Genesis 18–23

Ewe Samon a fori amwararen pwon ngeni ekkewe mi nikitu, nge fan ekkoch nonnomun manauach a tongeni efisi ach sipwe aureki ifa usun ekkei pwon ra tongeni tufichin pwonuta. Abraham me Sarah meni repwe mefi ena sokkun. Met ka kaeo seni met a fis ngenir? Meni epwe aninisoch ne poputani om kaeo ren om attona sefani met ewe Samon a fen pwonei non Genesis 17:4, 15–22. Ifa usun Abraham me Sarah ra ponuweni (nengeni Joseph Smith Translation, Genesis 17:23 [non Genesis 17:17, footnote b]; Genesis 18:9–12). Ifa usun ewe Samon a ponuweni ne anisir an epwe watte ar nuku non An kewe pwon? (nengeni Genesis 18:14).

Met ka kuna non ekkei uwokisin minne mi awatteno om nuku? Pwan met ekkoch mettoch a fis—non manauom ika manauen pwan emon—a fen apochokuna om nuku pwe we Samon epwe apwonueta An kewe pwon non pwisin An fansoun me napanap? Ka pwan tongeni ekipwichi ifa usun ka tongeni anisi om nuku nupwen pwonen feioch rese kawor non ei manau. Met ourour ka kuna non Hebrew 11:8–13 me non an Preseten Russell M. Nelson porous “Kraist A Manaueta; Nuku non I Epwe Emwokutu Chuk”? (Liahona, May 2021, 101–4).

Nengeni pwan Doctrine and Covenants 88:68.

Met nesen ka kaeo usun suno seni angangangaw nupwen ka anneani usun Lot me an famini? Ren awewe, met a peseok usun met ekkewe chon nang ra apasa me fori an epwe anisi Lot me an famini repwe su seni kiteter? (nengeni Genesis 19:12–17). Ifa usun ewe Samon a anisuk me om famini oupwe su seni ika kutta eppet seni ngawen weiwein fonufan? Ekieki usun nikinik ikewe meni kopwe kuna sossot me ia om kopwe “[nene] sefan” (uwokisin 26) nupwen kopwe fen neneno mwom fiti nuku non ewe Chon Amanau. Met Luke 9:62 a apacha ngeni om weweiti usun ei kokkot?

Nengeni pwan Joseph Smith Translation, Genesis 19:9–15 (non ewe Bible appendix).

Elter Jeffrey R. Holland a aitikich:

“Ita mi fat, met mi muan ren punuwen Lot we pwe ese chok nene sefan; non netipan a mochen epwe niwin sefan. Usun a pwa pwe pwan mwo mwen epwe nuno seni kaukun ewe teninimw, a fen pwositi met Sodom me Gomorrah repwe ngeni i. …

“Mi tufich pwe punuwen Lot we a nenesefn fiti memmefin song ngeni ewe Samon ren met I a ureni epwe nikitatiw. … Iwe esap chok ren an nenesefan; neminewe a nenesefan non ekieki ussun fiti memefin mochen. Non mochomochan, an akoko ngeni fansoun nom a nap seni an apinukunuk non fansoun mwan. Ena, a fat, pwe ina kinikinin an tipis.

“… Ua sio ngeni kemi pwe ousap nonnom non ekkewe ran ra fen no ne anean namotongaw fan iten nanew, nge ika ekkena ranin nanew ir mi fen och. Ewe fansoun nom sipwe kaeo seni nge sisap nonnom non. Sia nenne sefan ne kamochuno ekkewe kukkunun ngetenget seni saramen met mi fis ngeni kich nge esap ekkewe fanangan. Me nupwen sia fen kaeo met mi namot sipwe kaeo me sia uwei ngeni kich ewe mi murino sia fen weri, iwe sia nenneno mwach me chechemeni pwe nuku mi chok ikitino ngeni fansoun mwach. …

“… Nonnom won manauen nom, mi pachenon muanin nom, ese chok pung! Esap ewe kapas allimen Jises Kraist. …

“Ngeni meinisin [aramas] seni meinisin mwirimwirin tappin aramas, ua kokkou, ‘Chechemeni punuwen Lot we’ [Luke 17:32]. Nuku a fan iten fansoun mwach. Nuku a kauuta won mettochun nom nge ese aneanei epwe nomwetiw ikana. Nuku a epinukunuku pwe Kot a annomu mettoch mi napanap fan iten emon me emon kich me Kraist ennetin i ewe “prist mi nap ren mettoch mi murino repwe wareto’ (Hebrew 9:11)” (“The Best Is Yet to Be,” Ensign, Jan. 2010, 24, 26–27).

Inamo sise sinei meinisin ekkewe popun Kot a annuku Abraham epwe asorata Isaac pwe eu asor, kich mi sinei pwe eu tesin an nuku non Kot. Sia pwan sinei pwe a “eu esisinen Kot me Noun we Anamon” (Jacob 4:5). Nupwen ka anneani Genesis 22:1–19, ka tongeni kutta esisin ika mettoch mi nonno ngeni nefinen an Abraham asorata Isaac me an ewe Sam asorata Noun we, Jises Kraist. Ekieki ne makkei met ka kuna non eu etetten usun ei:

Met esisin ika nonno fengen ngeni an ewe Chon Amanau asoren achasefan ka kuna pwe a kon auchea? Ekieki kopwe konu ika anneani makken echo kon mi fen ewe mi pwarano An Samach non Nang tong ngeni kich, usun ren “God Loved Us, So He Sent His Son,” Kon mi fen, no. 187. Ka pwan tongeni rekotini om memmef usun Samach non Nang me Jises Kraist me Ar asor fan itom.

Ika ka mochen kaeo pwan ekkoch usun ewe asor an ach Chon Amanau, ekieki om kopwe anneani an Preseten Jeffrey R. Holland porous “Iei I Appanen Siipwen Kot” (Liahona, May 2019, 44–46). Pwata emon nam a fokkun eu esisin mi unusen manaman usun ewe Noun Kot? Met Preseten Holland a aitikich minne a anapano om sufon ngeni Samach non Nang a eu niffang?

Nengeni pwan “Akedah (The Binding)” (video), Gospel Library.

12:57

• Ami oupwe kaeo usun an Abraham me Sarah nuku non an Kot kewe pwon, en me noum kewe semirit oua tongeni kapas fengen usun eu fansoun nupwen ra awitiwiti och mettoch ra fokkun mochen. Mwirin ka tongeni nennengeni ewe sasingin Sarah me Isaac nepoputan ei kokkot me porous fengen usun ewe pwon Kot a fori ngeni neminewe me Abraham (nengeni pwan “Abraham and Sarah,” non Porousen Testamen Noom, 28–31). Anisi noum kewe semirit repwe ekieki usun ekkoch mettoch Kot a fen pwonei ngeni kich ika sia nikitu. Peser repwe tipepos me nuku pwe Kot epwe apwonueta An kewe pwon.

  

  2:20

• Om kopwe anisi noum kewe semirit repwe kaeo ewe auchean ennet non Genesis 18:14, ka tongeni makketiw eu me eu foun kapas seni ewe aewin sentence non ena uwokisin won ekkoch kinikinin toropwe. Mwirin nofiti ekkewe toropwe, me tingorei noum kewe semirit repwe etetteni ochu non pungur. En me noum kewe semirit oua tongeni anneani Genesis 17:15–21; 21:1–7 oupwe kutta eu minen appiru usun och mettoch ewe Samon a fori minne usun mi esap tufich. Aporousa ngeni noum kewe semirit om nuku pwe ewe Samon epwe apwonueta An kewe pwon, ika mwo usun ir resap tufich are epwe nakatam fansoun.

• Eisini noum kewe semirit usun nikinik non minne emon epwe etiwer repwe fori och mettoch ir mi sinei pwe ese pung. Ifa usun sipwe “su seni” ekkei nikinik? Mennapei Genesis 19:15–26 ren om awewei pwe an Lot famini a nom non eu teninimw mi wesen ngaw me chon nang ra fonor pwe repwe tou seni. Nupwen en me noum kewe semirit oua annea fengen uwokisin 15–17, 26, eisinir met ita wewen me ren ikenai ach sipwe “suno seni” ngaw me “sisap nenesefan” (uwokisin 17).

• Nounou sasingin Abraham me Isaac me sasingin ewe Irapengesino (nengeni Gospel Art Book, nos. 9, 57) a tongeni anisi noum kewe semirit ar repwe anonno fengeni ewe porous non Genesis 22 ngeni an ewe Chon Amanau asor (nengeni Matthew 27:26–37). Met sia tongeni kaeo usun Samach non Nang me Jises Kraist seni ekkewe uruon Abraham me Isaac me uruon ewe Irapengesino. (Nengeni pwan “Abraham and Isaac,” non Porousen Testamen Noom, 34–37.)

  

  2:0

• Ka tongeni ekieki eu mecheresin urumot kopwe aea ngeni noum kewe semirit ewe epwe namot ngenir repwe tapweno mwirin aurourer? Meni ekkewe ourour ra tongeni emwen ngeni echo sasingin ewe Chon Amanau mi opono. Ewe urumot a tongeni poputani eu aporous usun mettoch Samach non Nang a fen annuku ngeni kich ach sipwe fori pwe sipwe tongeni nom ren I me Jises Kraist sefan. Ekieki kopwe konu eu kon usun ren “Keep the Commandments” (Noun Semirit Puken Kon, 146–47). Peichen mwokutukutun ei wiik a tongeni pwan aninis.