Jenesis 42–50

Konan̄in ke kile men ko rejukkun wōt joun ikōtaan mour eo an Josep im mijen in pinm̧uur eo an Jisōs Kraist? N̄an lo jet waanjon̄ak ko an men kein, kajjieon̄ keidi:

• Jenesis 37:3 ippān Matu 3:17.

• Jenesis 37:26–28 ippān Matu 26:14–16.

• Jenesis 45:5–7 ippān Luk 4:18.

• Jenesis 47:12 ippān Jon 6:35.

Ta im̧we ko am̧ kōn Rilo̧mo̧o̧r eo im mijen eo An ilo am̧ riiti eoon kein?

Riit kōn an Josep jeorļo̧k an ļōmaro jein bōd kōn men eo enana raar kōm̧m̧ane emaron̄ un̄ūr eok n̄an ļōmņak kōn juon armej me epen am̧ jeorļo̧k an bōd. Kajjitōk kein laajraki remaron̄ jipan̄ eok kajjieon̄ mour kōn pedped in:

• Etke emaron̄ kar pen an Josep jeorļo̧k an ļōmaro jein bōd? (n̄an etale ta eo raar kōm̧m̧ane n̄an e, lale Jenesis 37). Ta en̄jake ko ak m̧wil ko remaron̄ kar leļo̧k n̄an Josep kajoor n̄an jeorļo̧k bōd? (lale, n̄an waanjon̄o̧k, Jenesis 45:1–15 ak 50:15–21).

• Ta kōjeraam̧m̧an ko rekar itok jān an Josep jeorļo̧k an likao ro jein bōd? N̄an waanjon̄ak, keidi jemjerā ko an baam̧le eo an Josep ilo jinoun bwebwenato eo (lale, n̄an waanjon̄ak, Jenesis 37:3–11) ippān jemjerā eo ilo jem̧ļo̧kin bwebwenato eo (lale Jenesis 45:9–15; 50:15–21). Ekōjkan an men ko maron̄ kar oktak eļan̄n̄e Josep enkar jab kōņaan jeorļo̧k bōd?

• Ļōmņak in je etan juon armej me emaron̄ aikuj am̧ jeorļo̧k an bōd—mekarta n̄e raar kajjitōk jeorļo̧k bōd ak jaab. Ta eo komaron̄ kōm̧m̧ane n̄an karuwaneneik tok kajoor in kōmour eo an Rilo̧mo̧o̧r eo ilo jekjek in? N̄e epen jeorļo̧k bōd, ļōmņak in etale kabilōklōk eo an Elder Gerrit W. Gong ilo pārokreep eo kein kajiljilijno āliktata ilo enaan eo an “Mōņōņō eo Indeeo” (Liaona, Nob. 2022, 85). Ta eo kwoj loe me ej letok kōjatdikdik bwe komaron̄ jeorļo̧k bōd?

Bar Lale Katak im Bujen Ko 64:9–11; “Forgiveness: My Burden Was Made Light” (pija in alooj), Gospel Library.

8:24

Kōjeraam̧m̧an ko an Jekab n̄an ro bwijjin ewaļo̧k ie pija ko ralikkar, ak ejjab pidodo meļeļe kake. Kam̧m̧oolol, kōn gospel eo em̧ōj an jepļaaktok ej letok n̄an kōj jidik jipan̄. N̄e kwoj riit kōn kōjeraam̧m̧an ko an Josep ilo Jenesis 49:22–26, bar riiti eoon kein, im lale ta ļōmņak ko rej litok: 1 Nipai 15:12; 2 Nipai 3:4–5; Jekab 2:25; Katak im Bujen Ko 50:44.

Ilo am̧ riiti kōjeraam̧m̧an eo an Juda ilo Jenesis 49:8–12, keememej bwe Jisōs Kraist ej itok jān bwijjin Juda. Ta eo kwoj lo ilo eoon kein me ej kakeemej eok kōn Rilo̧mo̧o̧r eo? (bar lale Revelesōn 5:5–6, 9; 1 Nipai 15:14–15; Katak im Bujen Ko 45:59; 133:46–50).

Riiti kōjeraam̧m̧an kein emaron̄ un̄ūr eok n̄an etale kōjeraam̧m̧an in petriak eo am̧—ak, n̄e ejjeļo̧k am̧, kwōn bōk juon, Ta naan im eoon ko ilo kōjeraam̧m̧an eo am̧ me rej ukōtļok kōļmenļo̧kjen eo am̧ n̄an Jisōs Kraist?

Bar lale Randall K. Bennett, “Kōjeraam̧m̧an an Petriak eo Am—Im̧we in Tōl jān Jemedwōj Ilan̄,” Liaona, Māe 2023, 42–44.

Men̄e emaron̄ kar jab alikkar ilo an kar pād ilo apan̄ ko reļļap, Josep ekar maron̄ reilikļo̧k n̄an apan̄ ko an ilo Ijipt im lo bwe “Anij ear pepe bwe en eṃṃan” (Jenesis 50:20). Eļan̄n̄e jenaaj kar maron̄ loļo̧k Josep ke ekar pād ilo ro̧n̄ eo ak ilo kalbuuj, ekōjkan ad naaj kar kaenōm̧m̧an e? Elmen an Jenesis 50:19–21 jipan̄ eok ilo iien mālejjon̄ ko am̧?

Bar lale Katak im Bujen Ko 122; “Bedbed Eo E Bin,” Al Ko Al in Ajri, no. 5.

Ilo am̧ riiti Jenesis 50:24–25 and Ukook eo an Josep Smith, Jenesis 50:24–38 (ilo Baibōļ appendix), lin̄ūri etke ejaam kar aorōk n̄an Josep bwe en jeļā kōn Moses im Josep Smith elōn̄ epepen m̧okta. Elmen ad kar Josep Smith kakūrm̧ool kanaan eo kake e? (lale Katak im Bujen Ko 1:17–23; 20:7–12; 39:11; 135:3).

• Emaron̄ limo ippān ajri ro nejum̧ n̄e rej arin bwebwenato eo an Josep aintok baam̧le eo an (lale Jenesis 42–44). Ak remaron̄ kōjerbal “Josep im N̄ūta eo” (ilo Bwebwenato ko jān Kallim̧ur M̧okta, 57–60) ak pija ko ilo unin tōl in n̄an katakin bwebwenato eo n̄an doon. Erkein rej jet kajjitōk ko remaron̄ jipan̄ ajri ro nejum̧ ekkatak jān bwebwenato eo:

  • Ta eo Josep ear kōm̧m̧ane n̄an kwaļo̧k jipan̄ n̄an baam̧le eo an? (lale Jenesis 45:4–15).

  • Ilo am̧ ļōm̧ņak etke Josep ear jeorļo̧k an ļōmaro jein bōd?

  • Ekōjkan am̧ ļōmņak kōn en̄jake ko an ļōmaro jein Josep ke raar jeļā ke Josep ear jeorļo̧k aer bōd? Wōn eo ilo mour eo am̧ ej aikuj jeorļo̧k bōd? Ekōjkan am̧ maron̄ kwaļo̧k iakwe im jeorļo̧k bōd?

  

  2:26

• Kwe im ajri ro nejum̧ maron̄ kōņaan kwaļo̧k juon iien kom kar jeorļo̧k an juon armej bōd ak juon iien juon armej ear jeorļo̧k aer bōd. Innem kom̧ maron̄ al juon al āinwōt “Love One Another” (Children’s Songbook, 136) or “Help Me, Dear Father” (Children’s Songbook, 99).

• Kwe im ajri ro nejum̧ maron̄ lale pijain an Jekab kōjeraam̧m̧an ļōmaro nejin ilo jem̧ļo̧kin unin tōl in im kōnono kōn ta eo ej waļo̧k (lale Jenesis 48:8–9). N̄e emennin aikuj, kōmeļeļe bwe Jekab, jemen Josep, ear kōņaan leļo̧k kōjeraam̧m̧an in priesthood eo n̄an baam̧le eo an. Bōlen komaron̄ kwaļo̧k n̄an doon bar jet en̄jake ko me ewōr ippami ke kom kar bōk jipan̄ jān Anij jān juon kōjeraam̧m̧an in priesthood eo. Ta jet un ko me jemaron̄ kajjitōk kōjeraam̧m̧an in priesthood eo?

• Ekōjkan am̧ maron̄ jipan̄ ajri ro nejum̧ lo Rilo̧mo̧o̧r eo ilo bwebwenato eo an Josep ej kōjpārok armej ro jān n̄ūta? Ļōmņak in kōm̧m̧ane juon jaat ruo jait im je Josep im Jisōs Kraist. Jipan̄ ajri ro nejum̧ pukoti eoon ko rej itok ilo pea im kanne jaat eo kōn men ko me ewōr jimor ippān Josep im Jisōs: Jenesis 37:3 im Matu 3:17; Jenesis 37:26–28 im Matu 26:14–16; Jenesis 45:5–7 im Luke 4:18; im Jenesis 47:12 im Jon 6:35.

• Kajjitōk ippān ajri ro nejum̧ ta meļeļein n̄an lo̧mo̧o̧ren juon armej. Eļan̄n̄e jabdewōt iaami ekar wōr juon an en̄jake kōn aer kar lo̧mo̧o̧ren jān jorrāān, karuwaineneiki er bwe ren kwaļo̧k. Ekōjkan an Josep kar lo̧mo̧o̧ren brother ro an? (lale Jenesis 42:1–3; 45:5–7). Innem kom̧ maron̄ lale juon pija in Rilo̧mo̧o̧r eo ippān doon im kajjitōk bwe ajri ro nejum̧ ren kōnono kōn ekōjkan an Jisōs lo̧mo̧o̧ren kōj.