“November 23–29. ‘Yom Ͻbɔŋ, ndien Afo Oyodu-uwem”: Amos; Obadiah; Jonah,” Di, Tiene Mi—Eke Ufɔk ye Ufɔk Abasi: Akani Testament 2026 (2026)
“November 23–29. ‘Yom Ͻbɔŋ, ndien Afo Oyodu-uwem,’” Di, Tiene Mi: Akani Testament 2026
Jonah on the Beach at Nineveh, emi Daniel Lewis ewetde
November 23–29: “Yom Ͻbɔŋ, ndien Afo Oyodu-uwem”
Amos; Obadiah; Jonah
Jonah okodu ke nsuŋ-ikaŋ emi akade Tarshish. Idiɔk iduhe ndiwat nka Tarshish, ibɔhɔke ke oyom usuŋ ɔkpɔŋ Nineveh, emi akanade nte Jonah aka ɔkɔnɔ ikɔ Abasi. Ke ini ubom okokutde akwa oyobio, Jonah ama ɔfiɔk ke ekedi ke ntak nsɔŋ-ibuot esie. Ke edide ke Jonah ɔkɔdɔhɔ, mme mbon ubom esie etop enye esin ke udem inyaŋ man oyobio etre. Eketie nte utit Jonah Edi Abasi ikifreke Jonah—kpa nte Enye mikifreke mbon Nineveh, mme ufok Israel, mme owo nnyin ndomo kiet.
Ke ntre Enye aka iso ɔdɔŋ mme prophet—nte Jonah, Amos, Obadiah, ye mme prophet nnyin mfin—ye etop ete ke edieke nnyin ikabakede esit, owo iditop nnyin iduɔk ke nsinsi. Ke ofuri “mme ndededbe ŋkpɔ” emi Abasi ayararade (se Amos 3:7), kiet emi edi kiet ke otu mbon emi edide eti akan: oro ke ntak Jesus Christ, ibighike ikaha ndikpuhɔ. Enye osuk oyoyom ndiŋwam nnyin ikan inim mme ediomi emi nnyin ikinamde ye Enye, ndien Enye aduak ndinɔ nnyin ufaŋ efen.
Ke ndise ke usɔp mbaŋa mme ŋwed Esther, se “Amos,” “Obadiah,” and “Jonah” ke Bible Dictionary.
Mme Ekikere Ndikpep-ŋkpɔ ke Ufɔk ye Ufɔk Abasi
Amos 3:1–8; 7:10–15
Ͻbɔŋ ayarade mme akpanikɔ oto mme prophet Esie.
Ke Amos 3:3–6, prophet Amos ama owut mme uwut-ŋkpɔ eke mme utit ikɔ emi nnyin ikemede ndida nto mme idiɔŋɔ emi nnyin ikopde mme ikutde: ke ini lion osiorede uyo, ana edi ke enye omumunam ndita, edieke emumde inuen ke afia, ana edi ke se itabide enye ama odu do. Ke mme ufaŋ 7–8, Amos ama emen ifiɔk emi odomo ye mme prophet. Mme nso utit ikɔ ke nnyin ikeme nditiŋ ke ini prophet etiŋde ikɔ nte prophet? Nso efen ke afo ekpep oto Amos 7:10–15?
Nso ke Ͻbɔŋ ayarare ɔnɔ fi oto ke mme prophet Esie?
Elder Ulisses Soares ama ɔdɔhɔ ete “ndinyene prophet edi idiɔŋɔ ima Abasi” (“Prophets Speak by the Power of the Holy Spirit,” Liahona, May 2018, 99). Kere baŋa nte afo ekemede ndinam usem emi ɔyɔhɔ “Ami mɔfiɔk ke Abasi ama mi, ke ntak oro Enye ɔdɔŋ mme prophet emi …” Emi edi usuk ŋwed Abasi emi ekemede ndvwam: Deuteronomy 18:18; Ezekiel 3:16–17; Ephesians 4:11–14; 1 Nephi 22:2; Doctrine and Covenants 21:4–6; 84:36–38; 107:91–92.
Nso ke afo ekeme nditiŋ nnɔ owo emi ekerede ke owo iyomke mme prophet mfin?
Se Topics and Questions, “ProphetsGospel Library.
Amos 4–5
“Yom Ͻbɔŋ, ndien Afo Oyodu-uwem.”
Ke Amos 4:6–13, nso ke Ͻbɔŋ ekekere ke eyetibe ke ini nditɔ Israel ekekutde mme idomo? (se ŋko Helaman 12:3). Ke ini edidde ke idighe Abasi okodomo fi mme idomo fo, didie ke mmɔ enɔ fi mme ufaŋ ndifiak ntiene Enye?
Nte afo okotde Amos 5:4, 14–15, kere baŋa nte Ͻbɔŋ ɔnɔde fi mfɔn. Didie ke ndiyom Enye ada uwem ɔsɔk fi?
Amos 8:1–12
Ikɔ Ͻbɔŋ ekeme ndiyuhɔ biɔŋ eke spirit onyuŋ osuk nsat-itɔŋ.
Nte afo okotde Amos 8:11–12, kere baŋa ntak emi akaŋ edide eti udomo ye ndidu uwem munyeneke ikɔ Abasi (se ŋko John 6:26–35; 2 Nephi 9:50–51; 32:3; Enos 1:4–8). Didie ke afo ɔfiɔk ini biɔŋ ɔdɔŋde fi ke spirit?
Mme ufaŋ emi ŋko ekeme ndibaŋa Great Apostasy (se Topics and Questions, “Apostasy,” Gospel Library). Didie ke “akaŋ” eke spirit otuk nditɔ Abasi? Didie ke Edifiak-mmen-ndi ɔyuhɔ biɔŋ spirit fo?
Se ŋko “The Great Apostasy” (video), Gospel Library.
The Great Apostasy
Obadiah 12:21
Mme anie owo idi “mme andinyaŋa … ke obot Zion”?
Ke etiŋde ebaŋa Obadiah 1:21, President Gordon B. Hinckley ama anam anwaŋa ete ke nnyin idi mme andinyaŋa ke obot Zion ke ini nnyin ibɔde mme edinam inɔ mme akpa-mkpa ke temple (se “Closing Remarks,” Liahona, Nov. 2004, 105). Didie ke ndinam utom oro edi ukem—ekpedii ke ekpri usuŋ—ye se Andinyaŋa akanamde ɔnɔ nnyin? Didie ke ndinam utom emi anwam fi asaŋa ekpere Andinyaŋa?
Se ŋko “Holy Temples on Mount Zion,” Hymns, no. 289.
Jonah 1–4
Ͻbɔŋ enyene mbɔm ɔnɔ kpukpru mbon emi etienede Enye.
Nineveh ekedi asua ye Israel ke ntak afai ye mfiomo esie. Jonah, eketie nte ke ifiɔkke ke mmɔ ema ebeŋeidem ndikabare esit. Edi inem ŋkpɔ ndidomo ido Jonah (se Jonah 1; 3–4) ye mme ekikere Alma ye nditɔ eden Mosiah (se Mosiah 28:1–5; Alma 17:23–25). Nso ke afo ekpep oto Jonah 3 emi anamde fi ete abuana gospel ye mme owo emi mibeŋeke ndikpuhɔde.
Nte afo okotde Jonah, yom mme uwut-ŋkpɔ eke mbɔm Ͻbɔŋ. Ntak emi afo ekerede ke Jonah “ikinemke esit” onyuŋ “ayaresit” (Jonah 4:1) ke ini Ͻbɔŋ akanyaŋde mbɔm ɔnɔmbon Nineveh? Nso ke afo ekere ke Ͻbɔŋ akanwana ndikpep enye ke ibuot 4? Kere baŋa nte afo okutde mbɔm Esie ke uwem fo. Nso ke afo ekpep oto Jonah emi ekemede ndinwam fi enyene mbɔm akan akpa?
Mme Ekikere Ndikpep Nditɔ-ŋwɔŋ
Ke ntak emi Sunday emi edide ɔyɔhɔ Sunday ition ke ɔfiɔŋ emi, edɔhɔ ete yak mme andikpep Primary ekama mme edinam ukpep ŋkpɔ ke “Appendix B: Preparing Children for a Lifetime on God’s Covenant Path.”
Amos 3:7
Mme prophet edi mme isuŋ-utom Jesus Christ.
-
Man anwam nditɔ fo ndifiɔ Amos 3:7, afo emekeme ndidɔŋ odu eke ekpri etop ɔnɔ owo mmɔ kiet onyuŋ ɔdɔhɔ mmɔ ete ebuana ye mme nditɔ efen. Didie ke isuŋ-utom ke edinam emi etie nte prophet? Ntak emi Ͻbɔŋ ɔnɔde nnyin mme prophet?
-
Ndikpep mmɔ ŋkpɔ efen mbaŋa se mme prophet esinamde, afo ye nditɔ fo emekeme ndifiak nse recent messages from the current President of the Church. Afo ŋko emekeme ndikwɔ kiet ikwɔ nte “Follow the Prophet” (Children’s Songbook, 110–11). Buana ye kiet eken ntak emi afo emekde nditiene prophet Abasi.
Ŋwam nditɔ emum mme ŋwed Abasi ke ibuot. Elder Richard G. Scott ama abuana ete: “Ndimum ŋwed Abasi ke ibuot edi ndinyene obufa ufan. Etie nte ndikut obufa owo emi ekemede ndinwam ke ini unana, ɔnɔ nsin-ifik ye idɔŋesit onyuŋ edi usuŋ ndinɔ uko mbaŋa ukpuhɔde emi eyomde” (“The Power of Scripture,” Ensign, Nov. 2011, 6). Ndinwam nditɔ fo emum ke ibuot kpukpru Amos 3:7, afo emekeme ndiwewet enye ndien efiak ekot enye kiet. Ndien afo emekeme ndisɔhi mme ofuk mme ikɔ ifaŋ ke ini kiet tutu nditɔ fo ekeme ndifiak ntiŋ ofuri ufaŋ ke ibuot.
Amos 8:11–12
Edifiak-men ikɔ Abasi ndi ama etre akaŋ akpanikɔ.
-
Kot nditɔ fo enam nte biɔŋ ɔdɔŋ mmɔ nte afo okotde Amos 8:11–12. Etie didie ke ini biɔŋ ikɔ Abasi ɔdɔŋde nnyin? Ndien nditɔ fo ekeme ndinam nte edia ŋkpɔ nte afo abuanade ye kiet eken usuk ŋwed Abasi emi afo amade.
-
Afo emekeme ndida Guide to the Scriptures, “Apostasy” (Gospel Library), mme “After the New Testament” (ke New Testament Stories, 167–70) ndinwam nditɔ fo efiɔk “akaŋ” emi okotode Akwa Ŋtaŋ-mfep ye nte enye eketrede ye Edifiak-mmen-ndi. Buana ye kiet eken mme ntak emi afo enemde esit ete ke Jehovah ama afiak emen gospel Esie edi ke eyo nnyin.
2:52After the New Testament
Jonah 1–3
Abasi eyeŋwam mi ndikop item Esie, kpa ke ini ɔsɔŋde.
-
Man aŋwam nditɔ fo ekpep mbuk Jonah, afo emekeme ndifiak nse “Jonah the Prophet” ke Mbuk Akani Testament; se ŋko ikpa ŋwed edinam eke udua emi). Afo ndien emekeme ndibup:
-
Nso ikitibe ke ini Jonah mikikopke item Ͻbɔŋ? (se Jonah 1:4–17).
-
Nso ke Jonah akanam ndikabade esit? (se Jonah 1:10–12; 2:1–4, 9; 3:1–4).
-
Nso ikitibe ke ini Jonah okokopke item ? (se Jonah 3:5).
2:30Jonah the Prophet
-
-
Nditɔ fo ekeme ndima ndifiak ntiŋ mbuk Jonah mme ndibre enye nte mbre. Buana ye kiet eken mme ifiɔk efen ke ini Ͻbɔŋ okoyomde fi ete anam ŋkpɔ emi ɔkɔsɔŋde ɔnɔ fi. Didie ke Enye akanwam fi ndikop item Esie?
Jonah 1–4
Ͻbɔŋ enyene mbɔm ɔnɔ kpukpru mbon emi etienede Enye.
-
Nditɔ fo ekeme ndinam nte mmɔ ebup Jonah mbume abaŋade ifiɔk esie. Mme nso mbume ke mmɔ edibuo enye? Nnɔ mmɔ uko ndibup mme mbume ndifiɔk se Jonah ekekpepde abaŋa Ͻbɔŋ. Nso ke Jonah ekeme nditiŋ, ke nte uwut-ŋkpɔ, mbaŋa mbɔm Ͻbɔŋ? (se ke nte uwut-ŋkpɔ Jonah 2:7–10; 3:10; 4:2).
Christ and the Palsied Man, emi J. Kirk Richards ewetde
-
Nwam nditɔ fo ndikere mbaŋa mme uwut-ŋkpɔ ke ini emi Andinyaŋa okowutde mbon efen mbɔm, utɔ nte Mark 2:3–12; Luke 23:33–34; ye John 8:1–11. Afo ye nditɔ fo emekeme ndiduŋɔde nyom mme ndise uwut-ŋkpɔ emi. Mme nso ufaŋ ke nnyin inyene ndinyene mbɔm mbaŋa mbon efen?
Ke se iwakde ikan emi, se ke Friend magazine eke ɔfiɔŋ emi.