Jenesis 37–41

Elōn̄ alen, men ko rem̧m̧an raar āinwōt ilo̧k jān Josep, bōtaab Irooj ekar jab. Ilo am̧ riiti bwebwenato in Josep, kōļmenļo̧kjen kōn kajjitōk ko āinwōt: Ta eo Josep ear kōm̧m̧ane n̄an epaake wōt Irooj? Elmen an kar Irooj “pād ippān”? (lale Jenesis 39; 40:1–19; 41:9–45). Ta eo kwoj ekkatak jān bwebwenato eo me emaron̄ jipan̄ eok kile Irooj ilo mour eo am̧?

Komaron̄ barāinwōt kajjitōk kain kajjitōk rōt in kōn mour eo am̧. Ta kam̧ool eo kwaar loe ke Irooj ejjan̄in eļļo̧k jān eok ilo iien mālejjon̄? Ļōmņak kōn ekōjkan am̧ maron̄ kwaļo̧k en̄jake ko am̧ ippān ro uwaan baam̧le eo im dik tak in epepen ko an ilju im jekļaj (lale 1 Nipai 5:14

Alikkar, enaaj wōr am̧ mālejjon̄ ko jet ilju im jekļaj. Ta eo komaron̄ kōm̧m̧ane kiiō n̄an jipan̄ lale bwe mālejjon̄ kein ren jab kattoļok eok jān Irooj? Ļōmņak in je juon leta n̄an kōketake kwe make ilju im jekļaj n̄an epaake wōt E jekdoon ta. Komaron̄ kobaik jeļā ko jān mour eo an Josep ak enaan eo an Elder D. Todd Christofferson “Jemdo̧o̧n eo Ad ippān Anij” (Liaona, Māe 2022, 78–81).

Bar lale Jon 14:18; Rom 8:28; Alma 36:3; Katak im Bujen Ko 121:7–8; “Abide with Me!,” Hymns, no. 166.

Ekar wōr an Josep mennin letok in jeļā enaan ko jān Irooj ilo ettōņak ko. Ta eo komaron̄ ekkatak jān Jenesis 37:5–11; 40:5–8; 41:14–25, 37–38 kōn bōk im meļeļe revelesōn jān Anij? N̄an waanjon̄ak, ta eo komaron̄ ekkatak jān waanjon̄ak eo an Josep ke revelesōn eo ekar pen n̄an meļeļe? (lale Jenesis 40:8; 41:16).

Kejōkļo̧kjeņ kōn ekōjkan an Irooj kwaļo̧k Ankilan n̄an kwe. Ta eo kwoj kōm̧m̧ane n̄an jerbale revelesōn eo Irooj ekar lewaj n̄an kwe? Ekōjkan am kappukōt elōn̄ļo̧k tōl jān E?

N̄e Josep enkar letok naan in rōjan̄ ikijeen wāween eļļo̧k jān kapo eo n̄an kōm̧m̧an jerawiwi in kannieōk, ta eo kwoj lōmņak enaaj kar ba? Ļōmņak e men in ilo am̧ riit kōn en̄jake eo an ilo Jenesis 39. N̄an waanjon̄ak, ļōmņak ekōjkan an Josep maron̄ kar uwaak n̄an abņōņō ko āinwōt kein:

• Eļan̄n̄e ejjeļo̧k ejeļā ta eo ij kōm̧m̧ane, ejaam aorōk? (lale eoon 8–9).

• N̄aij kajjieon̄ eļļo̧k, ak āinwōt kapo ko rejjab bōjrak (lale eoon 10).

• Ta eo in kōm̧m̧ane n̄e ipād ilo juon jekjek me kapo ko rekajoor (lale eoon 12).

Ekōjkan am̧ naj kar kōmeļeļeik etke pokake kien erreo eaorōk? (lale N̄an Kōkajoorļo̧k Jodikdik Ro: Juon Tōl n̄an Kōm̧m̧ani Kālet Ko, 23–28).

Waanjon̄ak eo an Josep, aet, emaron̄ jerbal n̄an kapo ko jet. Kōn en̄jake eo an Josep ilo kōļmenļo̧kjen, ļōmņak in kōm̧m̧ane juon karōk n̄an eļļo̧k jān kapo. N̄an waanjon̄ak, komaron̄ ļōmņak kōn juon kapo im je jekjek ko n̄an eļļo̧k jāni im ekōjkan am̧ naaj “etal” n̄e kapo ko rej waļo̧k.

Erkein bar jet eoon ko me remaron̄ kalikkar karōk eo am̧. Ta eo kwoj ekkatak jān kajjojo eoon kein kōn ekōjkan an Rilo̧mo̧o̧r eo jipan̄ eok eļļo̧k jān kapo? Matu 4:1–11; 1 Korint 10:13; 1 Nipai 15:23–24; 3 Nipai 18:17–18.

Ilo am̧ kōm̧m̧an am̧ karōk, emaron̄ bar jipan̄ n̄an ļōmņak kōn iien ko rem̧ootļo̧k me kwaar maron̄ eļļo̧k jān kapo. Elmen an kar Rilo̧mo̧o̧r eo jipan̄ eok (lale 2 Nipai 4:18–33).

Kōmeļeļe eo an Josep kōn ettōņak eo an Pero ear tōlļok n̄an jet kabilōk ko rejim̧we n̄an mour jān juon n̄ūta (lale Jenesis 41:15–57). Ļōmņak kōn enaan ko an jetōb Irooj ej lewaj n̄an kwe ilo bwebwenato in. Elmen am̧ en̄jake ke Ekōņaan kepooj eok n̄an men ko reppen ilju im jekļaj.

Bar lale David A. Bednar, “Jenaaj Mālejjon̄e Er Kake,” Liaona, Nob. 2020, 8–11.

• Riit kōn en̄jake ko renana ilo baam̧le eo an Josep remaron̄ ejaake juon ekōnono kōn wāween ad lale ro uwaan baam̧le ko ad. Kwaļo̧k bwebwenato eo an Josep im ļōmaro jein jān Jenesis 37, komaron̄ kōjerbal pija ko ilo unin tōl in ak ilo “Ettōņak ko Rekūrm̧ool an Josep” (ilo Bwebwenato ko jān Kallim̧ur M̧okta, 47–51). Kōtļo̧k bwe ajri ro ren kwaļo̧k kōmeļeļe ko rejeļā kōn bwebwenato eo. Komaron̄ kajjitōk bwe ajri ro ren kōtanke ļōm̧nak rej uwaan baam̧le eo an Josep. Ta ko renaaj kar ba ak kōm̧m̧ane n̄an erom juon rikaenōm̧m̧an ilo baam̧le eo? N̄an waanjon̄ak, ta meļeļein n̄an “keaņōm̧m̧an ilo baam̧le eo ad (eoon 4). Elmen An Jisōs Kraist juon rikaenōm̧m̧an ilo baam̧le eo an Anij?

  

  2:17

• N̄e ajri ro rej jelm̧ae iien ko reppen, rej aikuj jeļā ke Irooj enaaj pād ippaer, āinwōt An kar pād ippan Josep. Bōlen komaron̄ jipan̄ ajri ro kōm̧m̧ane juon laajrak in men ko reppen me rekar waļo̧k n̄an Josep (lale Jenesis 37:23–28; 39:20; ak “Ettōņak ko Rekūrm̧ool an Josep” im “Joseph ilo Ijipt,” ilo Bwebwenato ko jān Kallim̧ur M̧okta, 47–51, 52–56). Ālkin kajjojo men ko reppen rej loi, karuwaneneiki ajri ro nejum̧ bwe ren āliji, “Irooj ear pād ippān Josep” (Jenesis 39:2).

  

  2:17

  

  2:50

• Bōlen ajri ro nejum̧ remaron̄ pukōt Jenesis 39:1–3, 20–23 n̄an kajjojo iien naan kein rej waļok “Irooj ear pād ippān Josep” im enaan ko āinwōt. Kōtļo̧k bwe ren kwaļo̧k ta meļeļein enaan eo ilo aer ļōmņak. Ekōjkan ad jeļā ke Irooj ej pād ippād. Jiron̄ doon kōn ami en̄jake an Anij pād ippami ilo iien kapan̄pan̄ ko.

• Juon in kein katak me emaron̄ jipan̄ ajri ro ļoor waanjon̄ak eo an Josep n̄an etal jān kōrā eo pāleen Potipar: Kōjerbal ro jittūūl rej jutak kōn Jisōs Kraist im Setan. Kōjerbal juon metal, āinwōt juon kein dāpdep pepa, n̄an pinej tarid. Innem kōtļo̧k bwe ajri ro ren lo kajoorin an jittūūl eo kōm̧akūt metal eo n̄er rej kepaakeļok. Ekōjkan an en̄jake eo an Josep ilo Jenesis 39:7–12 kōmeļeļeik m̧ool in? Ta eo jemaron̄ kōm̧m̧ane n̄an etal jān jerawiwi im kepaakeļo̧k Jisōs? Pija in alooj eo “Temptation Fades as We Seek Christ in Every Thought” (Gospel Library) im juon al āinwōt “Ij Aikuij Yuk Aolep Awa” (Hymns, no. 8) emaron̄ jipan̄ ilo ekōnono in.

  

  2:58

  Kōjerbal al. “Al in im al ko jet rekwojarjar remaron̄ jipan̄ ajri ro en̄jake iakwe eo an Anij, en̄jake Jetōb, im ekkatak m̧ool ko an gospel. Toņ ko, kaum̧bitiit ko, im ko jet remaron̄ jipan̄ ajri ro keememej m̧ool ko an gospel eo iiō ko rej peddo tok. Ilo am̧ al ippān ajri ro, jipan̄ er kappukot im meļeļe pedped ko katakin lo al in ” (Teaching in the Savior’s Way, 32).

• Jipan̄ ajri ro ļōmņak kōn kapo ko remaron̄ jelm̧ae. Kōtļo̧k bwe ren kōm̧m̧an tieta kōn ekōjkan aer maron̄ “etal” jān kapo kein.