Jenesis 12–17; Ebream 1–2

“Jej aolep ekkatak jān baam̧le ko ad [im] m̧anit eo ad, Elder Neil L. Andersen ear katakin, “ijoke ij tōmak ewōr juon jikin itulowaad kajjojo me eoktak ad m̧adm̧ōde im ejaake jān doon. … Āliktata, ikdeelel ko ad itulowa rej mour im rewaļok ilo kāālet im m̧akūtkūt ko ad” (“Educate Your Desires, Elder Andersen Counsels,” ChurchofJesusChrist.org). Ļōmņak ekōjkan an Ebream 1:1–19 kōm̧m̧ane ta eo Elder Andersen ear katakin. Kajjitōk ko āinwōt rein remaron̄ jipan̄:

• Ta eo Ebream ear kōņaan? Elmen an kar ikdeelel ko an waļo̧k ilo an m̧akūtkūt ko? Elmen an kar Anij rie ikdeelel ko an?

• Ta ikdeelel ko am̧? Elmen aer waļo̧k ilo m̧akūtkūt ko am̧? Elmen an Anij jipan̄ eok?

• Ewōr ta enaan ko ilo eoon kein n̄an armej ro ilo baam̧le ko ad rejjab ikdeelel n̄an jim̧we?

Juon iaan ikdeelel eo eļap an Ebream im Serai—n̄an juon nejier ajri—ekar jab kūrm̧ool iumin elōn̄ iiō ko (lale Jenesis 15:1–6). Ta eo kwoj katak jān Hibru 11:8–13 kōn ekōjkan an kar Ebream im Serai jelm̧ae mālejjon̄ in? Elmen an Rilo̧mo̧o̧r eo jipan̄ eok “yokwe” kallim̧ur ko An, jekdoon n̄e re “etoļo̧k”?

Bar lale “Deliverance of Abraham” (pija in alooj), Gospel Library.

1:38

Etke eaorōk n̄an kwe bwe kwōn jeļā kōn bujen eo Anij ear kōm̧m̧ane ippān Ebream. Kōnke Anij ekōņaan kōm̧m̧an ejja bujen rōt in ippam̧. Ekar kallim̧ur bwe bujen in enaaj wōnm̧aanļo̧k ippān ro bwijjin Ebream, ak “inee[n],” im “bwe jon̄an wōt lōn̄in eo enaaj bōk Gospel naaj … bōnbōn ineem” (lale Ebream 2:10–11). Meļeļein, bujen eo ej wōnm̧aanļo̧k ilo kwe—n̄e kwoj peptaij im eļapļo̧k n̄e kwoj kōm̧m̧an bujen ko ilo tampeļ eo. (lale Galetia 3:26–29; Katak im Bujen Ko 132:30–32).

Kōn un in, komaron̄ kōņaan ekkatak Ebream 2:6–11 im kōm̧m̧ane juon laajrak, jejjōt in ta eo Anij ear kallim̧uri Ebream im Serai (bar lale Jenesis 12:1–3; 13:15–16; 15:1–6; 17:1–8, 15–22). Ekōjkan an kōjeraam̧m̧an kein jelet eok?

Jet iaan kallim̧ur kein ejjeļo̧k jem̧ļokier. Elmen an kallim̧ur ko āinwōt aelōn̄ in jolet ak an bwijļap kūrm̧ool n̄an indeeo? (lale Katak im Bujen Ko 131:1–4; 132:20–24, 28–32).

Ijelo̧kin kōjeraam̧m̧an ko kar kallim̧ur kaki, Anij ear jiron̄ Ebream bwe “kwōnaaj men in kajeraaṃṃan” (Jenesis 12:2; naan ko kobaiktok). Ta meļeļein ilo am̧ ļōmņake? Ekōjkan am̧ naaj juon kōjeraam̧m̧an? (lale Ebream 2:11).

N̄an katakin kōn bujen, Elder Dale G. Renlund ekar kōnono kōn ņo ko ilo Reba Amazon, im Būreejtōn Emily Belle Freeman ekar kōnono kōn juon iaļ edekāke etetal ie kōn ne eir. (lale “Bōk Kajoor An Anij kōn Bujen Ko,” Liaona, Māe 2023, 35–37; “Etetal ilo Bujen Jemjerā ippān Anij,” Liaona, Nob. 2023, 76–79). Etale juon ak enaan kein jimor n̄an jantōj ko me renaaj jipan̄ uwaake kajjitōk in “Etke Anij ekōņaan bwe in kōm̧m̧an bujen Ippān?”

Bar lale Unin kenono im kajjitōk ko, “Bujen eo an Ebream,” Gospel Library; “Ļōmņak ko n̄an Keememeji: Bujen Eo,” ilo kein jipan̄ in.

Ļōmņake am kwalok kadkad in Melchizedek n̄an juon eo ejaje kajjeen. Ta eo kwonaaj ba? Lale ļōmņak ko ilo Ukook eo an Josep Smith, Genesis 14:26–27, 33–38 ilo Bible appendix eo); Alma 13:13–19; Katak im Bujen Ko 107:1–4. Ta jinōkjej ko an Kraist kwoj lo ilo kōmeļeļe kein kōn Melchizedek? Elmen am̧ ekkatak kōn mour eo an Melchizedek jelet wāween am̧ ļōmņak kōn Melchizedek Priesthood?

Ta eo kwoj ekkatak kōn jekjek in m̧wilin Ebream ikijeen m̧weie jān Jenesis 14:18–24 im Ukook eo an Josep Smith, Jenesis 14:36–40 (ilo Baibōļ appendix)? N̄an waanjon̄ak, lale uwaak eo an n̄an kiin̄ in Sodom eo ilo Jenesis 14:23. Elmen an mennin pokake kien juōn m̧ōttan jon̄oul jelet ļōm̧ņak eo am̧ kōn jāān?

Ilo am̧ riiti Jenesis 16, komaron̄ ļōmņak kake juon iien me kwaar en̄jake an jab em̧man an armej kōm̧m̧an n̄an eok, āinwōt kar Hagar. Keememej bwe meļeļein “Ishmael” ke “Anij ej ron̄.” Ekōjkan an Anij kar kwaļo̧k n̄an kwe ke Ej ron̄jake eok?

Bar lale “Secret Prayer,” Hymns, no. 144.

• Ilo am riit ippān ajri ro nejum̧ Ebream 1:18 im 2:8, komaron̄ karuwanene er bwe ren ron̄jake juon paat in ānbwin me epād ilo eoon kein jimor. Bōlen komaron̄ ikkure juon ikkure me ajri ro ej kiil mejaer im kwoj tōl er. Innem kwoj kōnono kōn en̄jake ko n̄e Jisōs Kraist ej tōl kōj kōn Pein im kōjpārok kōj.

• Ajri ro remaron̄ m̧ōņōņō in kōm̧m̧an tieta kōn bwebwenato eo jān GeJesis 13:5–12, im arin Ebream, Lot, im rilale mennin mour ro. Ekōjkan ad maron̄ ļoor waanjon̄ak eo an Ebream ilo ad erom juon ri kaenōm̧m̧an ilo baam̧le ko ad im ro m̧ōttad? Kajjieon̄ kamelmel uwaake kajjitōk ko.

• Ļōmņak in kwaļo̧k n̄an ajri ro juon kateiner in bo̧k, iju ko ilo bon̄, ak juon pija eo ilo jem̧ļo̧k in unin tōl in. Men in emaron̄ jipan̄ er meļeļe kōn kallim̧ur ko an Anij ilo Jenesis 13:16; 15:1–6. Kōnono kōn ekōjkan am̧ kar ekkatak lōke kallim̧ur ko an Anij, jekdoon n̄e reppen.

• N̄an katakin ajri ro kōn bujen ko, kajjitōk ippaer n̄an jiron̄ eok kōn juon iien me raar kōm̧m̧ane juon kallim̧ur ak juon armej ear kallim̧uri er kōn juon men. N̄e ejipan̄, kwaļo̧k jet waanjon̄ak ko am̧ make—ekoba bujen ko em̧ōj am̧ kōm̧m̧ani ippān Anij ilo peptaij ak ilo tampeļ eo. Ewi wāween an bujen kein jelet jemjerā eo am̧ ippān Anij? Kāālet jejjo naan jān Jenesis 15:1–6; 17:1–8; Ebream 2:9–11 n̄an kwaļo̧k jet iaan kōjeraam̧m̧an ko Anij ear kallim̧ur Ebream im Serai kaki.

• N̄an jipan̄ ajri ro keppopo n̄an kōm̧m̧ane juon bujen ippān Anij n̄e renaaj peptaij, komaron̄ kōjerbal jet iaan ikkure ko kar likūti ilo appendix A ak appendix B.

• Ke mour eo an Ebream ekar pād ilo kauwōtata, ekar kūr Anij n̄an Anij. Ke Hagar ekar make iaan ilo āne jem̧dān, ekar ekkatak ke Anij ej ron̄ ainikien. Ļōmņak in kwaļo̧k bwebwenato kein ruo n̄an ajri ro: “Ebream im Serai” im “Hagar” ilo Bwebwenato ko jān Kallim̧ur M̧okta, 28–31, 32–33. Ta eo jej ekkatak kōn Anij jān bwebwenato kein? Innem kom̧ maron̄ kwaļo̧k n̄an doon en̄jake ko me kwaar en̄jake an Anij ron̄ ainikiemi. Juon al āinwōt “A Child’s Prayer” (Children’s Songbook, 12–13) emaron̄ kam̧ool pedped in.

2:20

1:23