پیدایش 24–33

آپ پیدایش 24 پڑھیں تو اپنے آپ سے پُوچھیں کہ اَبرہام نے اپنے بیٹے اِضحاق کے بیاہ کو اِتنا اہم کیوں جانا تھا۔ خُدا کے لیے بیاہ اہم کیوں ہے؟

آپ کو رِبقہ میں کون سی ایسی خُوبیاں مِلتی ہیں جو مضبُوط شادی اور خاندان معاون ہوں گی؟ (خصوصاً دیکھیں آیات 15–28، 57–61)۔

مزید دیکھیں موضُوعات اور سوالات، ”بیاہ،“ گاسپل لائبریری۔

اِضحاق اور رِبقہ کی تہذیب و ثقافت میں، سب سے بڑے بیٹے کو پہلوٹھے کا حق دِیا جاتا تھا، جس کا مطلب بڑی وِراثت، اِس کے ساتھ ساتھ خاندان کی دیکھ بھال کے لیے بُہت زیادہ ذِمہ داریاں۔ جب آپ پیدایش 29:25–34 پڑھیں، تو غور کریں کہ عیسو کیوں کھانے کے بدلے میں اپنا پہلوٹھے کا حق دینے پر راضی ہو گیا تھا۔ اِس حوالے سے آپ کو اپنے لیے کیا اَسباق ملتے ہیں؟ یہ دو فہرستیں بنانا معاون ثابت ہوں گی: (1) خُدا آپ کو اَبَدی برکات اور (2) دُنیاوی چیزیں عطا کرنا چاہتا ہے جو آپ کی توجہ مبذُول کریں گی۔ پھر آپ اِس عِبارت کو پڑھیں، ”پہلوٹھے کے حق“ کو پہلی فہرست سے کسی چیز کے ساتھ تبدیل کریں اور دُوسری سے کسی ”سالن“ کے ساتھ۔ آپ نجات دہندہ اور اُس کی اِنجِیل کی اَبَدی برکات پر کیسے توجہ مرکوز کریں گے؟

مزید دیکھیں متّی 6‏:19–33؛ ایم رسل بیلرڈ، ”یاد رکھیں سب سے اہم کیا بات ہے،“ لیحونا، مئی 2023، 105–7۔

پتھروں کے تکیے پر سوئے، یعقُوب نے زندگی بدل دینے والا خواب دیکھا۔ یہ مُقدّس تجربہ تھا کہ یعقُوب نے اُس جگہ کو بیت ایل، یا ”خُدا کا گھر“ کا نام دِیا، یہ کہتے ہوئے کہ، ”یقیناً خُداوند اِس جگہ پر ہے“ (پیدایش 28:16)۔

جب آپ پیدایش 28 پڑھیں، تو آپ اپنے آپ سے پُوچھیں کہ کس بات نے یعقُوب کے لیے یہ تجربہ اِتنا مُقدّس بنا دِیا۔ اِس وقت اُس پر کیا گُزر رہی تھی؟ وہ کیا محسُوس کر رہا ہو گا؟ آپ اِن آیات 10–22 میں سے اَلفاظ اور فقرات بھی تلاش کر سکتے ہیں جو آپ کو خُداوند کے گھر کی یاد دہانی کراتے ہیں۔ آپ خُدا، اُس کے گھر، اور اُس کے عہُود کے بارے میں کیا تاثرات پاتے ہیں؟

اِس خاکہ کے آخر میں جو پینٹنگ ہے وہ یعقُوب کے خواب کی عکاسی ہے؛ جب آپ پڑھیں تو اِس کا حوالہ دیں۔ اگر آپ اُس کے خواب کی فن کارانہ تصویر کشی کرنا چاہتے ہیں، تو آپ کیا کریں گے؟ آپ کہانی سے کون سی سچّائیوں کو بیان کرنے کی کوشش کریں گے؟

گیت ”میرے خُدا، تیرے، قریب تر“ گیت، نمبر 100) یعقُوب کے تجربے پر مبنی ہے۔ اِس گیت اور پیدایش 28‏:10–22 کے درمیان میں آپ کو کیا ربط دِکھائی دیتا ہے؟ آپ کی خُدا کے قریب تر ہونے میں ہَیکل کیسے مدد کرتی ہے؟ اِس سوال کے لیے صدر رسل ایم نیلسن کے پیغام سے جواب تلاش کریں ”ہَیکل اور آپ کی رُوحانی بُنیاد“ (لیحونا، نومبر 2021، 93–94)۔ آپ خُداوند کے گھر کی برکات اور عہُود کا جائزہ لینے پر بھی غور کریں عمُومی راہ نُما کِتاب، 27.2 (گاسپل لائبریری)۔ اِن عہُود پر قائم رہنے سے آپ کی زندگی میں خُدا کی قُدرت کیسے آتی ہے؟

جب آپ پیدایش 31:29–35 اور 30‏:1–24 پڑھیں، تو راؔخل اور لِیہ پر خُدا کے رحم کو بیان کرنے والے الفاظ کو تلاش کریں۔ غور کریں کہ خُدا نے کیسے ”[آپ کی] مصیبت پر نظر کی“ اور آپ کو ”یاد رکھا“ (پیدایش 29:‏32؛ 30:‏22)۔

جب یعقُوب کنعان واپس آیا، تو وہ اِس بارے میں ”نہایت ڈرا اور پریشان تھا“ کہ اُس کا بھائی، عیسو، اُسے کیسے قبول کرے گا (پیدایش 32‏:7)۔ جب آپ پیدایش 32–33 پڑھیں، اپنے خاندانی تعلقات پر غور کریں—شاید خاص طور پر جسے شفا کی ضرُورت ہو۔ شاید یہ کہانی آپ کو کسی تک پُہنچنے کی ترغیب دے سکے۔ اِس طرح کے سوالات آپ کے مُطالعے کی راہ نمائی کر سکتے ہیں:

• یعقُوب نے عیسو سے ملنے کی کیسے تیاری کی؟

• پیدایش 32‏:9–12 میں یعقُوب کی دُعا کے بارے میں آپ کو کس بات نے مُتاثر کِیا؟

• آپ عیسو کی مثال سے مُعافی کے بارے میں کیا سیکھتے ہیں؟

• نجات دہندہ خاندانی تعلقات کو شفا دینے میں کیسے ہماری مدد کرتا ہے؟

• رِبقہ کی شفقت کی مؤثر مثال کو نمایاں کرنے کے لیے، آپ اپنے بچّوں کو اِس ہفتے کے عملی سرگرمی کا صفحہ یا نیچے دی گئی تصویر دِکھائیں جب آپ پیدایش 24‏:10–21 میں اِس کہانی کا خُلاصہ بیان کرتے ہیں۔ شاید آپ کے بچّے کہانی پر کِردار نگاری کرنے سے خُوش ہوں۔ اِس سے آپ کو شفیق رویوں کے بارے میں بات چیت کرنے میں راہ نمائی مل سکتی ہے جو آپ نے اور آپ کے بچّوں نے دیکھے ہوں۔

• اکٹھے مل کر رحم و شفقت کے بارے میں گیت گانے پر غور کریں، جیسا کہ ”شفقت مُجھ سے شروع ہوتی ہے“ (بچّوں کے گیتوں کی کتاب، 145)۔ آپ کے بچّے لفظ ”شفقت“ (یا اِس سے ملتا جُلتا لفظ) سُنیں اور جب وہ اِسے سُنیں تو کھڑے ہوں۔ ہم رِبقہ کی ماننِد کیسے شفیق بن سکتے ہیں؟

• اپنے بچّوں کو ”یعقُوب اور عیسو“ کی کہانی (پُرانے عہد نامے کی کہانیوں ، میں 38–41) سمجھنے میں مدد کے لیے پیدایش 25:‏21–34 کو اِستعمال کرنے پر غور کریں۔ شاید آپ کے بچّے تصور کر سکیں کہ عیسو نے اِس بارے میں اُن سے مشورہ مانگ رہا ہے کہ آیا دال کے بدلے اُسے اپنا پہلوٹھے ہونے کا حق دے دینا چاہیے۔ وہ اُسے کیا کہیں گے؟

  

  2:5

• آپ اور آپ کے بچّوں کے لیے کون سی باتیں اَبَدی طور پر اہمیت رکھتی ہیں؟ شاید آپ کے بچّے ایسی تصاویر یا اشیا ڈھونڈ سکیں جو اِن چیزوں کی نمایندگی کرتی ہیں۔ ہم خُداوند کو کیسے دکھائیں کہ یہ باتیں ہمارے لیے اہم ہیں؟

• جب آپ اِکٹھے مل کر پیدایش 28‏:10–22 پڑھیں، تو اِس بارے میں بات کرنے کے لیے کہ ہمارے عہُود کیسے سیڑھی کی مانند ہیں آپ کوئی سیڑھی یا زِینہ (یا اِس خاکہ کے آخر میں ایک تصویر) اِستعمال کریں۔ ہو سکتا ہے کہ آپ کے بچّے فرضی طور پر سیڑھی پر چڑھیں، اور ہر قدم پر، ایسے اوقات کے بارے میں بات کریں جب ہم خُدا کی فرمان برداری کرنے کا وعدہ کرتے ہیں، جیسا کہ جب ہم بپتِسما لیتے، عِشائے ربّانی لیتے، یا ہَیکل میں جاتے ہیں۔ ہمارے عہُود ہمیں خُدا کے قریب کیسے لاتے ہیں؟

• اِن آیات کو مُتعارف کروانے کے لیے، آپ وضاحت کریں کہ کئی سالوں کے ناخُوش گوار احساسات کے بعد، یعقُوب عیسو سے دوبارہ ملنے جا رہا تھا۔ اکٹھے پڑھیں پیدایش 32:‏6–11۔ یعقُوب نے کیسا محسُوس کِیا؟ اُس نے مدد پانے کے لیے کیا کِیا؟ اِکٹھے مل کر پڑھیں پیدایش 33‏:1–4 کہ خُداوند نے یعقُوب کی دُعا کا جواب کیسے دِیا۔ اگر یعقُوب اور عیسو آج ہم سے بات کر پاتے، جب ہمارے خاندان میں کوئی جھگڑا ہوتا، تو وہ ہماری مدد کے لیے کیا کہتے؟