Ezekiel 1–3; 33–34; 36–37; 47

Ke Ezekiel 3 ye 34, Ͻbɔŋ okot mme adausuŋ ikɔt Esie nte mme andikpeme ye mme ɔbɔk-erɔŋ. Nte afo okotde mme ibuot emi, kere baŋa se mme udian enyin ɔnɔde ekikere abaŋa se ɔwɔrɔde ndidi adausuŋ.

Mme anie idi “erɔŋ” emi Ͻbɔŋ oyomde ete ɔbɔk? Nso ke afo okut ke Ezekiel 34 emi ekemede ndinwam owo emi ebeŋede idem ndika mission, ndibɔk nditɔ, mme anamde ubiɔŋ utom ukwɔrɔ ikɔ? Didie ke afo ekeme nditiene uwut-ŋkpɔ Andinyaŋa nte ekpeme erɔŋ nnyin? (se mme ufaŋ 11–31).

Afo ŋko emekeme ndikere mbaŋa se idade inɔ emi afo okutde ke ibuot emi. Nso ke “eti mbiet” ye “eti nna” ekeme ndida nnɔ ke ufaŋ 14? Nso idi ukpuhɔde ke ufɔt erɔŋ emi “osopde” ye enye emi “ebinde efep”? (ufaŋ 16). Mme nso se idade inɔ efen ke afo okut?

Se ŋko John 21:15–17; Gerrit W. Gong, “Ministering,” Liahona, May 2023, 16–19.

“Edieke … mme idiɔk-ŋkpɔ edorode nnyin ke idem,” mbon Israel emi ekemumde ema ekere, “idinam didie ndien idu uwem”? (Ezekiel 33:10). Ke ibɔrɔ, Abasi ama ekpep mmɔ abaŋa edikabade esit ye edifen nnɔ. Mme mbume emi ekeme ndiŋwam fi ekere abaŋa se Enye ekekpepde:

• Nso ke afo ekere ɔwɔrɔ “ndidorienyin ke edinen ido [fo]”? (se Ezekiel 33:12–13).

• Nso ke afo ekpetiŋ ɔnɔ owo emi ekerede ete ke mbon emi etiŋde ebaŋa ke Ezekiel 33:12–19 ibɔhɔ edinam emi odotde? (se ŋko Matthew 21:28–31; Luke 18:9–14).

• Nso ke afo okut ke mme ufaŋ emi emi anwamde fi ɔfiɔk se ɔwɔrɔde ndikabade esit? Mme nso ifiɔk efen ke afo okut ke Ezekiel 36:26–27 ye Alma 7:14–16?

Ewut ndibok Israel ke Ezekiel 37 oto ke se idade inɔ iba. Nte afo okotde abaŋa akpa—nsat efiakde enyene uwem (se mme ufaŋ 1–14)—kere baŋa se enye etiŋde ɔnɔ fi abaŋa ndibok Israel ke ŋkan veil mbiba (se ŋko Ezekiel 36:24–30). Kere baŋa mme mbume ntem:

• Nso ke Ͻbɔŋ oyom ndinam nto ndibok Israel?

• Didie ke Enye akan anam enye?

Afo emekeme ndibup idem fo mme ukem mbume emi nte afo okotde abaŋa ɔyɔhɔ iba se adade ɔnɔ, ke mme ufaŋ 15–28. Se idade inɔ emi esine eto iba, emi ediwak nta ifiɔk ekabadere nte mme obukpɔk uwet-ŋkpɔ ediande ke mkpaha. Eto Judah ekeme ndida nnɔ Bible (sia ediwak se isinede ke Bible edi ubon Judah ekewet), ndien eto Joseph ekeme ndida nnɔ Ŋwed Mormon (sia mbon ufɔk Lehi eketode ubon Joseph eke Egypt). Ye oro ke esit, nso ke mme ufaŋ emi ekpep fi abaŋa utom mme ŋwed Abasi ke ndibok Israel?

Kere baŋa nte Bible ye Ŋwed Mormon enamde utom kiet ke uwem fo—akpan akpan, ndinwam fi edi etiene Christ. Efe mme etop etim ewɔrɔ ŋkpɔ enɔ fi?

Se ŋko 2 Nephi 3:11–13; 29:14; “Israel, Israel, God Is Calling,” Hymns, no. 7; Topics and Questions, “Bible,” “Book of Mormon,” Gospel Library; “The Book of Mormon Gathers Scattered Israel” (video), Gospel Library.

1:31

e afo okotde Ezekiel 47:1–12, ekeme ndiŋwam ndifiɔk ete ke Dead Sea enyene inuŋ tutu iyak ye eto ikemeke ndidu ke enye. Nso ke afo ama abaŋa mme mmɔŋ emi etiŋde ebaŋa ke mme ufaŋ 1–12? (se ŋko Revelation 22:1). Nso ke mme mmɔŋ emi eda enɔ? Nso ke mme eto emi etiŋde ebaŋa ke ufaŋ 12 ada ɔnɔ?

Nso ke etop Elder Dale G. Renlund “Family History and Temple Work: Sealing and Healing” adian ke ifiɔk fo? (se Liahona, May 2018, 47–48). Kere baŋa nte afo okutde uwem spirit ye edikɔk ke ntak temple.

• Nditɔ-ŋwɔŋ ekeme ndima ndinam mme ŋkpɔ emi esaŋade ye Ezekiel 3:17. Ke nte uwut-ŋkpɔ, mmɔ ekeme ndiwut enyin mmɔ, ye inua ke ini okotde mme ikɔ emi “andikpeme,” “kop,” ye “inua.” Mmɔ ŋko ekeme ndima ndisaŋa isaŋ—ke aŋwa mme ke ufɔk. Nte mmɔ esaŋade, sian mmɔ baŋa mme ŋkpɔ emi edude ke usuŋ, nte inyaŋ ndifrɔ mbe, mme ŋkɔk eto ndinuhɔ (mme edi akpan mme ekekere). Emi ekeme ndida nneme abaŋade nte mme prophet Abasi ekpande nnyin ebaŋa mme afanikɔŋ emi nnyin mikwe.

• Se usuŋ efen ndimen nwut mi Ezekiel 3:17; 33:1–5.. Eyen fo kiet ekeme ndinam nte idi “andikpeme” ke ndise ke window nyuŋ ndɔhɔ kpukpru owo efen se itibede ke anwa. Mbufo ŋko emekeme ndise video emi “Watchman on the Tower” ChurchofJesusChrist.org Didie ke odu uwem prophet nnyin etie nte andikpeme ɔnɔ nnyin?

  

  4:17

• Ke okotde Ezekiel 37:15–23 kiet ama, afo ye nditɔ fo emekeme ndikut mme eto iba enyuŋ ewet ke kiet Eke Judah (Bible) ndien ke oko Eke Joseph (Ŋwed Mormon. Afo ŋko ndien emekeme ndibuana mme mbuk mme mme ŋwed Abasi ke Bible ye Ŋwed Mormon emi anwamde fi ekpere Andinyaŋa onyuŋ akabade “ikɔt [Esie]” (ufaŋ 23). Ntak emi ɔfɔnde ndinyene mme ŋwed Abasi iba?

• Ezekiel 47 etiŋ abaŋa ŋkukut Ezekiel eke mmɔŋ emi efehede oto ke temple onyuŋ ɔsɔbɔde Dead Sea—inyaŋ emi awakde inuŋ tutu iyak ye mme eto ikemeke ndidu ke enye. Ekeme ndidi ke nditɔ fo kiet kiet ekeme ndimiŋ ŋkpɔ kiet me iba nto ŋkukut oro, nte temple, inyaŋ, desert, Dead Sea, udim iyak, mme eto oŋwomde mfri. ien, nte afo okotde mme ufaŋ 1–12 kiet, mmɔ ekeme ndibuana se mmɔ ekemiŋde ke ini esiakde enyiŋ ŋkpɔ oro. Mme nso edidiɔŋ eketo inyaŋ ke ŋkukut oro? Nwam nditɔ ndikut nte mme edidiɔŋ emi etiede nte mme edidiɔŋ emi Andinyaŋa ɔnɔde mbon emi enim mme ediomi temple. Video “And the River Will Grow” (Gospel Library) ekeme ndinwam.

  

  3:43

• Mbufo ŋko emekeme ndikwɔ kiet ikwɔ emi etiŋde abaŋa mme edidiɔŋ temple, utɔ nte “Families Can Be Together Forever” (Children’s Songbook, 188). Nso ke ikwɔ emi ekpep abaŋa nte Ͻbɔŋ ɔdiɔŋde nnyin ke edisana ufɔk Esie?