Eke ete ye eka—Ndibeŋe Nditɔ Mbufo Idem mbaŋa Uwem ke Usuŋ Ediomi Abasi

Nephi ama ekpep ete ke “inua otop emi anade nte [nnyin] iduk” usuŋ ediomi “edi edikabade esit ye ke uduɔk-mmɔŋ ke mmɔŋ” (2 Nephi 31:17). Mme ukeme fo ndinwam nditɔ fo ndibeŋe-idem nnɔ uduɔk-mmɔŋ ye udori ubɔk ekeme ndidori ukot mmɔ ɔsɔŋ ke usuŋ oro. Mme ukeme emi etɔŋɔ ke ndikpep mbaŋa mbuɔtidem ke Jesus Christ ye edikabade esit. Mmɔ ŋko esine ndikpep mbaŋa nte nnyin edemede ediomi uduɔkmmɔŋ nnyin ke ndidia udia Ɔbɔŋ kpukpru udua.

Se mme ŋkpɔ-unwam emi ekemede ndinwam fi: 2 Nephi 31; special issue of the Friend magazine about baptism; Topics and Questions, “Baptism,” Gospel Library.

• Ke ini enyenede ifiɔk emi anamde mbuɔtidem fo ke Ete ke Heaven ye Jesus Christ ɔsɔŋ, buana enye ye eyen fo. Nwam mmɔ efiɔk ete ke mbuɔtidem edi ŋkpɔ emi ekemede ndikɔri nka iso ke ofuri uwem. Nso idi mme usuk ŋkpɔ emi nditɔ fo ekemede ndinam man enyene mbuɔtidem emi okponde ke Christ mbemiso mmɔ eduɔk mmɔŋ?

• Ke ini eyen fo nnamde idiɔk edimek, tiŋ ye idara baŋa enɔ edikabade esit. Ndien ke ini afo anamde idiɔk edimek, buana idara emi edide ke ini afo akabadere esit ke mme idiɔk-ŋkpɔ fo ke usen ke usen. Tie ntiense ete ke ntak emi Jesus Christ ɔkɔbɔde ufen onyuŋ akpade ɔnɔ mme idiɔk-ŋkpɔ nnyin, nnyin imikeme ndikabare esit ke usen ke usen, efen enɔ nnyin, ndien ibɔ odudu ndikpuhɔde. Ke ini eyen fo oyomde edifen-nnɔ, fen-nɔ ke mfɔn ye idaresit.

• Dɔhɔ eyen fo baŋa uduɔkmmɔŋ fo. Wut mme ndise nyuŋ buana mme ŋkpɔ etide. Tiŋ baŋa nte eketiede, nte ndinim ediomi uduɔkmmɔŋ fo anwamde fi ndidifiɔk Jesus Christ nkan akpa, ye nte mme ediomi fo ekade iso ediɔŋ uwem fo. Nam eyen fo obup mme mbume.

• Ke ini uduɔkmmɔŋ odude ke ufɔk-emana mme ward fo, da eyen fo ka ekese enye. Neme kiet baŋa se afo ye eyen fo ekekutde enyuŋ ekopde. Edieke ekande, tiŋ ikɔ ye owo emi ɔduɔkde mmɔŋ nyuŋ mme mbume ntem: “Akanam didie anam mkpe-mbiere emi? Ekebeŋe-idem didie?

• Ini ekededi emi afo okutde nte eyen fo anamde ŋkpɔ emi enye ɔkɔŋwɔŋde ndinam, toro enye ke esit akpanikɔ. Wut ete ke ndinam se ekediomide anwam nnyin ndibeŋe-idem ndinam mme ediomi nnyin inamde ke ini nnyin iduɔkde mmɔŋ. Nso ke nnyin iŋwɔŋɔ inɔ Abasi ke ini nnyin iduɔkde mmɔŋ? Nso ke Enye ɔŋwɔŋɔ ɔnɔ nnyin? (See Mosiah 18:8–10, 13.)

• Tiŋ baŋa nte ndidori ubɔk ye ndidi owo Ufɔk Abasi Jesus Christ eke Ndisana Owo ke Ukperedem Usen ɔdiɔŋde fi. Ke nte uwut-ŋkpɔ, didie ke afo esik ekpere Ete ke Heaven ye Jesus Christ nte afo anamde ŋkpɔ ɔnɔ mbon efen ye nte mbon efen enamde ŋkpɔ enɔ fi? Wam nditɔ fo ekere ebaŋa mme usuŋ ndinam utom nnɔ nyuŋ nsɔŋɔ efen nte owo Ufɔk Abasi. Ŋko nwam mmɔ efiɔk enyuŋ ekut idara emi odude ke ndinam utom.

• Ke ini afo ye nditɔ fo enyenede edisana ifiɔk kiet (utɔ nte ke ufɔk Abasi, ke ini ekotde mme ŋwed Abasi, mme ke ini enamde ŋkpɔ enɔ owo), tiŋ nnɔ mmɔ baŋa mme ifiɔk eke spirit mme ekikere emi afo enyenede. Kot eyen fo abuana se enye ekerede. Se mme nsionsio usuŋ emi spirit ekemede nditiŋ ikɔ nnɔ mme owo, ye mme usuŋ emi enye etiŋde ikɔ ɔnɔ fi ke idem fo. Nwam eyen fo ɔfiɔk onyuŋ abuana ye mme ini emi mmɔ ekopde ntuk eke Edisana Spirit.

• Ese kiet mme video ifaŋ ke Gospel Library.ekotde “Hear Him!” Etiŋ kiet ebaŋa mme nsionsio usuŋ emi mme isuŋ utom Ͻbɔŋ ekopde uyo Esie. Kot eyen fo ete emiŋ ndise mme anam video abaŋa nte mmɔ ekopde uyo Andinyaŋa.

• Nam udia Ɔbɔŋ edi edisana ye edinam idaresit ke ufɔk fo. Buana ye eken afo esede Jesus Christ ke ini udia Ɔbɔŋ. Nwam eyen fo anam uduak ndiwut nte ke udia Ɔbɔŋ edi edisana ɔnɔ enye. Ke nte uwut-ŋkpɔ, ndikpaŋ utɔŋ nnɔ mme ikɔ mme akam udia Ɔbɔŋ ekeme nditi nnyin mbaŋa ediomi uduɔkmmɔŋ.

• Ediwak ŋwed Friend esine se ewetde, mme mbuk ye mme edinam ndinwam nditɔ ebeŋe-idem enɔ uduɔkmmɔŋ ye udori-ubɔk. Yak eyen fo emek usuk ndikot nyuŋ nkop inem ye afo. (Se ŋko the mme “Preparing for Baptism” ke ikpehe nditɔ ke Gospel Library.)

Itie-oku edi odudu ye unen emi Abasi adade ɔdiɔŋ nditɔ Esie. Itie-oku Abasi odu ke isɔŋ mfin ke Ufɔk Abasi Jesus Christ Mme Ndisana Owo ke Ukperedem Usen. “Kpukpru mbon Ufɔk Abasi emi enimde mme ediomi mmɔ—iban, iden, ye nditɔ—ediɔŋ mmɔ ye odudu itie oku Abasi ke ufɔk mmɔ ndisɔŋɔ idem mmɔ ye mbon ufɔk mmɔ” (General Handbook: Serving in The Church of Jesus Christ of Latter-day Saints, 3.6, Gospel Library). Odudu emi eyenwam mbon ufɔk Abasi ke ndinam utom Abasi eke edinyaŋa ye edimenede ke uwem mmɔ (se (see General Handbook, 2.2).

Ke ini iden ye iban enamde mme utom ke Ufɔk Abasi, mmɔ enam ntre ye unen itie oku, ke ndausuŋ mbon emi ekamade mme ukpɔhɔde itie oku. Kpukpru nditɔ Ete ke Heaven—nditɔ iden Esie ye nditɔ iban Esie—eyediɔŋ mmɔ nte mmɔ editimde efiɔk itie oku Esie.

Nnyin inam mme edinam ito ke unen itie-oku. “Irenowo Ufɔk Abasi emi edotde ebɔ unen itie-oku eto ndinɔ nyuŋ nnim ke idaha itie oku” (General Handbook, 3.4). Mbon emi ekamade mme idaha itie oku ekeme ndibɔ unen nto owo emi akamada ukpɔhɔde itie oku ndinam mme edinam itie-oku.

Man ekpep mme ŋkpɔ efen abaŋa itie-oku, se Russell M. Nelson, “Spiritual Treasures,” Liahona, Nov. 2019, 76–79; Russell M. Nelson, “The Price of Priesthood Power,” Liahona, May 2016, 66–69; “Priesthood Principles,” chapter 3 in General Handbook.

• Nam edinam itie oku edi ofuri ubak ke uwem ufɔk emana fo. Ke nte uwut-ŋkpɔ, nwam eyen fo ebeŋeidem ke spirit ɔnɔ udia Ɔbɔŋ udua emi. Nwam eyen fo oyom mme edidiɔŋ itie oku ke ini mmɔ edɔŋɔde mme eyomde ndɔŋ-esit mme ndausuŋ. Nam nte iso utom ndiwut mme usuŋ emi Ͻbɔŋ ɔdiɔŋde ufɔk fo oto odudu Esie.

• Nte afo okotde mme ŋwed Abasi, se mme ufaŋ nditiŋ mbaŋa nte Abasi ɔdiɔŋde mme owo oto ke odudu Esie. Buana mme ifiɔk fo ke ini emi Abasi ɔkɔdiɔŋde fi oto itie-oku Esie. Ke mme uwut-ŋkpɔ mme edidiɔŋ emi nnyin ibɔde ito Abasi oto ke itie oku, se General Handbook, 3.2, 3.5.

• Kpep eyen fo ete ke ekurede uduɔkmmɔŋ, mmɔ ekeme ndibɔ odudu Abasi ke ndinim ediomi uduɔkmmɔŋ oro. Efiak ese kiet etop President Russell M. Nelson “Spiritual Treasures” (Liahona, Nov. 2019, 76–79). Dɔhɔ eyen fo nte mme edinem itie oku adade odudu Abasi edi ke uwem fo. Kabaŋa udi ibat abaŋade usuk mme usuŋ emi odudu Abasi ɔdiɔŋde nnyin, se General Handbook, 3.5.

• Neme baŋa mbume emi “Nso ke isuŋ-utom Ͻbɔŋ etie nte?” Ekot kiet Doctrine and Covenants 121:36–42, enyuŋ eyom mme ibɔrɔ. Ini ekededi emi afo okutde nte eyen fo (mme owo efen) anamde edu unam ŋkpɔ mme mme ido ke mme ufaŋ emi, men wut.

• Ke ini mme eyen fo akamade ukpɔhɔde atat usuŋ mme atat moto, da esisit ini domo mme ukpɔhɔde oro ye mme ukpɔhɔde emi mme ada usuŋ itie oku ekamade. (Ke se mme ukpɔhɔde itie oku ɔwɔrɔde, se General Handbook, 3.4.1). Nso ke mme ukpɔhɔde itie oku “eberede” mme “atat” ɔnɔ nnyin? Se ŋo kGary E. Stevenson, “Where Are the Keys and Authority of the Priesthood?,” Liahona, May 2016, 29–32; “Where Are the Keys?” (video), Gospel Library.

  

  2:51

Mme temple edi ubak uduak Ete ke Heaven ɔnɔ nditɔ Esie. Ke ufɔk Ͻbɔŋ, nnyin inam ndisana ediomi ye Ete ke Heaven nte nnyin ibuanade ke ndisana edinam, kpukpru emi ewutde Jesus Christ. Ete ke Heaven ɔnɔ kpukpru nditɔ Esie usuŋ ndinam mme ediomi nyuŋ mbuana ke mme edinam, esinede mbon emi mikibɔhɔ mmɔ ke uwem emi. Ke ntɔŋɔ isua emi eyen fo edide 12, mmɔ esɔŋ ekem ndiduɔk mmɔŋ nyuŋ mbɔ udori-ubɔk ke temple nnɔ mme ete ete emi ekekpade (se ŋko 1 Corinthians 15:29).

• Ka ufɔk Ͻbɔŋ ke adaŋa ini nte idaha fo ayakde. Dɔhɔ eyen fo ntak emi afo akade ye nte temple anwamde fi esik ekpere Ete ke Heaven ye Jesus Christ.

• Fiak se nyuŋ neme mme mbume temple recommend. Afo emekeme ndikut mmɔ ke mme ikpa-ŋwed 36–37 eke For the Strength of Youth: A Guide for Making Choices. Tiŋ ye eyen fo baŋa se itibede ke interview temple recommend. Buana ntak ndinyene temple recommend edide akpan.

• Kot kiet Malachi 4:6. Tiŋ baŋa nte esit mbufo ekemede ndiŋwɔŋɔde ntiene mme ete ete mbufo. Kpep mme ŋkpɔ baŋa mme ete ete fo ke ndiduŋɔde mbuk ufɔk emana mbufo kiet ke FamilySearch.org. Yom mme ete ete emi anade nte eduɔkmmɔŋ enyuŋ edoriubɔk. Andise ŋkpɔ mbaŋa temple ye mbuk ufɔk emana ekeme ndinwam.

• Fiak se kiet usuk mme ŋkpɔ ukpep-ŋkpɔ ke otu emi emi ekotde “Temple” ke ikpehe nditɔ ke Gospel Library. (Se ŋkoo “Preparing Your Child for Temple Baptisms and Confirmations” on ChurchofJesusChrist.org.)

Edidiɔŋ patriarch ekeme ndidi ntɔŋɔ ndausuŋ, idɔŋesit, ye ifik. Enye esine item ɔnɔ nnyin otode Ete ke Heaven ndien anwam nnyin ndifiɔk nsinsi idiɔŋɔ ye ntak nnyin. Nwam eyen fo ebeŋeidem ndibɔ edidiɔŋ patriarch ke ndikpep mmɔ ufɔ ye edisana edu eke mme edidiɔŋ patriarch.

Ndikpep mme ŋkpɔ efen, se Topics and Questions, “Patriarchal Blessings,” Gospel Library.

• Buana ye eyen fo ifiɔk fo ke ndibɔ edidiɔŋ patriarch. Afo emekeme ndibuana mme ŋkpɔ nte nte ebeŋede idem ndibɔ enye, nte enye anwamde fi ndisik mkpere Abasi, ye nte enye akade iso ndinwam fi ke edidiɔŋ emi. Afo ŋko emekeme ndikot nditɔ ete etiŋ ikɔ ye mbon ufɔk emana emi ebɔde mme edidiɔŋ patriarch mmɔ.

• Fiak se kiet etop Elder Randall K. Bennett “Your Patriarchal Blessing—Inspired Direction from Heavenly Father” and Elder Kazuhiko Yamashita’s message “When to Receive Your Patriarchal Blessing” (Liahona, May 2023, 42–43, 88–90). Buana ye kiet eken se afo ekpepde oto mme etop emi abaŋa ntak emi Ete ke Heaven oyomde ete nnyin ibɔ edidiɔŋ patriarch. Man ekpep abaŋa usuŋ ndibɔ edidiɔŋ patriarch se General Handbook, 18.17.

• Edieke afo enyenede mme ete ete emi ekebɔde mme edidiɔŋ patriarch, ekeme ndinɔ uko ndikot usuk mmɔ ye eyen fo. Ndiyom mme edidiɔŋ mme ete ete emi ekekpede, ka ke ChurchofJesusChrist.org, ctuk Tools ke enyɔŋ ubɔk nnasia iso oro, nyuŋ sio Patriarchal Blessing.

• Ke ini eyen fo ama ɔbɔ edidiɔŋ patriarch, kot owo ufɔk ekededi emi okodude do ete ewet ekikere mmɔ enyuŋ ebuana ye mmɔ ye eyen fo.

Abasi oyom ndinɔ, mme ndidiɔŋ, ofuri nditɔ Esie ye “odudu otode enyɔŋ” (Doctrine and Covenants 95:8). Nnyin ika temple ndibɔ enɔ nnyin ini kiet kpɔt, edi mme ediomi emi nnyin inamde ye Abasi ye odudu spirit emi Enye ɔnɔde nnyin nte ubak ke enɔ ekeme ndidiɔŋ nnyin ke ofuri usen uwem nnyin.

• Wut ndise temple ke ufɔk fo. Dɔhɔ eyen fo baŋa mme ifiɔk emi afo ekenyenede ke ufɔk Jehovah. Nneme ediwak ini baŋa ima enyenede ɔnɔ Jehovah ye ufɔk Esie ye mme ediomi emi afo anamde. Yom mme ufaŋ ndika temple ye eyen fo ndiduɔk mmɔŋ ye mme udori-ubɔk nnɔ mme ete ete mmɔ.

• Duŋɔde temples.ChurchofJesusChrist.org kiet. Kot mme ŋwed nte “About the Temple Endowment” ye “Prepare for the House of the Lord.” Yak eyen fo obup mbume ekededi emi mmɔ enyenede temple. Kabaŋa ndausuŋ nnɔ se afo ekemede ndineme ke anwa temple, se etop Elder David A. Bednar “Prepared to Obtain Every Needful Thing” (Liahona, May 2019, 101–4; se akpan akpan ikpehe emi ekotde “Home-Centered and Church-Supported Learning and Temple Preparation”).

• Nte afo ye eyen fo ebuanade ke mme esede mme edinam efen (utɔ nte udia Ɔbɔŋ mme edidiɔŋ usɔbɔ), da esisit ini tiŋ baŋa se idade inɔ emi esinede ke edinam oro. Nso ke mme se idade inɔ eda enɔ? Didie ke mmɔ etie ntiense ebaŋa Jesus Christ? Emi ekeme ndinwam nditɔ fo ebeŋeidem ndikere mbaŋa se mme edinam temple edade ɔnɔ, emi etiede ntiense ŋko abaŋa Jesus Christ.

• Nwam eyen fo okut nte mmɔ enimde ediomi uduɔkmmɔŋ emi etiŋde ebaŋa ke Mosiah 18:10, 13 (se ŋko verses 8–9, emi etiŋde abaŋa mme mfri ediomi oro) Ŋko nam eyen fo okut nte Ͻbɔŋ ɔdiɔŋde mmɔ. Nɔ eyen fo uko baŋa ukeme mmɔ ndinim mme ediomi.

• Tiŋ inwaŋ-inwaŋ ye ofuri ini baŋa nte mme ediomi temple fo adade fi usuŋ ke mme edimek fo nte enyuŋ enwamde fi esik ekpere Jesus Christ. Afo emekeme ndida General Handbook, 27.2, mfiak nse mme ediomi emi nnyin inamde ke temple. Edieke afo ɔbɔde enɔ, dɔhɔ nditɔ fo baŋa nte garment temple anwamde fi eti mme ediomi fo ye Jesus Christ (se “Sacred Temple Clothing” [video], Gospel Library; Anette J. Dennis, “Put Ye On the Lord Jesus Christ,” Liahona, May 2024, 10–13).

  

  4:12

Elder David A. Bednar ama ekpep ete ke: “Ŋkpɔ kiet emi okponde akan emi afo ekemede ndinam man ebeŋeidem ndinam utom edi ndidi missionary ke anyan ini mbemiso afo aka mission. … Se inade ke isɔŋ idighe ndika mission, edi, se inada ke isɔŋ edi ndidi missionary ye ndinam utom ke ofuri uwem nnyin ye ofuri esit, ukeme, ekikere, ye odudu. … Afo ebeŋeidem ɔnɔ utom mission ke ofuri uwem” (“Becoming a Missionary,” Liahona, Nov. 2005, 45–46). Mme ifiɔk emi eyen fo enyenede ke ndidi missionary eyediɔŋ mmɔ ke nsinsi, idighe ke ini oro emi mmɔ edude ke mission ikpɔŋ.

Man ɔfiɔk mme ŋkpɔ efen, se Russell M. Nelson, “Preaching the Gospel of Peace,” Liahona, May 2022, 6–7; Gary E. Stevenson, “Love, Share, Invite,” Liahona, May 2022, 84–87; “Adjusting to Missionary Life,” Gospel Library.

• Kpep nte edibuana gospel ke mme ndammana edu uwem. Du ke mbeŋeidem kpukpru ini baŋa mme ufaŋ ndibuana ye mbon efen mme ekikere fo mbaŋa Ete ke Heaven ye Andinyaŋa ye mme edidiɔŋ emi afo ɔbɔde oto gospel Andinyaŋa emi ekefiakde emen edi ye nte owo Ufɔk Abasi. Kot mbon efen ete edidiana ye mbon ufɔk fo ke mme edinam abaŋade Ufɔk Abasi ye ufɔk emana.

• Yom mme ufaŋ nnɔ mbon ufɔk fo ndibuana ye mme missionary. Kot mmɔ edkpep mme ufan fo, mme yak mmɔ ekpep mme owo ke ufɔk fo. Bup mme missionary baŋa mme ifɔk emi mmɔ enyenede ye nte utom nte missionary anwamde mmɔ esik ekpere Jesus Christ. Ŋko bup se mmɔ ekenamde (mme se ekpekemade ndinam) ke ndibeŋe-idem ndidi mme ɔkwɔrikɔ.

• Edieke afo ekekade mission, tiŋ aŋwa-aŋwa ye ofuri ini baŋa mme ifiɔk fo. Midighe kot mme ufan mme mbon ufɔk emana emi ekekade mission etiŋ ebaŋa eke mmɔ. Afo ŋko emekeme nditiŋ mbaŋa mme usuŋ emi afo ekebuanade gospel ye mbon efen ke ofuri uwem fo. Nwam eyen fo ekere mme usuŋ emi mmɔ ekemede ndibuana ikɔ-Abasi.

• Nnɔ eyen fo mme ufaŋ ndikpep mbon ufɔk fo mme ido ikɔ-Abasi. Eyen fo ŋko ekeme ndikpep ndibuana se mmɔ enimde ye mbon efen. Ke nte uwut-ŋkpɔ, afo emekeme ndineme mme mbume nte “Didie ke nnyin ikeme ndimen Ŋwed Mormon nwut owo emi akananam mikopke ibaŋa enye?” mme “Didie ke nnyin ikime nditiŋ mbaŋa ufɔn Andinyaŋa nnɔ owo emi mitieneke Christ?” (Se Ahmad S. Corbitt, “Do You Know Why I as a Christian Believe in Jesus Christ?,” Liahona, May 2023, 119–21.)

• Ŋwam eyen fo enyene uko nditiŋ ikɔ nnɔ mbon efen. Nso idi mme usuk nti usuŋ nditɔŋɔ neme? Ŋwam eyen fo ekpep nte ekpeŋde utɔ enɔ se mbon efen etiŋde, efiɔk se isinede mmɔ ke esit, enyuŋ ebuana mme akpanikɔ ikɔ-Abasi emi ekemede ndidiɔŋ mme uwem mmɔ.

• Yom mme ufaŋ nnɔ nditɔ fo ndikpep mbaŋa mme ido ye mbuɔtidem mbon efen. Ŋwam mmɔ ndifiɔk nyuŋ mkpono eti ye akpanikɔ ke se mbon efen enimde.

Ke temple, ebe ye ŋwan ekeme ndiana kiet ke ndɔ ke nsinsi. Emi etibe ke edinam emi ekotde “edidian ke temple.” Okposuk edi ke edinam emi ediwak isua ɔkpɔŋ eyen anwan fo mme eyen eden fo, ekpri, suŋ-suŋ, mme ŋkpɔ emi ekade iso enam kiet ke mme isua oro ekeme ndinwam mmɔ ebeŋeidem enɔ utibe enɔ emi.

• Ekot kiet “The Family: A Proclamation to the World” (Gospel Library). Nso ke etop emi ekpep abaŋa inemesit ke uwem ufɔk emana ye nti ndɔ? Ye eyen fo, mek ido kiet ewetde ke etop oro kpep. Afo ŋko emekeme ndise mme ŋwed Abasi emi esaŋade ye ido oro ke Guide to the Scriptures. Afo ŋko emekeme ndinim mme adaŋa ndida ido oro ndu uwem ɔyɔhɔ ɔyɔhɔ ke ufɔk fo. Nte afo anamde utom ke mme adaŋa fo, tiŋ baŋa kiet se ndidu uwem ido oro enyenede ke uwem ufɔk fo.

• Ye eyen fo, ekot etop President Dieter F. Uchtdorf “In Praise of Those Who Save” (Liahona, May 2016, 77–80). Ke ini esimde ikpehe emi ekotde “A Society of Disposables,”afo emekeme ndiyom mme ŋkpɔ ke ufɔk fo emi ekemede ndiduɔk ye emi mukemeke. Tiŋ mbaŋa nte afo akamade mme ŋkpɔ ke ini afo oyomde mmɔ ebighi uwem. Nso ke emi ɔnɔ fi ekikere abaŋa nte anade nnyin ikama ndɔ ye mme ebuana ufɔk emana? Mme nso efen ke nnyin ikpep ito etop President Uchtdorf kabaŋa nte Andinyaŋa ekemede ndinwam nnyin ibɔp nti ndɔ ye mme ufɔk emana?

• Tiŋ ikɔ anwa anwa ye eyen fo baŋa mme ŋkpɔ emi afo ye nwan mme ebe fo ekpepde ebaŋa ndinyene nsinsi ndɔ emi ɔkɔŋɔde ke Christ ye mme usuŋ emi afo odomode ndifɔn nkan akpa. Edieke edide ke afo ye nwan mme ebe fo emedian ke temple, wut eyen fo ke uwut-ŋkpɔ nte afo odomode ndinim mme ediomi ye Ͻbɔŋ. Dɔhɔ eyen fo nte afo odomode ndinam Ete ke Heaven ye Andinyaŋa eda ufɔt ke ebuana fo ye nte Mmɔ enwamde fi (se ŋko Ulisses Soares, “In Partnership with the Lord,” Liahona, Nov. 2022, 42–45).

• Ke ini anade nte enyene mkpe-mbiere ke ufɔk, enyene mboho ufɔk ye mkpe-mbiere. Kut ete ke ekop ekikere ofuri mbon ufɔk enyuŋ eda esin ke edinam. Da mme nneme emi nte ufaŋ ndinyene nti nneme ye mfɔn-ido ke mme ebuana ufɔk, kpa ke ini kpukpru owo misehe mme ŋkpɔ ke ukem usuŋ, (Se M. Russell Ballard, “Family Councils,” Liahona, May 2016, 63–65.)

• Ke ini efaŋa mme enwan odude ke ufɔk, wut ime ye esit-mbɔm. Ŋwam eyen fo okut nte emumde enwan ke mme usuŋ eke Christ ekemede ndiŋwam mmɔ ebeŋeidem enɔ ndɔ inemesit. Ekot kiet Doctrine and Covenants 121:41–42, enyuŋ etiŋ ebaŋa nte mme ido ke mme ufaŋ emi ekemede ndisaŋa ye ndɔ.