Moses 1; Abraham 3

“Ma Kauno mahmahseniong uhk,” Preseden Russell M.Nelson padahngkiher, “keiou me E pahn tehk mwahu me ke wehwehki iei udahn ihs kowe” (“Choices for Eternity” [worldwide devotional for young adults, Mei 2022], Laipreri en Rongamwahu). Ni imwilahu, Sehdan pahn song en kaping uhkada ong kahrepehute. Rapahki soangen mwohmw wet nan sapwellimen Koht padahk ong Moses nan Moses 1:4, 6 oh Nan en Sehdan padahk nan Moses 1:12. Dahme ke eselahr sang ire tikitik pwukat duwen wekpeseng kan nanpwungen Koht oh Sehdan?

Preseden Nelson pil padahngki, “Mwomwen ahmw kin medewe duwen ihs kowe pahn sair kereniong madamadau koaros ke pahn wiahda” (“Choices for Eternity”). Medewe wiahda ehu lisd en pilipil kan ke kin wiahda pwehki ahmw wia seri en Koht emen tieng mwohn mehn kasansal teikan.

Ia ekei ire de kahs akan nan Moses 1 me sewese iuk en wehwehki wen ahmw kesempwal? Ke kak pil wadek ekei en Preseden Nelson padahk nan seksin en “Choices for Eternity” me kahdaniki ”Keiou: Ese me mehlelo duwen ihs kowe.” Dahme ke ahniki pepehm en wia me pahn wia kasalepen ihs kowe ni ahmw wia seri en Koht emen mehn kasalepomw keiou kesempwal?

Pil kilang “Ngehi me seri en Koht,” Koul en Sarawi kan (1985), nempe 58; “Our True Identity” (kasdo), Laipreri en Rongamwahu, Topics and Questions, “Children of God,” Laipreri en Rongamwahu.

3:39

Ni Moses 1 ah kasalehda ni sansal, ekspihriens en palingehn kehlail kan sohte wehwehki me kitail solahr pahn pwurehng alehdi kasongosong. Ni mehlel, ehu wiepen Sehdan iei en kasongosongih kitail en peikasalki ekspihriens pwukat. Ni ahmw wadek en Moses pasapengo ong Sehdan nan ire 12–26, dahme ke esehla me kak sewese iuk mehleliongete ahmw kadehde ke alehdier? Dahieu me sewesehda Moses en powehdi Sehdan?

Ehu lesen sang en Moses ekspihriens iei me Sehdan kin kasongosongih kin kitail mehkot likamw akan ong sapwellimen Koht mehlel oh manaman. Medewe ekei kasalepen mehkot likamw, soangen tuhke poad plastik de seri toahl. Ia mwomwen ahmw kak ese me re sohte mehlel? Eri medewe me likamw akan Sehdan kin doadoahngki rahnwet pwe en kasongosong Ih iuk. Dahme ke esehla sang Moses 1:13–18 duwen mwomwen kasawihada oh soikala ah likamw akan? Ia mwomwen Kauno ah kak sewese iuk? (kilang Moses 1:24–26).

Pil kilang Madiu 4:1–11; Gary E. Stevenson, “Deceive Me Not,” Liahona, Nohpempe 2019, 93–96, “I Am a Son of God” (kasdo), Laipreri en Rongamwahu

6:31

Mwurin kilkilang ehu kasansal duwen sapwellimen Koht Kepikipik kan, Moses indahng Kauno: “Ndahng Ie … dahme mepwukat miehki” (Moses 1:30). Dahme ke pwungki duwen sapwellimen Kauno pasapengo nan Moses 1:31–39? Dahme wekpeseng nanpwungen sohte Mehla oh mour soutik? (kilang Topics and Questions, “Eternal Life,” Laipreri en Rongamwahu). Ia mwomwen en Sises Krais ah kin sawas kapwaida koaros? Eipraam pil ahniki ehu kasansal, me kileledi nan Abraham 3. Dahme ke diar nan ire tikitik 24–26 me kak sewese sapeng en Moses pekipeko?

Kitail ese me tikitik duwen atail mour mwohn mour wet. Ahpw Pali laud en dahme kitail ese kin kohsang en Eipraam kasansalo nan Abraham 3:22–28. Ni ahmw wadek ire pwukat, wiahda ehu lisd en mehlel akan ke diar—iangahki mehlel akan duwen pein kowe oh duwen Sises Krais. Dahme mehlel pwukat kesempwalki ong uhk? Dahme irail kawekala Nan ahmw mour?

Pil kilang Topics and Questions,Premortal Life,” Laipreri en Rongamwahu

• Mwurin amwail wadekpene sapwellimen Koht padahko Ong Moses nan Moses 1:4, mweidohng noumw seri kan en kilang pein irail nan kilahs oh ndahng pein irail padahkohte: “Ngehi seri en Koht emen.” Mwuhr irail kak ehukipene padahkohte: “Kowe emen sapwellimen Koht seri. Ke pil kak rapahkihda kilel en aramas ekei oh luke noumw seri kan en idih emen oh nda, “Met iei seri en Koht emen.” Ehukihong mehteikan dahme ke perenkihki amwail ese me kumwail wia seri en Koht kei. Ia mwomwen dahme ke eseht ah wekidala mwomwen ahmw kin apwalih pein kumwail oh mehteikan?

• Kowe oh noumw seri kan kak koampehr sapwellimen Koht padahk nan Moses 1:4 ong en Sehdan padahk nan ire tikitik 12. Ia mwomwen ahmw pahn sewese noumw seri kan en ese kasawihada nanpwungen sapwellimen Koht padahk kan ong irail oh en Sehdan kan?

• Ni ahmw wadek Moses 1:6 ong noumw seri kan, ke kak kosoiahieng irail duwen “doadoahk” me Koht ahniki ong Moses. Medewe doadoahngki Gospel Art Book, nempe kan 13–16, de Soai kan nan Kadehde Mering, peit kan 64–84, pwe en sewese noumw seri kan kilang dahme Moses kapwaiadahr ni Sahm Nanleng ah ketin sewese. Ia doadoahk me Koht sapwellimaniki ong kitail en wia? (kilang, ni karasepe, Doctrine and Covenants 11:20).

• Ni ahmw onopiki Moses 1:12–26 ong omw seri kan, sewese irail rapahkihda dahme Moses wia pwe en soikala Sehdan (kilang ire tikitik kan 13, 15, 18, 20–22, 26). E kak kaperen ong irail en sohngada soahng kan irail kak wia pwe en soikala kasongosong (me duwehte wie kapakap, alu kohkohlahsang, de peki sawas).

• Ese duwen atail mour mwohn mour wet kak kamarainihki noumw seri kan en wiahda pilipil kan me poahsoanda pohn mehlel soutik kan. Pwe en sewese irail esehla duwen met, ke kak kihong irail lepin lokaia kei oh kahs ekei pwe en rapahkihda nan Abraham 3:22–28, soangen “mwohn sampah eh meihda,” “ngehn akan,” “wiahda ehu sampah,” oh “kasalehda.” Dahme ire tikitik pwukat padahkiheng kitail duwen kahrepen Sahm Nanleng ah kadar kitaildo ong sampah?

• Ehu koul soangen “I Will Follow God’s Plan” (Children’s Songbook, 164–65) kak kasalehda dahme Abraham 3 kin padahngki. Mwein ke kak luke noumw seri kan en mahlinihda kilel kan me rasehng lepin lokaia kan.

• Sewese noumw seri kan medewe irair kan me irail anahne pilada ma re pahn wia de soh dahme Koht ndahng irail en wia (kilang Abraham 3:25; pil kilang Ong Kakehlepen me Pwulopwul: Mehn Kaweid ong Wiahda Pilipil kan). Mweidohng irail en prakdihski pasapengkan me re kak wia nan soangen irair pwukat. Ia mwomwen Sounkomouro ah kak sewesei kitail ansou kitail wiahda pilipil sapwung ehu?