Mwanzo 18–23

Bwanna amefanya ahadi tukufu kwa walio waaminifu, lakini nyakati zingine hali katika maisha yetu zinaweza kusababisha sisi kujiuliza jinsi gani ahadi hizo zinawezekana kutimia. Ibrahimu na Sara yawezekana nao walihisi hivyo. Je, unajifunza nini kutokana na uzoefu wao? Inaweza kuwa vyema kuanza kujifunza kwa kurejelea kile ambacho Bwana alimeahidi katika Mwanzo 17:4, 15–22. Je, Ibrahimuna Sara walifanyaje? (Ona Tafsiri ya Joseph Smith, Mwanzo 17:23 [katika Mwanzo 17:17, tanbihi b]; Mwanzo 18:9–12). Je, ni kwa jinsi gani Bwana alijibu ili kuwasaidia wao kuwa na imani kubwa zaidi katika ahadi Zake? (ona Mwanzo 18:14).

Je, wewe unapata nini katika mistari hii ambacho kinajenga imani yako? Je, ni uzoefu gani mwingine—katika maisha yako au ya mtu mwingine—yameimarisha imani yako kwamba Bwana atatimiza ahadi Zake katika wakati Wake na njia Yake? Unaweza pia kutafakari jinsi unavyoweza kuidhinisha imani yako wakati baraka zilizoahidiwa hazipokelewi katika maisha haya. Ni ushauri gani unaupata katika Waebrania 11:8–13 na ujumbe wa Rais Russell M. Nelson “Kristo Amefufuka; Imani Kwake Itahamisha Milima”? (Liahona, Mei 2021, 101–4).

Ona pia Mafundisho na Maagano 88:68.

Ni masomo gani unajifunza kuhusu kuukimbia uovu unaposoma kuhusu Lutu na familia yake? Kwa mfano, ni kitu gani kinachokuvutia kuhusu kile malaika walichosema na kufanya ili kumsaidia Lutu na familia yake kuepuka kuangamia? (Ona Mwanzo 19:12–17). Je, ni kwa jinsi gani Bwana anakusaidia wewe na familia yako kukimbia na kutafuta ulinzi kutokana na vishawishi viovu katika ulimwengu? Fikiria kuhusu hali ambazo unaweza kujaribiwa “[kutazama] nyuma” (mstari wa 26) wakati unapaswa kutazama mbele kwa imani katika Mwokozi. Luka 9:62 inaongeza nini kwenye uelewa wako juu ya wazo hili?

Ona pia Tafsiri ya Joseph Smith, Mwanzo 19:9-15 (katika Kiambatisho cha Biblia).

Mzee Jeffrey R. Holland alifundisha:

“Ni dhahiri kabisa, kitu ambacho hakikuwa sahihi kwa mke wa Lutu kilikuwa kwamba hakuwa tu anaangalia nyuma; katika moyo wake alitaka kurudi nyuma. Ilionekana kwamba hata kabla yeye hajavuka mipaka ya jiji lile, yeye tayari alikuwa anakikosa kile ambacho Sodoma na Gomora ilikuwa imempatia. …

“Inawezekana kwamba mke wa Lutu aliangalia nyuma akiwa na chuki kwa Bwana kwa kile Yeye alichokuwa anamtaka kuacha nyuma. … Kwa hiyo si tu kwamba aliangalia nyuma; aliangalia nyuma kwa kutamani. Kwa kifupi, upendo wake kwa yaliyopita ulizidi kujiamini kwake kwa siku za baadaye. Hiyo, inaonekana, angalau ilikuwa ndio sehemu ya dhambi yake.

“… Ninawasihi nyinyi, msiwepo kwenye siku zilizopita wala kutamani bure kwa siku za jana, hata kama jana hizo mzuri zilikuwa za kupendeza sana. Yaliyopita ni ya kujifunza kutokana nayo lakini siyo ya kuyaishi. Tunatazama nyuma kudai kaa la moto kutoka kwenye uzoefu unaowaka na si majivu. Na tunapookuwa tumejifunza kile tunachokihitaji kujifunza na tumeleta pamoja nasi ubora ambao tumepata uzoefu, hivyo tunatazama mbele na kukumbuka kwamba imani siku zote imeelekezwa kuelekea siku za badaaye .. …

“… kuishi kwenye maisha ya zamani, ikijumuisha makosa yaliyopita, kwa kweli sio sahihi! Sio injili ya Yesu Kristo.”

“Kwa [watu] wote wa kila kizazi, ninakuombeni, ‘Mkumbukeni mke wa Lutu’ [Luka 17:32]. Imani ni kwa ajili ya wakati ujao. Imani hujenga juu ya yaliyopita lakini kamwe haitamani kukaa hapo. Imani huamini kwamba Mungu ana mambo makuu ghalani kwa ajili ya kila mmoja wetu na kwamba hakika Kristo ni ‘kuhani mkuu wa mambo mema yajayo’ (Waebrania 9:11)” (“Yaliyo Bora Bado Hayajakuwa,” Ensign, Jan. 2010, 24, 26).

Ingawa hatujui sababu zote za Mungu kumwamuru Ibrahimu kumtoa Isaka kama dhabihu; tunajua ilikuwa ni jaribio la imani yake kwa Mungu. Pia tunajua ilikuwa “mfano wa Mungu na Mwanawe wa Pekee” (Yakobo 4:5). Unaposoma Mwanzo 22:1–19, ungeweza kutafuta ishara au mifanano kati ya toleo la Ibrahimu la Isaka na toleo la Baba la Mwanawe, Yesu Kristo. Fikiria kuandika kile unachokipata katika chati kama hii:

Ni ishara au mifanano ipi ya dhabihu ya Mwokozi ya kulipia dhambi unayoipata kuwa ya maana zaidi? Fikiria kuimba au kusoma mashairi ya wimbo ambao unaonyesha upendo wa Baba wa Mbinguni kwetu, kama vile “Mungu Alitupenda Sisi, Hivyo Alimtuma Mwanawe,” Nyimbo za Dini, na. 187. Unaweza pia kuandika hisia zako kuhusu Baba wa Mbinguni na Yesu Kristo na dhabihu Yao kwa ajili yako.

Kama unataka kujifunza zaidi kuhusu dhabihu ya Mwokozi wetu, fikiria kusoma ujumbe wa Rais Jeffrey R. Holland “Tazama Mwanakondoo wa Mungu” (Liahona, Mei 2019, 44–46). Kwa nini mwanakondoo ni ishara yenye nguvu sana ya Mwana wa Mungu? Ni nini Rais Holland alifundisha ambacho kinaongeza staha yako kwa zawadi ya Baba wa Mbinguni?

Ona pia “Akedah (The Binding)” (video), Maktaba ya Injili

12:57

• Kujifunza kuhusu uaminifu wa Ibrahimu na Sara katika ahadi za Mungu, wewe na watoto wako mngeweza kuzungumza kuhusu wakati ambapo iliwabidi wasubiri kitu fulani walichokitaka sana. Kisha ungeweza kuangalia picha ya Sara na Isaka mwanzoni mwa muhtasari huu na kuzungumza kuhusu ahadi Mungu aliyoitoa kwake na ibrahimu (ona pia ona pia “Ibrahimu na Sara,” katika Hadithi za Agano la Kale, 28–31). Wasaidie watoto wako kufikiria vitu ambavyo Mungu ametuahidi ikiwa tutakuwa waaminifu. Wahimize kuwa wavumilivu na kuamini kwamba Mungu atatimiza ahadi Zake.

  

  2:20

• Ili kuwasaidia watoto wako wajifunze ukweli muhimu katika Mwanzo 18:14, ungeweza kuandika kila neno kutoka sentensi ya kwanza ya mstari huo kwenye vipande tofauti vya karatasi. Kisha changanya karatasi, na waalike watoto wako wapange maneno haya katika utaratibu sahihi. Wewe na watoto wako mngeweza kisha kusoma Mwanzo 17:15–21; 21:1–7 kupata mfano wa kitu ambacho Bwana alifanya ambacho kilionekana hakiwezekani. Shiriki na watoto wako imani yako ambayo Bwana atatimiza ahadi Zake, hata kama zinaonekana haziwezekani au kuchukua muda mrefu.

• Waulize watoto wako kuhusu hali ambazo mtu anaweza kuwaalika kufanya kitu wanachojua si sahihi. Je, tunawezaje “kukimbia” hali hizi? Fupisha Mwanzo 19:15–26 na uelezee kwamba familia ya Lutu iliishi katika mji mwovu sana, na malaika wakawaonya waondoke. Wakati wewe na watoto wako mkisoma pamoja mstari wa 15–17, 26, waulize kile inachoweza kumaanisha kwetu leo “kuepuka” uovu na “msiangalie nyuma” (mstari wa 17).

• Kutumia picha za Ibrahimu na Isaka na ya Kusulubiwa (ona Kitabu cha Sanaa za Injili, na. 9, 57) inaweza kuwasaidia watoto wako kulinganisha hadithi katika Mwanzo 22 pamoja na dhabihu ya Mwokozi (ona Mathayo 27:26–37). Je, Tunaweza kujifunza nini juu ya Baba wa Mbinguni na Yesu Kristo kutoka kwa simulizi za Ibrahimu na Isaka na ya Kusulubiwa? (Ona pia “Ibrahimu na Isaka,” katika Hadithi za Agano la Kale, 34–37.)

  

  2:0

• Je, unaweza kufikiria mchezo rahisi wa kucheza na watoto wako ambao unawahitaji kufuata maelekezo? Labda maelekezo yangeweza kuongoza kwenye picha iliyofichwa ya Mwokozi. Mchezo ungeweza kuchochea mazungumzo kuhusu mambo ambayo Baba wa Mbinguni ametuamuru kufanya ili tuweze kuishi Naye na Yesu Kristo tena. Fikiria kuimba pamoja wimbo kama vile “Keep the Commandments” (Kitabu cha Nyimbo za Watoto, 146–47). Ukurasa wa shughuli ya wiki hii pia unaweza kusaidia.