Senesis 3-4; Moses 4-5

E mehlel me ahn Adam oh Ihp pilipil me kahrehda kahpwal tohto me kitial kin lelehng nan mour wet. Ahpw e sohte wehwehki me kitaill peikasalki ara pilipilo. Ni omw pahn wadek Senesis 3 oh Moses 4, Komw pahn kak pein kalelapangki, dahme kahrehda pwopwulao kesemwpwalki nan sapwelimen Kauno pilahn?

Me doke Moses 5:9–12, ia mwomwen ahn Adam ih ihp pepehmw ohng Pwopwula lapo? Ia mwomwen omw pahn kak momouki irair me ira lelehng loalehu nan sampah wet? Oh pil dah me ke esehla sang 2 Nihpsi 2:19–25?

Pil Kilang Mosaia 3:19; Alma 12:21–37; oh Doctrine and Covenants 29:39–43.

Soaipen Adam oh Ihp wia soai en koapwoaroapwoar oh komour sang rehn Sises Krais. Pwe kahrepeh kan en sansal, komw kak tepida oh rapahki imwilahn pwowpulao nan Senesis 3:1–7; Moses 4:22–31 oh kilelehdi de kairakiedi dahme komw diarada. Ia mwomwen imwila pwukat ah keremwpwai komwi? Komw kak uhd rapahki Moses 5:4–15, oh kilang sapwelimen Kauno pilahn en kapitkitail sang nan imwila pwukat. Dahme kahrehda Adam oh Ihp “perenkihda“ mwurin tohnleng o ah pwarek ira? Dahme ke esehsang ira me pid sapwelimen Sahm Nanleng pilahn?

Pil kilang “Pwehki Ih“ (kasdo), Nan Laipreri en Rongamwahu.

2:44

Sang ni sawehwe, ire wet kin kawehwehdi ni a kamanamanla me ohl emen kak lamai ih ah pwoud. Rahnwet, sapwelimen kauno soukohp kan padahngki me pwopoud ehu pahn kin wiahda ara pwukoahn nan ara peneinei ni pahrek (Kilang “Peneinei: Kalohk ehu ohng Sampah“ [Laiprehri] en Rongamwahu]). Elder Dale G. Renlund oh Sister Ruth Lybert Renlund kawehwehda me “ohl pwung men pahn nantiheng en sewese; e pahn kin pohn ese ah sapwung kan oh kin peki mahk; e pahn kin mwadang en wia kaping; e pahn kin mwohniki dahme ah peneinei mwahuki; e pahn kehn toutou en ah pwukoah en kihng perehpen oh epwelpwen ah peneinei pwe ren kak mour; e pahn kin wauneki oh peikiong ah pwoud. … E pahn kapaiada ah peneinei“ (Manaman oh mweimwei en Melkihsedek: wehwehki rongamwahuo, momourki kossoned o [2018], 23).

Ni Elder Dale G. Renlund padahngki, “Nan sapwellimen samatail Nanleng koasondi en kairada sapwelime serih kan, e sohte men sapwelime serihn en idihdieng wiadahme pwung; ahpw iei Sapwellime serih kan en pein piladawia dahme pwung oh nantiheng en duwehla Ih” (“Pilada Rahn Wet, “Liahona , Nohpempe.2018, 104). Dahme e kesemwpwahlkiheng sapwelimen Kauno pilahn kitail en piladawia me pwung?

Ni omw wadekMoses 4:1–4,kilang dahme Sahm Nanleng oh Sihses Krais wia en silehdi amw pwuhng en pilipil — amw pilipil. Ia mwomwen amw pahn kak alehdi manaman en ara perehrehu? Ohng iren pilahn, onopiki “ Wiahda pilipil lipwan“ nan Pwuken Kakehlepen me me pwulopwul Kan: Sawasepen pilipil kan (4–5).

Pil wadek dahme Lehi padahngki duwen saledek en pilipil nan2 Nihpai 2:11–20, 25–30. Dahme kahrehda kasongosong konehng en wia kisehn atail pilipil kan? Ia mwomwen amw kak kasapahl kalahngankiheng Sises Krais ah ketkiheng uhk amw “saledek en pilipil“? 2 Nihpa 2:27).

Pil kilang Dallin H. Oaks “Mie Pelie nan Mehkoaros,“ Liahona, Mei 2016, 1141–17; Oaralap oh Kalelapang Kan, “Pilipil,“ Koaspel Lairehri; “Pilada me Pwung,“ Koul en Sarawihkan, nempe 239.

Ni omw pahn wadek Moses 4:4–12; 5:13–33, kairakiedi soangen wiepen koasoangosong me Sehdan kin wiahng Adam oh Ihp oh neira serih kan. Ia mowmwen ah kin song kitial ni soangen mwohmwote rahnwet? Ia mwomwen Sahm Nanleng ah kin seweseiuk powehdi kasongosong en sehdan kan?

Mwurin ara kang wahn tuhke me ira kaliklik sang o, Adam oh Ihp song en pein wiahda perepen ara kilisou. Mwuri, Kauno kalikawih irahda. Ni omw wadek Moses 4:13–16, 27, medemedewe ire pwukat:

• Dahme ara kilisou oh ara kalikoudahr o rasehng nan pwuhk sarawi kan (kilang, ni karasepe, Kaudiahl 7:9, 13–15;2 Nihpai 9:14; Doctrine and Covenants 109:22–26, 76). Dahme ke esehsang Adam oh Ihp oh irair en kilisou oh kalikouda me ira lelehng o?

• Ma komw keikihdier inou sarawi en nan tehnpas sarawi, medewe dahme Adam oh Ihp pahn kak ndahng komwi me pid amw likou sarawih kan oh dahme e weliandi.

Pil kilang “Likou sarawi en nan Tehnpas Sarawi“ (kasdo), Laiprehri en Rongamwahu.

4:12

Ni amw pahn onopiki Moses 5:4–9, 16–26, tehk mwahu ia ahn Adam oh Ihp oh neira pwutak Kain oh Eipel madmadau ong meirong Dahme kahrehda Kauno alehda ahn Eipel meirong ah sohte alehda ahn Kain o?

Dahme Kauno mwahuki kitial en meirongki? Mie mehko nan ire pwukat me wekid amw madmadau ohng meirong ko?

• Pwehn sewese noumw seri kan wehwehki pwopwulahn Adam oh Ihp o, ke kak alasang kilel en “Adam oh Ihp“ (nan Soai kan en Kadehde Mering, 13–16) oh tupwairailda. Eri kumwail kak sawas pene, oh kairakiedi kilel ko ni pwung sang ni ansou me kumwail pahn koaskoasoaia Adam oh Ihp. Ni amw wiwia met, kawehwehda dahme ahn Adam oh Ihp pekeuslahu kesemwpwalkiheng sapwelimen Sahm Nanleng pilahn.

• Noumw seri kan kak ahniki pepehm en kaping ohng tomw en Sihses Krais me wehwehki mwomwen ah powehdi imwilahn pwopwulao. Ni amwail pahn wadek pene Moses 4:25; 6:48;Rom 5:12; 2 Nihpai 2:22–23, sewese noumw seri kan kadokehla sendens et: “Pwehki pwopwulao, I …“ Eri, ni amwail wadek pene Moses 5:8–11, 14–15; 6:59;Alma 11:42, re kak kadokehla sendens e: “Pwehki Sises Krais, I …“ Ehuki pene amwail kaping ong Sises Krais.

• Iren kasukuhl mengei me ke kak doadoahngki en kapehse padahk en saledek en pilipil: lukehieng noumw seri kan en koalor ih akdipidi en wihk et, ahpw kiheng irail ehute koaler. Dahme kahrehda e mwahu kitial en ahniki pilipil? Kumwail kak wadek pene Moses 4:1–4 oh koasaoiahda kahrepen Kauno ah kuwpwurkihki kitail en kak ese pilada nan pwungen mwahu oh suwed. Ia mwomwen Sahm Nanleng oh Sises Krais kin sewesei kitial pilada me pwung?

• Sewese noumw serihkan medewehda oh mahleniedi kilel en pilipil mwahu me re wia ren idawehn Sises Krais . De kumwail kak koulkipene koul me pid pilipil mwahu, me duwehte “Pilada Ahl me Pwung“ (Pwuhk en koul en serih kan, 160–61). Kumwail pil koasoaia pene ansou me kumwail wiahda pilipil mwahu oh dah kumwail pehm.

• Ansou me Adam oh Ihp mweselsangehr nan mwetuwel en Ihden, ira sohla kak mihmihieng Sahm Nanleng. Wadek Moses 5:4, 8 ieng noumw serihkan, oh sewese irail rapahki ia mwomwen Adam oh Ihp kin kerenieng Kauno oh rong ih. Dahnge kan me kitail kak koasoaia ong Sahm Nanleng nan atail kapakap kan?