Genesis 12–17; Abraham 1–2

“Kich meinisin sia siwin me ren ach kewe famini [me] ach oreni,” Elter Neil L. Andersen a aitikich, “nge inamo ua nuku pwe mi wor eu neni non kich ewe sia asokkano me pwisin nemeni me fori. … Nesoponon, ach mochenin non ra kawor ngenir manau me ra pwa non ach pekin finata me non ach foffor ” (“Educate Your Desires, Elder Andersen Counsels,” ChurchofJesusChrist.org). Ekieki ifa usun Abraham 1:1–19 a pwomeni met Elter Andersen a aitikich. Kapaseis usun ekkei meni repwe aninis:

• Met Abraham a mochen? Ifa usun an mochen a pwano non an foffor? Ifa usun Kot a anisi an mochen?

• Met kewe om mochen? IIfa usun ir mi pwano non om foffor? Ifa usun Kot a anisuk?

• Met porous mi wor ren ekkei uwokisin fan iten aramas ekkewe chochon ar famini rese mochen wenechar?

Eu me nein an Abraham me Sarah kewe watten mochen—an epwe wor emon nour semirit—ese pwonuta non chommong ier (nengeni Genesis 15:1–6). Met ka keao seni Hebrews 11:8–13 ren ifa usun Abraham me Sarah ra mesengeni ei riaffou? Ifa usun ewe Chon Amanau a anisuk ne “etiwa” An kewe pwon, ika mwo ir mi “towaweno”?

Nengeni pwan “Deliverance of Abraham” (video), Gospel Library.

1:38

Pwata mi auchea ngonuk om kopwe sinei usun ewe pwon mi pin Kot a fori ngeni Abraham? Pokiten Kot a mochen upwe fori eu pwon mi pin mi nonno fengen ngounk. A pwonei pwe ei pwon mi pin epwe soposopono non mwirimwirin Abraham” ika “eterengesin,” me “ren ukukun chommong repwe angei ei Kapas allim repwe … nom non uruon mwirimwirum” (nengnei Abraham 2:10–11). Non ekkoch kapas, ewe pwon mi pin a soposopono non en—nupwen ka papatais me unuseno nupwen ka fori pwon mi pin non ewe tempel (nengeni Galatians 3:26–29; Doctrine and Covenants 132:30–32).

Ren ena popun, ka tongeni mochen ne kaeo Abraham 2:6–11 me makkei eu tettenin met, wesewesen, Kot a pwonei ngeni Abraham me Sarah (nengeni pwan Genesis 12:1–3; 13:15–16; 15:1–6; 17:1–8, 15–22). Ifa usun ita ekkei feioch ra wewe ngonuk?

Ekkoch me nein ekkei pwon a wor nonno fengenir esemuch. Ifa usun pwon ra usun eu fonuen neuo ika eu watten mwirimwirin emon a pwonuta esemuch? (nengeni Doctrine and Covenants 131:1–4; 132:20–24, 28–32).

Me nuku kewe efeioch mi pwon, Kot a ureni Abraham pwe “epwe eu feioch (Genesis 12:2; auchean mi kapacheta). Met om ekieki pwe a wewen ena? Ifa usun en kopwe eu feioch? (nengeni Abraham 2:11).

Om kopwe osukuna usun pwon mi pin, Elter Dale G. Renlund a kapas usun noo mi tekia non ewe Amazon River, me Preseten Emily Belle Freeman a kapas usun an fetanei eu aan mi kurufoufoun fau won pechen mi kup (nengeni “Tufichin Angei An Kot Manaman seni ekkewe Pwon mi pin,” Liahona, May 2023, 35–37; “Walking in Covenant Relationship with Christ,” Liahona, Nov. 2023, 76–79). Kutta eu ika ru me nein ekkei porous ren ekkoch kapas repwe anisi ne ponuweni ewe kapaseis “Pwata Kot a mochen ngang upwe fori pwon mi pin ngeni I?

Nengeni pwan Topics and Questions, “Abrahamic Covenant,” Gospel Library; “Thoughts to Keep in Mind: The Covenant,” non ei pekin aninis.

Anchangei pwe ka esinei ngeni emon ussun Melkisetek ewe ese sisinei i. Met kopwe apasa? Kutta ekkoch ekiek non Joseph Smith Translation, Genesis 14:26–27, 33–38 (non ewe Bible appendix); Alma 13:13–19; Doctrine and Covenants 107:1–4. Met napanapochun Kraist ka kuna non ekkei anapanapen Melkisetek? Ifa usun om kaeo usun manauen Melkisetek a siwini ewe napanapen om nennengeni ewe Melkisetek Pristut?

Met ka kaeo usun nikinikin Abraham ngeni pisekisek seni Genesis 14:18–24 me Joseph Smith Translation, Genesis 14:36–40 (non ewe Bible appendix)? Ren awewe, apareni an ponuweni ngeni ewe kingen Sodom non Genesis 14:23. Ifa usun aneasosichi ewe annukun eu-ne-engon a siwini om ekiek usun moni?

Nupwen ka anneani Genesis 16, ka tongeni ekieki usun eu fansoun nupwen ka mefi pwe ekkoch ra asufonungaweok, usun Hagar. Apareni pwe “Ishmael” wewen “Kot mi rong.” Ifa usun Kot a pwar ngonuk pwe I a rongorong ngonuk?

Nengeni pwan “Secret Prayer,” Kon mi fen, no. 144.

• Nupewn en me noum kewe semirit oua anneani Abraham 1:18 me 2:8, ka tongeni tingorer repwe ausening ngeni eu kinikinin ewe inis mi wor porousan non ir me ruu ekkewe uwokisin. Meni oua tongeni fori eu urumot non minne emon semirit epwe ammouru mesan me ka emwenano ewe semirit ekis me ren poun. Mwirin ka tongeni fos ren ifa usun memmefin an Jises Kraist emweni kich me ren ewe pau ika eppeti kich.

• Noum kewe semirit menin repwe sani ne sipaini ewe porous seni Genesis 13:5–12, etitipen pwomweni pwe ir Abraham, Lot, me ekkewe chon tumunu man. Ifa usun sia tongeni tapweno mwirin an Abraham nenien appiru usun emon chon fori kinamwe ren ach famini ika chiechiach? Sossot ne sipaini ponuwan kewe me rer.

• Ekieki om kopwe pwar ngeni noum kewe semirit eu mettoch mi wor pii non, ekkewe fuu non ewe kuchu nepwin, ika ewe sasing nesoponon ei kokkot mi makketiw. Ei a tongeni anisir ne weweiti an Kot kewe pwon non Genesis 13:16; 15:1–6. Fos ren ifa usun ka fen kaeo ne epinukunuku an Kot kewe pwon, pwan mwo nupwen usun resap tufich.

• Om kopwe aiti noum kewe semirit usun pwon mi pin, eisinir repwe urenuk usun eu fansoun nupwen ra fori eu pwon ika emon a fori eu pwon ngenir. Ika epwe aninisoch, aporousa ekkoch minen appiru pwisin om—mi pachenon pwon mi pin ka fen fori ngeni Kot atun papatais ika non ewe tempel. Ifa usun om kewe pwon mi pin ra fen siwini nefinom ngeni Kot? Fini ekkoch porous seni Genesis 15:1–6; 17:1–8; Abraham 2:9–11 ne aporousa ekkoch ekkewe feioch Kot a pwonei ngeni Abraham me Sarah.

• Om kopwe anisi noum kewe semirit repwe monneta ne fori eu pwon mi pin ngeni Kot nupwen ra papatais, ka tongeni aea ekkoch ekkewe kokkoten mwokutukut a kawor non appendix A or appendix B.

• Nupwen manauen Abraham a nom non feiengaw, a kokkori Kot. Nupwen Hagar a anamon non ewe fonu pon, a sinei pwe Kot a rongorong ngeni. Ekieki ne aporousa ekkei ru porous ngeni noum kewe semirit “Abraham me Sarah” me “Hagar” non Porousen Testamen Noom, 28–31, 32–33. Met sia ka kaeo usun Kot seni ekkei porous? Mwirin oua tongeni aporousa fengeni ekkoch mettoch a fis nupwen ka mefi pwe Kot a rongorong ngonuk. Echo kon usun “A Child’s Prayer” (Noun Semirit Puken Kon, 12–13) a tongeni apochokuna ei nongonong.

2:20

1:23