Jenesis 12–17; Ebraham 1–2

“Anyị niile ka ike mmetụta ezi na ụlọ anyị [na] omenaala anyị metụrụ,” Okenye Neil L. Andersen kuziri, “ma otu ọ dị e kwere m na-enwere niime anyị ebe anyi nwere ikike pụrụ iche ijikwata ma kepụta n’otu n’otu. … N’ikpeazụ, ọchịchọ ime obi anyị ka a na-enye ndụ ma a na-ahụ ha na nhọrọ anyị niile na omume anyị niile” (“Zụọ Ọchịchọ Gị niile, ka Okenye Andersen nyere ndụmọdụ,” ChurchofJesusChrist.org). Tulee otu Ebraham 1:1-19 si egosipụta ihe Okenye Andersen kuziri. Ajụjụ ndị dị ka ndị a nwere ike nye aka:

• Gịnị ka Ebraham na-achọ? Kedụ otu ọchịchọ ya niile si pụta ihe n’omume ya niile? Kedụ otu Chineke siri kwadoo ọchịchọ ya niile?

• Gịnị bụ ọchịchọ gị niile? Kedụ otu ha siri pụta ihè n’omume gị niile? Kedụ otu Chineke si na-akwado gị?

• Kedụ ozi amaokwu ndị a nwere maka ndị ezi na ụlọ ha anaghị achọ ezi omume?

Otu niime ọchịchọ nke Ebraham na Sera kachasị ukwuu—ịmụ nwa—ka emejuputaghị ruo ọtụtụ afọ (lee Jenesis 15:1-6). Kedụ ihe ị na-amụta site na Ndị Hibru 11:8-13 banyere otu Ebraham na Sera si gabiga mnwale nke a? Kedụ otu Onye Nzọpụta si enyere gị aka “nabata” nkwa Ya niile, ọbụna ọ bụrụ na ha “tere anya”?

Lee kwa “Nnapụta nke Ebraham” (vidiyo), Ọba akwụkwọ Ozi ọma.

1:38

Gịnị mere o jiri dị mkpa nye gị ịmara banyere ọgbụgba ndụ Chineke na Ebraham gbara? Niihi na Chineke na-achọ ka gị na Ya gbaa otu ụdị ọgbụgba ndụ ahụ. O kwere nkwa na ọgbụgba ndụ nke a ga-aganiihu niime ụmụ ụmụ nke Ebraham, ma ọ bụ “mkpụrụ,” ma na “ka ha raa natara Ozi ọma nke a ka a … ga-agụnye mkpụrụ gị” (lee Ebraham 2:10-11). N’ụzọ ọzọ, ọgbụgba ndụ ahụ na-aganiihu niime gị—mgbe i mere baptizim ma zukwuo oke mgbe i mere ọgbụgba ndụ niime tempụl (lee Ndị Gale 3:26–29; Ozizi na Ọgbụgba ndụ niile 132:30–32).

Niihi ebumnuuche ahụ, i nwere ike na-achọ ịmụ Ebraham 2:6–11 ma depụta ihe, kpọmkwem, Chineke kwere Ebraham na Sera na nkwa (lee kwa Jenesis 12:1–3; 13:15–16; 15:1–6; 17:1–8, 15–22). Kedụ otu ngọzi ndịa si tụnyere gị?

Ụfọdụ niime nkwa ndị a nwere myiri ndị dị ebighị ebi. Kedụ otu nkwa niile dị ka ala nketa ma ọ bụ nnukwu ụmụ ụmụ si emezu ruo ebighị ebi? (lee Ozizi na Ọgbụgba ndụ niile 131:1–4; 132:20–24, 28–32).

Ewezuga ikwe nkwa ngọzi niile, Chineke gwara Ebraham ị “bụ ngọzi” (Jenesis 12:2; nkwusi ike agbakwunyere). Gịnị ka i chere nke ahụ pụtara? Kedụ otu ị ga-esi a bụ ngọzi? (lee Ebraham 2:11).

Ikuzi banyere ọgbụgba ndụ niile, Okenye Dale G. Renlund kwuru maka ebili mmiri ndị dị niime Osimiri Amazon, ma Onyeisi Emily Belle Freeman kwuru banyere ịga ije n’ụzọ nkume juputara jiri nkwonkwoụkwụ gbajiri agbaji (lee “Inweta Ike nke Chineke site na Ọgbụgba ndụ niile,” Liahona, Me 2023, 35–37; “Ije ije na Mmekọrịta gị na Kraịst,” Liahona, Nov. 2023, 76–79). Chọgharịa otu ma ọ bụ abụọ nke ozi ndị a maka ahịrịokwu ndị na-enye aka zaa ajụjụ “Gịnị mere Chineke si chọọ ka mụ na Ya gbaa ndụ?”

Lee kwa Isiokwu niile na Ajụjụ niile, “Ọgbụgba ndụ nke Ebraham,” Ọba akwụkwọ Ozi ọma; “Echiche ndị aga E Buru n’Uche: Ọgbụgba ndụ Ahụ,” niime akụrụngwa nke a.

Chee na ị na-akọwa Melkizedek nye onye na-amaghị ya. Gịnị ka ị ga-ekwu? Chọọ maka nchepụta dum niime Ntụgharị asụsụ Joseph Smith, Jenesis 14:26–27, 33–38 (niime appendix Baịbụl); Alma 13:13–19; Ozizi na Ọgbụgba ndụ niile 107:1–4. Kedụ njirimara yiri Kraịst ị na-ahụ niime nkọwa Melkizedek ndị a? Kedụ otu ọmụmụ ihe gị nke ndụ nke Melkizedek si emetụta ụzọ i si ahụ Ọkwa nchụaja Melkizedek?

Kedụ ihe ị na-amụ banyere agwa Ebraham gbasara akụ na ụba site na Jenesis 14:18–24 na Ntụgharị asụsụ Joseph Smith, Jenesis 14:36–40 (niime appendix Baịbụl)? Ịma atụ, mata azịza ya nye eze nke Sọdọm niime Jenesis 14:23. Kedụ otu irube isi nye iwu nke ịkwụ otu ụzọ n’ụzọ iri si metụta uche gị maka ego?

Dị ka ị na-agụ Jenesis 16, i nwere ike chee banyere oge mgbe ọ dịrị gị ka a na-emegbu gị, dị ka Hagar chere. Mata na “Ishmel” pụtara “Chineke na-anụ.” Olee otu Chineke siworo gosi gị na Ọ nuwo gị?

Lee kwa “Ekpere Nzuzo,” Abụ, no. 144.

• Dị ka gị na ụmụ gị na-agụ Ebraham 1:18 na 2:8, i nwere ike kpọkuo ha ka ha gee ntị maka otu akụkụ ahụ nke akpọrọ aha niime amaokwu abụọ ndị a. Ikekwe unu nwere ike mee egwuregwu n’ebe otu nwata na-emechi anya ha ma gị eduru nwata ahụ n’aka. Emesịa i nwere ike kwuo okwu banyere otu o si emetụta inwe Jizọs Kraịst duo anyị n’aka ma ọ bụ chekwaa anyị.

• Ụmụ gị nwere ike nwee obi ụtọ ime ejije akụkọ ahụ sitere na Jenesis 13:5–12, mee ka a ga-asị ha bụ Ebraham, Lọt, na ndị na-azụ anụ. Kedụ otu anyị nwere ike i si soro ọmụmaatụ nke Ebraham nke ị bụrụ ome udo n’etiti ezi na ụlọ na ndị enyi anyị? Gbalịa igosipụta azịza ha niile.

• Tulee igosi ụmụ gị otu komkom aja, kpakpando dị n’igwe abalị, ma ọ bụ foto dị na ngwụcha ndepụta nke a. Nke a nwere ike nyere ha aka ghọta nkwa niile Chineke kwere niime Jenesis 13:16; 15:1-6. Kwuo banyere otu i siworo mụta ịtụkwasị obi na nkwa niile nke Chineke mgbe ha yiri ihe na-ekweghị omume.

• Ikuziri ụmụ gị banyere ọgbụgba ndụ niile, rịọ ha ịgwa gị banyere oge mgbe ha kwere nkwa ma ọ bụ mgbe mmadụ kwere nkwa nye ha. Ọ bụrụ ma o nye aka, kesaa ụfọdụ ọmụmaatụ nke onwe gị—gụnyere ọgbụgba ndụ niile i gbaworo gị na Chineke na baptizim ma ọ bụ niime tempụl. Kedụ otu ọgbụgba ndụ gị niile siri metụta mmekọrịta gị na Chineke? Họrọ nkebiokwu ole ma ole site na Jenesis 15:1–6; 17:1–8; Ebraham 2:9–11 iji kesaa ụfọdụ ngọzi niile Chineke kwere Ebraham na Sera na nkwa.

• Inyere ụmụ gị aka kwadoo ịgba ọgbụgba ndụ ha na Chineke mgbe ha mere baptizim, i nwere ike jiri ụfọdụ ihe omume atụpụtara niime appendix A ma ọ bụ appendix B.

• Mgbe ndụ Ebraham nọ na ọghọm, ọ kpọkuru Chineke. Mgbe Hagar nọ naanị ya niime alaịkpa, ọ mụtara na Chineke nụrụ olu ya. Tulee ikesa akụkọ abụọ ndị a nye ụmụ gị: “Ebraham na Sera” na “Hagar” niime Akụkọ niile nke Agba Ochie, 28–31, 32–33. Kedụ ihe anyị na-amụta banyere Chineke site n’akụkọ ndị a? Emesịa i nwere ike kesaara ibe unu nhụmiihe ndị ọzọ mgbe ọ metụtara gị na Chineke nụrụ olu gị. Otu ukwe dị ka “Ekpere nke Otu Nwata” (Akwụkwọ ukwe Ụmụntakịrị, 12-13) nwere ike kwusie ụkpụrụ ahụ ike.

2:20

1:23