Micah; Nahum; Habakkuk; Zephaniah

Micah okot nnyin ete ikere nte ekpetiede “ndidi ke iso Ͻbɔŋ, nyuŋ nsuk-ibuot … ke iso akwa Abasi” (Micah 6:6). Nso ke mme ufaŋ 6–8 enɔ fi ekikere ebaŋa se idide akpan inɔ Ͻbɔŋ nte Enye odomode uwem fo?

Se ŋko Dale G. Renlund, “Do Justly, Love Mercy, and Walk Humbly with God,” Liahona, Nov. 2020, 109–12.

Utom Nahum ekedi nditiŋ mbaŋa nsobo Nineveh—akwa obio eke obio afai Assyria, emi akasuande Israel onyuŋ ofiomode Judah. Nahum ɔtɔŋɔ ke nditiŋ mbaŋa iyaresit ye anana udomo odudu Abasi, edi enye ŋko ama etiŋ abaŋa mbɔm ye mfɔn-ido Abasi. Yom mme ufaŋ ke ibuot 1 emi anwamde fi ndifiɔk mme edu emi kiet kiet—ye mme edu Abasi efen emi afo okutde. Ntak emi afo ekerede ke edi akpan ndifiɔk mme ŋkpɔ emi kiet kiet mbaŋa Ͻbɔŋ?

Mme prophet ŋko ke ubak ini esibup ebaŋa mme usuŋ nte Abasi anamde ŋkpɔ. Habakkuk, emi okodude ke ini ibak akatarade ɔyɔhɔ Judah, ɔkɔtɔŋɔ mbuk esie ye ndibup Abasi mme mbume (se Habakkuk 1:1–4). Didie ke afo ekeme ndinam mme mfina Habakkuk edi ibio-ibio? Mme nso utɔ ukem mbume ke mme owo ebaŋa Abasi mfin? Ndi akananam afo emenyene mme ukem ekikere oro? Afo ŋko emekeme ndidomo mme mbume esie ye mme efen ke mme ŋwed Abasi, utɔ nte mbon oro ekutde ke Mark 4:37–38 and Doctrine and Covenants 121:1–6.

Ͻbɔŋ ɔkɔbɔrɔ mme mbume Habakkuk ke ndidɔhɔ ete ke Enye ɔyɔdɔŋ mme Chaldean (mbon Babylon) ete enɔ Judah ufen (se Habakkuk 1:5–11). Edi okosuk afafina Habakkuk, koro eketie nte ifɔnke inɔ Ͻbɔŋ ndida nse “ke ini owo ibak [Babylon] awakde edinen owo [Judah]” (see verses 12–17). Nso ke afo okut ke Habakkuk 2:1–4 emi ɔnɔde fi uko ndidorienyin ke Ͻbɔŋ ke ini afo enyenede mme mbume emi owo mibɔrɔke? (see also Mark 4:39–40; Doctrine and Covenants 121:7–8; “God Will Lift Us Up” [video], Gospel Library).

4:59

Ibuot 3 edi akam itoro ye mbuɔtidemHabakkuk. Didie ke uyo utiŋ-ikɔ Habakkuk ke ibuot 3 enyene ukphɔde ye ibuot 1? Emi edi ekikere ndinwam fi ekere mme ufaŋ 17–19; nam ibat mme edidiɔŋ idaha emi ye eke spirit emi Abasi ɔnɔde fi. Ndien kere ete ke afo emenana mme edidiɔŋ eke idahaemi. Didie ke oro ekeme ndinam fi ekere abaŋa mme edidiɔŋ ekem? Ntak emi emi ekeme ndisɔŋ “ndidaresit ke Ͻbɔŋ” (ufaŋ 18) ke mme ini nsɔŋɔ-ŋkpɔ nte mme utɔ oro emi etiŋde ebaŋa ke ufaŋ 17? Kere baŋa nte afo ekemede ndinyene mbuɔtidem emi okponde akan ke Abasi, kpa ke ini etiede nte ifɔnke.

Se ŋko Gerrit W. Gong, “All Things for Our Good,” Liahona, May 2024, 41–44; “Lead, Kindly Light,” Hymns, no. 97; Topics and Questions, “Seeking Answers to Questions,” Gospel Library.

Nte afo okotde mme prɔfesi Zephaniah, se mme ido ye edu emi akadade aka nsobo—se akpan akpan Zephaniah 1:4–6, 12; 2:8, 10, 15; 3:1–4. Ndien yom mme mme ido eke mme owo emi Abasi editimde inim—se Zephaniah 2:1–3; 3:12–13, 18–19. Nso etop ke afo ekere ke Abasi enyene ɔnɔ fi ke mme ufaŋ-ŋwed emi?

Ke okotde Zephaniah 3:14–20 ama, se mme usuŋ ifaŋ emi afo ekemede ndinam mme usem emi eyɔhɔ: “Nnem esit nyuŋ daresit ye ofuri esit” ke ntak … Ntak emi edide akpan ɔnɔ fi ndifiɔk mme ntak ndidaresit? Afo emekeme ndidomo mme ufaŋ emi ye mme ifiɔk emi etiŋde ebaŋa ke 3 Nephi 17 onyuŋ ekere abaŋa nte Jesus Christ ekerede abaŋa ikɔt Esie—ye afo.

• Ekeme ndidi ke nditɔ fo ifiɔkke ite ke ekedi prophecy emi Micah eketiŋde akanwam mme Ɔfiɔk-ŋkpɔ Owo eyom nsek-eyen Jesus ke Bethlehem. Ke adade Micah 5:2 ye Matthew 2:1–6, nditɔ fo ekeme ndifiak nnam ifiɔk mmɔ. Ndien afo emekeme nditiŋ mbaŋa ntak emi emana Jesus ekedide akpan tutu mme prophet efiɔk ebaŋa enye ke ediwak isua mbemiso iso Enye amana.

• Ke ini okotde Nahum 1:7 ama, nditɔ fo ekeme ndibɔp mme emiŋ mmem mmem “ɔkpɔsɔŋ ebiet” mme ebiet udibe (ndise kiet odu ke ibio ibuot ikɔ emi). Nso idi mme usuk nta emi mme owo ekemede ndiyom ebiet udibe? Nso ŋkpɔ ini eyo nnyin edi “eyo ukut”? Didie ke Jesus Christ edi ɔkpɔsɔŋ ebiet ɔnɔ nnyin?

• Man emen Habakkuk 2:3 owut, afo ye nditɔ fo emekeme nditiŋ mbaŋa mme ŋkpɔ emi efɔnde ke ini emi nnyin ibetde—nte mfri emi anade nte adat mme ndom-uyo emi anade nte etem. Nso iditibe edieke nnyin idomode ndidia mfri oro mme ndom-uyo oro mbemiso ini ekem? Ndien afo emekeme nditiŋ mbaŋa prophet Habakkuk, emi okoyomde ndifiɔk ini emi Ͻbɔŋ editrede ibak ke ererimbot. Kot ibɔrɔ Ͻbɔŋ ke Habakkuk 2:3. Afo emekeme ndinwam nditɔ ndikere mme ŋkpɔ emi Abasi ɔŋwɔŋɔde. Ye mme uwut-ŋkpɔ kiet kiet, afo emekeme ndidɔhɔ kiet ete “Bet enye, koro ke akpanikɔ enye eyedi.”

• Man emen Habakkuk 2:14 owut, afo ye nditɔ emekeme ndiyɔhɔ abaŋ mme ŋkpɔ efen ye mme ndise mme mme ikɔ emi edade enɔ mme ŋkpɔ emi Jesus akanamde mme ekekpepde. Didie ke nnyin ikeme ndinwam ndiyɔhɔ ererimbot ye ifiɔk Ͻbɔŋ?

• Afo ŋko emekeme ndiwut nditɔ fo ŋwed emi owutde ererimbot (se Church History Maps, no. 7, “Map of the World”). Nwam mmɔ ndiyom nkut ebiet emi mmɔ eduŋde ye mme ebiet emi mme missionary emi mmɔ efiɔkde ekedude. Mbufo emekeme ndikwɔ kiet ikwɔ emi abaŋade ndibuana gospel, utɔ nte “We’ll Bring the World His Truth” (Children’s Songbook, 172–73). Nso ke nnyin ikeme nditiŋ nnɔ mbon efen mbaŋa Jesus Christ?

• Ke Zephaniah 3:14–20, nditɔ fo ekeme ndiyom ŋkpɔ emi anamde mmɔ eyom “ndikwɔ, … daresit nyuŋ nemesit ye ofuri esit.” Afo emekeme ndikwɔ mme ikwɔ idaresit kiet enyuŋ etiŋ ebaŋa idaresit emi mbufo ekutde ke gospel Jesus Christ.