Jenesis 18–23

Irooj ekar kōm̧m̧ani kallim̧ur ko raiboojoj n̄an ro retiljek, bōtaab jet iien jekjek ko an mour ko ad remaron̄ kōm̧m̧an ad ļōmņak ekōjkan an kallim̧ur ko maron̄ in pidodo n̄an kakūrm̧ooli. Ebream im Sera remaron̄ kar en̄jake wāween in. Ta eo kwoj ekkatak jān mour ko aer? Emaron̄ jipan̄ n̄an ijjino katak eo am̧ n̄e kwoj etale ta eo Irooj ear kallim̧ur kake ilo Jenesis 17:4, 15–22. Ta eo Ebream im Sera raar wōjake? (lale Ukook eo an Josep Smith, Jenesis 17:23 [ilo Jenesis 17:17, footnote b]; Jenesis 18:9–12). Ekōjkan an Irooj kar uwaak n̄an jipan̄ er kōļapļok tōmak ilo kallim̧ur ko An? (lale Jenesis 18:14).

Ta eo kwoj loe ilo eoon kein me rej ejaake tōmak eo am̧? Ta en̄jake ko jet—ilo mour eo am̧ ak an bar juon—me ekar kōkajoorļo̧k tōmak eo am̧ bwe Irooj enaaj kakūrm̧ool kallim̧ur ko An ilo iien im wāween eo An make. Komaron̄ bar ļōm̧nak kōn ekōjkan am̧ maron̄ naajdik tōmak eo am̧ n̄e kōjeraam̧m̧an ko kar kallim̧ur kaki rejjab tōprak ilo mour in. Naan in kapilōk ta ko kwoj loe ilo Hibru 11:8–13 im enaan eo an Būreejtōn Russell M. Nelson “Kraist Em̧ōj an Jerkakpeje; Tōmak ilo E Enaaj Kōm̧akūt Toļ ko”? (Liaona, Māe 2021, 101–4).

Bar lale Katak im Bujen Ko 88:86.

Ta katak ko kwoj ekkatak kōn etal jān nana ilo am̧ riit kōn Lot im baam̧le eo an? N̄an waanjon̄ak, ta eo karreilok eok kōn ta eo enjeļ ro raar ba n̄an im kar kōm̧m̧ane n̄an Lot im baam̧le eo an n̄an ko jān kakkure eo? (lale Jenesis 19:12–17). Ekōjkan an Irooj kar jipan̄ eok im baam̧le eo am̧ etal jān ak lo kōjparok jān kareel ko an nana ilo laļ in? Ļōmņak kōn jekjek ko me kwaar en̄jaake am̧ tin po n̄an “reilikļo̧k” (eoon 26) ak kwoj aikuj reim̧aanļo̧k wōt kōn tōmak ilo Rilo̧mo̧o̧r. Ta eo Luk 9:62 ej kobaik waj ilo meļeļe eo am̧ kōn ļōm̧nak in?

Lale barāinwōt Joseph Smith Translation, Genesis 19:9–15 (ilo Bible appendix).

Elder Jeffrey R. Holland ekar katakin:

“Ealikkar, ta eo ekar bōk ippān lio pāleen Ļat ekar bwe liin ekar jab wōt reilikļo̧k wōt, ilo būruōn liin ekar kōņaan bar ro̧o̧lļo̧k. Ekar waļo̧k bwe jekdo̧o̧n m̧okta jān an liin kar eļļāļo̧k jān jikin kweilo̧k eo, em̧ōj an liin kar ajļo̧ke ta eo Sodom im Gomorrah kar leļo̧k n̄an e. …

“Emaron̄ m̧ool bwe lieo pāļeen Ļat ekar relikļo̧k kōn illu n̄an Irooj kōn ta eo Ekar kajjitōk ippān n̄an em̧m̧akūt jene. … Aaet ejjab kōn wōt an kar relikļo̧k, ekar relikļo̧k kōn kōņaan eļap. Ilo kōkadudu, ekkeijel eo an n̄an iien ko remootļo̧k eļapļo̧k jān lōke eo an ilju im jekļaj. Men in, em̧ool, ekar mōttan jerawiwi eo an.

“… Ij akweļap ippam̧ n̄an jab dāpdep ilo raan ko remootļo̧k ak ajeļo̧ke inne, jekdo̧o̧n eo jon̄an an kar em̧m̧an raan ko inne. Jej ekkatak jān men ko an jem̧aan ako jab mour kaki. Jej reilikļo̧k n̄an bōk mālle ko rej ebbōl ilo mour kein ad ejjab menkwaraar. Im n̄e jaar ekkatak ta eo jej aikuj n̄an katak im ekar bōktok ippādtok men ko rem̧m̧antata jekar iooni, innām jej reim̧aanļo̧k im keememej bwe aolep iien tōmak ej jitōn̄ļo̧k ilju im jekļaj eo. …

“…Dāpdep ilo mour ko m̧okta, ekoba bōd ko, ejjab kanooj jim̧we! Ejjab gospel eo an Jisōs Kraist. …

“N̄an aolep [armej] in aolep epepen, ij āliji, ‘Koṃwin keememej lio pāleen Lot’ [Luk 17:32]. Tōmak ej n̄an ilju im jekļaj. Tōmak ej ekkal ioon jem̧aan bōtaab eban too an pād. Tōmak ej lōke bwe Anij ewōr an men ko reļļapļo̧k rej pād n̄an kōj im bwe Kraist ej lukkun ‘Pris eḷap ñan men ko reṃṃan renaaj itok’ (Hibru 9:11)” (“The Best Is Yet to Be,” Ensign, Jan. 2010, 24, 26–27).

Mekarta ta jejjab jeļā unin an Anij kar kakien Ebream n̄an ajeļo̧k Aisek āinwōt juon kein katok, jejeļā ke ekar juon teej in tōmak eo an ilo Anij. Jebar jeļā ke ekar juon “kakōļļeen Anij im eo Nejin Eaar Keotake.” (Jekab 4:5). Ilo am̧ riiti Jenesis 22:1–19, komaron̄ kappukot kakōļļe ko ak men ko āinwōt juon ikōtaan jortak eo an Ebream kōn Aisek im jortak eo an Jemed kōn eo Nejin, Jisōs Kraist. Ļōmņak in je ta eo kwoj loe ilo juon jaat āinwōt in:

Ta kakōļļe im men ko āinwōt n̄an en̄tan in pinmuur eo an Rilo̧mo̧o̧r me kwoj loe eļap meļeļeir? Ļōmņak in al ak riiti naan ko ilo juon al me ej kwaļo̧k iakwe eo an Jemedwōj Ilan̄ n̄an kōj, āinwōt “God Loved Us, So He Sent His Son,” Hymns, no. 187. Komaron̄ bar je en̄jake ko am̧ kōn Jemedwōj Ilan̄ im Jisōs Kraist im katok eo Aer n̄an eok.

N̄e kwōj kōņaan ekkatak eļapļo̧k kōn katok eo an Rilo̧moo̧r, ļōm̧ņak in riiti enaan eo an Būreejtōn Jeffrey R. Holland “Lo Ļaam̧ eo an Anij” (Liaona, Māe 2019, 44–46). Etke juon lamb ej juon kakōļļe ekajoor kōn Nejin Anij? Ta eo Būreejtōn Holland ear katakin me ej kōļapļo̧k am̧ kautiej mennin letok eo an Jemedwōj Ilan̄?

Bar lale “Akedah (The Binding)” (pijaan alooj), Gospel Library.

12:57

• N̄an ekkatak kōn lōke eo an Ebream im Sera ilo kallim̧ur eo an Anij, kwe im ajri ro maron̄ kōnono kōn juon iien me raar aikuj kōttar juon men me relukkuun kar kōņaan. Innem komaron̄ lale pija in Sera im Aisek ilo jinoin unin tōl in im kōnono kōn kallim̧ur eo Anij ear kalim̧m̧uro e im Ebream (bar lale “Ebream im Serai,” ilo Bwebwenato ko jān Kallim̧ur M̧okta, 28–31). Jipan̄ ajri ro ļōmņak kōn men ko Anij ekar kallim̧uri kōj kaki n̄e jej tōmak. Kōketak er n̄an kijenmej im lōke Anij ke Anij enaaj kōjpārok kallim̧ur ko An.

  

  2:20

• N̄an jipan̄ ajri ro ekkatak aorōk in m̧ool eo ilo Jenesis 18:14, komaron̄ je kajjojo naan jān jantōj eo jinoun tata in eoon eo ilo juon pepa. Innem kobaik pepa ko ippān doon, im karuwanene ajri ro n̄an likut naan ko ilo jekjek eo ejim̧we. Kwe im ajri ro maron̄ riiti Jenesis 17:15–21; 21:1–7 n̄an kappukot juon waanjon̄ak in juon men Irooj eaar kōm̧m̧ane me āinwōt emaron̄ kar jab tōprak. Kwaļo̧k n̄an ajri ro tōmake eo am̧ ke Irooj enaaj kakūrm̧ool kallim̧ur ko An, jekdoon n̄e āinwōt n̄e reban tōprak im ebōk iien.

• Kajjitōk ippān ajri ro kōn jekjek ko me juon armej emaron̄ kar karuwanene er n̄an kōm̧m̧ane juon men me rejeļā ke ejjab jim̧we. Elmen ad naaj “etal” jān jekjek kein? Kakaduuikļo̧k Jenesis 19:15–26 ilo am̧ kōmeļeļeik bwe baam̧le eo an Lot rekar mour ilo juon jikin eobrak kōn nana, im enjeļ ro rekar kakkōl er n̄an em̧m̧akūt. Ilo am riit ippān doon ippān ajri ro eoon 15–17, 26, kajjitōk ippaer ta meļeļein n̄an kōj ilo raan kein “ko” jān nana im “jab reilikļo̧k” (eoon 17).

• Kōjerbal pijaan Ebream im Isaac im mej eo An ioon Debwāāl (lale Bok in Gospel Pija, nos. 9, 57) emaron̄ jipan̄ ajri ro keidi bwebwenato eo ilo Jenesis 22 ippān en̄taan eo an Rilo̧mo̧o̧r (lale Matthew 27:26–37). Ta eo jemaron̄ ekkatak kōn Jemedwōj Ilan̄ im Jisōs Kraist jān bwebwenato ko an Ebream im Aisek im mej eo An Ioon Debwāāl? (Bar lale “Ebream im Aisek,” ilo Bwebwenato ko jān Kallim̧ur M̧okta, 34–37.)

  

  2:0

• Komaron̄ ke ļōmņak kōn juon ikkure n̄an ikkure ippān ajri ro me enaaj kōm̧m̧an bwe ren ļoor tōl? Bōlen tōl ko remaron̄ tōl n̄an juon pijaan Rilo̧mo̧o̧r em̧ōj nooje. Ikkure eo emaron̄ kōm̧m̧ane juon mennin kōnono kōn men ko Jemedwōj Ilan̄ ekar kakien e kōj n̄an kōm̧m̧ani bwe jen maron̄ mour Ippān im Jisōs Kraist. Al ippān doon kōn juon al kōn kien ko, eo āinwōt “Keep the Commandments” (Children’s Songbook, 146–47). Peij in m̧akūtkūt eo an wiik in emaron̄ jipan̄.