Daniel 1–7

Ke ekikere kiet, ofuri nnyin idu ke Babylon. Nnyin imisiwak ndidu ke idomo ndisuhɔde idaha nnyin nyuŋ ŋwɔŋɔde mkpɔŋ mbuɔtidem ke Christ. Nte afo okotde Daniel 1, 3, ye 6, se mme usuŋ emi ekefikde Daniel, Shadrach, Meshach, ye Abed-nego ete enam mme ŋkpɔ emi mmɔ ekefiɔkde ke edi idiɔk. Didie ke mmɔ ekebɔhɔ mme ŋkpɔ emi? (se Daniel 1:10–13; 3:15–18; 6:10). Nso ikiwɔrɔ ito mbuɔtidem mmɔ? Nso ke afo ekpep oto mme edinam emi emi ekemede ndinam fi odori-enyin ke Ͻbɔŋ ke ini okutde se misaŋake ye ido fo. Ŋko kere baŋa mme mbume emi:

• Ke ini efe ke afo ekere ke ema efik fi ete anam ŋkpɔ emi afo ɔkɔfiɔkde ke edi idiɔk. Didie ke Ͻbɔŋ ɔdiɔŋ fi ke ndinim ibet Esie?

• Nso iditibe edieke mbuɔtidem fo midaha ika mme utibe ŋkpɔ emi afo oyomde? (ke nte uwut-ŋkpɔ, se Alma 14:8–13). Ke asaŋade ye se afo okokotde ke Daniel 3:13–18, didie ke afo ekere ke Shadrach, Meshach, and Abed-nego ekpebɔrɔ mbume emi? Didie ke uwut-ŋkpɔ mmɔ oyuk nte afo esede mme idomo fo?

• Didie ke nti edimek fo ada mbon efen aka akamba mbuɔtidem ke Ͻbɔŋ? (se Daniel 2:47; 3:28–29). Kere baŋa se mme edimek fo ekemede ndinam nnɔ mbon efen.

Se ŋko Dieter F. Uchtdorf, “Be Not Afraid, Only Believe,” Liahona, Nov. 2015, 76–79.

Oto ke eriyarare, Daniel ama okut ete ke ndap Nebuchadnezzar ama etiŋ abaŋa mme obio-ubɔŋ ererimbot ke ini iso, kpa ye obio-ubɔŋ Abasi ke ini iso, emi “midisoboke ke nsinsi” (Daniel 2:44). “Ufɔk Abasi ediobio-ubɔŋ ukperede usen oro emi eketiŋde nte prophet,” Elder D. Todd Christofferson ama ekpep ete, “idighe owo okobot edi Abasi heaven ekesiak ndien aka iso ewere nte itiat ‘emi owo midaha ubɔk isibe iso ke obot’ ndiyɔhɔ ererimbot” (“Why the Church,” Liahona, Nov. 2015, 111). Kere baŋa obio-ubɔŋ Abasi ke ukperedem usen nte afo okotde se ewetde ke itiat ke Daniel 2:34–35, 44–45. Nso idi ubiɔŋ utom fo ke ndinam prɔfesi emi osu?

Se ŋko “Hark, All Ye Nations!,” Hymns, no. 264; “God Gave Them Knowledge” (video), ChurchofJesusChrist.org

13:49

Nte afo ekpepde Daniel 2:1–15, kere baŋa nte afo ekpekerede edieke afo okpokutde idem fo ke itie Daniel. Nso ke Daniel akanam? (se Daniel 2:16–18). Nso ke afo ekpep oto Daniel 1:17 kabaŋa nte Abasi ekebeŋede Daniel idem? Nso ke afo ekeme ndikpep nto mme ikɔ ye edinam Daniel ke ini enye ama ɔkɔbɔ uŋwam Abasi? (se Daniel 2:19–30).

Ke ini utom ererimbot Andinyaŋa, ediwak mme Jew ema ese udori enyiŋ oro “Eyen owo” ke Daniel 7:13 nte ke abaŋa Messiah emi edidide. Nso ke afo ekpep oto Messiah ke Daniel 7:13–14? (se ŋko Moses 6:57).

Andiyaŋa esiwak ndikot idem esie “Eyen owo.” Kere baŋa ndifiak nse usuk mme uwut-ŋkpɔ: Matthew 25:31; Mark 9:31; 10:45. Nso ke enye ikpep abaŋa idem esie ke mme ufaŋ emi? Ke Mark 14:61–64, Jesus ada udori-enyiŋ emi ke akpatre usen uwem mkpa Esie. Se mme edinam mme owo emi ekekopde ikɔ Esie. Didie ke prɔfesi Daniel kabaŋa Eyen owo otuk mme ekikere fo kabaŋa se ikitibede inɔ Enye ke Mark 15?

Ukem nte ekesuade Jesus ke ndidɔhɔ nte ke Enye ekedi “Eyen owo,” afo ŋko emekeme ndinyene ukɔbɔ ke nditiŋ akpanikɔ. Domo prophecy ke Daniel 7:13–14 ye prophecy ke Doctrine and Covenants 121:29, 46.

Se ŋko Doctrine and Covenants 49:6; Guide to the Scriptures, “Son of Man,” Gospel Library.

• Man anwam nditɔ fo ekpep eto mme nti mbuk ke ŋwed Daniel, afo emekeme ndise mme ndise mme edinam ke Daniel 1, 3, ye 6 (se ikpa ŋwed edinam eke udua emi mme Gospel Art Book, nos. 23, 25, 26). Ndien afo emekeme ndiŋwɔŋɔde mme ndise oro ŋkubi ndien okot eyen kiet ete ɔŋwɔŋɔde kiet onyuŋ etiŋ abaŋa mbuk emi enye adade ɔnɔ. (ke unwam, se “Daniel and His Friends,” “Shadrach, Meshach, and Abed-nego,” ye “Daniel and the Lions’ Den” ke Old Testament Stories, 154–56, 160–62, 163–65.)

  

  1:39

  

  1:39

  

  1:45

• Nwam nditɔ ekere ebaŋa mme idaha emi ekemede ndinyik mmɔ ete enam mme idiɔk edimek, nte Daniel ye mme ufan esie ekedude ke Daniel 1, 3, ye 6. Buana ye kiet eken nte ediɔŋde fi ke ndinam eti edimek kpa ke ini ɔkɔsɔŋde. Afo ŋko emekeme ndikwɔ kiet ikwɔ abaŋade ibuot ikɔ emi, utɔ nte “Choose the Right” (Hymns, no. 239).

• Ndikot mbuk abaŋade Daniel ye mme ufan esie nte mmɔ esinde unam ye mmin edidem ekeme ndida nneme abaŋade mbet nsɔŋ-idem emi Ete ke Heaven ɔnɔde mfin emi ndi (se Doctrine and Covenants 89). Afo emekeme ndiyom mme edidiɔŋ emi Daniel ye mme ufan esie ekebɔde ndien odomo mmɔ ye mme edidiɔŋ emi eŋwɔŋɔde ke Ikɔ Ɔniɔŋ (se Daniel 1:15–17 ye Doctrine and Covenants 89:18–21).

• Nte afo okotde Daniel 2:31–35, 44–45 ye nditɔ fo, afo emekeme ndikot mmɔ ete emiŋ ndise ndap Nebuchadnezzar. Ŋwam mmɔ efiɔk ke itiat ke ndap oro ada ɔnɔ Ufɔk Abasi Jesus Christ Mme Ndisana Owo ke Ukperedem Usen. Nso ke nnyin ikpep ibaŋa Ufɔk Abasi ke ndap emi? Nditɔ fo ekeme ndisiak usuk mme ŋkpɔ emi Ete ke Heaven akanamde ndisiak Ufɔk Absi Esie ke ukperedem usen. Edieke mmɔ eyomde uŋwam, afo emekeme ndiwut mme ndise eke mme edinam otode Mfiak-mmen-ndi Ufɔk Abasi (se Gospel Art Book, nos. 90–95).

• Ntak emi ndibɔŋ akam nnɔ Ete ke Heaven ekedide akpan ɔnɔ Daniel. Afo ye nditɔ fo emekeme ndineme mbaŋa mbume oro nte mbufo ekotde Daniel 6 kiet. Ndien mbufo emekeme ndidɔhɔ kiet eken ntak emi ndibɔŋ akam edide akpan ɔnɔ fi. Nditɔ fo ekeme ndima ndimiŋ mme ndise idem mmɔ nte ebɔŋde akam ke mme nsio-nsio idaha. Mmɔ ekeme ndida mme ndise mmɔ ekpep kiet eken ete ke nnyin imikeme ndibɔŋ akam nnɔ Ete ke Heaven ke ebiet eke nnyin idudu mme se nnyin iyomde.