Exodus 1–6

Met a eingok usun ekkewe fefin mi awewetiw non Exodus 11–2? Ifa usun ra aninis ne apwonueta an Kot kokkot fan iten Noun aramas? Met kewe ar achocho ra aituk usun angang non an Kot angang?

Me mwen kopwe poputa ne anneani Exodus, menin kopwe ekieki usun eu fansoun weires ka fen weri—och mettoch ka aneanei ewe Samon epwe angasok seni. Met kapas me porous non Exodus 1–3 usun ir mi nonno ngeni fotekin ngun ika ekkoch mettoch sia mesengeni ikenai? Pwan apareni ifa usun ekkewe semiriten Israel ra kutta ngaseno me ifa usun ewe Samon a ponuweni (nengeni, ren awewe, Exodus 2:23–25; 3:7–8). Ifa usun ewe Samon a “feitiw epwe angasa” en?

Non unusen ewe puken Exodus, kopwe tongeni pwan apareni ekkoch nonno pok nefinen Moses me Jises Kraist (nengeni Deuteronomy 18:18–19; 1 Nifai 22:20–21). Ren awewe, met nonno pok ka kuna nefinen Exodus 1:22; 2:1–10 me Matthew 2:13–16? Ika nefinen Exodus 24:18 me Matthew 4:1–2? Met ka mefi ewe Samon a mochen kopwe weweiti usun I pwisin me An manaman?

En mi tongeni ekieki usun eu fansoun nupwen och mettoch a aurokeno ren ingeno me amwarar? Ifa usun om ponuweni? Ifa usun kopwe anapanapa ewe memmef ka mefi?

Ren ena non ekiek, anneani Exodus 3:1–6. Met a eingok usun ourouren met a fis ngeni Moses? Met Moses a fori ne pwarano sufon ngeni Kot? Met nonno pok ka kuna nefinen an foffor me sufon ren mettoch mi pin?

Anneani ekkei uwokisin meni repwe peseok ne ekieki usun mettoch mi pin me neni mi pin non manauom. Pwata ra pin ngonu? Ifa usun ka asokkano ne tumunur seni chok mettoch meinisin? Ne emweni om ekipwich, ka tongeni no ngeni ewe kinikin itenapan “Remembering the Promises” non an Elter David A Bednar porous “Pwon mi Napanap me Auchea” (Liahona, Nov. 2017, 91–93). Ka pwan tongeni konu ika ausening ngeni eu kon mi fen mi pesei mwar, usun “U Ingeiti” (Kon mi fen, no. 20) me ekipwichi met usun ewe kapas allim a amwarar ngonuk.

Ewer, pwan mwo nupwen a wor amwararen mettochun ngun a fis ngeni kich, mi wor feiengawen ach sisap aureki usun mettoch mi pin. Ifa usun kopwe eppeti an esap fis ei? Ikkei ru porous mi kapas usun ei osukosuk; fini eu, me kutta ekkoch mak non epwe anisuk: Ulisses Soares, “In Awe of Christ and His Gospel” (Liahona, May 2022, 115–17); Gérald Caussé, “Is It Still Wonderful to You?” (Liahona, May 2015, 98–100).

Nengeni pwan Doctrine and Covenants 6:10–12; 63:64.

Ikenai sia sinei Moses usun emon soufos mi nap me emon souemwen. Nge Moses ese ekieki pwisin i non ena napanap nupwen ewe Samon a aewin keran kokkori. Nupwen ka anneani Exodus 3–4, etettenatiw an Moses kewe aurek me ifa usun ewe Samon a ponuweni eu me eu. Met ka kuna non ekkei sopwun minne mi tongeni peseok nupwen ka mefi nafangaw? Inet ka fen kuna Kot a apochokunok ika ekkoch ne fori An angang?

Nengeni pwan “The Church Gives Us Opportunities to Assist in God’s Work” [Ewe Mwichefen a Ngenikich kewe Tufich ne Aninis non An Kot Angang] non “Church Organization” non Itenap me Kapas Eis, Gospel Library.

Mi tongeni epwe etipemwaramwar nupwen ach ennetin achcho ne fori mi och usun rese tawe—nupwen sia achocho ne fori mochenin ewe Samon nge sise kuna mwirimwirin usun sia esuku. Ne kaeo usun eu mwokutukut mi nonno ngeni an Moses, anneani Exodus 5:4–9, 20–23. Ifa usun ewe Samon a akkufu an memmefin tipemwaramwar? (nengeni Exodus 6:1–13). Ifa usun ewe Samon a anisuk ne nukuchar ne fori An mochen?

Nengeni pwan Jeffrey R. Holland, “Waiting on the Lord,” Liahona, Nov. 2020, 115–17.

• Moses a watten wisan non angasanon Israel seni fotek. Nge ita esap tufich ngeni i an epwe awesi ei ika inan we, fefinan, noun Pharaoh fopun, me ekkoch fefin mi nikitu rese eppeti me tumunu i. Anisi noum kewe semirit repwe kaeo usun ekkei fefin non Exodus 1:15–20; Exodus 2:2–10 (nengeni pwan Numbers 26:59); me Exodus 2:16–21 Ka pwan tongeni aea peichen mwokutukutun ei wik me “Baby Moses” (non Porousen Testamen Noom, 61–63) ne aporousa porouser. Ifa usun ekkei fefin ra anisi ne apwonueta an Kot kokkot? Porous fengen usun ekkoch aramas oua sanir ekkewe ra aninis ren an Kot angang, mi pachenong non napanap mi kukkun me mecheres. Ifa usun sia tongeni tapweno mwirin ar nenien appiru?

  

  1:36

• Mwirin om ami anneani Exodus 3:1–5 fengen, eisini noum kewe semirit repwe mennapei ekkei uwokisin non pwisin ar kapas (nengeni pwan “Moses The Passover” non Porousen Testamen Noom, 64–66). Ifa usun Moses a pwarano sufon fan mesen ewe Samon? Ifa usun ewe Samon a mochen sipwe pwarano sufon? Ka pwan tongeni eisini noum kewe semirit repwe anisuk ne kutta (ika chungani) ekkoch sasingin neni mi pin ika urumot ikewe sipwe sufon me ie. Met sia tongeni fori ach sipwe fori imwach kewe repwe neni mi pin?

  

  1:26

• Konu fengeni eu kon usun sufon, usun ren “Reverence Is Love” (Noun Semirit Puken Kon, 31). Nupwe oua fori, noum kewe semirit ra tongeni kutta kapas ika porous mi awewei met wewen ach sipwe sufon. Ika sia wato emon chienach ngeni fan ren ewe aewin fansoun, ifa usn sipwe tongeni awewei met wewen sipwe sufon?

• Aea ewe uruo non Exodus 3; 4:1–17, mut ngeni noum kewe semirit repwe nikesiwin ne tipitipin pwe ita ir Moses. Meni epwe apwapwa ne apachanong ekkoch mettoch ika mecheresin pisekin sipai, usun ren eu tengki me efoch kukkun ira repwe tupuni ewe ira mi ngetenget. Anisi noum kewe semirit repwe kutta ifa usun Moses a mefi usun ewe wis ewe Samon a ngeni i (nengeni Exodus 3:11; 4:1, 10). Meni oua tongeni aporousa fengeni ekkoch fansoun nupwen a nonno ami memmef ngeni. Met ourour ita oupwe ngeni Moses an epwe anisi i? Anneani ifa usun ewe Samon a pesei Moses non Exodus 3:12; 4:2–9, 11–12. Ureni ekkewe semirit ifa usun ewe Chon Amanau a anisuk ne apwonueta eu kokko, tapweno mwirin eu memef, ika fori och pwan mettoch mi weires ngonuk.