Zanafilla 37–41

Në mënyrë të përsëritur, fati i mirë dukej sikur e braktiste Jozefin, por Zoti kurrë nuk e braktisi. Ndërsa lexoni historinë e Jozefit, përsiatni pyetje si këto: Çfarë bëri Jozefi për të qëndruar pranë Zotit? Si ishte Zoti “me të”? (Shihni te Zanafilla 39; 40:1–19; 41:9–45.) Çfarë mësoni nga historia e Jozefit që mund t’ju ndihmojë të dalloni praninë e Zotit në jetën tuaj?

Ju gjithashtu mund të bëni pyetje të ngjashme për jetën tuaj. Çfarë provash keni parë se Zoti nuk ju ka braktisur në kohë sprove? Merreni parasysh se si mund t’ua tregoni përvojat tuaja pjesëtarëve të familjes dhe brezave të ardhshëm (shihni te 1 Nefi 5:14).

Sigurisht që do të keni sprova të tjera në të ardhmen. Çfarë mund të bëni tani që të ndihmoni për të siguruar që këto sprova nuk ju largojnë nga Zoti? Merreni parasysh të shkruani një letër për të nxitur veten në të ardhmen që të qëndrojë pranë Tij pavarësisht se çfarë ndodh. Ju mund të përfshini ide nga jeta e Jozefit ose nga mesazhi i Plakut D. Tod Kristoferson “Marrëdhënia Jonë me Perëndinë” (Liahona, maj 2022, f. 78–81).

Shihni edhe te Gjoni 14:18; Romakëve 8:28; Alma 36:3; Doktrina e Besëlidhje 121:7–8; “Me Mua Rri!”, Himne, nr. 94.

Jozefi pati dhunti për të dalluar mesazhet nga Zoti nëpërmjet ëndrrave. Çfarë mund të mësoni nga Zanafilla 37:5–11; 40:5–8; 41:14–25, 37–38 rreth marrjes dhe të kuptuarit të zbulesës që vjen nga Zoti? Për shembull, çfarë mund të mësoni nga shembulli i Jozefit kur zbulesat duken të vështira për t’u kuptuar? (Shihni te Zanafilla 40:8; 41:16.)

Përsiatni se si Zoti po jua zbulon vullnetin e Tij. Çfarë po bëni për të vepruar sipas zbulesës që Ai ju ka dhënë? Si po kërkoni udhërrëfim shtesë prej Tij?

Nëse Jozefi do të jepte këshillë lidhur me mënyrën se si t’i bëjmë ballë tundimit për të kryer mëkat seksual, çfarë mendoni se do të thoshte ai? Mendoni për këtë teksa lexoni rreth përvojës së tij te Zanafilla 39. Për shembull, merreni parasysh se si Jozefi mund t’u përgjigjej shqetësimeve si këto:

• Nëse askush nuk e di se çfarë po bëj, ç’rëndësi ka ajo? (Shihni vargjet 8–9.)

• Përpiqem t’i bëj ballë, por tundimi thjesht nuk duket se ndalon (shihni vargun 10).

• Çfarë duhet të bëj kur jam në një situatë ku tundimi është i fortë? (Shihni vargun 12.)

Si do ta shpjegonit përse është e rëndësishme bindja ndaj ligjit të dëlirësisë? (Shihni te Për Forcën e Rinisë: Një Udhëzues për Bërjen e Zgjedhjeve, f. 23–28.)

Shembulli i Jozefit, sigurisht, mund të gjejë zbatim për lloje të tjera tundimesh. Me përvojën e Jozefit në mendje, merreni parasysh të bëni një plan për ta shmangur dhe për t’i bërë ballë tundimit. Për shembull, mund të mendoni për një tundim dhe të shkruani situata që t’i shmangni dhe se si do të “largoheni” kur të shfaqet tundimi.

Ja tek janë disa shkrimeve të tjera të shenjta që mund të japin informacion për planin tuaj. Çfarë mësoni nga secili shkrim për mënyrën se si Shpëtimtari mund t’ju ndihmojë që t’i bëni ballë tundimit? Mateu 4:1–11; 1 Korintasve 10:13; 1 Nefi 15:23–24; 3 Nefi 18:17–18.

Teksa bëni planin tuaj, gjithashtu mund t’ju ndihmojë të mendoni rreth rasteve në të shkuarën kur po i shmangeshit ose bënit ballë me sukses tundimit. Si ju ndihmoi Shpëtimtari? (Shihni te 2 Nefi 4:18–33.)

Interpretimi nga Jozefi i ëndrrës së faraonit çoi te disa këshilla shumë të mençura dhe praktike për t’i mbijetuar një zie buke (shihni te Zanafilla 41:15–57). Merreni parasysh se çfarë mesazhesh shpirtërore mund të ketë Zoti për ju në këtë rrëfim. Si e ndieni që Ai dëshiron të përgatiteni për vështirësitë në të ardhmen tuaj?

Shihni edhe te Dejvid A. Bednar, “Ne do t’i Provojmë me Këtë”, Liahona, nëntor 2020, f. 8–11.

• Leximi rreth ndjenjave të pakëndshme në familjen e Jozefit mund të nxitë një diskutim rreth mënyrës se si duhet t’i trajtojmë pjesëtarët e familjes. Për të treguar historinë e Jozefit dhe të vëllezërve të tij nga Zanafilla 37, mund të përdorni figurat në këtë përvijim ose tek “Ëndrrat e Frymëzuara të Jozefit” (tek Tregime nga Dhiata e Vjetër, f. 47–51). Lërini fëmijët tuaj të tregojnë hollësi që i dinë rreth tregimit. Mund t’u kërkoni fëmijëve tuaj të përfytyrojnë sikur ishin në familjen e Jozefit. Çfarë do të kishin thënë ose bërë që të ishin një paqebërës/e në familje? Për shembull, çfarë do të thotë të “fl[asim] në mënyrë miqësore” në familjen tonë? (Vargu 4.) Si është Jezu Krishti një paqebërës në familjen e Perëndisë?

  

  2:17

• Kur fëmijët tuaj përballen me kohë të vështira, atyre iu nevojitet të dinë se Zoti do të jetë me ta, siç ishte me Jozefin. Ndoshta mund t’i ndihmoni fëmijët tuaj që të bëjnë një listë me gjërat e vështira që i ndodhën Jozefit (shihni te Zanafilla 37:23–28; 39:20 ose “Ëndrrat e Frymëzuara të Jozefit” dhe “Jozefi në Egjipt” tek Tregime nga Dhiata e Vjetër, f. 47–51, 52–56). Pas çdo vështirësie që gjejnë, ftojini fëmijët tuaj të përsëritin: “Zoti qe me Jozefin” (Zanafilla 39:2).

  

  2:17

  

  2:50

• Ndoshta fëmijët tuaj mund të kërkojnë te Zanafilla 39:1–3, 20–23 për çdo rast të frazës “Zoti qe me Jozefin” dhe fraza të ngjashme. Lejojini të tregojnë se çfarë mendojnë se do të thotë kjo frazë. Si e dimë se Zoti është me? Tregojini njëri‑tjetrit rreth mënyrës se si e ndiet që Perëndia ishte me ju gjatë një kohe sfiduese.

• Këtu është një mësim me sende që mund t’i ndihmojë fëmijët tuaj për ta ndjekur shembullin e Jozefit që largohet nga gruaja e Potifarit: Përdorni dy magnete për të përfaqësuar Jezu Krishtin dhe Satanin. Përdorni një send të vogël metalik, si një kapëse letrash, që na përfaqëson ne. Pastaj lejojini fëmijët tuaj të shohin se si ndikimi i një magneti mbi një send metalik është më i fortë kur e afrojnë sendin më pranë tij. Si e ilustron këtë të vërtetë përvoja e Jozefit te Zanafilla 39:7–12? Çfarë mund të bëjmë për t’u larguar nga mëkati dhe për t’u afruar më pranë Jezusit? Materiali filmik “Temptation Fades as We Seek Christ in Every Thought” [“Tundimi Zbehet Kur e Kërkojmë Krishtin në Çdo Mendim”] (Gospel Library) [Biblioteka e Ungjillit] dhe një këngë si “Çdo Or’ më Duhesh Ti” (Himne, nr. 51) mund të ndihmojnë për këtë diskutim.

  

  2:58

  Përdoreni muzikën. “Himnet dhe këngë të tjera të shenjta mund t’i ndihmojnë fëmijët të ndiejnë dashurinë e Perëndisë, të ndiejnë Shpirtin dhe të mësojnë të vërtetat e ungjillit. Meloditë, ritmet dhe rimat e thjeshta mund t’i ndihmojnë fëmijët t’i kujtojnë të vërtetat e ungjillit për vitet që vijnë. Teksa këndoni me fëmijët, ndihmojini ata t’i zbulojnë dhe kuptojnë parimet e dhëna mësim te këngët” (Mësimdhënia sipas Mënyrës së Shpëtimtarit, f. 32).

• Ndihmojini fëmijët tuaj të mendojnë për tundime me të cilat mund të përballen. Lejojini të interpretojnë me role se si mund të “largohen” nga këto tundime.