“Jānwōde 36–Pāpode 1. ‘Katakin Men Kein ilo Ejjeļo̧k Idadik n̄an Ro Nejimi’: Jenesis 5; Moses 6,” Itok, Ļoor Eō—N̄an M̧weeo im Kabun̄ in: Kallim̧ur M̧okta 2026 (2026)
“Jānwōde 26–Pāpode 1. ‘Katakin Men Kein ilo Ejjeļo̧k Idadik n̄an Ro Nejimi’,” Itok, Ļoor Eō: 2026
Em̧m̧anļo̧k jān Paradise,, jān Kendal Ray Johnson
Jenesis 5–Moses 6: “Katakin Men Kein ilo Ejjeļo̧k Idadik n̄an ro Nejimi”
Jenesis 5; Moses 6
Enan̄in aolepān Jenesis 5 ej juon laajrak in epepen ko kōtaan Adam im Iv im Noa. Jej riiti elōn̄ āt ko, ak jejjab kanooj ekkatak kaki. Innem jej riiti ļain in ekōpōkakkak ak ejjeļo̧k kōmeļeļein: “Im Inok ear etetal ippān Anij: im e jako; bwe Anij ear bōk e” (Jenesis 5:24). Em̧ool ewōr juon bwebwenato ilikin eoon in! Ak ijelļo̧kin elōn̄ļo̧k kōmeļeļe, laajrak in epepen ko rej ijjino.
Kam̧m̧oolol, Moses 6 ej kwaļo̧k laajrakin bwebwenato eo an Inōk—im ej juon bwebwenato em̧m̧an. Jej ekkatak kōn ettā eo an Inōk, an m̧ōjņo, em̧m̧an eo Anij ej lo ilo e, im jerbal eo ekabwilōn̄lōn̄ eaar kōm̧m̧ane āinwōt juon rikanaan an Anij. Jej bar bōk juon pija ealikkarļo̧k kōn baam̧le eo an Adam im Iv āinwōt an epepen ko wōnm̧aanļo̧k. Jej riiti kōn Setan ar “ļap an pepe” ak kōn bar ro jinen im jeman ro raar katakin ajri ro nejier “iaļ ko an Anij” (Moses 6:15, 21). Men eo aorōktata ej ta eo jej ekkatak kōn katak kein ro jineir im jemāer raar katakin: tōmak, ukweļo̧k, peptaij, im bōk Jetōb Kwojarjar (lale Moses 6:50–52 Katak in, āinwōt priesthood eo ej ekkeijelļo̧k, “ekar pād ilo jinoin [im] enaaj pād ilo jem̧ļo̧k in laļ in barāinwōt” (Moses 6:7
Ļōmņak ko n̄an Ekkatak ilo M̧weeo im ilo Kabun̄ in
Jerawiwi ej kōkaduik maron̄ eo aō n̄an lo, en̄jake, im ron̄jake men ko an Anij.
Ilo am̧ ekkatak Moses 6:26–36, ta eo kwoj ekkatak kōn men ko rej waļo̧k jān jerawiwi? Ekōjkan am̧ loe men kein? Ta jinōkjej ko ekar wōr ippān Enoch me ekar jipan̄ e anjo̧ jān men kein? Elmen an Anij kar kōjeraam̧m̧an e?
Anij ej kūr eō n̄an kōm̧m̧ane jerbal eo An mekarta m̧ōjno̧ ko aō.
N̄e kwaar baj en̄jake eddo kōn ta eo Irooj ekar kūr eok n̄an kōm̧m̧ane, kojjab make iaam̧. Men̄e Inok eaar en̄jake wāween eo an kar Irooj kūr e bwe en juon rikanaan. Ilo am riiti Moses 6:26–36, kappukot ta unin an kar Inok en̄jake m̧ōņōņō im ta eo Irooj eaar ba n̄an leļo̧k n̄an e peran.
Ilo eoon 37–47, komaron̄ pukot wāween ko an kar Irooj jipan̄ Inok im kar kōkajoor e n̄an kōm̧m̧ane jerbal eo An (bar lale Moses 7:13). Komaron̄ keidi en̄jake eo an Inok ippān rikanaan ro jet ro raar en̄jake ebweer, āinwōt Moses (lale Exodus 4:10–16), Jeremaia (lale Jeremaia 1:4–10), Nipai (lale 2 Nipai 33:1–4), im Moronai (lale Ether 12:23–29). Ta eo kwoj en̄jake Anij ekōņaan jān kwe n̄an jeļā jān eoon kein kōn jerbal eo Eaar lewaj bwe kwon kōm̧m̧ane?
A Seer Hath the Lord Raised Up (Moses 6:36), jān Eva Timothy
Elōn̄ rijilōk im rikanaan raan kein raar kwaļo̧k aer en̄jake ejja āinwōt en̄jake ean Inok ke raar kōmeļeļe wāween aer kar en̄jake ke raar bōk kūr ko aer. N̄an waanjon̄ak, lale naan in kam̧ool eo an Elder Ulisses Soares ilo “Rikanaan ro rej kōnono kōn kajoor in Jetōb Kwojarjar” (Liaona, Māe 2018, 98–99).
Ta ko kwoj ekkatak jān rikanaan im rijilōk rein kōn en̄jake in jabwe ko ippam̧? N̄āāt kwaar en̄jake an Rilo̧mo̧o̧r eo jipan̄ eok n̄e E ej kajjitōk bwe kwon kōm̧m̧ane men ko reppen? Ļōm̧ņak in je jejjo en̄jake jakļaj n̄e konaaj aikuj in atartar ioon jipan̄ eo an Rilo̧mo̧o̧r eo. Ekōjkan am̧ jelm̧ae iien kein kōn tōmak ilo Jisōs Kraist.
Bar lale, “Kwo Naaj Jokwe ilo N̄a, im N̄a ilo Kwe; Kōn Menin Etetal Ippa,” Liaona, Māe 2023, 123–25; “I’ll Go Where You Want Me to Go,” Hymns, no. 270.
Kar katakin gospel eo an Jisōs Kraist jān jinoin.
Kōnke ewōr ippād bok in Moses, jejeļā bwe Anij eaar katakin ro Nejin kilen pukot lo̧mo̧o̧r jān iien ko Adam im Iv. Ilo am̧ ekkatak Mose 6: 48–68, lale ta jej aikuj jeļā im kōm̧m̧ane n̄an lo̧mo̧o̧r. Kile kajjitōk eo an Adam ilo eoon 53. Konan̄in ke kar ļōm̧ņake men in? Ta eo kwoj ekkatak jān uaak eo an Irooj ilo eoon 53–65? Komaron̄ ļōm̧ņake eoon kein āinwōt enaan eo an Irooj ilo iien peptaij eo an Adam. Ta eo kwoj ekkatak kōn peptaij jān enaan eo An? Etke kwoj ļōm̧ņak Ekar keidi peptaij n̄an “bar ļotak”? (eoon 59). Ta eo komaron̄ kōm̧m̧ane n̄an wōnm̧aanļo̧k wōt in “bar ļotak” ilo aolepen am̧ mour?
Pukot kōkaļļe ko. Ilo jeje ko rekwojarjar, mweik ak iien remaron̄ pinej jenkwan ak kōkaļļeen m̧ool ko an jetōb, eļaptata m̧ool ko kōn Rilo̧mo̧o̧r, (lale Teaching in the Savior’s Way, 7). Kōkaļļe kein remaron̄ kōļapļo̧k meļeļe eo am̧ kōn E im katak eo An. N̄an waanjon̄ak, ta eo kwoj ekkatak jān kōkaļļe ko an bōro im lojiln̄i ilo Moses 6:27, mejād im kle Moses 6:35, ak dān ilo Moses 6:59–60?
“Katakin men kein n̄an ro nejimi”
Ālkin kar katakin Adam kōn m̧ool ko an gospel eo an Jisōs Kraist, ilo Moses 6:51–63, Irooj ear jiron̄ Adam bwe en katakin m̧ool ko n̄an epepen ko tokelik. Ļōm̧ņak in kōm̧m̧ane juon laajrak in m̧ool kein. (Emaron̄ jipan̄ n̄an kōjenolo̧k eoon ko n̄an kurup in jejjo eoon, āinwōt eoon 51–52, 53–57, 58–60, 61–63). Etke m̧ool kein raorōk n̄an diktak in epepen eo rainin? Bar ta ko komaron̄ ekkatak jān katak eo an Irooj n̄an pāāren ro ilo Mosaia 4:14–15 im Katak im Bujen Ko 68:25–28; 93:40–50?
Riit kōn “bok in keememej” me baam̧le eo an Adam im Iv raar kōjparok me emaron̄ im̧we eok ak baam̧le eo am n̄an kōm̧m̧an am̧ make bok in keememej. Ta eo kwoj en̄jake ke Irooj ekōņaan bwe kwon kobaiktok? Ļōmņak in kōjparok meļeļe ko jān bok in keememej eo am̧ ilo FamilySearch.org
Bar lale Dieter F. Uchtdorf, “Jisōs Kraist Ej Kajoor n̄an Pāāren Ro,” Liaona, Māe 2023, 55–59; “Parenting: Touching the Hearts of Our Youth,” “But Why?” (pijaan alooj), Gospel Library.
N̄an eļapļo̧k, lale ennaan eo an allōn̄ in ilo Liaona im N̄an Kōkajoorļo̧k Jodikdik ro māākjiin.
Ļōmņak ko n̄an Katakin Ajri ro
Anij emaron̄ jipan̄ eō kōm̧m̧ani men ko reppen.
-
Ke kar kūr Enoch n̄an kajedeed gospel eo, ekar inepata n̄e eban maron̄e. Ak Anij ear jipan̄ e. Riit ippān doon bwebwenato in ilo Moses 6:26–34 (bar lale “Rikanaan Inōk” ilo Bwebwenato ko jān Kallim̧ur M̧okta, 19–21). Etke Enoch ekar en̄jake bwe ekar jab maron̄ kwaļo̧k gospel eo? (lale Moses 6:31). Ekōjkan an Anij kar jipan̄ Enoch? (lale Moses 6:32–34; 7:13).
-
Ajri ro remaron̄ m̧ōņōņō in kwaļo̧k ak arin waanjon̄ak ko jet kōn an Anij kar jipan̄ armej kōm̧m̧ani men ko reppen—n̄an waanjon̄ak, Noa, Devid, Ammon, ak Samuel riLeman eo (lale Bok in Gospel Pija, nos. 7, 19, 78, 81). Komaron̄ bar kwaļo̧k juon am̧ make en̄jake im kōtļo̧k bwe ajri ro ren kōnono kōn wāween an Anij jipan̄ er kōm̧m̧ani men ko reppen.
Tōmak ilo Kraist, ukweļo̧k, peptaij, im bōk Jetōb Kwojarjar rej kepooj eō n̄an jepļaak ippān Anij.
-
Anij ear katakin Adam ta ko jeaikuj kōm̧m̧ani n̄an jepļaakļo̧k Ippān—tōmake ilo Jisōs Kraist, ukweļo̧k, peptaij, im bōk mennin letok an Jetōb Kwojarjar. Jipan̄ ajri ro pukot pedped kein ilo Moses 6:52, 57. Innem komaron̄ jipan̄ er je juon katak ekadu kōn juon iaan pedped kein. Kajjojo katak kein emaron̄ koba juon eoon jān Moses 6, juon en̄jake, im juon kam̧ool. Kōtļo̧k bwe ren kwaļo̧k katak ko aer ippān doon.
-
Komaron̄ bar kwaļo̧k pija ko rej pinej jenkwan pedped ko jinoin an gospel in (lale laajrak in tōmak kein kemen). Likūt ikōtaer juon ļain me ej tōl n̄an pija in Jisōs Kraist. Ilo am̧ riiti Moses 6:52, ajri ro remaron̄ jutak turin pija eo ejim̧we n̄e rej ron̄ naan eo ej pija eo ej pinej jenkwan.
-
Ajri ro remaron̄ m̧ōņōņō in al al ko me rej katakin pedped ko ilo Moses 6:52, āinwōt “Faith,” “When I Am Baptized,” and “The Holy Ghost” (Children’s Songbook, 96–97, 103, 105). Jipan̄ ajri ro pukot pedped kein ilo Moses 6:52.
Jemedwōj Ilan̄ ekōņaan bwe pāāren ro ren katakin ajri ro nejier.
-
N̄an kōketak ajri ro bwe ren rie jiner im jemaer ilo eddo eo aer āinwōt rūkaki in gospel eo, ļōm̧ņak in kajjitok ippān juon ajri n̄an riiti Moses 6:58 im jitōn̄ļo̧k kien eo me Anij ekar leļo̧k n̄an pāāren ro. Innem komaron̄ kwaļo̧k juon pija in an Adam im Iv katakin ajri ro nejier (āinwōt pija eo ilo unin tōl in) im kōtļo̧k bwe ajri ro ren kōnono kōn ta eo rej loe ilo pija eo. Ajri ro remaron̄ jin̄aik pija in an baam̧le ko aer riiti jeje ko rekwojarjar ippān doon, jar ippān doon, ak ikkure ippān doon.
N̄an eļap, lale ennaan eo an allōn̄ in ilo eo Jera māākjiin.