Genesis 37–41

Non fansoun me fansoun, seseroch usun a nikitano Joseph, nge ewe Samon ese. Nupwen ka anneani porousen Joseph, ekipwichi kapaseis usun ekkei: Met Joseph a fori an epwe arap ngeni ewe Samon? Ifa usun ewe Samon a “nom ren i”? (nengeni Genesis 39; 40:1–19; 41:9–45). Met ka kaeo seni porousen Joseph minne mi tongeni anisuk kopwe esinna nonnomun ewe Samon non manauom?

Meni kopwe pwan eis kapaseis mi nonno ngeni usun amanauom. Met pisekin pwarata ka fen kuna pwe ewe Samon esamo nikitukono non fansoun sossot? Ekieki ifa usun ka tongeni aporousa met mi fis ngonuk ngeni chon om famini me mwirimwirum non fansoun mwom (nengeni 1 Nifai 5:14).

Ewer, epwe pwan wor ekkoch sossot non fansoun mwach. Met ka tongeni fori iei ne tumunochu pwe ekkei sossot resap weitukono seni ewe Samon? Ekieki ne makkei echo toropwe ne peseok non fansoun mwan ne nom arap ngeni I ese nifinifin met a fis. En mi tongeni apachanong ekkoch weweoch seni manausen Joseph ika seni an Elter D. Todd Christofferson porous “Nefinach ngeni Kot” (Liahona, May 2022, 78–81).

Nengeni pwan John 14:18; Romans 8:28; Alma 36:3; Doctrine and Covenants 121:7–8; “Abide with Me!,” Kon mi fen, no. 166.

A wor an Joseph niffangen kuna me weweiti porous seni ewe Samon me non tan. Met ka tongeni kaeo seni Genesis 37:5–11; 40:5–8; 41:14–25, 37–38 usun angei me weweiti pwarata seni ewe Samon? Ren awewe, met ka tongeni kaeo seni an Joseph nenien appiru nupwen pwarata usun a weires? (nengeni Genesis 40:8; 41:16).

Ekipwichi ifa usun ewe Samon a pwarano An mochen ngonuk. Met ka fori ne mokutukut won pwarata I a fen ngonuk? Ifa ussun ka kutta pwan ekkoch emwen seni I?

Ika Joseph epwe awora ourour won ifa usun sipwe ungeni sossot ne fori tipisin nisou, met ka ekieki pwe epwe apasa? Ekieki usun ei nupwen ka anneani usun met a fis ngeni non Genesis 39. Ren awewe, ekieki ifa usun Joseph epwe ponuweni aurek usun ekkei:

• Ika ese wor emon mi sinei met ngang mi fori, met ngawan? (nengeni uwokisin 8–9).

• Ua achocho ne ungeni, nge ewe sossot usun esap kouno (nengeni uwokisin 10).

• Met upwe fori nupwen ua nom non eu nikinik ikewe sossot a pochokun? (nengeni Uwokisin 12).

Ifa usun kopwe awewei pwata anneasochisi ewe annukun nimenimoch mi auchea? (nengeni Ren ewe Pochokunen Serafo: Eu Emwen ne Finata Finiom, 23–28).

An Joseph minen appiru, ewer, a tongeni och ngeni ekkoch sokkun pwan sossot. Ren met mi fis ngeni Joseph non ekiek, ekieki kopwe fori eu kokkot ren om riliseni me ungeni sossot. Ren awewe, ka tongeni ekieki eu sossot me makketiw ekkoch nikinik sipwe rikiseni me ifa usun kopwe “suseni” nupwen ewe sossot a fis.

Ikkei pwan ekkoch uwokisin ir mi tongeni anisi om kokkot. Met ka kaeo seni eu me eu ren ifa usun ewe Chon Amanau a tongeni anisuk om kopwe ungeni sossot? Matthew 4:1–11; 1 Corinthians 10:13; 1 Nifai 15:23–24; 3 Nifai 18:17–18.

Nupwen ka fori om kokkot, epwe pwan aninis ne ekieki usun ekkoch fansoun me nom nupwen ka fetanoch ne suseni ika ungeni sossot. Ifa usun ewe Chon Amanau a anisuk? (nengeni 2 Nifai 4:18–33).

An Joseph awewen an Pharaoh tan a emwen ngeni ekkoch wesewesen ourour mi mirit me ennet ren ach sipwe manau non eu fansoun nengita (nengeni Genesis 41:15–57). Ekieki met porousen pekin ngun an ewe Samon ngonuk non ei uruo. Ifa usun ka mefi pwe I a mochen kopwe monneta ngeni fansoun weires non fansoun mwom?

Nengeni pwan David A. Bednar, “We Will Prove Them Herewith,” Liahona, Nov. 2020, 8–11.

• Anneani usun ewe netipengaw non an Joseph famini a tongeni pesei eu aporous ren ifa usun sia tongeni mwokutukut ngeni chochon famini. Ach sipwe aporousa porousen Joseph me pwin kewe seni Genesis 37, ka tongeni nounou ekkewe sasing non ei tetten ika non “Joseph’s Inspired Dreams” (non Porousen Testamen Noom, 47–51). Mut ngeni noum kewe semirit repwe aporousa tichikin ewe porous ra sinei. Ka tongeni eisini noum kewe semirit ar repwe anchangei pwe ra nom non an Joseph famini. Met ita repwe apasa ika fori ar repwe chon fori kinamwe non ewe famini? Ren awewe, met wewen ne “kapas kinamwe” non ach famini? (uwokisin 4). Ifa usun Jises Kraist a emon chon fori kinamwe non an Kot famini?

  

  2:17

• Nupwen noum semirit ra mesengeni fansoun mi weires, mi namot ngenir repwe sinei pwe ewe Samon epwe nonnom rer, usun a nom ren Joseph. Meni ka tongeni anisi noum semirit repwe fori eu tettenin mettoch mi weires a fis ngeni Joseph (nengeni Genesis 37:23–28; 39:20; ika “Joseph’s Inspired Dreams” me “Joseph in Egypt,” non Porousen Testamen Noom, 47–51, 52–56). Mwirin eu me eu weires ra kuna, tingorei noum semirit repwe enniwini, “Ewe Samon a nom ren Joseph” (Genesis 39:2).

  

  2:17

  

  2:50

• Meni noum kewe semirit ra tongeni nenngeni Genesis 39:1–3, 20–23 ren meinisin fansoun ewe kapas “Ewe Samon a nom ren Joseph” me kapas mi nonno ngeni. Mut ngenir repwe aporousa met ra ekieki ei kapas a wewen. Ifa usun sia sinei pwe ewe Samon a nom rech? Aporousa fengeni ifa usun oua mefi pwe Kot a nom remi atun eu fansoun weires.

• Iei eu pisekin nesen mi tongeni anisi noum kewe semirit repwe tapweno mwirin an Joseph nenien appiru ne suseni punuwen Potiphar we: Nounou ruefou chisaku repwe tupuni Jises Kraist me Setan. Aea eu kukkun mecha, usun ren eu [akukun taropwe] kamwochun chon toropwe, ne tupuni kich. Mwirin mut ngeni noum kewe semirit repwe kuna ifa usun ewe weiwein eu chisaku me won ewe mecha mi pochokun nupwen ra amwokutu ewe mettoch epwe arap ngeni. Ifa usun met a fis ngeni Joseph non Genesis 39:7–12 a awewei ei ennet? Met sia tongeni fori ne mwokut seni tipis me arap ngeni Jises? Ewe fitio “Temptation Fades as We Seek Christ in Every Thought” (Gospel Library) me echo kon usun “U Mochen Ai Samon” (Kon mi fen, no. 14) a tongeni aninis ren ei aporous.

  

  2:58

  Nounou Kön. “Kon mi fen me ekkoch kon mi pin ra tongeni anisi semirit repwe mefi an Kot tong, mefi ewe Ngun, me kaeo ennetin kapas allim. Ekkewe ngingin, pichipichin, me mecheresin nonno pokun ngingin foun kapas ra tongeni anisi ekkewe semirit ar repwe chechemeni ennetin kapas allim ren chommong ier repwe feito. Nupwen ka kon ren semirit, anisir repwe kuna me weweiti ekkewe nongonong ra keit me non kewe kon” (Teaching in the Savior’s Way, 32).

• Anisi noum semirit repwe ekieki usun sossot repwe mesengeni. Mut ngenir repwe pwomweni ifa usun ra tongeni “suno” seni ekkei sossot.