Mehn Kapehse Ong Kadehde Mering

Ehu elen rapahki epwelpen palingehn me kehlail nan Kadehde Mering iei en rapahki Pilawahn Komouro, Sises Krais (kilang Sohn 6:48). Ni karasepe, ia mwomwen ahmw kilang Sounkomouro nan mepwukat?

• Mana (Eksodus 16:4, 11–15; Sohn 6:35)

• Simpwul en Meiroang (Eksodus 12:3–5; Sohn 1:29)

• Sineik pirahso (Nempe kan 21:4–10; Sohn 3:14)

• Sohna (Sohna 1:4–17; Madiu 12:38–41)

Dahme karasaras pwukat padahngki duwen Ih? Ia ekei reprens ong Sises Krais nan Kadehde Mering me ke ese?

Nan ah padahko “Sises Krais iei me Sohsohn Atail Mour Keieu Kesempwal,” Elder Dale G. Renlund kangoangei kitail en “taman oh ansou koaros kilenglahngete Sises Krais” (Liahona, Nohpempe 2023, 98). Song wadek ah padahk, raparapahki soahng kan ke kak wia pwe ken diar Sises Krais kaidehnte Nan Kadehde Mering ahpw pil nan ahmw mour.

Pil kilang “Mwohmw kan de kilel en Krais kan” nan Mehn Kaweid ong Pwuhk Sarawi kan, “Sises Krais,” Gospel Library, “Seek the Lord Early,” Children’s Songbook, 108.

Preseden Dallin H. Oaks padahngki: “Sahmo kapehseieng kitail Sapwelime Iehros, Sises Krais, ni ah wia atail Sounkomour oh Soundoar oh poahngoake kitail en “rong Ih.’ Sang kaweid wet kitail ese me rekoht en mahsen en nan pwuhk sarawi kan me kohsang “Koht” de “Kauno” pali laud en ansou udahn iei mahsen kan en Siohwa, atail Kaun me iasadahro, Sises Krais” (”The Teachings of Jesus Christ,” Liahona, Mei 2023, 102)

14:7

Ansou me sounkaweid kan en mehn Suhs akan uhkihong Sises duwen Ihs Ih, E mahsanih, “Mwohn Eipraam eh ipwidi Ngehi iei Ih me mieier.” Lokaia pwukat kopwuriamweida aramas kan me rongehr Sises, oh irail kaunopadahr en kostakai Ih (kilang Sohn 8:58–59). Song wadek Eksodus 3:13–15; 6:3–5 pwehn kilang dahme ekei mehn Shs akan nohn lingeringerki dahme Sises mahsaniher.

Dahme e kesempwalki ong uhk en ese me Sises Krais iei Siohwa?

Nan ehu kasansal, Kauno kasalehiongehr Nihpai Pwuhk Sarawi ah pahn kohdam ni ah kawehwe me “nting kesempwal oh sansal tohto” pahn kohsangehr nan pwuhko. Song wadek 1 Nihpai 13:21–29, 3842–, raparapahki duwen Kauno ah pilahnehda en “kasalehda soahng kan me sansal oh kesempwal.” Me sansalasang 2 Nihpai 3:12, ia mwomwen Paipel oh Pwuhk en Mormon ara doadoahkpene?

Ni ahmw pahn onopiki Kadehde Mering pahret, ke pil pahn onopiki ekei “pwuhk teikan” Nihpai kilangadahro. Mepwukat iangahki:

• Pwuhk en Moses, kisehn en Sosep Smith kawehwe Pwuhk Sarawio. E kapwurehdo mehlel kan oh soai kan me sohte dierek nan Senesis 1–6.

• Pwuhk en Abraham, me kasansalohngehr Sosep Smith ni ah kasawiher papyri en Isip en mahs (kilang Topics and Questions, “Pwuhk en Abraham,” Gospel Laipreri).

• Soangesoangen iren pwuhk sarawi kan sang Sospe Smith Translation, me pwarada Nan footnotes kan, oh Mehn Kaweid ong Pwuhk Sarawi kan.

Iet ekei karasaras en soai kan nan Kadehde Mering me kopwurpwurdo sang Sosep Smith: En Enok Kahnihmw en Saion (Moses 7:18–19), En Eipraam kasansal duwen mihting en nanleng (Abraham 3:22–28), oh doadoahk en Melkisedek (En Sosep Smith Translation, Senesis 14:25–40). Dahme Soai pwukat “sansal oh kesempwal” ong uhk ki?

Kadehde Mering iei soaiepen Koht ni Ah ketin nanantihong wiahng kitail en wia Sapwellime “aramas kesempwal” sang inou Eksodus 19:5). Ong kahrepehu, ehu ahl mwahu en kaunopieng wadek Kadehde Mering iei en esehla inou sarawi kan—mehlel inou poatoapoat me Koht ketkiohngehr soukohp en mahs koa soangen Eipraam, Aisek, Seikop, oh kadaudokarail kan. Oh ehu mwohmw kaselel en esehla duwen inou sarawi kan iei en onopiki en Preseden Russell M. Nelson padahk “The Everlasting Covenant” (Liahona, Oakotohpe 2022, 4–11).

Ni ahmw wadawad, pein idek rehmw: Dahme inou sarawi kan kesempwal ong iehki? Soangen “limpoak oh mahk kesempwal” da me I kin alehdi sang Koht ni ahi kin kolokol inou sarawi kan ong Ih? Ni ahmw wadek Kadehde Mering pahret, kin kilkilang soahngkan Koht ketin kupwuriki kasukuhlih kin uhk duwen ahmw inou sarawi ehuong Ih.

Pil kilang Seramaia 31:31–34.

• Lokaia kan oh tiahk en Kadehde Mering kak en apwal Ong seri kan en wehwehki, ahpw ke kak sewese irail en kilang Sises Krais nan kilel oh soai kan. Mwein kowe oh noumw seri kan kak kilang kilelo pahn,Soukohp Aiseia Kohpadahr Ipwidien Krais. Mweidohng noumw seri kan en idihada mengihtik kan irail kilang. Kihong irail en kilang, ni mehlel, ong seri Sises. Mwuhr ke kak iangirail wadek dahme Aiseia ntingihdier duwen Ipwidien Sounkomouro nan Aiseia 7:14; 9:6. Ehukihong noumw seri kan mwomwen ahmw pepehm Ong rapahki Sounkomouro nan Kadehde Mering pahret.

  

• Kowe oh noumw seri kan pil kak wadek Melkahka kan 23 de Aiseia 53:3–9 oh rapahkihda lokaia kan me kataman ong uhk duwen Sises Krais. Dahme lapin lokaia pwukat padahkihong kitail duwen Ah mour oh Tomwpen dihpo?

• Inou sarawi kan wia oaralap kesempwal ehu nan Kadehde Mering. Pwehn kapehseiong noumw seri kan oaralap wet, ke kak koasoaiahieng irail duwen inou kan irail kin wiahda oh kolokol ong peneinei de kempoakepahrail kan oh dahme kolokolki nou pwukat kesempwalki. Mwuhr kumwail kak kilang ehu kilelen pepdais oh koasoaia duwen inouo, de inou sarawio, kitail kin wiahda Ong Koht ansou kitail pepdaisla (kilang Mosaia 18:10, 13). Ke pil kak kasalehda ehu kilel en tehnpas sarawi oh ehukihda ahmw pepehm kan duwen inou sarawi kan kitail kin wiahda wasahu.

• Tehn kemwekid en wihket kak sewese noumw seri kan perenkihda en wiahda oh momouriki inou sarawi kan ong Sahm Nanleng. Ke pil kak koulki ehu koul duwen wiahda inou kan, soangen “When I Am Baptized” Children’s Songbook, 103).

• Noumw seri kan ese emen me aramas kin likwerihki ahd wekpeseng kan nan wasa wekpeseng kan? Mwein emen peneinei de sounpadahk kin likiwerki ahd me wekpeseng ni wasahn doadoahk, ni imwe, oh no wasahn sarawi. Koasoaia ahd koa; mwuhr wadek Eksodus 6:3 pene oh luke noumw seri kan en rapahkihda ahd akan me Sises Krais dehdehki mwohn Ah ipwidier (pil kilang en Sosep Smith kawehwe nan footnote c).