usuŋ emi Edisana Spirit ekemede nditiŋ ikɔ nnɔ mme ekikere ye esit nnyin (Friend, Mar. 2020, 2–3, or Liahona, Mar. 2020, F2–F3).

Buana ifiɔk ke ini emi Edisana Spirit eketiŋde ikɔ ye afo, oto ke mme ekikere mme ke ntuk ke esit fo (se Doctrine and Covenants 6:22–23; 8:2–3; se ŋko Henry B. Eyring, “Open Your Heart to the Holy Ghost,” Liahona, Aug. 2019, F2–F3). Tiŋ ikɔ ntiense nnɔ nditɔ ete ke Edisana Spirit ekeme ndinwam mmɔ ke mme ukem usuŋ oro.

Ŋwam nditɔ efiɔk mme ini emi mmɔ ekopde Spirit—ke nte uwut-ŋkpɔ, ke ini ɔkwɔde ikwɔ abaŋa Andinyaŋa mme ke ini anamde ŋkpɔ mfɔn-ido ɔnɔ mbon efen. Ŋwam mmɔ efiɔk mme ntuk spirit emi Edisana Spirit adade edi, akpan akpan mme ntuk ndinam ŋkpɔ. Ntak emi afo ekerede ke Edisana Spirit ɔnɔ nnyin mme ntuk emi? Ŋwam nditɔ ekere ebaŋa mme ŋkpɔ emi anade nte nnyin inam man ikop nte Edisana Spirit etiŋde ikɔ ɔnɔ nnyin. Tiŋ baŋa se afo anamde ndikop Spirit nte ɔfɔnde.

Kot nditɔ ete esin color ke“Jesus Introduced the Sacrament to the Nephites” ke Scripture Stories Coloring Book: Book of Mormon (2019), 26. Dɔhɔ yak mmɔ ewut se mme owo ekerede ebaŋa ke ndise oro. Kot nnɔ nditɔ mme usuk itie ke 3 Nephi 18:1–12 or “Jesus Shares the Sacrament,” ke Book of Mormon Stories. Nso ke nnyin ikeme ndinam man iti Jesus ke ini udia Ɔbɔŋ?

Dɔhɔ yak nditɔ etiŋ enɔ fi usuk mme ŋkpɔ emi anade nte mmɔ eti ndinam kpukpru ini, utɔ nte ndibɔp uruk ikpa-ukut mmɔ mme ndiyet ubɔk mmɔ mbemiso mmɔ edia udia. Ntak emi edide akpan nditi mme ŋkpɔ emi? Kot Moroni 4:3 nɔ nditɔ, ndien kot mmɔ ete ekpaŋ utɔŋ enɔ se nnyin iŋwɔŋɔde nditi kpukpru ini ke ini idiade udia Ɔbɔŋ. Ntak emi edide akpan nditi Jesus Christ? Ŋwam nditɔ efiɔk nte uyo ye mmɔŋ eke udia Ɔbɔŋ anwamde nnyin nditi se Jesus anamde ɔnɔ nnyin (se Moroni 4:3; 5:2).

Wet ke obukpɔk “Ami meŋwɔŋɔ ndi …” Kot mme akam udia Ɔbɔŋ nnɔ nditɔ (se Doctrine and Covenants 20:77, 79). Ke ini mmɔ ekopde eŋwɔŋɔ emi inamde inɔ Abasi, da yuŋ nwam mmɔ ndinam usem oro ke obukpɔk ɔyɔhɔ ye eŋwɔŋɔ emi mmɔ ekekopde.

Nso ke ɔwɔrɔ ndimen enyiŋ Jesus Christ ndori ke idem nnyin? Man aŋwam nditɔ ndibɔrɔ mbume emi, buana uwut-ŋkpɔ emi nnyin idoride enyiŋ nnyin. Ntak emi nnyin idoride enyiŋ nnyin ke mme ŋkpɔ emi? Ntak emi Jesus Christ oyomde ndori enyiŋ Esie ke idem nnyin? Kere baŋa ndibuana ifiɔk emi otode President Russell M. Nelson: “Ndida enyiŋ Andinyaŋa nnɔ idem nnyin esine ndikwɔrɔ nyuŋ ntie ntiense nnɔ mbon efen—oto ke mme edinam ye mme ikɔ nnyin—ete ke Jesus edi Christ” (“The Correct Name of the Church,” Liahona, Nov. 2018, 88).

Ŋwam nditɔ ekut mme didiɔŋ emi mmɔ ebɔde ke ntak itie oku. Man ɔnɔ mmɔ mme ekikere, afo emekeme ndiwut vidio emi “Blessings of the Priesthood” (Gospel Library). Kere baŋa ndinam udim mme edidiɔŋ emi ke obukpɔk. Ntak emi mme edidiɔŋ emi edide akpan enɔ nnyin? Tie ntiense ete ke mme edidiɔŋ emi esim nnyin ke ntak Jesus Christ ye odudu itie oku Esie.

3:5

Ŋwam nditɔ ekut mme ndise emi owutde nte Abasi adade odudu Esie aŋwam nnyin. Ke nte uwut-ŋkpɔ, mmɔ ekeme ndikut ndise ererimbot emi Enye okobotde ɔnɔ nnyin, mme uwut-ŋkpɔ ndikɔk owo-udɔŋɔ, ye mme edisana edinam emi Enye ɔnɔde nnyin (se Gospel Art Book, nos. 3, 46, 104, 105, 107, 120). Buana ntak emi afo enemde esit abaŋa itie oku ye mme edidiɔŋ emi enye adade edi. Ŋwam nditɔ ekere ebaŋa mme ifiɔk ke ini ekediɔŋde mmɔ eto odudu itie-oku.

Akpan usuŋ kiet emi nnyin ibɔde mme edidiɔŋ eke odudu Abasi ke uwem nnyin oto mme edinam itie oku (se Doctrine and Covenants 84:20). Man eŋwam nditɔ ekpep akpanik emi, afo emekeme ndiwet udim mme ŋwed Abasi emi ke obukpɔk: 3 Nephi 11:21–26, 33 (baptism); Moroni 2 (confirmation); Moroni 4–5 (sacrament). Nditɔ kiet kiet ekeme ndimek etop kiet enyuŋ esiak edinam emi eye etiŋde abaŋa. Kot nditɔ fo ete ebuana ediɔŋde mmɔ ke ndibɔ mme edinam itie oku.

Ŋwam nditɔ efiɔk ete ke mmɔ eyebɔ odudu eto Abasi nte mmɔ eduɔkde mmɔŋ enyuŋ enimde ediomi uduɔkmmɔŋ. Bup nditɔ nte odudu emi ekemede ndiŋwam mmɔ?

Kot ye nditɔ Mark 3:14–15, nyuŋ wut mmɔ ndise edinam emi etiŋde ebaŋa do (utɔ nte Gospel Art Book, no. 38). Bup nditɔ me akananam mmɔ ekut nte esiode owo enɔ ikot mme enimde owo ke ebiet utom eke itie oku (mme dɔhɔ mmɔ baŋa ifɔk emi afo ekenyenede). Didie ke emi edi ukem ye se Andinyaŋa akanamde ye mme Apostle Esie? Ŋwam nditɔ ewet ke obukpɔk mme ikot mme mme ebiet utom eke itie oku emi ekemede ndinɔ mbon ufɔk Abasi, utɔ nte andikpep mme adausuŋ ke eboho. Ke adianade ikot mme ebiet utom kiet kiet, afo emekeme ndiwet se owo emi enyenede ikot mme ebiet utom oro enyenede unen ndinam. Dɔhɔ nditɔ nte ndisio nnim ye owo emi enyenede ndausuŋ ukpɔhɔde itie oku aŋwamde ndinam utom nnɔ fi.

Kot nditɔ ete ekere ebaŋa ŋkpɔ emi afo oyomde ukpɔhɔde ɔnɔ, utɔ nte moto mme usuŋ. Nso iditibe ke ini emi munyeneke ukpɔhɔde? Ekot kiet Doctrine and Covenants 65:2, enyuŋ ebuana ikɔ ntiense mbufo ebaŋa ufɔn ndinyene mme ukpɔhɔde itie oku. Mbufo ŋko emekeme ndise video emi “Where Are the Keys? (Gospel Library) enyuŋ eyom se Elder Gary E. Stevenson ekpepde abaŋa mme ukpɔhɔde itie oku.

2:51

Wut ndise temple kiet mme eke awakde akan oro. Bup nditɔ me nso inam temple edi saŋa-saŋa itie. Wut ete ke temple kiet kiet ke ewet usem emi: “Edisana enyene Ͻbɔŋ—Ufɔk Ͻbɔŋ” Bup nditɔ se mmɔ ekerede ke “Edisana enyene Ͻbɔŋ” ekeme ndiwɔrɔ. Temple emi ekotde temple Ufɔk Ͻbɔŋ? Nso ke emi ekpep nnyin abaŋa temple? Edieke eyen ndomo kiet akade temple, mmɔ ŋko ekeme ndibuana nte eketiede mmɔ ke idem ke ini mmɔ ekedude do. Edieke afo akanam akade temple, buana nte afo okokopde iso Ͻbɔŋ do, nyuŋ tiŋ baŋa ntak emi temple edide edisana ebiet ɔnɔ fi.

Ekot kiet Doctrine and Covenants 97:15–17. Dɔhɔ yak nditɔ eyom se Ͻbɔŋ oyomde oto mbon emi edukde ufɔk Esie. Ntak emi anade nte edot mbemiso eduk ufɔk Esie? Nte ubak nneme emi, dɔhɔ nditɔ baŋa mme recommend temple, ye nte esaŋade ebɔ enye. Afo emekeme ndikot owo kiet ke bishopric ete edibuana ye mmɔ se interview recommend temple etiede ye mme mbune emi ebupde ke enye.

Dɔhɔ yak nditɔ enwam fi efiak ese mme ediomi emi nnyin inamde ye Abasi ke ini eduɔkde nnyin mmɔŋ ndien nnyin idia udia Ɔbɔŋ (se Mosiah 18:10, 13; Doctrine and Covenants 20:77, 79). Wut ndise temple, nyuŋ nam anwaŋa ete ke Ete ke Heaven enyene mme enɔ efen emi Enye oyomde ndinɔ nnyin ke temple.

Miŋ ndise inua otop ema adade aka usuŋ. Bup nditɔ ntak mmɔ ekerede ke ɔfɔn ndinyene usuŋ ndisaŋa. Ekot kiet 2 Nephi 31:17–20, emi Nephi odomode ediomi uduɔk mmɔŋ ye inua otop ndien okot nnyin ete ika iso ke usuŋ oro ke eduɔkde mmɔŋ ema. Mme ediwak ediomi edu ndinam ke eduɔkde mmɔŋ ema, esinede mme ediomi emi enamde ke temple. Nam anwaŋa ete ke President okot usuŋ emi “usuŋ ediomi.”

Tiŋ baŋa ini emi owo anamde ŋkpɔ ɔnɔ fi emi afo mukukanke unam unɔ idem fo. Kot nditɔ edibuana mme ukem ifiɔk oro. Nam aŋwaŋa ete ke ini nnyin ikade temple, nnyin imikeme ndibɔ mme edisana edinam utɔ nte uduɔkmmɔŋ nnɔ mbon efen emi ekpekpade. Didie ke nnyin itie nte Jesus ke ini nnyin inamde utom inɔ akpa-mkpa? Nso ke Enye anam ɔnɔ nnyin emi nnyin mikikanke inam inɔ idem nnyin?

Kot akaprawa kiet mme ewakde ekan oro emi ɔduɔkde mmɔŋ ɔnɔ mbon ntɔŋɔ-ubon mmɔ edibuana ifiɔk-ukpep mmɔ. Bup mmɔ nte eketiede ke temple. Dɔhɔ mmɔ yak ebuana nte mmɔ ekekopde ndinam utom emi nnɔ mme ete ete mmɔ.

Miŋ ndise eto ke obukpɔk, esinede mme oruŋ ye mme ŋkɔk. Dɔhɔ yak nditɔ nte ufɔk emana etiede nte eto. Kot mme oruŋ Mme ete ete, kot mme ŋkɔk Ubon, ndien kot ekpat eto Afo. Ekot kiet usem emi ke Doctrine and Covenants 128:18: “Koro nnyin mmɔ [mme ete ete nnyin] miduhe ikimeke ndifɔn-mma; ŋko mmɔ ikemeke nnyin miduhe ifɔnima.” Bup mme mbume nte emi: “Ntak emi nnyin iyomde mme ete ete nnyin? Ntak emi mme ete ete nnyin eyomde nnyin? Didie ke mme ete ye eka nnyin, mme ete ete ye mme eka eka, ye mme nkani efen enwam nnyin?” Kot nditɔ ete ese se isuhɔde ke Doctrine and Covenants 128:18 enɔ ibio ikɔ emi etiŋde abaŋa nte ikemede ndinwam mme ete ete nnyin.

Kere baŋa ndinam utom ye mme ete ye eka eyen kiet kiet ndiyom enyiŋ ete ete kiet emi oyomde mme edinam ke temple (se FamilySearch.org).