Chiv Keeb 18–23

Tus Tswv tau cog lus txog tej yam zoo kawg nkaus rau cov neeg uas rau siab ntseeg, tiam sis tej lub sij hawm tej xwm txheej hauv peb lub neej ua rau peb xav paub seb yuav ua li cas thiaj li muaj raws li tej lus cog tseg ntawd. Nyaj Anplaham thiab Xalas xav li ntawd. Koj kawm dab tsi los ntawm nkawd lub neej? Tej zaum yuav pab koj yog koj kawm txog tej yam uas tus Tswv tau cog lus rau nkawd nyob hauv Chiv Keeb 17:4, 15–22. Anplaham thiab Xalas tau ua li cas? (saib Joseph Smith Kev Txhais, Chiv Keeb 17:23 [nyob hauv Chiv Keeb 17:17, lub cim nram qab b]; Chiv Keeb 18:9–12). Tus Tswv tau pab nkawd li cas kom nkawd ntseeg Nws tej lus cog tseg ntxiv? (saib Chiv Keeb 18:14).

Koj nrhiav tau dab tsi hauv tej nqe no uas txhawb koj txoj kev ntseeg? Muaj tej xwm txheej ntxiv twg—hauv koj lub neej los sis lwm tus lub neej—uas tau txhawb nqa koj txoj kev ntseeg hais tias tus Tswv yuav ua raws li Nws tau cog lus raws li Nws lub sij hawm thiab txoj kev? Tej zaum koj yuav xav seb koj yuav ua li cas kom txhawb nqa koj txoj kev ntseeg thaum yus tsis txais tej lus cog tseg nyob hauv lub neej no. Koj nrhiav tej lub tswv yim twg nyob hauv Henplais 11:8–13 thiab Thawj Tswj Hwm Russell M. Nelson zaj lus “Khetos Sawv Rov Los Lawm; Kev Ntseeg Nws Yuav Muab cov Roob Txav Tau”? (Liyahaunas, Tsib Hlis Ntuj 2021, 101–4).

Kuj saib Lus Qhuab Qhia thiab Kev Khi Lus 88:68.

Koj kawm dab tsi txog kev khiav ntawm kev phem mus thaum koj nyeem txog Lauj thiab nws tsev neeg? Piv txwv hais tias, muaj dab tsi tshoov koj lub siab txog tej yam uas ob tug tim tswv hais tias thiab ua kom pab Lauj thiab nws tsev neeg dim kev raug puas tsuaj? (saib Chiv Keeb 19:12–17). Tus Tswv ua dab tsi kom pab koj thiab koj tsev neeg khiav los sis nrhiav tau kev pov hwm ntawm tej lub hwj huam phem hauv lub ntiaj teb no? Cia li xav txog tej xwm txheej uas ua rau koj raug ntxias “tig saib tom qab” (nqe 26) thaum tsim nyog uas koj ntseeg tus Cawm Seej saib rau yav tom ntej. Lukas 9:62 ua rau koj to taub dab tsi txog lub ntsiab no?

Kuj saib Joseph Smith Kev Txhais Lus, Chiv Keeb 19:9–15 (nyob hauv phau Npaivnpaum cov ntawv ntxiv tom kawg).

Txwj Laug Jeffrey R. Holland tau qhia:

“Nyaj qhov uas Lauj tus poj niam ua txhaum tsis yog qhov uas nws tig saib tom qab xwb; nyob hauv nws lub siab nws xav xav rov qab mus. Zoo li ua ntej nws dhau lub nrog tej ciaj ciam, nws nco txog tej yam uas muaj nyob hauv Xaudoos thiab Kaumaulas. …

“Nyaj Lauj tus poj niam tig saib tom qab nrog kev npau taws rau tus Tswv hauv Nws lub siab vim Nws hais kom lawv tso tej yam ntawd tseg. … Yog li ntawd tsis yog nws tig saib tom qab xwb; nws tig saib tom qab ntshaw tej ntawd. Los yog hais tias, nws txoj kev xav txog yav tas los yeej muaj zog nws txoj kev tso siab rau yav tom ntej. Zoo li qhov ntawd yog ib feem ntawm nws txoj kev txhaum.

“… Kuv thov kom nej tsis txhob khuv xim txog yav tas los los sis nco ntsoov txog nag hmo xwb, txawm yog nej tau zoo npaum li cas thaum ntawd. Peb yuav tsum kawm los ntawm yav dhau los tiam sis tsis txhob nyob ntawd. Peb saib nram qab me ntsis tsuas yog kom sau tau tej hluav ncaig los ntawm tej yam uas tau muaj los rau peb uas zoo xwb, tsis yog kom sau tau tej hmoov tshauv. Thiab thaum peb tau kawm txog tej yam uas peb yuav tsum kawm thiab tau coj nrog peb tej yam zoo uas tau muaj los rau peb, ces peb saib tau tom hauv ntej thiab nco qab ntsoov hais tias kev ntseeg yeej los taw mus tom hauv ntej xwb. …

“… Kev tsom ntsoov rau yav tas los, tsis hais tej kev ua yuam kev dhau los, yeej tsis yog! Tsis yog Yexus Khetos txoj moo zoo. …

“Hais rau [tib neeg] nyob hauv txhua tiam neeg, kuv hais kom nej ‘Nco txog Lauj tus poj niam’ [Lukas 17:32]. Kev ntseeg yeej tsom ntsoov rau yav tom ntej. Kev ntseeg nco txog yav tas los tiam sis tsis tsom ntsoov rau qhov ntawd xwb. Kev ntseeg yog kev tso siab rau Vajtswv hais tias Nws twb npaj tej yam zoo kawg nkaus rau peb thiab Yexus Khetos yog ‘tus pov thawj hlob saib xyuas ib puas tsav yam zoo uas [yuav muaj]’ (Henplais 9:11)” (“The Best Is Yet to Be,” Ensign, Ib Hlis Ntuj 2010, 24, 26–27).

Txawm yog peb tsis paub txhua yam vim li cas Vajtswv txib Anplaham muab Ixaj txi, peb paub tias twb sim nws txoj kev ntseeg Vajtswv. Peb kuj paub tias yog “ib lub cim zoo li ntawm Vajtswv thiab nws Tib Leeg Tub” (Yakhauj 4:5). Thaum koj nyeem Chiv Keeb 22:1–19, tej zaum koj yuav xav nrhiav tej lub cim los sis tej yam uas zoo ib yam ntawm Anplaham txoj kev muab Ixaj txi thiab Leej Txiv txoj kev muab Nws Leej Tub, Yexus Khetos, txi. Xav seb puas sau tej yam uas koj kawm hauv ib daim duab zoo li no:

Koj xav tias tej lub cim los sis tej yam uas muaj ntsis zoo li tus Cawm Seej txoj kev tsheej txhoj muaj nqis tshaj plaws? Xav seb puas hu nkauj los sis nyeem tej lus ntawm ib zaj nkauj qhuas Vajtswv uas qhia tias Leej Txiv Saum Ntuj Ceeb Tsheej hlub peb, xws li “Vajtswv Hlub Peb, Nws Thiaj Xa Nws Leej Tub Los,” Cov Nkauj Qhuas Vajtswv, zaj 78. Tej zaum koj kuj yuav xav sau ntawv txog koj tej kev xav txog Leej Txiv Saum Ntuj Ceeb Tsheej thiab Yexus Khetos thiab Nkawd txoj kev txi rau koj.

Yog koj xav kawm ntxiv txog peb tus Cawm Seej txoj kev txi, xav seb puas nyeem Thawj Tswj Hwm Jeffrey R. Holland zaj lus “Saib Seb Vajtswv tus Yaj” (Liyahaunas, Tsib Hlis Ntuj 2019, 44–46). Vim li cas ib tug me nyuam yaj yog ib lub cim zoo txog Vajtswv tus Tub? Thawj Tswj Hwm Holland tau qhia dab tsi uas ua rau koj saib taus Leej Txiv Saum Ntuj Ceeb Tsheej lub txiaj ntsim?

Kuj saib “Akedah (The Binding)” (vidi-aus), Txoj Moo Zoo cov Ntawv.

12:57

• Yog xav kawm txog Anplaham thiab Xalas txoj kev tso siab rau Vajtswv tej lus cog tseg, tej zaum koj thiab koj cov me nyuam yuav xav sib tham txog ib lub sij hawm uas lawv yuav tsum tos ntsoov rau ib yam uas lawv xav tau tiag tiag. Ces koj saib tau ib daim duab txog Xalas thiab Ixaj nyob ntawm tus txheej txheem qhia no thiab sib tham txog qhov uas Vajtswv cog lus rau nws thiab Anplaham (kuj saib “Anplaham thiab Xalas,” nyob hauv Cov Dab Neeg hauv Phau Qub, 28–31). Pab koj cov me nyuam xav txog tej yam uas Vajtswv tau cog lus rau peb yog peb rau siab ntseeg. Yaum kom lawv ua siab ntev thiab ntseeg tias Vajtswv yuav ua raws li Nws tau cog lus rau peb lawm.

  

  2:20

• Kom pab koj cov me nyuam kawm qhov tseeb tseem ceeb nyob hauv Chiv Keeb 18:14, tej zaum koj yuav xav sau txhua lo lus ntawm thawj kab lus ntawm nqe vaj lug kub ntawd sau ib lo rau ib daim ntawv. Ces muab cov ntawv sib xyaw thiab caw koj cov me nyuam muab kho kom muaj txheej txheem yog. Ces koj thiab koj cov me nyuam nyeem tau Chiv Keeb 17:15–21; 21:1–7 kom nrhiav ib yam uas tus Tswv tau ua uas tib neeg xav tias yeej ua tsis taus. Qhia rau koj cov me nyuam txog koj txoj kev ntseeg hais tias tus Tswv yuav ua raws li Nws tau cog lus, txawm yog peb xav tias ua tsis taus qhov ntawd los sis yuav siv sij hawm ntev.

• Nug koj cov me nyuam txog tej xwm txheej uas ib tug neeg yuav caw lawv ua ib yam dab tsi lawv paub tias tsis yog lawm. Peb yuav ua li cas kom “khiav” ntawm tej xwm txheej no? Hais ntsiab lus txog Chiv Keeb 19:15–26 piav hais tias Lauj tsev neeg nyob hauv ib lub nroog phem heev thiab ob tug tim tswv tau ceeb toom lawv khiav mus. Thaum koj thiab koj cov me nyuam nyeem nqe 15–17, 26 ua ke, nug lawv seb tias niaj hnub no peb yuav tsum ua li cas kom “khiav dim” kev phem thiab “tsis txhob tig saib rov tom qab” (nqe 17).

• Kev siv cov duab txog Anplaham thiab Ixaj thiab txog Kev Muab Yexus Ntsia Saum Ntoo Khaub Lig (saib Phau Muaj Duab txog Txoj Moo Zoo, najnpawb 9, 57) pab tau koj cov me nyuam muab zaj dab neeg nyob hauv Chiv Keeb 22 piv rau tus Cawm Seej txoj kev txi (saib Mathais 27:26–37). Peb kawm dab tsi txog Leej Txiv Saum Ntuj Ceeb Tsheej thiab Yexus Khetos los ntawm zaj dab neeg txog Anplaham thiab Ixaj thiab Kev Muab Yexus Ntsia Saum Ntoo Khaub Lig? (Kuj saib “Anplaham thiab Ixaj,” nyob hauv Cov Dab Neeg hauv Phau Qub, 34–37.)

  

  2:0

• Koj puas txawj xav txog ib yam yooj yim uas koj ua si nrog koj cov me nyuam uas ua rau lawv yuav tsum mloog zoo? Tej zaum tej yam koj hais yuav pab lawv nrhiav tau ib daim duab txog tus Cawm Seej uas koj muab zais cia. Tej zaum qhov ua si ntawd yuav pab nej sib tham txog tej yam uas Leej Txiv Saum Ntuj Ceeb Tsheej tau txib peb ua kom peb thiaj yuav nrog Nws thiab Yexus Khetos nyob ua ke. Xav seb puas xav hu ib zaj nkauj xws li “Keep the Commandments” (Children’s Songbook, 146–47). Tej zaum phab ntawv ntxim ua rau lub lim tiam no yuav pab thiab.