Mwanzo 42–50

Je, umegundua mifanano yoyote kati ya maisha ya Yusufu na misheni ya ya Yesu Kristo ya kulipia dhambi? Ili kuona baadhi ya mifanano hii, jaribu kulinganisha:

• Mwanzo 37:3 na Mathayo 3:17.

• Mwanzo 37:26–28 pamoja na Mathayo 26:14–16.

• Mwanzo 45:5–7 na Luka 4:18.

• Mwanzo 47:12 pamoja na Yohana 6:35.

Ni misukumo gani unaipata kuhusu Mwokozi unaposoma vifungu hivi?

Kusoma kuhusu Yusufu kuwasamehe kaka zake kwa mambo ya mabayawaliyofanya inaweza kukushawishi wewe kufikiria kuhusu mtu unayehangaika kumsamehe. Maswali yafuatayo yanaweza kusaidia unapojitahidi kutumia kanuni hii:

• Kwa nini pengine ingekuwa vigumu kwa Yusufu kuwasamehe kaka zake? (kurejelea kile walichomfanyia, ona Mwanzo 37). Ni uzoefu au mitazamo gani inawezekana ilimpa Yusufu nguvu ya kuwasamehe? (Ona, kwa mfano, Mwanzo 45:1–15 au 50:15–21)

• Ni baraka gani zilikuja kutokana na msamaha wa Yusufu kwa kaka zake? Kwa mfano, linganisha mahusiano katika familia ya Yakobo mwanzoni mwa hadithi (ona, kwa mfano, Mwanzo 37:3–11) na mahusiano hapo mwishoni (ona Mwanzo 45:9–15; 50:15–21). Ni kwa jinsi gani mambo yangeweza kuwa tofauti kama Yusufu asingekuwa radhi kusamehe?

• Fikiria kuandika jina la mtu ambaye anaweza kuhitaji msamaha wako—kama wameomba msamaha au la. Unaweza kufanya nini ili kualika nguvu ya uponyaji ya Mwokozi katika hali hiyo? Kama kusamehe kunaonekana kuwa vigumu sana, fikiria kurejelea ushauri wa Mzee Gerrit W. Gong katika aya sita za mwisho za ujumbe wake “Furaha na Milele” (Liahona, Nov. 2022, 85). Unapata nini ambacho kinakupa tumaini kwamba unaweza kusamehe?

Ona pia Mafundisho na Maagano 64:9–11; “Forgiveness: My Burden Was Made Light” (video), Maktaba ya Injili.

8:24

Baraka za Yakobo kwa uzao wake zina picha dhahiri, lakini si rahisi kuelewa. Tunashukuru, injili ya urejesho inatupa msaada fulani. Unaposoma baraka za Yusufu katika Mwanzo 49:22–26, soma mistari ifuatayo pia, na uone ni umaizi gani inatoa: 1 Nefi 15:12; 2 Nefi 3:4–5; Yakobo 2:25; Mafundisho na Maagano 50:44.

Unaposoma kuhusu baraka za Yuda katika Mwanzo 49:8–12, kumbuka kwamba Yesu Kristo alikuwa wa uzao wa Yuda. Unapata nini katika mistari hii ambacho kinakukumbusha juu ya Mwokozi? (ona pia Ufunuo 5:5–6, 9; 1 Nefi 15:14–15; Mafundisho na Maagano 45:59; 133:46–50).

Kusoma baraka hizi kunaweza kukupa msukumo wa kurejelea baraka yako ya kipatriaki—au, kama huna, fikiria kupokea moja. Ni maneno na virai gani katika baraka yako vinageuza mawazo yako kwa Yesu Kristo?

Ona pia Randall K. Bennett, “Baraka Yako ya Kipatriaki—Mwongozo wenye uvuvio kutoka kwa Baba wa Mbinguni,” Liahona, Mei 2023, 42–44.

Ingawa yawezekana haikuwa wazi alipokuwa akiyapitia, Yusufu hatimaye aliweza kuangalia nyuma kwenye shida zake Misri na kuona kwamba “Mungu aliyakusudia kuwa mema” (Mwanzo 50:20). Kama ungeweza kumtembelea Yusufu alipokuwa shimoni au gerezani, ni kwa jinsi gani ungeweza kumfariji? Ni kwa jinsi gani Mwanzo 50:19–21 inaweza kukusaidia katika nyakati zako za majaribu?

Ona pia Mafundisho na Maagano 122; “Msingi Imara,” Nyimbo za Dini, na. 36.

Unaposoma Mwanzo 50:24–25 na Tafsiri ya Joseph Smith, Mwanzo 50:24–38 (katika kiambatisho cha Biblia), tafakari kwa nini ingekuwa muhimu kwa Yusufu kujua kuhusu Musa na Joseph Smith karne nyingi kabla. Ni kwa jinsi gani Joseph Smith alitimiza unabii wa Yusufu kumhusu yeye? (ona Mafundisho na Maagano 1:17–23; 20:7–12; 39:11; 135:3).

• Inaweza kuwa ya kufurahisha kwa watoto wako kuigiza hadithi ya Yusufu kuungana tena na familia yake (ona Mwanzo 42–44). Au wanaweza kutumia “Yusufu na Baa la Njaa” (katika Hadithi za Agano la Kale, 57–60) au picha katika muhtasari huu kufundishana hadithi hii. Haya ni baadhi ya maswali ambayo yangeweza kuwasaidia watoto wako wajifunze kutoka kwenye hadithi hii:

  • Yusufu alifanya nini kuonyesha upendo kwa familia yake? (ona Mwanzo 45:4–15).

  • Kwa nini unahisi Yusufu aliwasamehe kaka zake?

  • Unafikiri kaka zake Yusufu walihisi vipi walipogundua Yusufu alikuwa amewasamehe? Nani katika maisha yako anahitaji kusamehewa? Ni kwa jinsi gani unaweza kuonyesha upendo na msamaha?

  

  2:26

• Wewe au watoto wako mnaweza kutaka kushiriki uzoefu wakati walipomsamehe mtu au wakati mtu fulani alipowasamehe. Kisha mngeweza kuimba wimbo kama vile “Love One Another” (Kitabu cha Nyimbo za Watoto, 136) au “Help Me, Dear Father” (Kitabu cha Nyimbo za Watoto, 99).

• Wewe na watoto wako mngeweza kuangalia picha ya Yakobo akiwabariki wanawe mwishoni mwa muhtasari huu na kujadili kile kinachotokea (ona Mwanzo 48:8–9). Kama itahitajika, elezea kwamba Yakobo baba yake Yusufu, alitaka kutoa baraka za ukuhani kwa familia yake. Pengine mngeweza kushiriki wenyewe uzoefu wowote ambao mmekuwa nao katika kupokea msaada kutoka kwa Mungu kupitia baraka ya ukuhani. Ni zipi baadhi ya sababu ambazo tunaweza kuomba baraka ya ukuhani?

• Ni kwa jinsi gani unaweza kuwasaidia watoto wako wamwone Mwokozi katika hadithi ya Yusufu akiokoa familia yake kutokana na baa la njaa? Fikiria kutengeneza chati yenye safu mbili zilizoandikwa Yusufu na Yesu Kristo. Saidia watoto kutafuta jozi zifuatazo za maandiko na uandike kwenye ubao vitu ambavyo Yusufu na Yesu wamefanana: Mwanzo 37:3 na Mathayo 3:17; Mwanzo 37:26–28 na Mathayo 26:14–16; Mwanzo 45:5–7 na Luka 4:18; and Mwanzo 47:12 na Yohana 6:35.

• Waulize watoto inamaanisha nini kukomboa au kumuokoa mtu. Ikiwa yeyote kati yao amepata uzoefu wa kukombolewa au kuokolewa kutoka kwenye hatari, waalike kushiriki. Ni kwa jinsi gani Yusufu aliwaokoa kaka zake? (ona Mwanzo 42:1–3; 45:5–7). Kisha mngeweza kutazama picha ya Mwokozi pamoja na waombe watoto wako wazungumze kuhusu jinsi Yesu anavyotuokoa sisi.