Come, Follow Me
December 7–13 “Edisana enyene Ͻbɔŋ”: Haggai 1–2; Zechariah 1–4; 7–14

“December 7–13. ‘Edisana enyene Ͻbɔŋ”: Haggai 1–2; Zechariah 1–4; 7–14,’ Di, Tiene Mi—Eke Ufɔk ye Ufɔk Abasi: Akani Testament 2026 (2026)

“December 7–13. ‘Edisana enyene Ͻbɔŋ,’” Di, Tiene Mi: Akani Testament 2026

Laie Hawaii temple ke idak obubit enyɔŋ

Temple Laie Hawaii

December 7–13:“Edisana enyene Ͻbɔŋ”

Haggai 1–2; Zechariah 1–4; 7–14

Ke ediwak isua ke ŋkpɔkɔbi ama ekebe, otu mbon Israel kiet, ekemendidi ke mme prophet Haggai ye Zechariah ema esine, ema eyak mmɔ efiak enyɔŋ eka Jerusalem. Usuk ke otu emi ema eti se nte temple eketiede mbemiso ewuri. Kabaŋa mbon oro emi ekerede mme eyefiak ebiet ufɔk Ͻbɔŋ “ke akpa ubɔŋ esie” (Haggai 2:3),Haggai ama etiŋ mme ikɔ uko “Esɔŋ odudu, kpukpru mbufo mbio obio, Ͻbɔŋ ɔdɔhɔ, enyuŋ enam utom: koro ami ndude ye mbufo…mbufo ekufehe ndik.” “Ami nyeyɔhɔ ufɔk emi ye ubɔŋ, … ndien ke ebiet emi ke ami ndinɔ emem” (Haggai 2:4–5, 7, 9).

Edi ikidighe edisana temple ikpɔŋ ke akana nte efiak ebɔp. Ke ediwak usuŋ, ikɔt Abasi ekedu ke nsobo eke spirit. Ndien ndifiak mbɔp ndisana owo akan ndisibe mme itiat nyuŋ nnim mmɔ nnen nnen man ebɔp edisana ufɔk. Ɔwɔrɔ ke ana nte ewet “Edisana enyene Ͻbɔŋ” idighe ke ibibene temple ikpɔŋ, mme ke “mme ŋkanika mme horse” ye “kpukpru esio ke Jerusalem” (Zechariah 14:20–21). Ana nte ewet mmɔ ŋko ke ofuri esit.

Ke ndise ke usɔp mbaŋa mme ŋwed Ezra ye Nehemiah, se “Haggai” ye “Zechariah” ke Bible Dictionary.

idiɔŋɔ ukpep

Mme Ekikere Ndikpep-ŋkpɔ ke Ufɔk ye Ufɔk Abasi

Haggai 1; 2:1–9

idiɔŋɔ seminary
“Kere mme usuŋ fo.”

Ediwak akpan ŋkpɔ edu ndinam man efiak ebɔp Jerusalem. Edi ke ŋkpɔ nte isua 15 ama ekebe tɔŋɔ nditɔ Israel ekenyɔŋ edi, Ͻbɔŋ ikinemke esit ete ke ndifiak mbɔp temple ikinyeneke akpan itie nte ekpedide (se Haggai 1:2–5; se ŋko Ezra 4:24). Nte afo okotde Haggai 1; 2:1–9, kere baŋa mme mbume ntem:

  • Mme nso utit ke nditɔ Israel ekekut ke ntak emi mmɔ mikibɔpke temple ima?

  • Mme nso edidiɔŋ ke Ͻbɔŋ ɔŋwɔŋɔ ɔnɔ mmɔ edieke mmɔ ebɔpde ufɔk Esie ema?

  • Nso idi etop Ͻbɔŋ inɔ fi ke Haggai 1:5–7? Didie ke afo ekeme ndinam mme akpan ŋkpɔ fo asaŋa kiet ye eke Ͻbɔŋ? Ke ini ewe ke ediɔŋ ke ndito ndorienyin ke Abasi ke uwem fo?

Mme ada iso Ndisana owo ke Ukperedem Usen ema ekut ukem idaha nditɔ Israel ekekutde ke eyo Haggai (se Doctrine and Covenants 95). Nso ke afo ekpep oto mme uwut-ŋkpɔ iba emi kabaŋa nte Ͻbɔŋ ekerede abaŋa mme temple?

Se ŋko Dale G. Renlund, “Jesus Christ Is the Treasure,” Liahona, Nov. 2023, 96–99; Terence M. Vinson, “True Disciples of the Savior,” Liahona, Nov. 2019, 9–11; “We Love Thy House, O God,” Hymns, no. 247; “Provo City Center Temple Completed” (video), ChurchofJesusChrist.org

7:17

Provo City Center Temple Completed

Zechariah 1–3; 7–8; 14

Ͻbɔŋ ekeme ndinam mi nsana.

Ke ekikere fo, nso idi ufɔn ndinyene “edisana enyene Ͻbɔŋ” emi ewetde ke kpukpru ŋkpɔ nte mbon oro esiakde ke Zechariah 14:20? (se ŋko Exodus 28:36–38). Nso idi ufɔn ndiwet enye ke mme temple mfin? Nso ke ibio ikɔ emi ɔwɔrɔ ɔnɔ fi? Didie ke afo ekeme ndinam edisana edi ubak uwem fo? Kere baŋa mme mbume emi nte afo okotde mme ikot emi Ͻbɔŋ ɔnɔde ikɔt Esie ete esana ekan akpa ke Zechariah 1:1–6; 3:1–7; 7:8–10; 8:16–17.

Afo ŋko emekeme ndikot Zechariah 2:10–11; 8:1–8; 14:9–11, 20–21 man ɔfiɔk se uwem edidide ke ini iso ke ini kpukpru nnyin ididude ke idaha edisana. Nso ŋkpɔ inem fi ibaŋa ŋkukut Zechariah kabaŋa ini iso Jerusalem? Nso ke afo okut mi emi afo edimade ndikut ke obio fo? Didie ke afo edima ndiduŋ ke mme idaha emi Zechariah etiŋde abaŋa?

Jesus odukde Jresalem ke enyɔŋ donkey

“Sese edidem fo eyedi ke ɔtɔ fo: enye enen, onyuŋ onim idem ke andinyaŋa; suŋ-suŋ, onyuŋ odoro ke ass” (Zechariah 9:9). Triumphal Entry, emi Harry Anderson ewetde

Zechariah 9:9–11; 11:12–13; 12:10; 13:6–7; 14:1–9

Jesus Christ edi Messiah emi ekeŋwɔŋɔde.

Ediwak mme se Zechariah ekewetde ewut utom Jesus Christ ke isɔŋ ye Udiana Edidi Esie mbiba. Ke idak emi edi usuk mme prɔfesi Zechariah, ye mme ŋwed Abasi abaŋade edisu mmɔ. Nte afo ekpepde mme etop emi, bup idem fo ete: Nso ke emi ekpep mi abaŋa Andinyaŋa?

  • Zechariah 9:9–11 (se Matthew 21:1–11; 1 Peter 3:18–19)

  • Zechariah 11:12–13 (se Matthew 26:14–16; 27:1–7)

  • Zechariah 12:10 (se John 19:37; Revelation 1:7)

  • Zechariah 13:6–7; 14:1–9 (se Matthew 26:31; Doctrine and Covenants 45:47–53)

Nso ke afo ekere ekpeketie nte ndidu ke otu mme owo emi edarade Jesus esin ke Jerusalem nte etiŋde ke Zechariah 9:9–11? Didie ke afo ekeme ndidara Enye nsin ke uwem fo, mme ufɔk fo, ye obio fo?

Se ŋko Guide to the Scriptures, “Messiah,” Gospel Library; “The Lord’s Triumphal Entry into Jerusalem” (video), Gospel Library; Ronald A. Rasband, “Hosanna to the Most High God,” Liahona, May 2023, 108–12.

1:22

The Lord's Triumphal Entry into Jerusalem

Ke se iwakde ikan emi, se Liahona eke ɔfiɔŋ emi ye For the Strength of Youth magazines.

ndise owutde ikpehe eke nditɔ-ŋwɔŋ

Mme Ekikere Ndikpep Nditɔ-ŋwɔŋ

Haggai 1:2–8

“Kere mme usuŋ fo.”

  • Nte afo okotde mme ubak Haggai 1:2–5 ye nditɔ fo, ŋwam mmɔ ndifiɔk ntak emi Abasi mikinemke esit ye mme owo. Nditɔ fo ekeme ndisio ibio ikɔ ke ufaŋ 6 enyuŋ emiŋ ndise esie. Mmɔ ekeme ndiwut kiet eken enye enyuŋ esiak se edimiŋ kiet kiet adade ɔnɔ. Ke ini nnyin ibiatde ini ke mme ŋkpɔ emi midighe se Abasi oyomde, didie ke oro edi nte ndidia edi uyuhɔke? Mbufo emekeme ndineme nneme ye kiet eken ebaŋa nte ekemede ndinim ini nnɔ mme ŋkpɔ emi edide akpan enɔ Abasi.

  • Afo ŋko emekeme ndikot ufaŋ 8 ɔnɔ nditɔ fo onyuŋ okot mmɔ ete enam nte “edɔk eka obot,” “ndida eto,” nyuŋ “ndibɔp ufɔk [Ͻbɔŋ].” Nditɔ fo ekeme ndiwet udim ŋkpɔ emi mmɔ enamde ke usen, ye mme ŋkpɔ emi Ͻbɔŋ ɔdɔhɔde mmɔ ete enam. Dɔhɔ nditɔ fo ete “ekere mme usuŋ [mmɔ]” ke ndiwet ekara nkanade se Ͻbɔŋ ekemede ndidɔhɔ ke edi mme ŋkpɔ emi edide akpan akan ke udim ibat oro.

Ukpep-ŋkpɔ abaŋade ufɔkiduŋ. President Russell M. Nelson ama ekpeb ete ke ufɔk ana edi “akpa ɔnɔ ukpep-ŋkpɔ ikɔ-Abasi.”(“Becoming Exemplary Latter-day Saints,” Liahona, Nov. 2018, 113). Nte mbon ufɔk fo ekpepde item Haggai “ndikere mme usuŋ fo,” afo emekeme nditiŋ mbaŋa nte edinimde Abasi akpa ke uwem ufɔk mbufo.

Zechariah 3:1–7

Ndinam ye ndinim mme ediomi ekeme ndinwam mi ntim ntie nte Ete ke Heaven ye Jesus Christ.

  • Ke ŋkukut, Zechariah ama okut akwa oku emi “ekesinede ndedehe ɔfɔŋidem” (Zechariah 3:3). Angel ama ɔnɔ enye edisana ɔfɔŋ. Afo emekeme ndinwam nditɔ fo ndikut mme akpan akpanikɔ ke ndikot kiet Zechariah 3:1–7 ndien etiŋ ebaŋa se ndedehe ɔfɔŋ ye edisana ɔfɔŋ edade enɔ. Didie ke nnyin ikeme ndikabade nsana ke mme idiɔk-ŋkpɔ nnyin, kpa ke ini ema ekeduɔk nnyin mmɔŋ. Didie ke ediomi uduɔk-mmɔŋ nnyin anwam nnyin “isaŋa ke mme usuŋ [Ͻbɔŋ]”?

  • Afo ye nditɔ fo ekeme ndise ndise uduɔk-mmɔŋ, nte enye emi ke ibio ibuot ikɔ emi. Ntak emi nnyin isinede afia ke uduɔk-mmɔŋ nnyin? Mbufo emekeme ndikwɔ ikwɔ abaŋade uduɔk-mmɔŋ, utɔ nte “When I Am Baptized” (Children’s Songbook, 103; nso ke ikwɔ oro ekpep abaŋa ntak emi Ͻbɔŋ oyomde nnyin iduɔk-mmɔŋ?

ete ɔduɔkde enyen anwan esie mmɔŋ ke akpa

Zechariah 9:9–11; 11:12; 13:6–7

Jesus Christ edi Messiah emi ekeŋwɔŋɔde.

  • Nditɔ fo ekeme ndima ndikere nte ndise edinam emi eketiŋde ebaŋa ke Zechariah 9:9, ke ini Jesus ekedidukde Jerusalem ke akpatre udua eke uwem mkpa Esie. Man aŋwam ye emi, wut mmɔ ndise edinam oro, nte enye emi ke ibio ibuot ikɔ emi. Afo ŋko emekeme ndibuana ye nditɔ mmɔ “The Savior Goes to Jerusalem” (ke New Testament Stories, 110–12). Nditɔ fo ekeme ndiwut mme owo ke mme ndise oro emi “edatde esit eti eti.” Anie edi Edidem ke Zechariah 9:9? Ntak emi nnyin ikɔmde Enye?

    1:35

    Chapter 44: The Savior Goes to Jerusalem

  • Kere baŋa ndinwam nditɔ fo edomo mme prophecy ke Zechariah ye mme ufaŋ ke Obufa Testament emi etiŋde abaŋa edisu mmɔ. Emi edi usuk mme uwut-ŋkpɔ: Zechariah 9:9 ye Matthew 21:5–9; Zechariah 9:11 ye 1 Peter 3:18–19; Zechariah 11:12 and Matthew 26:14–16; Zechariah 13:7 ye Matthew 26:31. Nso ke nnyin ikpep ibaŋa Andinyaŋa ke mme ufaŋ emi?

Ke se iwakde ikan emi, se ke Friend magazine eke ɔfiɔŋ emi.

Mme idiɔŋɔ ke ediwak temple ewerede “Edisana enyene Ͻbɔŋ” ye “Ufɔk Ͻbɔŋ” ke nsio nsio usem

“Edisana enyene Ͻbɔŋ” odu ke ofuri temple.

Ikpa ŋwed edinam Primary: Jesus Christ ekeme ndinam spirit mi asana