Genesis 42–50

Ka fen apareni och nonno pok nefinen manauen Joseph me ewe misinin achasefan an Jises Kraist? Ne kuna ekkoch awewen ekkei nonno pok, sossot ne anonno fengeni:

• Genesis 37:3 ngeni Matthew 3:17.

• Genesis 37:26–28 ngeni Matthew 26:14–16.

• Genesis 45:5–7 ngeni Luke 4:18.

• Genesis 47:12 nengeni John 6:35.

Met memmef mi wor reom usun ewe Chon Amanau me An misin nupwen ka anneani ekkei porous?

Annea usun Joseph a omusano pwin kewe seni ekkewe mettoch mi ngaw ra fen fori ngeni i meni a pesek om kopwe ekieki usun emon ka weires om kopwe omusano iei. Ekkewe kapaseis mwirin repwe aninis nupwen ka achocho ne aea ei nongonong:

• Pwata ita epwe weires ren Joseph an epwe omusano pwin kewe? (om kopwe katon sefan met ra fori ngeni i, nengeni Genesis 37). Met mettoch mi fis ika napanap ita epwe ngeni Joseph ewe pochokun ne omusano? (nengeni, ren awewe Genesis 45:1–15 or 50:15–21).

• Met feioch a feito seni an Joseph omusano pwin kewe? Ren awewe, anonno fengeni ewe nefin non an Jacob famini me nepoputan ewe porous (nengeni, ren awewe, Genesis 37:3–11) ngeni ewe nefin nesoponon (nengeni Genesis 45:9–15; 50:15–21). Ifa usun ita mettoch repwe sokkono ika Joseph ese mochen omusano?

• Ekieki ne makketiw iten emon mi namot kopwe omusano—ika are rese tingoren aninis. Met en mi tongeni fori ne etiwa an ewe Chon Amanau manaman non ena napanap? Ika omusano usun mi weires, ekieki ne annea sefani ewe ourour an Elter Gerrit W. Gong non ewe omuchunon owonuen kinikinin an we porous “Pwapwa me Esemuch” (Liahona, Nov. 2022, 85). Met ka kuna minne mi ngonuk epinukunuk pwe ka tongeni omusano?

Nengeni pwan Doctrine and Covenants 64:9–11; “Forgiveness: My Burden Was Made Light” (fitio), Gospel Library.

8:24

An Jacob feioch ngeni mwirimwirin mi pachenong fatochun napanapan, nge rese mecheres ne weweitir. Kinisoun, ewe kapas allim mi niwin sefan a ngeni kich ekkoch aninis. Nupwen ka anneani ewe feioch ngeni Joseph non Genesis 49:22–26, anneani pwan ekkewe uwokisin mi tettenitiw, me kuna met ekiek ra awora: 1 Nifai 15:12; 2 Nifai 3:4–5; Jacob 2:25; Doctrine and Covenants 50:44.

Nupwen ka anneani usun an Judah feioch non Genesis 49:8–12, chechemeni pwe Jises Kraist i mwirimwirin Judah. Met ka kuna non ekkei uwokisin mi achema ngonuk usun ewe Chon Amanau? (nengeni pwan Pwarata 5:5–6, 9; 1 Nifai 15:14–15; Doctrine and Covenants 45:59; 133:46–50).

Anneani ekkei feioch meni repwe pesek ne attona sefani noum feiochun patriarch—are, ika ese wor eu noum, kopwe angei eu. Met kapas ika porous non om feioch a akunnu om ekiek ngeni Jises Kraist?

Nengeni pwan Randall K. Bennett, “Your Patriarchal Blessing—Inspired Direction from Heavenly Father,” Liahona, May 2023, 42–44.

Inamo ika menin esap fatoch nupwen i a mesengeni, nesoponon Joseph a tufichin nenesefaniti an riaffou non Egypt me kuna pwe “Kot a ota ngeni mi och” (Genesis 50:20). Ika en mi tongeni ita churi Joseph nupwen i a nom non ewe pwang ika non kanapus, ifa usun ita kopwe fen oururu i? Ifa usun Genesis 50:19–21 a tongeni anisuk non om fansoun sossot?

Nengeni pwan Doctrine and Covenants 122; “Mi Pochokun ewe Nongonong,” Kon mi fen, no. 4.

Nupwen ka anneani Genesis 50:24–25 me Joseph Smith Translation, Genesis 50:24–38 (non ewe Bible appendix), ekipwichi pwata ita epwe auchea ren Joseph an epwe sinei usun Moses me Joseph Smith chommong ngeroun ier me mwan. Ifa usun Joseph Smith a apwonueta an Joseph osini usun i? (nengeni Doctrine and Covenants 1:17–23; 20:7–12; 39:11; 135:3).

• Meni epwe apwapwa ren noum kewe semirit ar repwe pwomweni sefani ewe porousen Joseph an chusefan ngeni an famini (nengeni Genesis 42–44). Ika ra tongeni aea “Joseph me ewe Nengita” non Porousen Testamen Noom, 57–60, ika ekkoch sasing non ei tetten me aiti fengenir ewe porous. Ikkei ekkoch kapaseis mi tongeni anisi noum kewe semirit ne kaeo seni ewe porous:

  • Met Joseph a fori ne pwarano an tong ngeni an famini? (nengeni Genesis 45:4–15).45:5–7).

  • Pwata ka mefi Joseph a omusano pwin kewe?

  • Ifa usun ka ekieki pwin Joseph kewe ra mefi nupwen ra apareni pwe Joseph a fen omusereno? Ion non manauom a namot epwe musono? Ifa ussun om kopwe pwarano tong me omusomus?

  

  2:26

• En ika noum semirit oupwe mochen aporousa och mettoch a fis nupwen ra omusano emon ika nupwen emon a omusereno. Ka tongeni konu eu kon usun ren “Love One Another” (Noun Semirit Puken Kon, 136) ika “Help Me, Dear Father” (Noun Semirit Puken Kon, 99).

• En me noum semirit oua tongeni nennengeni ewe sasingin Jacob a efeiochu noun kewe at nesoponon ei tetten me aporousa fengeni met mi fis (nengeni Genesis 48:8–9). Ika mi namot, awewei pwe Jacob, semen Joseph we, a mochen ngeni an famini efeiochun pristut. Meni ka tongeni aporousa fengeni pwan ekkoch mettoch mi fis aninis ka fen angei seni Kot seni eu efeiochun pristut. Met ekkoch popun sipwe tingor eu efeiochun pristut?

• Ifa usun ka tongeni anisi noum kewe semirit repwe kuna ewe Chon Amanau non porousen Joseph we an angasa an famini seni nengita? Ekieki om kopwe fori eu tetten ren ru kinikin mi mak Joseph me Jises Kraist. Anisi noum kewe semirit repwe kutta ekkewe apponuen uwokisin me amwosowa ewe tetten ren mettoch Joseph me Jises mi nonno fengen non: Genesis 37:3 me Matthew 3:17; Genesis 37:26–28 me Matthew 26:14–16; Genesis 45:5–7 me Luke 4:18; me Genesis 47:12 me John 6:35.

• Eisini noum kewe semirit met wewen sipwe amanau ika angasa emon. Ika mi wor neir a wor met mi fis ngeni an epwe manau me ngaseno seni feiengaw, tingorer repwe aporousa. Ifa usun Joseph a angasa pwin kewe? (nengeni Genesis 42:1–3; 45:5–7). Mwirin ka tongeni nennengeni echo sasingin ewe Chon Amanau fengen me eisini noum kewe semirit repwe aporousa ifa usun Jises a angasa kich.