Zanafilla 18–23

Zoti u ka bërë besnikëve premtime të lavdishme, por nganjëherë rrethanat e jetës sonë mund të na bëjnë të pyesim veten se si mundet të përmbushen këto premtime. Abrahami dhe Sara mund të jenë ndier në atë mënyrë. Çfarë mësoni nga përvojat e tyre? Mund të jetë e dobishme ta filloni studimin tuaj duke rishikuar atë që Zoti kishte premtuar te Zanafilla 17:4, 15–22. Si reaguan Abrahami dhe Sara? (Shihni te Përkthimi prej Joseph Smith‑it, Zanafilla 17:23 [te Zanafilla 17:17, poshtëshënimi b në Biblën në anglisht]; Zanafilla 18:9–12.) Si u përgjigj Zoti për t’i ndihmuar ata që të kishin besim më të madh te premtimet e Tij? (Shihni te Zanafilla 18:14.)

Çfarë gjeni në këto vargje që e ndërtojnë besimin tuaj? Çfarë përvojash të tjera – në jetën tuaj apo të dikujt tjetër – e kanë forcuar besimin tuaj se Zoti do t’i përmbushë premtimet e Tij në vetë kohën dhe mënyrën e Tij? Gjithashtu mund të përsiatni se si mund ta mbështetni besimin tuaj kur bekimet e premtuara nuk merren në këtë jetë. Çfarë këshille gjeni te Hebrenjve 11:8–13 dhe mesazhi i Presidentit Rasëll M. Nelson “Krishti u Ringjall; Besimi tek Ai do të Zhvendosë Malet”?, Liahona, maj 2021, f. 101–104.

Shihni edhe te Doktrina e Besëlidhje 88:68.

Çfarë mësimesh merrni rreth largimit nga ligësia kur lexoni për Lotin dhe familjen e tij? Për shembull, çfarë ju bën përshtypje rreth asaj që thanë dhe bënë engjëjt për ta ndihmuar Lotin dhe familjen e tij që t’i shpëtonte shkatërrimit? (Shihni te Zanafilla 19:12–17.) Si ju ndihmon Zoti ju dhe familjen tuaj të ikni apo të gjeni mbrojtje nga ndikimet e liga në botë? Mendoni për situata ku mund të tundoheni për të “[parë] prapa” (vargu 26) kur duhet të jeni duke parë përpara me besim te Shpëtimtari. Çfarë kuptueshmërie merrni nga Lluka 9:62 për këtë koncept?

Shihni edhe te Përkthimi prej Joseph Smith-it, Zanafilla 19:9–15 (tek Udhëzuesi për Shkrimet e Shenjta).

Plaku Xhefri R. Holland dha mësim:

“Me ç’shihet, çfarë nuk shkonte me gruan e Lotit ishte se ajo nuk po shikonte thjesht prapa; në zemrën e saj ajo donte të kthehej prapa. Ishte e dukshme që madje përpara se ajo të kalonte kufijtë e qytetit, se ajo po ndiente tashmë mall për çka Sodoma dhe Gomora i kishin dhënë asaj. …

Ka të ngjarë që gruaja e Lotit pa prapa me mëri drejt Zotit, për atë që Ai po i kërkonte asaj të linte pas. … Pra nuk është thjesht se ajo pa prapa; ajo pa prapa me mall. Me pak fjalë, lidhja e saj me të shkuarën kishte më shumë peshë sesa vetëbesimi i saj në të ardhmen. Kjo, në dukje, ishte të paktën pjesë e mëkatit të saj.

… Ju përgjërohem që të mos jetoni në kohë që tani kanë shkuar, as të mos e dëshironi fort më kot të djeshmen, sado e mirë mund të ketë qenë ajo e djeshme. E kaluara është për të mësuar, jo për ta jetuar. Ne e kthejmë kokën prapa që t’u marrim përvojave të ndritura thëngjijtë, por jo hirin. Dhe kur i kemi mësuar ato që na nevojitet të mësojmë dhe e kemi marrë me vete më të mirën që kemi përjetuar, atëherë shikojmë përpara dhe mbajmë mend që besimi gjithnjë drejtohet tek e ardhmja. …

… Të jetuarit në të shkuarën, përfshirë gabimet e së shkuarës, thjesht nuk është i drejtë! Ungjilli i Jezu Krishtit nuk është i tillë. …

Të gjithë [njerëzve] të çdo brezi, u bëj thirrje: ‘Kujtoni gruan e Lotit’ [Lluka 17:32]. Besimi është për të ardhmen. Besimi ndërton mbi të shkuarën, por kurrë nuk dëshiron të qëndrojë atje. Besimi mirëbeson se Perëndia ka gjëra të madhërishme në ruajtje për secilin prej nesh dhe se Krishti me të vërtetë është ‘kryeprift i të mirave që do të vijnë në të ardhmen’ (Hebrenjve 9:11)” (“The Best Is Yet to Be”, Ensign, janar 2010, f. 24, 26–27).

Edhe pse nuk i dimë të gjitha arsyet përse Perëndia e urdhëroi Abrahamin që ta ofronte Isakun si një flijim, ne e dimë se ishte një provë e besimit të tij te Perëndia. Gjithashtu e dimë se ishte “një ngjashmëri e Perëndisë dhe e të Vetëmlindurit të tij” (Jakobi [LiM] 4:5). Teksa i lexoni vargjet te Zanafilla 22:1–19, mund të kërkoni simbole ose ngjashmëri midis ofrimit të Isakut nga Abrahami dhe ofrimit nga Ati të Birit të Tij, Jezu Krishtit. Merreni parasysh ta shkruani atë që gjeni, në një tabelë si kjo:

Çfarë simbolesh ose ngjashmërish me flijimin shlyes të Shpëtimtarit i gjeni më kuptimplota? Merreni parasysh të këndoni ose lexoni tekstin e një himni që tregon dashurinë e Atit Qiellor për ne, të tillë si “Per’ndia Ne na Do, aq sa Birin e Tij e Dha”, Himne, nr. 108. Gjithashtu mund të shënoni ndjenjat tuaja rreth Atit Qiellor e Jezu Krishtit, si dhe sakrificës së Tyre për ju.

Nëse doni të studioni më shumë rreth flijimit të Shpëtimtarit tonë, merrni parasysh të lexoni mesazhin e Presidentit Xhefri R. Holland “Ja, Qengji i Perëndisë” (Liahona, maj 2019, f. 44–46). Përse një qengj është një simbol kaq i fuqishëm i Birit të Perëndisë? Çfarë dha mësim Presidenti Holland që e shton nderimin tuaj për dhuratën e Atit Qiellor?

Shihni edhe tek “Akedah (The Binding)” [“Akeda (Lidhja)”] (material filmik), Gospel Library [Biblioteka e Ungjillit].

12:57

• Për të mësuar rreth mirëbesimit të Abrahamit dhe Sarës te premtimet e Perëndisë, ju dhe fëmijët tuaj mund të flisni rreth një rasti kur ata duhej të prisnin për diçka që e dëshironin me të vërtetë. Më pas mund të shihni figurën e Sarës dhe Isakut në fillim të këtij përvijimi dhe të flisni rreth premtimit që Perëndia i bëri asaj dhe Abrahamit (shihni edhe mësimin “Abrahami dhe Sara” tek Tregime nga Dhiata e Vjetër, f. 28–31). Ndihmojini fëmijët tuaj të mendojnë për gjëra që Perëndia na i ka premtuar nëse jemi besnikë. Nxitini të jenë të duruar dhe të mirëbesojnë se Perëndia do t’i mbajë premtimet e Tij.

  

  2:20

• Për t’i ndihmuar fëmijët tuaj që të mësojnë të vërtetën e rëndësishme te Zanafilla 18:14, mund ta shkruani secilën fjalë nga fjalia e parë e atij vargu në fletë të veçanta letre. Pastaj përziejini letrat dhe ftojini fëmijët që t’i renditin fjalët sipas rendit të duhur. Ju dhe fëmijët tuaj më pas mund të lexoni vargjet te Zanafilla 17:15–21; 21:1–7 që të gjeni një shembull të diçkaje që bëri Zoti, e cila dukej e pamundur. Tregojuni fëmijëve tuaj për besimin tuaj se Zoti do t’i përmbushë premtimet e Tij, edhe nëse duken të pamundura ose kërkojnë një kohë të gjatë.

• Pyetini fëmijët tuaj rreth situatave në të cilat dikush mund t’i ftojë që të bëjnë diçka që e dinë se nuk është e drejtë. Si do të “largoheni” nga këto situata? Përmblidhini vargjet te Zanafilla 19:15–26 duke shpjeguar se familja e Lotit jetoi në një qytet shumë të lig dhe engjëjt i paralajmëruan që të largoheshin. Ndërkohë që ju dhe fëmijët tuaj lexoni së bashku vargjet 15–17, 26, pyetini se çfarë mund të nënkuptojë për ne sot që të “shpëto[jmë]” nga e liga dhe të “mos shiko[jmë] prapa” (vargu 17).

• Përdorimi i figurave të Abrahamit e Isakut dhe të Kryqëzimit (shihni te Libri i Figurave Artistike të Ungjillit, nr. 9, 57) mund t’i ndihmojë fëmijët tuaj që ta krahasojnë historinë te Zanafilla 22 me flijimin e Shpëtimtarit (shihni te Mateu 27:26–37). Çfarë mund të mësojmë rreth Atit Qiellor dhe Jezu Krishtit nga rrëfimet për Abrahamin e Isakun dhe për Kryqëzimin? (Shihni edhe mësimin “Abrahami dhe Isaku” tek Tregime nga Dhiata e Vjetër, f. 34–37)

  

  2:0

• A mund të mendoni për një lojë të thjeshtë që ta luani me fëmijët tuaj e cila u kërkon që ata të ndjekin udhëzimet? Ndoshta udhëzimet mund t’i çojnë te një figurë e fshehur e Shpëtimtarit. Loja mund të nxiste një bashkëbisedim rreth gjërave që Ati Qiellor na ka urdhëruar t’i bëjmë me qëllim që të mund të jetojmë me Të dhe Jezu Krishtin përsëri. Merreni parasysh të këndoni një këngë të tillë si “Mbaj Urdhërimet” (Libri i Këngëve të Fëmijëve, f. 68–69). Faqja e veprimtarisë së kësaj jave mund të ndihmojë gjithashtu.