پیدایش 42–50

کیا آپ کو یُوسف کی زندگی اور یِسُوع مسِیح کے کفّارہ کے مقصد میں کوئی مماثلت دِکھائی دی ہے؟ اِن مماثلتوں کی چند مثالیں دیکھنے کے لیے، موازنہ کرنے کی کوشش کریں:

• پیدایش 37:‏3 کے ساتھ متّی 3:‏17۔

• پیدایش 37:‏26–28 کے ساتھ متّی 26:‏14–16۔

• پیدایش 45:‏5–7 کے ساتھ لُوقا 4:‏18۔

• پیدایش 12:47 کے ساتھ یُوحنّا 35:6۔

جب آپ اِن عِباتوں کو پڑھیں تو نجات دہندہ اور اُس کے مِشن کے بارے میں آپ کیا تاثرات پاتے ہیں؟

یُوسف کو اپنے بھائیوں کے کِیے گئے ہولناک کاموں سے مُعاف کرنے کی بابت پڑھنے سے آپ کو کسی ایسے شخص کے بارے میں غور کرنے کی ترغیب ملتی ہے جس کو فی الحال آپ مُعاف کرنے کی کوشش کر رہے ہیں۔ جب آپ اِس اُصول کو لاگو کرنے کی کاوش کرتے ہیں تو درج ذیل سوال مدد گار ہو سکتے ہیں:

• یُوسف کے لیے اپنے بھائیوں کو مُعاف کرنا مُشکل کیوں ہو سکتا تھا؟ (جائزہ لینے کے لیے کہ اُنھوں نے اُس کے ساتھ کیا سلوک کِیا، دیکھیں پیدایش 37)۔ یُوسف کو مُعاف کرنے کی قوت کون سے تجربوں یا رویوں سے عطا ہُوئی ہو گی؟ (دیکھیں، مثال کے طور پر پیدایش 45:‏1–15 یا 15:50–21)۔

• یُوسف کے بھائیوں کو مُعافی سے کون سی برکات حاصل ہویں؟ مثال کے طور پر، کہانی کے آغاز میں یعقُوب کے خاندان کے تعلقات کا موازنہ (دیکھیں، مثال کے طور پر، پیدایش 37:‏3–11) آخر میں تعلقات کے ساتھ کریں (دیکھیں پیدایش 45‏:9–15؛ 50: 15–21)۔ اگر یُوسف مُعاف کرنے کے لیے آمادہ نہ ہوتا تو چیزیں مُختلف انداز میں کیسے بدل سکتی تھیں؟

• کسی ایسے شخص کا نام لکھنے پر غور کریں جس کو آپ کی مُعافی کی ضرُورت ہو—خواہ اُنھوں نے مُعافی کی درخواست کی ہو یا نہیں۔ آپ نجات دہندہ کی شفا بخش قُدرت کو اِس صُورتِ حال کو حل کرنے کے لیے کیا کر سکتے ہیں؟ اگر مُعاف کرنا بُہت مُشکل لگتا ہے، تو ایلڈر گیرٹ ڈبلیو گانگ کے پیغام کے آخری چھ پیراگراف میں دی گئی مشورت کا جائزہ لیں ”خُوشی اور ہمیشہ“ لیحونا، نومبر 2022، 85)۔ آپ ایسا کیا پاتے ہیں جو آپ کو اُمید دلاتا ہے کہ آپ مُعاف کر سکتے ہیں؟

مزید دیکھیں عقائد اور عہُود 64:‏9–11؛ ”مُعافی: میرا بوجھ ہلکا کر دِیا گیا“ (ویڈیو) گاسپل لائبریری۔

8:24

یعقُوب کی اپنی نسل کے لیے برکات واضح استعاروں پر مُشتمل ہیں، لیکن اُنھیں سمجھنا آسان نہیں ہے۔ خُوش قسمتی سے، بحال شُدہ اِنجِیل ہمیں مدد فراہم کرتی ہے۔ جب آپ پیدایش 49:‏22–26 میں، یُوسف کی برکت پڑھیں، تو درج ذیل آیات بھی پڑھیں، اور دیکھیں وہ کیا بصیرت مُہیا کرتی ہیں 1 نِیفی 15:‏12؛ 2 نِیفی 3:‏4–5؛ یعقُوب 2:‏25؛ عقائد اور عہُود 50:‏44۔

جب آپ یہوداہ کی برکت کے بارے میں پیدایش 49:‏8–12 میں پڑھیں، تو یاد رکھیں یِسُوع مسِیح یہوداہ کی نسل سے تھا۔ آپ اِن آیات میں کیا پاتے ہیں جو آپ کو نجات دہندہ کی یاد دلاتی ہے؟ (مزید دیکھیں مُکاشفہ 5:5–6، 9؛ 1 نِیفی 14:15–15؛ عقائد اور عہُود 45:‏59؛ 133:‏46–50)۔

اِن برکات کو پڑھنا آپ کو اپنی بطریقی برکت کا جائزہ لینے کی ترغیب دے سکتا ہے—یا، اگر آپ نے اِسے نہیں پایا، تو اِسے پائیں۔ آپ کی برکت میں کون سے اَلفاظ اور فقرات آپ کے خیالوں کو یِسُوع مسِیح کی طرف مائل کرتے ہیں؟

مزید دیکھیں رینڈل کے بینیٹ، ”آپ کی بطریقی برکت—آسمانی باپ کی طرف سے الہامی ہدایت،“ لیحونا مئی 2023، 42–44۔

اگرچہ ہو سکتا ہے کہ جب وہ اِس سے گُزر رہا تھا تو اُس کے لیے کچھ واضح نہ تھا، بالآخر یُوسف مصر میں اپنی مُشکلات پر نظر ثانی کرنے کے قابل ہُوا کہ ”خُدا نے اُسی سے نیکی کا قصد کِیا“ (پیدایش 50:‏20)۔ اگر آپ کسی گڑھے یا قید خانہ میں ہوتے تو یُوسف سے مِل کر آپ اُسے کیسے تسلی دیتے؟ اپنی آزمایش کے وقت میں آپ پیدایش 50:‏19–21 سے کیسے مدد پاتے ہیں؟

مزید دیکھیں عقائد اور عہُود 122؛ ”کتنی پُختہ ہے بُنیاد،“ گیت، نمبر 85۔

جب آپ پیدایش 50:‏24–25 اور ترجمہ اَز جوزف سمتھ، پیدایش 50:‏24–25 پڑھیں، (بائبل میں ضمیمہ) تو غور کریں کہ اِتنی صدیوں پہلے یُوسف کے لیے مُوسیٰ اور جوزف سمِتھ کے بارے میں جاننا اہم کیوں ہُوا ہو گا۔ جوزف سمِتھ نے اپنے بارے یُوسف کی نبوتوں کو کیسے پُورا کِیا؟ (دیکھیں عقائد اور عہُود 17:1–23؛ 20‏:7–12؛ 39:‏11؛ 135:‏3)۔

• آپ کے بچّے یُوسف کو اپنے خاندان کے ساتھ دوبارہ ملنے کی کہانی کی کردار نگاری کرنے سے خُوش ہوں گے (دیکھیں پیدایش 42–44)۔ وہ ایک دُوسرے کو سِکھانے کے لیے ”یُوسف اور قحط“ (پُرانے عہد نامہ کی کہانیوں میں، 57–60) یا اِس خاکے میں کہانی کی تصاویر کا استعمال کر سکتے ہیں۔ یہاں پر چند سوال ہیں جو آپ کے بچّوں کی کہانی سے سیکھنے میں مدد کر سکتے ہیں:

  • یُوسف نے اپنے خاندان سے محبّت ظاہر کرنے کے لیے کیا کِیا؟ (دیکھیں پیدایش 4:45–15)۔

  • آپ کے خیال میں یُوسف نے اپنے بھائیوں کو کیوں مُعاف کر دِیا؟

  • آپ کے خیال میں یُوسف کے بھائیوں کو کیا محسُوس ہُوا جب اُنھوں نے جانا کہ یُوسف نے اُنھیں مُعاف کر دِیا تھا؟ آپ کو اپنی زندگی میں کس کو مُعاف کرنے کی ضرورت ہے؟ آپ محبّت اور مُعاف کرنے کا اظہار کیسے کر سکتے ہیں؟

  

  2:26

• آپ یا آپ کے بچّے کسی ایسے تجربے کو بیان کریں جب اُنھوں نے کسی کو مُعاف کِیا ہو یا جب کسی نے اُنھیں مُعاف کِیا ہو۔ پھر آپ ”ایک دُوسرے سے محبّت کرو“ (بچّوں کے گیتوں کی کتاب، 136) یا ”پیارے باپ میری مدد کرو“ جیسے گیت بچّوں کے گیتوں کی کتاب، 99) سے گائیں۔

• آپ اور آپ کے بچّے اِس خاکہ کے آخر میں دیکھیں کہ یعقُوب اپنے بیٹوں کو برکت دیتا ہے تو بات چیت کریں کہ کیا ہو رہا ہے (دیکھیں پیدایش 48:‏8–9)۔ اگر ضرورت ہو، تو وضاحت کریں کہ یعقُوب، یُوسف کا باپ، اپنے خاندان کو کہانتی برکات دینا چاہتا تھا۔ شاید آپ ایک دُوسرے کے ساتھ کسی بھی ایسے تجربے کا تذکرہ کریں کہ آپ نے کہانتی برکت کے ذریعے سے خُدا سے مدد پائی ہے۔ کہانتی برکت پانے کی کون سی چند ایک وجوہات ہیں؟

• یُوسف کا اپنے خاندان کو قحط سے بچّانے میں آپ اپنے بچّوں کی اِس کہانی میں نجات دہندہ کو دیکھنے میں کیسے مدد کر سکتے ہیں؟ چارٹ پر دو کالم بنا کر لیبل لگائیں یُوسف اور یِسُوع مسِیح۔ اپنے بچّوں کی درج ذیل صحائف تلاش کرنے اور چارٹ میں اُن باتوں کو لکھنے میں مدد کریں جو یُوسف اور یِسُوع میں مُشترک ہیں: پیدایش 37:‏3 اور متّی 17:3؛ پیدایش 37:‏26–28 اور متّی 26:‏14–16؛ پیدایش 45:‏5–7 اور لُوقا 18:4؛ اور پیدایش 47:‏12 اور یُوحنّا 6:‏35۔

• اپنے بچّوں سے پُوچھیں کہ کسی کو نجات دینے یا بچّانے سے کیا مُراد ہے۔ اگر اُنھیں کسی کو خطرے سے بچّانے یا چُھڑانے کا تجربہ ہُوا ہو، تو اُنھیں بیان کرنے کی دعوت دیں۔ یُوسف نے اپنے بھائیوں کو کیسے بچّایا؟ (دیکھیں پیدایش 42‏:1–3؛ 45:‏5–7)۔ پھر آپ اِکٹھے مل کر نجات دہندہ کی تصویر کو دیکھیں اور اپنے بچّوں سے بات چیت کرنے کو کہیں کہ یِسُوع ہمیں کیسے بچّاتا ہے۔