సిద్ధాంతము మరియు నిబంధనలు 135–136

జోసెఫ్ మరియు హైరం స్మిత్‌లు చంపబడినప్పుడు మీరు నావూలో నివసిస్తున్నట్లయితే, మీరెలా భావించియుండేవారో ఊహించండి (Saints, 1:554–55 చూడండి). ఈ దుర్ఘటన యొక్క అర్థాన్ని కనుగొనడానికి మీరెలా ప్రయత్నించియుంటారు? మూడు నెలల తర్వాత ప్రచురించబడిన సిద్ధాంతము మరియు నిబంధనలు 135 సహాయపడియుండవచ్చు. మీరు ఈ విభాగాన్ని శోధిస్తున్నప్పుడు, మీకు అవగాహన మరియు భరోసాను కలిగించేది ఏమిటో పరిగణించండి. “తన ప్రవక్త చంపబడేందుకు దేవుడు ఎందుకు అనుమతించాడు,” అని అడిగిన వారికి మీరేమి జవాబిస్తారు? (సిద్ధాంతము మరియు నిబంధనలు 136:37–39 చూడండి).

మీరు జోసెఫ్ మరియు హైరం లాగా చివరి వరకు క్రీస్తుపట్ల నమ్మకంగా ఉండేందుకు మిమ్మల్ని ప్రేరేపించే పదాలు లేదా వాక్యభాగాల కోసం 135వ ప్రకరణమును కూడా శోధించవచ్చు.

సిద్ధాంతము మరియు నిబంధనలు 5:21–22 కూడా చూడండి.

“ఇరవై సంవత్సరాల స్వల్ప వ్యవధిలో” జోసెఫ్ స్మిత్ సాధించిన విషయాలలో కొన్నింటిని సిద్ధాంతము మరియు నిబంధనలు 135:3 పేర్కొంటుంది. మిమ్మల్ని, పరలోక తండ్రి మరియు యేసు క్రీస్తుతో మీ సంబంధాన్ని ఈ విషయాలు ఎలా ప్రభావితం చేసాయి? మీరు ఇలాంటి వాక్యాన్ని ఎలా పూర్తి చేస్తారో పరిగణించండి: జోసెఫ్ స్మిత్ ద్వారా ప్రభువు చేసిన దాని కారణంగా, నేను … మీరు ప్రవక్త జోసెఫ్ స్మిత్ గురించి మీ సాక్ష్యాన్ని నమోదు చేసి ఇతరులతో పంచుకోవచ్చు.

జోసెఫ్ స్మిత్ యొక్క నియమితకార్యం గురించి తెలుసుకోవడానికి మరొక మార్గం ఆయన కోసం సంక్షిప్త సంస్మరణ లేదా ప్రశంసలను వ్రాయడం. క్రీస్తు మరియు పునఃస్థాపించబడిన ఆయన సువార్తపై విశ్వాసాన్ని పెంపొందించుకోవడానికి మీరు ఏమి చెబుతారు? మీరు సిద్ధాంతము మరియు నిబంధనలు 135 లేదా దిగువ వనరులలో పేర్కొన్న ముఖ్యమైన సంఘటనలు లేదా విజయాలను చేర్చాలనుకోవచ్చు.

యేసు క్రీస్తు జోసెఫ్ స్మిత్ ద్వారా తన గురించి మరియు తన ప్రాయశ్చిత్తం గురించి అనేక సత్యాలను బయల్పరిచారు. ఈ సంవత్సరం మీరు సిద్ధాంతం మరియు నిబంధనలను అధ్యయనం చేసిన అనుభవాన్ని ధ్యానించడాన్ని పరిగణించండి. ఏ సత్యాలు మీకు ముఖ్యమైనవిగా అనిపించాయి? మీరు ఈ వారం చదువుతున్నప్పుడు మీ కుటుంబం, తరగతి లేదా సమూహ సభ్యులు లేదా ఇతరులతో వీటిని పంచుకోవాలనుకోవచ్చు. అర్థం చేసుకోవడానికి మరియు రక్షకునికి దగ్గరవడానికి ఈ సత్యాలు మీకు ఎలా సహాయపడతాయి?

62:4

సంబంధిత సంగీతము

క్రింది కీర్తనలు పాడడం లేదా వీడియోలు చూడడం పరిశుద్ధాత్మను ఆహ్వానించవచ్చు లేదా ప్రవక్త జోసెఫ్ స్మిత్ యొక్క పని మరియు ఆయన తర్వాత కొనసాగిన పరిశుద్ధుల త్యాగాల గురించి చర్చను ప్రేరేపించవచ్చు.

“A Poor Wayfaring Man of Grief” (కీర్తనలు, సం. 29). కార్తేజ్ చెరసాలలో ఉన్నప్పుడు, జాన్ టేలర్ ఈ కీర్తన పాడారు.

“Praise to the Man” (కీర్తనలు, సం. 27;video కూడా చూడండి). ఈ కీర్తన యొక్క పదాలు జోసెఫ్ స్మిత్‌కు నివాళిగా వ్రాయబడ్డాయి.

6:16

“Come, Come, Ye Saints” (కీర్తనలు, సం. 30; video కూడా చూడండి).

4:58

5:32

జోసెఫ్ స్మిత్ మరణించిన తరువాత, పరిశుద్ధులు నావూ నుండి తరిమివేయబడ్డారు. వారు ఇప్పుడు 1,300-మైళ్ళు (2,100 కి.మీ) కఠినమైన అరణ్యంలో ప్రయాణించవలసి వచ్చింది. పన్నెండుమంది అపొస్తలుల సమూహ అధ్యక్షుడైన బ్రిగమ్ యంగ్, పరిశుద్ధులు ఆ ప్రయాణాన్ని ఎలా తట్టుకోగలరోనని ఆందోళన చెందారు. వింటర్ క్వార్టర్స్ అనే తాత్కాలిక నివాసంలో, ఆయన నడిపింపు కోసం వేడుకున్నారు. 136వ ప్రకరణములో ప్రభువు యొక్క జవాబు నమోదు చేయబడింది. “ప్రయాణంలో వారి ప్రవర్తన వారి గమ్యస్థానం వలె ముఖ్యమైనదని పరిశుద్ధులు గుర్తుంచుకోవడానికి సహాయం చేయడం ద్వారా, పశ్చిమమువైపు వలసపోవడాన్ని దురదృష్టకరమైన అవసరం నుండి ముఖ్యమైన పంచుకోదగిన ఆత్మీయ అనుభవంగా మార్చుకోవడానికి ఈ బయల్పాటు సహాయపడింది” (“This Shall Be Our Covenant,” in Revelations in Context, 308).

మీరు 136వ ప్రకరణము చదువుతున్నప్పుడు దీనిని మనస్సులో ఉంచుకోండి. మీ జీవితంలో కష్టమైన శ్రమను “ముఖ్యమైన … ఆత్మీయ అనుభవంగా” మార్చుకోవడానికి సహాయపడేలా ఏ సలహాను మీరు కనుగొంటారు? ప్రారంభ పరిశుద్ధులకు వారి ప్రయాణాలలో సహాయపడినట్లే, మీ స్వంత జీవితంలో ప్రభువు చిత్తాన్ని సాధించడానికి ఈ సలహా మీకెలా సహాయపడగలదో మీరు ధ్యానించవచ్చు.

• మీ పిల్లల కొరకు సిద్ధాంతము మరియు నిబంధనలు 135:1ని సంక్షిప్తం చేయండి. రక్షకుడు మరియు ఆయన సువార్త కోసం జోసెఫ్ మరియు హైరం చేసిన త్యాగం గురించి మీ భావాలను పంచుకోవడానికి ఇది మీకు మరియు మీ పిల్లలకు మంచి అవకాశం.

  

  3:21

• హైరం స్మిత్ కార్తేజ్ జైలుకు వెళ్ళే ముందు మోర్మన్ గ్రంథము నుండి ఒక గద్యభాగాన్ని చదివాడని సిద్ధాంతము మరియు నిబంధనలు 135:4–5 వ్యాఖ్యానిస్తుంది. మీరు మరియు మీ పిల్లలు కలిసి ఈ గద్యభాగాన్ని చదవవచ్చు (ఈథర్ 12:36–38 చూడండి). ఈ వచనాలు హైరం‌ను ఎలా ఓదార్చాయి? మీరు చింతిస్తున్నప్పుడు లేదా విచారంగా ఉన్నప్పుడు మీకు ఓదార్పునిచ్చే లేఖనాలను కూడా మీరు పంచుకోవచ్చు.

• మీరు, మీ పిల్లలు ప్రవక్తల చిత్రాలను చూడవచ్చు మరియు దేవుడు ప్రవక్తలను చేయమని అడిగే కొన్ని విషయాల గురించి మాట్లాడవచ్చు. ఈ ప్రవక్తలు రక్షకుని కొరకు ఏమి త్యాగం చేసారు?

  

• జోసెఫ్ స్మిత్ యొక్క నియమితకార్యము ద్వారా ప్రభువు మనల్ని ఎలా ఆశీర్వదించారో మీ పిల్లలు గుర్తుంచుకోవడానికి మరియు మెచ్చుకోవడంలో సహాయపడడానికి, మీరు జోసెఫ్ చేసిన పనులను సూచించే వస్తువులను ప్రదర్శించవచ్చు, అంటే మోర్మన్ గ్రంథము, సిద్ధాంతము మరియు నిబంధనలు లేదా దేవాలయ చిత్రం వంటివి (ఈ వారపు ప్రోత్సాహకార్యక్రమ పేజీ కూడా చూడండి). అప్పుడు మీ పిల్లలు పరలోక తండ్రి మరియు యేసు క్రీస్తు దగ్గరికి రావడానికి మనకు సహాయపడేలా జోసెఫ్ స్మిత్ చేసిన కొన్ని విషయాల కోసం సిద్ధాంతము మరియు నిబంధనలు 135:3లో చూడవచ్చు. ఈ విషయాల కోసం వారు ఎందుకు కృతజ్ఞతతో ఉన్నారో పంచుకోవడానికి మీ పిల్లలను ఆహ్వానించండి.

• ఒక గదిలో ఒక వైపు నావూ దేవాలయ చిత్రాన్ని ఉంచడం మరియు మరొక వైపు సాధారణ ఆశ్రయాన్ని సృష్టించడం గురించి ఆలోచించండి. చిత్రం దగ్గర గుమికూడమని మీ పిల్లలను ఆహ్వానించండి మరియు జోసెఫ్ స్మిత్ మరణించిన తర్వాత నావూను విడిచిపెట్టాల్సిన పరిశుద్ధుల గురించి వారికి చెప్పండి. ఈ పరిశుద్ధుల‌కు యేసు క్రీస్తుపై ఉన్న విశ్వాసాన్ని నొక్కి చెప్పండి మరియు వింటర్ క్వార్టర్స్‌కు ప్రయాణాన్ని సూచించడానికి మీ పిల్లలను ఆశ్రయం వద్దకు నడిచి వెళ్ళమని ఆహ్వానించండి.

  

  1:31

  

  3:51

  

  2:29

• సిద్ధాంతము మరియు నిబంధనలు 136లో, సాల్ట్ లేక్ లోయకు వారి ప్రయాణంలో పరిశుద్ధుల‌‌కు సహాయం చేయడానికి ప్రభువు సలహా ఇచ్చారని వివరించండి. మీ పిల్లలకు ఈ ప్రయాణంలో ధైర్యాన్నిచ్చేలా ఈ బయల్పాటులో ఏదైనా కనుగొనడంలో సహాయపడండి (4, 10–11, 18–30 వచనములు చూడండి). నేడు మనం ఎదుర్కొంటున్న శ్రమలలో ఈ ఉపదేశము మనకు ఎలా సహాయపడగలదు?