Genesis 6–11; Moses 8

En mi kuna och mettoch non ewe awewen fansoun Noah mi nonno ngeni nonnomun ach fansoun? Akkaewin, nengeni non Moses 8:15–24, 28. Met itenap en mi kuna pwe mi eniwin sefan?

Eu auchean nonno pok kopwe kuna ina pwe Kot a kokkori Noah an epwe emon soufos, me I a kokkori emon soufos pwan ikenai. Ekieki om kopwe fori ew tettenin ennet ka kaeo seni soufos seni Moses 8:13–30. Ifa usun nouch soufos mi manau a usun Noah? Ewer, noun ewe Samon soufos ikenai esap eu esinesinen feiengawen eu Noter ika tingorun ach sipwe aninis ne aueta eu waim. Nge met kapasen fon i a ngeni kich ikenai? Me met i a etiwa kich sipwe fori? An epwe anisuk ne ponuweni ekkei kapaseis, ka tongeni annea sefani eu sopwun seni Teachings of Presidents of the Church non Gospel Library, akkaewin ewe kinikin “Invitation and Promised Blessings.” Meni ka tongeni fini eu kapasen fon me eu etiwetiw ekkewe usun ir mi akkaewin auchea ngonuk.

Elter Allen D. Haynie, “Emon unusochun me Sam mi tong non Nang a fen finata eu tettenin pwarano ennet ngeni Noun semirit me ren emon soufos” (“A Living Prophet for the Latter Days,” Liahona, May 2023, 25). Ekieki ne kaeo an Elter Haynie porous, kutta ekkoch popun an wor emon soufos a eu esisinen an Samach non Nang tong. Ifa usun ach tapweno mwirin noun ewe Samon soufos a anisuk ne mefi tumun ne nonnom non ekkewe fansoun soponon.

Nengeni pwan Topics and Questions, “Prophets,” Gospel Library; “Why Do We Have Prophets?” (fitio), Gospel Library.

1:37

Ekkoch aramas ra aureki usun ewe pungoch an Kot ren an tinato ewe Noter an epwe “nieno aramas” (Genesis 6:7). Elter Neal A. Mazwell a awewei pwe non ewe fansoun ewe Noter, “fofforungaw a fen tori eu ewe koukun katanon an aramas pungun finata minne ngun rese tongeni, non pungochun, titito ikei” (We Will Prove Them Herewith [1982], 58). Ka pwan tongeni ekieki ifa usun ewe Noter a eu fofforun umoumoch. Met ka kuna non Genesis 6:5–13 minne mi pwarano an ewe Samon pweteten umoumoch me tong fan iten ekkewe aramas?

Anongonong ngeni Genesis 9:8–17, met eu resim a tongeni wato ngeni om ekiek? Met Joseph Smith Translation, Genesis 9:21–25 (non ewe Bible appendix) a apachata ngeni om wewe? Ka pwan tongeni ekieki ne makkei eu tettenin ekkoch mettoch (usun esisin, pisek, ika pwan ekkoch mettoch) minne Kot a fen ngonuk ne achema ngonuk usun om pwon mi pin. Met pwan ekkei mettoch ra aituk? Ifa usun ra anisuk ne chechemeni?

Nengeni pwan Gerrit W. Gong, “Always Remember Him,” Liahona, May 2016, 108–11; “Reverently and Meekly Now,” Kon mi fen, no. 185.

Ewe uruon ekkewe aramasen Babel ar aueta eu tower a awora eu amwararen sokkono seni ewe uruon Enoch me noun kewe aramas ar aueta Zion, minne ka fen kaeo non ewe wik a no. Ir me ru mwicheichen aramas ra achocho ngeni ar repwe tikeri nang nge non sokkofesenin aner. Ifa usun ekkewe aramasen Zion ra angei nang? (nengeni Moses 7:18–19, 53, 62–63, 69). Met ka keao seni Genesis 11:1–9 me Ilaman 6:26–28 usun ekkewe aramasen Babel? Met ei a aiti ngeni kich usun pwisin ach achocho ne niwin ngeni me mwen mesen Kot? Met Kot a fen awora ngeni kich ne anisi kich sipwe “tikeri nang? (Genesis 11:4; nengeni pwan John 3:16).

• Napengeni semirit ra sani ewe porousen Noah me ewe waim. Ekieki ne ngeni noum kewe semirit ekkewe tufich ne aporousa met ir mi sinei usun. Om anisir, ka tongeni nounou ekkewe sasing non ei etettenin kokkot, “Noah and His Family” non Porousen Testamen Noom (22–25), me ewe aunungatin uwokisin “Follow the Prophet” (Noun Semirit Puken Kon, 110–11). Noum kewe semirit repwe pwapwaiti ne pwomwenau pekin ewe porous—ren awewe, ren ar etitipen pwomweni ne aea eu pisek ne aueta ewe waim ika fetan usun ekkewe man ar tonong non ewe waim.

• Nupwen oua kapas fengen usun Noah, anisi noum kewe semirit repwe kuna usun ach feioch an wor emon soufosun Kot ikenai. Anisi noum kewe semirit ne anneani Moses 8:16–24 ar repwe kutta mettoch Noah a afanafana minne noun ewe Samon soufos ir mi chiwen osukuna ikenai. Ifa usun sia feioch nupwen aneasochisi ekkei osukun?

• Noun kewe semirit ra tongeni pwapwaiti ne chungani ika enuwa efoch resim nupwen ka porous usun met a tupuni (nengeni Joseph Smith Translation, Genesis 9:21–25 [non ewe Bible appendix]). Met Kot a mochen Noah me an famini ar repwe ekieki usun inet chok ra kuna eu resim?

• Ka pwan tongeni pwar ngeni noum kewe semirit och mettoch mi wor reom minne mi achema ngonuk usun och mettoch mi auchea non manauom, usun ren eu ringen apupunu, echo sasing, ika eu puken manauom. Mut ngeni noum kewe semirit ar repwe pwisin aporousa met mi fis ngenir. Ei a tongeni efisata eu aporous usun mettoch mi anisi kich ne chechemeni ach pwon mi pin, usun ren ewe sakrament, minne a anisi kich ne chechemeni ach pwonen papatais mi pin ne tapweno mwirin Jises Kraist (nengeni Doctrine and Covenants 20:75–79).

• A tongeni epwe apwapwa ne aueta eu tower seni kukkun ira ika ekkoch pwan mettoch ren noum kewe semirit. Nupwen ka fori, awewei pwe ekkewe aramasen Babel ra ekieki pwe repwe tongeni tikeri nang ren ar aueta eu tekian tower. Mwirin oua tongeni nennengeni echo sasingin ewe Chon Amanau fengen me eisini noum kewe semirit ifa usun I a anisi kich ne feita nang. Mwirin oua tongeni porous fengeni usun mettoch oua tongeni fori ne tapweno mwirin ewe Chon Amanau.

• Ren kapachetan ne anneani ewe porousen ewe tower Babel non Genesis 11:1–9, en me noum kewe semirit oua tongeni anneani Ilaman 6:28. Anongonong ngen ei uwokisin, pwata ekkewe aramasen Babel ra aueta ewe tower? Pwata auetan ei tower eu napanap mi muan ne tikeri nang? Mwirin oua tongeni annea fengeni 2 Nifai 31:20–21 ne Ilaman 3:28 ne kutta ewe anochun ach sipwe tikeri nang. Met ourour sipwe ngeni ekkewe aramasen Babel?