پَیدایش 18–23

خُداوند نے وفاداروں کے لیے جلالی وعدے کِیے ہیں، لیکن بعض اوقات ہمیں اپنی زندگی کے حالات یہ سوچنے پر مجبُور کرتے ہیں کہ یہ وعدے مُمکنہ طور پر کیسے پُورے ہو سکتے ہیں۔ اَبرہام اور سارہ کو بھی ایسا محسُوس ہُوا ہو گا۔ آپ اُن کے تجربات سے کیا سیکھتے ہیں؟ آپ کے مُطالعہ کا آغاز پیدایش 4:17، 15–22 کا جائزہ لینے سے مددگار ہو سکتا ہے کہ خُداوند نے کیا وعدہ کِیا تھا۔ اَبرہام اور سارہ کا ردِ عمل کیسا تھا؟ (دیکھیں ترجمہ از جوزف سمِتھ، پیدایش 17:‏23 [بمطابق پیدایش 17:17، زیریں حاشیہ ب]؛ پیدایش 9:18–12)۔ خُداوند نے اپنے وعدوں پر افضل اِیمان رکھنے میں اُن کی مدد کے لیے کیسے جواب دیا؟ (دیکھیں پیدایش 14:18)۔

آپ اِن آیات میں کیا پاتے ہیں جو آپ کے اِیمان کی بڑھوتی کرتا ہے؟ آپ کی یا کسی اور کی زندگی میں—کون سے دیگر تجربات نے آپ کے اِیمان کو مضبوط کِیا کہ خُداوند اپنے وقت اور طریقے سے اپنے وعدوں کو پُورا کرے گا؟ آپ غور کریں کہ اگر اِس زندگی میں موعودہ برکات نہیں نوازی جاتیں تو آپ اپنے اِیمان کی کیسے تائید کرسکتے ہیں۔ آپ کو عبرانیوں 8:11–13 میں اور صدر رسل ایم نیلسن کے پیغام ”مسِیح جی اُٹھا ہے؛ اُس پر اِیمان پہاڑوں کو سرکا دے گا“ میں کیا مشورت مِلتی ہے؟ (لیحونا، مئی 2021، 101-4)۔

مزید دیکھیں عقائد اور عہُود 88‏:68۔

جب آپ لُوط اور اُس کے خاندان کے بارے میں پڑھتے ہیں تو بدی سے بھاگنے کے بارے میں آپ کیا اسباق سیکھتے ہیں؟ مثال کے طور پر، فرشتوں نے لُوط اور اُس کے خاندان کو تباہی سے بچنے میں مدد دینے کے لیے جو کہا اور کِیا اِس کے متعلق آپ کو کیا بات مُتاثر کرتی ہے؟ (دیکھیں پیدایش 19‏:12–17)۔ خُداوند آپ کی اور آپ کے خاندان کو بدی سے گُریز کرنے یا دُنیا میں بُرے اثرات سے تحفظ پانے میں کیسے مدد کرتا ہے؟ اُن حالات پر غور کریں جہاں آپ کو ”پیچھے مُڑ کر [دیکھنے] کی“ آزمایش ہُوئی ہو (آیت 26) جب آپ اِیمان کے ساتھ مُنّجی کے مُنتظر ہُوئے ہوں۔ لُوقا 9:‏62 میں یہ نظریہ آپ کے فہم میں کیا اِضافہ کرتا ہے؟

مزید دیکھیں ترجمہ اَز جوزف سمِتھ، پیدایش 19:‏9–15 (بائبل ضمیمہ میں)۔

ایلڈر جیفری آر ہالینڈ نے سِکھایا:

”بظاہر، لُوط کی بیوی سے جو خطا ہُوئی وہ محض واپس مُڑ کر دیکھنا نہیں تھا؛ وہ اپنے دل میں واپس جانے کی خواہاں تھی۔ ایسا لگتا ہے که اِس سے پہلے وہ شہر کی حدُود کو پار کرتی، وہ سدُوم اور عمُورہ سے محرُوم ہونے کو محسُوس کر رہی تھی۔ …

”یہ ممکن ہے کہ لُوط کی بیوی خُداوند کی طرف سے خفا ہو کر پیچھے مُڑ کر دیکھتی ہو جس نے اُسے سب کچھ پیچھے چھوڑنے کو کہا تھا۔ … لہٰذا ایسا نہیں کہ اُس نے واپس مُڑ کر دیکھا تھا؛ اُس نے حسرت سے پیچھے مُڑ کر دیکھا۔ مختصراً، ماضی کے ساتھ اُس کا لگاؤ مُستقبل میں اُس کے اعتماد پر بھاری تھا۔ وہ بظاہر، اُس کے گُناہ کا کم از کم حِصّہ تھا۔

”… مَیں آپ سے اِلتجا کرتا ہُوں کہ گُزرے دِنوں کو نہ ہی کل کے لیے بے سُود سوچیں، تاہم وہ کل اچھے کیوں نہ ہوں۔ ماضی سے سیکھنا ہے مگر اِس میں رہنا نہیں ہے۔ ہم چمکتے دمکتے تجربات سے چنگاریوں کا دعویٰ کرنے کے لیے پیچھے مُڑ کر دیکھنے لگتے ہیں مگر راکھ نہیں۔ اور جب ہم جان لیتے ہیں کہ ہمیں کیا سیکھنے کی ضرُورت ہے اور اپنے ساتھ ہُوئے بہترین تجربے کو آگے لے کر چلتے ہیں، تو پھر ہم آگے دیکھتے اور یاد رکھتے ہیں کہ اِیمان ہمیشہ مُستقبل کی طرف اِشارہ کرتا ہے۔ …

”… ماضی میں جینا، بشمُول ماضی کی غلطیوں میں، بالکل بھی صحیح نہیں ہے! یہ یِسُوع مسِیح کی اِنجِیل نہیں ہے۔ …

”ہر نسل کے [لوگوں] کو، مَیں کہتا ہُوں، ’لُوط کی بیوی کو یاد رکھو‘ [لُوقا 32:17]۔ اِیمان مُستقبل کے لیے ہے۔ اِیمان ماضی میں پُختہ ہوتا ہے لیکن کبھی بھی وہیں پر نہیں رہتا ہے۔ اِیمان توکُل ہے کہ خُدا نے ہم میں سے ہر ایک کے لیے بڑی چیزیں ذخیرہ کی ہیں اور کہ مسِیح درحقیقت ’آیندہ کی اچھی چیزوں کا سردار کاہن ہے‘ (عبرانیوں 11:9)“ (”بہترین ابھی ہونے کو ہے،“ انزائن، جنوری 2010، 24، 26–27)۔

اگرچہ ہم اُن تمام وجوہات کو نہیں جانتے کہ خُدا نے اَبرہام کو اِضحاق کی قربانی گُزراننے کا حُکم دِیا، ہم یہ جانتے ہیں کہ یہ خُدا پر اُس کے اِیمان کا اِمتحان تھا۔ ہم یہ بھی جانتے ہیں کہ یہ ”خُدا اور اُس کے اِکلوتے بیٹے کے مُشابہ تھی“ (یعقوب 5:4)۔ جب آپ پیدایش 1:22–19 پڑھیں، تو آپ اَبرہام کا اِضحاق کو قُربان کرنا اور باپ کا اپنے بیٹے، یِسُوع مسِیح کو قُربان کرنے کے درمیان علامات یا مماثلتیں تلاش کریں۔ آپ اِس طرح کے جدول میں سے جو کُچھ تلاش کریں اُسے لکھنے پر غور کریں:

آپ نجات دہندہ کی کفّارہ بخش قُربانی سے کون سی زیادہ معنی خیز علامات یا مماثلتیں پاتے ہیں؟ گیت کے بول گانے یا پڑھنے پر غور کریں جو ہمارے لیے آسمانی باپ کی محبّت کا مظہر ہے، جیسا کہ ”خُدا نے ہم سے محبّت کی، پَس اُس نے اپنا بیٹا بھیجا،“ گیت، نمبر 187۔ آپ آسمانی باپ اور یِسُوع مسِیح اور اُن کی قُربانی کے بارے میں اپنے احساسات کو بھی قلم بند کریں۔

اگر آپ ہمارے نجات دہندہ کی قُربانی کے بارے میں مزید مُطالعہ کرنا چاہتے ہیں، تو صدر جیفری آر ہالینڈ کے پیغام دیکھو خُدا کا بَرہ“ (لیحونا، مئی 2019، 44–46)۔ بَرہ خُدا کے بیٹے کے لیے قوی علامت کیوں ہے؟ صدر ہالینڈ نے کیا سِکھایا جو آپ کے اندر آسمانی باپ کی نعمتوں کے لیے تعظیم و احترام کو بڑھاتا ہے؟

مزید دیکھیں ”Akedah (The Binding)“ (ویڈیو)، گاسپل لائبریری۔

12:57

• خُدا کے وعدوں پر اَبرہام اور سارہ کے بھروسے کی بابت جاننے کے لیے، آپ اور آپ کے بچّے اُس وقت کے بارے میں بات چیت کریں جب اُنھوں واقعی کسی ایسی چیز کی خواہش کی تو اُنھیں انتظار کرنا پڑا تھا۔ پھر آپ اِس خاکہ کے آغاز میں سارہ اور اضحاق کی تصویر کو دیکھیں اور اُس وعدے کے بارے میں بات کریں جو خُدا نے سارہ اور اَبرہام سے کِیا تھا (مزید دیکھیں ”اَبرہام اور سارہ،“ پُرانے عہد کی کہانیوں میں، 28–31)۔ اپنے بچّوں کی اُن باتوں کے بارے میں غور کرنے میں مدد کریں جن کا خُدا نے ہم سے وعدہ کِیا ہے اگر ہم وفادار رہتے ہیں۔ اُن کی حوصلہ افزائی کریں کہ وہ صبر اور بھروسا رکھیں کہ خُدا اپنے وعدوں پر قائم رہے گا۔

  

  2:20

• اپنے بچّوں کی پیدایش 14:18 میں سے اہم سچّائی سیکھنے میں مدد کے لیے، اِس آیت کے پہلے فقرے سے ہر لفظ کاغذ کے ٹکڑوں پر الگ الگ لکھیں۔ پھر کاغذات کو مکس کریں، اور اپنے بچّوں کو الفاظ کو دُرست ترتیب میں رکھنے کو کہیں۔ پھر آپ اور آپ کے بچّے کوئی ایسی مثال تلاش کرنے کے لیے پیدایش 15:17–21؛ 21‏:1–7 پڑھیں جو کہ نامُمکن لگتی تھی مگر خُداوند نے کِیا۔ اپنے بچّوں کے ساتھ اپنے اِیمان کا اِظہار کریں کہ خُداوند اپنے وعدوں کو پُورا کرے گا، حتیٰ کہ وہ نامُمکن نظر آئے یا طویل وقت لگے۔

• اپنے بچّوں سے ایسی صُورتِ حال کے بارے میں پُوچھیں جس میں کسی نے اُنھیں ایسا کرنے کی دعوت دی ہو جو وہ جانتے ہیں کہ صحیح نہیں ہے۔ ہم ایسی صُورتِ حال سے کیسے ”بچیں“ گے؟ خُلاصہ کر کے بیان کریں کہ پیدایش 15:19–26 میں لُوط کا خاندان بڑے بدکار شہر میں رہتا تھا اور فرشتوں نے اُنھیں وہاں سے نکلنے کی تنبیہ کی۔ جب آپ اور آپ کے بچّے اِکٹھے مل کر آیات 15–17، 26 پڑھتے ہیں، تو اُن سے پُوچھیں کہ آج ہمارے لیے برائی سے ”بچنے“ اور ”پیچھے مُڑ کر نہ دیکھنے“ کا کیا مطلب ہو سکتا ہے (آیت 17)۔

• اَبرہام اور اِضحاق اور مصلُوبیت کی تصاویر کا (دیکھیں اِنجِیلی آرٹ کی کتاب، نمبر 9، 57) اِستعمال کرنے سے آپ کے بچّے پیدایش 22 میں اِس کہانی کا نجات دہندہ کی قُربانی کے ساتھ موازنہ کرنے میں مدد پا سکتے ہیں (دیکھیں متّی 26:27–37)۔ ہم اَبرہام اور اِضحاق اور مصلوبیت کے احوال سے آسمانی باپ اور یِسُوع مسِیح کے بارے میں کیا سیکھ سکتے ہیں؟ (مزید دیکھیں ”اَبرہام اور اِضحاق،“ بمطابق پُرانے عہد نامہ کی کہانیاں، 34–37۔)

  

  2:0

• کیا آپ اپنے بچّوں کے ساتھ کوئی ایسا آسان کھیل کھیلنے کے بارے میں غور کرسکتے ہیں جس میں اُن کو ہدایات پر عمل کرنے کی ضرورت ہو؟ شاید ہدایات نجات دہندہ کی پوشیدہ تصویر کی طرف راہ نمائی کریں۔ کھیل اُن کاموں کے بارے میں بات چیت کرنے کی ترغیب دے جو آسمانی باپ نے ہمیں کرنے کا حُکم دِیا ہے تاکہ ہم دوبارہ اُس کے اور یِسُوع مسِیح کے ساتھ رہ سکیں۔ یہ گیت گانے پر غورکریں ”حُکموں کو مانیں“ بچّوں کے گیتوں کی کتاب، 146–47)۔ اِس ہفتے کی سرگرمی کا صفحہ مددگار ثابت ہو سکتا ہے۔