Ukabade-isua

Efiɔk Christmas nte ini idara ke ntak idara emi Jesus Christ adade edi ererimbot. Ke isua mme ikie mbemiso eman Andinyaŋa, mme prophet eke Akani Testament ŋko ema ekop idaresit nte mmɔ eketiŋde ebaŋa Messiah emi edidide. Kot usuk mme etop emi, ndien kere baŋa ntak emi mmɔ ekpedide akpan enɔ mme owo emi ekeyomde utom Andinyaŋa: Psalm 35:9; Isaiah 25:8–9; 44:21–24; 51:11; Zephaniah 3:14–20; Moses 5:5–11. Ntak emi mme etop emi edide akpan enɔ fi? Mme nso ntak ke mme etop ŋwed Abasi emi enɔ ebaŋa ndidaresit?

Se ŋko Dallin H. Oaks, “Good Tidings of Great Joy” (First Presidency Christmas devotional, Dec. 4, 2022), Gospel Library; “Joy to the World,” Hymns, no 201.

Ediwak ido emi esaŋade ye Christmas ekeme ndinyene se ewɔrɔde emi ewutde nnyin Christ. Nte afo ekpepde Akani Testament isua emi, ekeme ndidi ke afo omokut ediwak se idade inɔ Andinyaŋa. Ewet ekpri ke idak emi. Kere baŋa ndikpep emi nyuŋ wet se mmɔ ekpepde fi ebaŋa Enye.

• Ntanta ɔfiɔŋ (Numbers 24:17; Matthew 2:2; Revelation 22:16).

• Ekpeme erɔŋ (Psalm 23; Luke 15:4–7; John 10:11)

• Eyen erɔŋ (Genesis 22:8; Exodus 12:5; 1 Peter 1:18–20).

• Mmɔŋ (Exodus 17:1–6; Jeremiah 2:13; Ezekiel 47:1–12; John 4:7–14).

• Itiat (1 Samuel 2:2; 2 Samuel 22:2–3; Psalm 118:22–23; Isaiah 28:16; Ephesians 2:20).

• Ŋkɔk (Isaiah 11:1–2; Jeremiah 23:5; 33:15).

• Unwana (Psalm 27:1; Isaiah 9:2; 60:19; Micah 7:8; John 8:12).

Mme nso ŋkpɔ emi edade enɔ efen, mme etop, ye mme mbuk ke afo okut ke mme ŋwed Abasi emi etiede ntiense ebaŋa Jesus Christ?

Se ŋko 2 Nephi 11:4; Mosiah 3:14–15; Moses 6:63; “Types or Symbols of Christ” and “Jesus Christ,” mbiba ke Guide to the Scriptures (Gospel Library)

Ekot Jesus Christ ediwak nsio nsioenyiŋ ye udori-enyiŋ. Yom mme udori-enyiŋ ke mme ufaŋ emi: Psalms 23:1; 83:18; Isaiah 7:14; 9:6; 12:2; 63:16; Amos 4:13; Zechariah 14:16; Moses 7:53. Mme nso udori-enyiŋ efen ke afo ekeme ndikere mbaŋa? Afo emekeme ndima ndiwet mme udori-enyiŋ Jesus Christ emi afo okutde ke mme ikwɔ Ukabade-isua. Didie ke mme udori-enyiŋ kiet kiet otuk usuŋ emi afo ekerede abaŋa Enye?

Kere baŋa ndimek udori-enyiŋ mme ubiɔŋ utom Andinyaŋa emi edinamde fi eti Enye ke ofuri isua emi edide mi.

Se ŋko Quentin L. Cook, “Personal Peace in Challenging Times,” Liahona, Nov. 2021, 89–92; “Hark! The Herald Angels Sing,” Hymns, no. 209.

• Afo ye nditɔ fo emenyene usuk mbana-ŋkpɔ Ukabade-isua emi ekemede ndida ntɔŋɔ nneme mbaŋa Jesus Christ. Afo emekeme nditiŋ mbaŋa nte ntanta ɔfiɔŋ Ukabade-isua, mme ikaŋ, mme enɔ etide nnyin abaŋa Andinyaŋa. Ndien afo emekeme ndise ke kiet mme eken ke mme ŋwed Abasi emi oyom ŋkpɔ emi ekemede ndida nnɔ Jesus Christ: Genesis 22:8; Numbers 24:17; Psalms 23:1; 27:1. Nditɔ fo ekeme ndikama ndise mme ŋkpɔ mbana emi asaŋade ye ufaŋ kiet kiet nte mmɔ ekotde enye. Didie ke Jesus etie nte eyen erɔŋ, ntanata ɔfiɔŋ, ekpeme erɔŋ, mme unwana? Kere baŋa ndikwɔ kiet ikwɔ nte “Stars Were Gleaming” (Children’s Songbook, 37).

• Nditɔ fo ŋko ekeme ndise ndise ke utit ibio ibuot ikɔ emi nte afo okotde Isaiah 9:6 ɔnɔ mmɔ. Dɔhɔ yak nditɔ fo ewut nsek eyen Jesus ke ini mmɔ ekopde ibio ikɔ emi “eyen amana.” Buana ikɔ ntiense fo ete ke mme prophet ke Akani Testament ema efiɔk ete ke Jesus eyemana.

• Nte afo ebeŋede idem ndikpep uwem Jesus Christ ke Obufa Testament isua efen, kere baŋa ndifiak nse ye nditɔ fo se mmɔ ekpepde ebaŋa Enye isua emi ke Akani Testament. Afo emekeme ndifiak nse ibio ibuot ikɔ emi ke ŋkpɔ ukpep-ŋkpɔ emi ye mkpri ŋwed ukpep-ŋkpɔ ke idem ndinwam fi eti se afo ekpepde. Mkpri nditɔ ekeme ndinyene ufɔn nto ndise Old Testament Stories mme mme ndise ke Come, Follow Me. Mme nso prophecy mme mme mbuk ewɔrɔ eda? Nso ke nnyin ikpep ibaŋa Andinyaŋa?

• Mme ufɔk emana nditɔ Israel ema enyene mme ido, utɔ nte Passover ye mme usɔrɔ efen, emi akanade nte ewut esit ye ekikere mmɔ Ͻbɔŋ (se Exodus 12). Mme nsutɔ ido ke afo ye nditɔ fo enyene ke ini Christmas emi anwamde fi ese Jesus Christ? Mme nso ido ke afo ɔfiɔk abaŋa oto mbuk ufɔk emana fo? Afo emekeme ndikere mbaŋa ndineme ye nditɔ fo usuk mme ido emi afo oyomde nditɔŋɔ. Usuk ekikere ekeme ndisine ndinwam owo emi ananade, ndimek ŋkpɔ emi afo edinɔde Andiyaŋa nte “enɔ”, ndikot ufan edise First Presidency’s Christmas devotional ye afo (broadcasts.ChurchofJesusChrist.org), ndiwet ikwɔ Christmas fo, mme ndiyom obufa usuŋ ndibuana etop emana Christ.

• Didie ke afo ekeme ndinwam nditɔ fo ekop ukpono ye idaresit ebaŋa emana Christ? Afo emekeme ndise video “The Christ Child” (Gospel Library) mme ekot kiet Matthew 1:18–25; 2:1–12; Luke 1:26–38; 2:1–20. Eyen kiet kiet ekeme ndimek owo kiet ke video oro mme ke ŋwed Abasi ndien abuana nte owo oro okokutde Andinyaŋa. Ndien afo emekeme ndibuana ye kiet eken ekikere fo mbaŋa Enye.

  

  17:57

• Afo ye nditɔ fo emekeme ndineme mbaŋa mme enɔ emi afo ɔnɔde mme ɔbɔde ke mme isua emi emi enɔde fi idaresit. Ndien afo emekeme ndikot Isaiah 25:9 kiet enyuŋ etiŋ ebaŋa.ntak emi afo adarade ete ke Ete ke Heaven ama nnyin Andinyaŋa. Man enwam nditɔ fo etim efiɔk ubiɔŋ utom Jesus Christ nte Andinyaŋa nnyin, kot mmɔ ete ekot Isaiah 25:8–9; 53:3–5; ye Hosea 13:14. Nso ke mme ŋwed Abasi emi ekpep nnyin abaŋa nte Ͻbɔŋ anyaŋade nnyin?

• Mbufo ŋko emekeme ndikwɔ ikwɔ Christmas, utɔ nte “Away in a Manger” (Children’s Songbook, 42–43) or “O Little Town of Bethlehem” (Hymns, no. 208). Nwam nditɔ fo eyom mme ibio ikɔ ke ikwɔ oro emi anwamde mmɔ efiɔk ete ke Ete ke Heaven ye Jesus Christ ema mmɔ.