“Ļōmņak ko n̄an Keememeji: Bujen Eo,” Itok, Ļoor Eō—N̄an M̧weeo im Kabun̄ in: Kallim̧ur M̧okta 2026 (2026)
“Bujen Eo,” Itok, Ļoor Eō: 2026
Ļōmņak ko n̄an Keememeji
Bujen Eo
Ilo aolepen Kallim̧ur M̧okta, ekutkut am̧ riiti naan eo bujen. Rainin ekkā ad ļōmņake bujen ko āinwōt kallim̧ur ko rekwojarjar ippān Anij, ak ilo tōre ko etto, bujen ko rekar jet m̧ōttan ko reaorōk ilo jem̧jerā ko an armej ro ippān doon. N̄an jokne im aer mour, armej ro rekar aikuj lōke doon, im bujen ko rekar juon wāween n̄an kapen lōke eo.
Innām ke Anij eaar kōnono n̄an Inōk, Noa, Moses, im ro jet kōn bujen ko, E ekar karuwaneneik er n̄an deļo̧n̄ ilo juon jemjerā in lōke Ippān. Jej ņaetan bujen in bujen eo ekāāl ejjeļo̧k jem̧ļo̧kin ak bujen eo an Ebream—juon kōkaļļe n̄an bujen eo Anij ekar kōm̧m̧ane ippān Ebream im Serai innām kar kōkāāle ippān ro ineen Isaac im Jekab (kar bar ņaetan Israel). Ilo Kallim̧ur M̧okta, kar ņaetan “bujen eo.” Kwonaaj loe bwe Kallim̧ur M̧okta ej pedped in bwebwenato eo an armej ro rekar watōk er make rijolet ro an bujen in—armej in bujen.
Bujen eo an Ebream ej wōnm̧aanļo̧k wōt ilo an aorōk rainin, eļaptata n̄an Armej ro Rekwojarjar ilo Raan Ko Āliktata. Etke? Kōnke kōj armej in bujen, mekarta jej ak jejjab waļo̧k jān Ebream, Isac, im Jekab. Kōn un in, eaorōk bwe jen meļeļe ta bujen eo an Ebream im ekōjkan ad mour kake rainin.
Ta Bujen eo an Ebream?
Ebream ekar kōņaan “juon riļoor jim̧we” (Ebream 1:2), kōn menin Anij ekar karuwaineneiki n̄an juon bujen jem̧jerā. Ebream ekar jab e eo jinointata me ekar bōk ikdeelel in, im ekar jab e eo jinointata n̄an bōk bujen in. Em̧ool, ekar, juon bujen ejjeļo̧k jem̧ļo̧kin. Ebream eaar pukot “kōjeraam̧m̧an ko an ro jema” (Ebream 1:2)—kōjeraam̧m̧an ko me kar leļo̧k jān bujen eo ippān Adam im Iv im ro tok ālikier in armej ro raar pukot kōjeraam̧m̧an kein.
Bujen eo an Anij ippān Ebream ekar kallim̧ur kōn kōjeraam̧m̧an ko rōm̧m̧an: juon āneen jolet, juon ineen eļap, maron̄ bōk kain̄i ko an priesthood, im juon āt me naaj kautieje jān epepen ko rej itok. Ak jibadbad eo an bujen in ekar jab wōt kōn kōjeraam̧m̧an ko an Ebream im baam̧le eo an me renaaj bōke ak barāinwōt kōjeraam̧m̧an eo me renaaj erom̧ ajri ro nejin Anij. “Kwōnaaj men in kajeraam̧m̧an,” Anij ekar ba, “im kōn kwe nukun otemjej i laļ renaaj jeraam̧m̧an” (Jenesis 12:2–3).
Bujen in ekar ke leļo̧k n̄an Ebream, Serai, im ro bwijjier juon taitōļ eutiej ilubwiljin ajri ro nejin Anij? Kōn wōt jeļā in bwe ej juon menin eutiej n̄an kōjeraam̧m̧an ro jet. Baam̧le eo an Ebream renaaj kar “kotak jerbal in im Priesthood in n̄an aolep laļ,” kwaļo̧k “kōjeraam̧m̧an ko an Gospel eo, ko rej kōjeraam̧m̧an ko in lo̧mo̧o̧r, em̧ool mour indeeo” (Ebream 2:9, 11). Armej in bujen ro an Anij ejjab meļeļein bwe er rem̧m̧anļo̧k jān ro jet; meļeļein ke ewōr juon aer eddo n̄an jipan̄ ro jet bwe ren em̧m̧anļo̧k.
Bujen in ej kōjeraam̧m̧an eo me eto an Ebream kar kōttar e. Ālkin an kar bōke, Ebream ekar ba ilo buruōn, “Karejeram̧ eaar kanooj kijejeto kappukot Eok; kiiō em̧ōj aō lo Eok” (Ebream 2:12).
Ilo taujin iiō ko remootļo̧k, ak bujen in em̧ōj bar kōjepļaaktok n̄an raan kein ad. Im kiiō ej kūrm̧ool ilo mour ko an armej ro an Anij. eo an bujen in ej kalōk kajoor ilo raan ko āliktata ilo an jerbal eo an Anij wōnm̧anļo̧k wōt, kōjeraam̧m̧an ko an baam̧le ilo aolepen laļin. Im jabdewōt eo, āinwōt Ebream, ekōņaan bwe en juon rikaļo̧o̧r an jim̧we—jabdewōt eo ej kijejeto in kappukot Irooj—emaron̄ uwaan men in.
Ta Meļeļein Bujen eo an Ebream n̄an N̄a?
Kwoj juon ajri in bujen. Kwoj kōm̧m̧an bujen ippān Anij n̄e kwoj peptaij im n̄e kwoj bōk m̧ōttan kwojkwoj eo. Im kwoj bok aolepen bujen eo ippān kain̄i ko rekwojarjar an tampeļ.
Jān bujen im kain̄i kein, jej erom̧ armej ro an Anij. Jej juon wōt Ippān “ilo jemjerā ko ejjeļo̧k jem̧ļo̧kier.” “N̄e em̧ōj ad kōm̧m̧ane juon bujen ippān Anij,” Būreejtōn Nelson ear katakin, “jej etal jān jekjek ko ioļap. Anij ejjamin naaj kōjerwawaiki jemjerā eo An ippān ro me raar kipel kain jemjerā in Ippān. Ilo m̧ool, aolep ro em̧ōj aer kōm̧m̧an bujen ippān Anij ewōr ewōr ippaer iakwe im jouj ejenolo̧k. … Kōnke kōn bujen eo an ippān Anij, E jamin m̧ok ilo kijejeto eo An n̄an jipan̄ kōj, im jejamin kōmaat tūriam̧o in kijenmij eo An ippad.” Konaaj lo ilo bwebwenato in armej in bujen ro an an Anij ilo Kallim̧ur M̧okta. im konaaj loe ilo mour eo am̧ make āinwōt juon ajri in bujen.
Be Not Afraid, jān Dan Wilson
Men in ej meļeļe eo eaorōk kar letok n̄an kōj kōnke kōn Jepļaaktok eo an bujen eo an Ebream jān Rikanaan Josep Smith. Kōn menin n̄e kwoj riiti bujen ko ilo Kallim̧ur M̧okta, jab ļōmņak wōt kōn jem̧jerā eo an Anij ippān Ebream, Isaac, im Jekab. Ļōmņak barāinwōt kōn jem̧jerā eo An ippam̧. N̄e kwoj riit kōn kallim̧ur in jeraam̧m̧an ko jeban bwini, jab ļōm̧ņak wōt kōn milien armej ro rej likūt Ebream bwe en jemaer. Bar ļōm̧nak kōn kallim̧ur eo an Anij n̄an kwe kōn baam̧le ko n̄an indeeo im ļapļo̧k ko indeeo. N̄e kwoj riiti kallim̧ur eo an āneen jolet eo, jab ļōmņak wōt kōn āne eo kar kallim̧uri Ebream n̄an jolete. Bar ļōm̧ņak kōn mejen kajjik eo eaiboojoj an laļ in make—juon jolet kar kallim̧uri n̄an ro rej “ettā” im “kakkijeik eok ilo Jeova” (Matthew 5:5; Psalm 37:9, 11). Im n̄e kwoj riit kōn kallim̧ur eo ke armej in bujen ro an Anij renaj kōjeraam̧m̧an “aolep nokwe ko an laļ” (Ebream 2:11), jab ļōm̧ņak wōt kōn jerbal eo an Ebream ilo laļin ak rikanaan ro raar waļo̧k jān e. Ļōmņak barāinwōt kōn ta eo kwomaron̄ kōm̧m̧ane—āinwōt juon rikaļoor bujen an Jisōs Kraist—n̄an erom̧ juon kōjeraam̧m̧an n̄an baam̧le ko ipeļaakim̧.