Come, Follow Me
Mme ikpa ŋwed mme ikɔ ediande C: Eke Primary—Mme item eke Ini Ikwɔ ye Mbeŋeidem eke Mbono Sacrament Nditɔ

“Mme ikpa ŋwed mme ikɔ ediande C: Eke Primary—Mme Item ye Edinam Mboho eke Sacrament Nditɔ,” Di, Tiene Mi—Eke Ufɔk ye Ufɔk Abasi: Akani Testament 2026 (2026)

“Mme ikpa ŋwed mme ikɔ ediande C” Di, Tiene Mi: Akani Testament 2026

nditɔ ekwɔde ikwɔ

Mme ikpa ŋwed mme ikɔ ediande C

Eke Primary—Mme item eke Ini Ikwɔ ye Mbeŋeidem eke Mbono Sacrament Nditɔ

Edisana ikwɔ edi akamba ŋkpɔ utom ndiŋwam nditɔ ekpep ebaŋa uduak inemesit Ete ke Heaven ye mme akpan akpanikɔ eke gospel Jesus Christ. Nte nditɔ ekwɔde ebaŋa mme ido gospel, Edisana Spirit eyetie ntiense abaŋa akpanikɔ mmɔ. Mme ikɔ ye uyo ikwɔ eyedu ke ekikere ye esit nditɔ ke ofuri uwem mmɔ.

Yom uŋwam Spirit nte afo ebeŋede idem ndikpep gospel nto ikwɔ. Buana ikɔ ntiense fo eke baŋa mme akpanikɔ emi afo oyomde ndikwɔ. Nwam nditɔ ekut nte ikwɔ asaŋade ye se mmɔ ekpepde enyuŋ efiɔkde ke ufɔk ye ke class Primary.

Mme Ndausuŋ eke Edinam Mbono Sacrament

Ke ndausuŋ bishop, mbono sacrament nditɔ eside ke ɔyɔhɔ ikpehe inaŋ ke isua. Nte presidency primary ye adausuŋ ke ikwɔ, nam utom ye ɔnɔ item ke bishopric emi esede ŋkpɔ abaŋa Primary ndiibeŋe edinam oro.

na nte edinam oro ayak nditɔ ewut se mmɔ ye mbon ufɔk mmɔ ekpepde eto Akani Testament ke ufɔk ye ke Primary, esinede mme ikwɔ Primary emi mmɔ ekwɔde ke isua oro. Nte afo ebeŋede idem ɔnɔ edinam oro, kere baŋa mme usuŋ emi enye ekemede ndinwam otu owo ese Andinyaŋa ye mme ukpep-ŋkpɔ Esie.

Mme ebiet emi enyenede ekpri ibat nditɔ ekeme ndikere mme usuŋ emi mbon ufɔk emana ekemede ndibuana ye nditɔ mmɔ. Owo kiet ke bishopric ekeme nditre mbono oro ye ibio utit ikɔ.

Nte afo ebeŋede idem ɔnɔ edinam oro, ti mme ndausuŋ emi:

  • Mbeŋeidem inaha nte ada ata anyan ini ɔkpɔŋ mme class Primary ye mme ufɔk emana.

  • Mme ndise, mme ɔfɔŋ-mbre, mme ŋkpɔ media ifɔnke ke mbono sacrament.

Se General Handbook: Serving in The Church of Jesus Christ of Latter-day Saints, 12.2.1.2, Gospel Library.

nditɔ ekwɔde ikwɔ

Mme Item eke Ini Ikwɔ

Minute 5 (Primary presidency): Akam nditɔŋɔ, ŋwed Abasi mme article of faith, ye ekpri ikɔ

Minute 20 (adausuŋ ke ikwɔ): Ini ikwɔ

Presidency Primary ye adausuŋ ke ikwɔ esio mme ikwɔ enɔ ɔfiɔŋ kiet kiet man ɔsɔŋɔ mme ukpep-ŋkpɔ emi nditɔ ekpepde ke mme class ye ufɔk mmɔ. Udim mme ikwɔ emi esɔŋɔde mme ido emi edude ke ŋwed ndausuŋ emi.

Nte afo ekpepde nditɔ ikwɔ, kot mmɔ edibuana se mmɔ ekedade ekpep ebaŋa mme mbuk ye mme ukpep-ŋkpɔ emi mme ikwɔ oro ekpepde. Kot nditɔ fo ete ebuana mme ekikere ye mme ifiɔk mmɔ kabaŋa mme akpanikɔ emi ekutde ke mme ikwɔ oro.

Children’s Songbook edi akpan ŋwed ifiɔk ɔnɔ Primary. Mme ikwɔ etode ŋwed-ikwɔ ye mme ikwɔ etode Friend efɔn. Afo emekeme ndikama mme ikwɔ etode Hymns—For Home and Church. Ikwɔ efen ekededi ke Primary ana nte bishopric enɔ unyime (se General Handbook, 12.3.4).

Mme ikwɔ eke Ini Ikwɔ

Akpa Ɔfiɔŋ Isua

  • “My Heavenly Father Loves Me,” Children’s Songbook, 228–29

  • “I Will Follow God’s Plan,” Children’s Songbook, 164–65

Ɔfiɔŋ Iba

  • “Follow the Prophet,” Children’s Songbook, 110–11

  • “A Child’s Prayer,” Children’s Songbook, 12–13

Ɔfiɔŋ Ita

  • “Kindness Begins with Me,” Children’s Songbook, 145

  • “I Need Thee Every Hour,” Hymns, no. 98

Ɔfiɔŋ Inaŋ

  • “Gethsemane,” Gospel Library

  • “Keep the Commandments,” Children’s Songbook, 146

Ɔfiɔŋ Ition

  • “Holy Places,” Gospel Library

  • “As I Search the Holy Scriptures,” Hymns, no. 277

Ɔfiɔŋ Itiokiet

  • “I Will Be Valiant,” Children’s Songbook, 162

  • “Love One Another,” Children’s Songbook, 136

Ɔfiɔŋ Itiaba

  • “Search, Ponder, and Pray,” Children’s Songbook, 109

  • “I Pray in Faith,” Children’s Songbook, 14

Ɔfiɔŋ Itiaita

  • “Dare to Do Right,” Children’s Songbook, 158

  • “I Feel My Savior’s Love,” Children’s Songbook, 74–75

Ɔfiɔŋ Usukkiet

  • “Teach Me to Walk in the Light,” Children’s Songbook, 177

  • “Love Is Spoken Here,” Children’s Songbook, 190–91

Ɔfiɔŋ Duop

  • “Seek the Lord Early,” Children’s Songbook, 108

  • “I Lived in Heaven,” Children’s Songbook, 4

Ɔfiɔŋ Duopekiet

  • “Families Can Be Together Forever,” Children’s Songbook, 188

  • “Choose the Right,” Hymns, no. 239

Ɔfiɔŋ Duopeba

  • “We’ll Bring the World His Truth,” Children’s Songbook, 172–73

  • “The Hearts of the Children,” Children’s Songbook, 92–93

Ndida Ikwɔ Mkpep Ido

Ini ikwɔ edi ndiŋwam nditɔ ekpep mme akpanikɔ eke gospel. Mme ekikere emi ekeme ndinwam fi nte afo ebeŋede idem ndikpep mme ido gospel emi edude ke mme ikwɔ ye mme ikwɔ Primary.

Kot mme Ŋwed Abasi esaŋade kiet. Ediwak mme ikwɔ emi edude ke Children’s Songbook ye hymnbook, ewut mme ŋwed Abasi emi esaŋade kiet. Ŋwam nditɔ ekot usuk mme etop emi, ndien etiŋ ebaŋa mme ŋwed Abasi esaŋade ye ikwɔ oro. Afo ŋko emekeme ndiwet ekpri se isaŋade ye ŋwed Abasi ke obukpɔk ndien okot nditɔ ete ewut se isaŋade ye ikwɔ kiet mme ufaŋ ke ikwɔ.

Eyɔhɔ mme Ufaŋ. Wet ufaŋ ikwɔ ikwɔ ke obukpɔk ye ediwak akpanikɔ emi osiode efep. Ndien dɔhɔ yak nditɔ ekwɔ ikwɔ oro, kpaŋ-utɔŋ nɔ mme ikɔ emi anade nte eyɔhɔ mme ufaŋ.faŋ. Nte mmɔ eyɔhɔde ufaŋ kiet kiet, tiŋ baŋa mme ido gospel emi afo ekpepde oto mme ikɔ oro okosopde.

nditɔ ekwɔde ikwɔ

Tie ntiense. Tiŋ ibio ikɔ ntiense nɔ nditɔ kabaŋa mme akpanikɔ gospel emi edude ke ikwɔ Primary. Ŋwam nditɔ efiɔk ete ke ndikwɔ ikwɔ edi usuŋ kiet emi mmɔ ekemede ndinɔ ikɔ ntiense nyuŋ nkop Spirit.

Da nte ntiense. Kot nditɔ ete eda kiet kiet enyuŋ ebuana se mmɔ ekpepde eto ikwɔ emi mmɔ ekwɔde idahaemi mme nte mmɔ ekerede ebaŋa mme akpanikɔ ekpepde ke ikwɔ oro. Bup mmɔ nte mmɔ ekopde nte mmɔ ekwɔde ikwɔ oro, ndien nwam mmɔ ekut nyuk Edisana Spirit.

Da mme ndise. Dɔhɔ yak nditɔ eŋwam fi eyom mme ndinam mme ndise emi esaŋade ye mme akpan ikɔ mme mme ibio ikɔ ke ikwɔ oro. Kot nditɔ fo ete ebuana nte mme ndise oro esaŋade ye ikwɔ oro ye se ikwɔ oro ekpepde Ke nte uwut-ŋkpɔ, edieke afo ekpepde ikwɔ emi “When He Comes Again” (Children’s Songbook, 82–83), afo emekeme ndinim mme ndise ke ofuri ufɔk oro emi owutde mme akpan ikɔ otode ikwɔ oro (utɔ nte mme angel, snow, ye ntanta ɔfiɔŋ). Dɔhɔ yak nditɔ etaŋ mme ndise oro enyuŋ ekama mmɔ ke nnen nnen idaha nte mbufo ekwɔde ikwɔ kiet.

Ebuana ŋkpɔ-ndise ukpebŋkpɔ kiet. Afo emekeme ndida ŋkpɔ ndinam nneme abaŋade ikwɔ oro enem. Ke nte uwut-ŋkpɔ, ke ini ekwɔde ikwɔ emi “My Heavenly Father Loves Me” (Children’s Songbook, 228–29), afo emekeme ndiwut nditɔ ndise mme ŋkpɔ nte inuen, edim, mme mme flower. Emi ekeme ndida nneme abaŋade nte nnyin ikemede ndikut mme idiɔŋɔ eke ima Ete ke Heaven akanarede nnyin okuk.

Dɔhɔ yak ebuana mme ifiɔk eke idem. Ŋwam nditɔ edian mme ido emi ekpepde ke ikwɔ oro ye mme ifiɔk emi mmɔ ekenyenede ye mme ido emi. Ke nte uwut-ŋkpɔ, mbemiso ekwɔ “I Love to See the Temple” (Children’s Songbook, 95), afo emekeme ndidɔhɔ yak nditɔ emenede ubɔk edieke mmɔ ekutde temple. Kot mmɔ, nte mmɔ ekwɔde, ete ekere nte mmɔ ekopde ke ini mmɔ ekutde temple.

Ebup mme mbume. Ediwak mbume edu emi afo ekemede ndibup nte afo ɔkwɔde mme ikwɔ. Ke nte uwut-ŋkpɔ, afo emekeme ndibup nditɔ se mmɔ ekpepde eto ufaŋ kiet kiet ke ikwɔ oro. Afo ŋko emekeme ndidɔhɔ mmɔ ete ebaŋa mme mbume emi ikwɔ oro ɔbɔrɔde. Emi ekeme ndida nneme ndi kabaŋa mme akpanikɔ emi ekpepde ke ikwɔ oro.

Da mme mkpri edinam ubɔk. Kot nditɔ ete ekere ebaŋa mme mkpri edinam ubɔk man anwam mmɔ eti mme ikɔ ye mme etop ikwɔ oro. Ke nte uwut-ŋkpɔ, ke ini ɔkwɔde “Search, Ponder, and Pray” (Children’s Songbook, 109), afo emekeme ndikot nditɔ ete ewut mme enyin mmɔ nte mmɔ ebaŋa ndiduŋɔre mme ŋwed Abasi, ewut mme ibuot mmɔ nte mmɔ ekwɔde ebaŋa ndikere enyuŋ ewaŋ ubɔk mmɔ nte mmɔ ekwɔde ebaŋa ndibɔŋ akam.