Nkyerɛkyerɛ na Ahyɛmudzi 135–136

Susu atsenkã a nkyɛ bia ibenya sɛ nna etse Nauvoo ber a wokuum Joseph na Hyrum Smith no a (hwɛ Saints, 1:554–55). Asɛm yaayaw a oesi yi nkyɛ ebɔdwen ho dɛn? Nkyerɛkyerɛ na Ahyɛmudzi 135, a wɔdze pue guado abosoom ebiasa ekyir no, bia nkyɛ ɔbɔboa. Ber a ehwehwɛ ɔfã yi mu no, susu dza nkyɛ ɔdze ntseasee na awerɛhyɛmu bɛbrɛ wo. Ebɛn asɛm na nkyɛ ebɛkã akyerɛ obi a obisa wo dɛ, “Dɛn ntsi na Nyankopɔn ma kwan ma wokum No Nkɔnhyɛnyi?” (hwɛ Nkyerɛkyerɛ na Ahyɛmudzi 136:37–39).

Ibotum so ahwehwɛ ɔfã 135 mu ahwɛ nsɛmfua anaa kasasin a okenyan wo ma ayɛ nokwafo ama Christ dze akɔ ewiei, tse dɛ ma Joseph na Hyrum yɛe no.

Hwɛ Nkyerɛkyerɛ na Ahyɛmudzi 5:21–22; “Remembering the Martyrdom,” wɔ Revelations in Context, 299–306; Teachings of Presidents of the Church: Joseph Smith (2011), 522–23, 529–40; “Testimony of the Book of Mormon” (video), Asɛmpa Nwoma Korabea so.

Nkyerɛkyerɛ na Ahyɛmudzi 135:3 bobɔ ndzɛmba binom a Joseph Smith tumii yɛe “wɔ mfe eduonu pɛr ntamu no.” Ndzɛmba yinom esi dɛn enya nhyɛdo wɔ ɔwo na wo nkitahodzi a enye Ɔsor Egya na Jesus Christ wɔ ho? Susu mbrɛ ibesi bowie asɛntɔw a ɔtse dɛ iyi: Osian dza Ewuradze duaa Joseph Smith do yɛe ntsi, Me … Bia ibotum so akyerɛw wo dasegye wɔ Nkɔnhyɛnyi Joseph Smith ho egu na enye binom akyɛ.

Kwan kor so a ibotum esũa Joseph Smith no ndwuma ho nsɛm nye ebɔbɔ mbɔdzen akyerɛw tribute tsiabaa anaa nkamfo bi a ɔfa n’abrabɔ ho ama no. Ebɛnadze na eibɛkã dze ekenyan gyedzi wɔ Christ na N’asɛmpa a wɔdze asan ananmu aba no? Bia ebɛpɛ dɛ edze dza osisii tsitsir anaa dza ɔyɛe a wohu no wɔ Nkyerɛkyerɛ na Ahyɛmudzi 135 mu anaa dza wɔakã ho asɛm wɔ adzesũa ho mboa a ɔwɔ ase ha yi bɛka ho .

Jesus Christ duaa Joseph Smith do yii Noho nokwar na No Werdambɔ ho nsɛm pii kyerɛɛ. Susu dɛ ebɔdwendwen sũahu a enya wɔ Nkyerɛkyerɛ na Ahyɛmudzi ho adzesũa afe yi mu no. Ebɛn nokwar horow na wɔayɛ wo adze tsitsir? Ibotum nye w’ebusua, class anaa quorum mba, anaa binom akyɛ iyinom ber a isũa adze dapɛn yi. Nokwar yinom si dɛn boa wo ma etse Agyenkwa no ase na etwe bɛn No yie?

San hwɛ “Joseph Smith: The Prophet of the Restoration” (video), Asɛmpa Nwoma Korabea; Tad R. Callister, “Joseph Smith—Prophet of the Restoration,” Liahona, Ɔberɛfɛw 2009, 35–37; “Praise to the Man,” Hymns, nkanee 27; Nsɛngyinado na Nsɛmbisa, “Joseph Smith,” Asɛmpa Nwoma Korabea.

62:4

Ndwom a Ɔfa ho

Wɔrotow asɔr ndwom a odzi do yi anaa wɔrohwɛ video horow no botum ato nsa afrɛ Sunsum Krɔnkrɔn no anaa woekenyan mpɛnsampɛnsamu bi afa Nkɔnhyɛnyi Joseph Smith no ndwuma ho na Ahotseweefo no a n’ekyir no wɔtoaa do no ho.

“A Poor Wayfaring Man of Grief” (Hymns, nkanee 29). Ber a wɔda Carthage Efiadze no, John Taylor toow asɔr ndwom yi.

“Praise to the Man” (Hymns, nkanee. 27; hwɛ video so). Ndwom yi mu nsɛm no wɔkyerɛɛw no dɛ tribute maa Joseph Smith.

6:16

“Hom mbra Esarfo” (Asɔr na Mbofra Ndwom, nkanee 30; hwɛ video so).

4:58

“Faith in Every Footstep” (hwɛ video).

5:32

Joseph Smith wui ekyir no, wɔpaam Ahotseweefo no fii Nauvoo. Afei nna akwantu aborɔfo kwansin 1,300 a odua sar a etwii ara yie da hɔn enyim. Ɔhaaw Brigham Young, Asomafo Duebien no hɔn Quorum ne President no mbrɛ Ahotseweefo no besi botwa akwantu no dwudwoodwo. Bea a wɔkɔ soɛɛ hɔ mber kakra a wɔfrɛ no Winter Quarters no, ɔtotɔe serɛɛ akwankyerɛ. Ewuradze no mbuae no wɔakyerɛw no wɔ Ɔfã 136 mu. “Nyikyerɛ no boae ma ɔsakyer anee akwantu no fi awerɛhowsɛm a ekehia ara ma ɔbɛyɛɛ sunsum mu sũahu tsitsir a wɔkyɛe, ber a ɔboaa Ahotseweefo no ma wɔkaa dɛ hɔn su wɔ akwantu ber mu no ho hia dɛmara dɛ bea a wɔrokɔ no” (“This Shall Be Our Covenant,” wɔ Revelations in Context, 308).

Fa iyi to w’adwen do ber a isũa ɔfã 136. Ebɛn afotu na ihu a obotum aboa ma wɔadan w’abrabɔ mu nsɔhwɛ dzendzen bi ayɛ no “sunsum mu sũahu tsitsir”? Bia ebɔdwendwen mbrɛ afotu yi botum aboa wo ma ayɛ Ewuradze Ne pɛ wɔ wankasa w’abrabɔ mu, dɛ mbrɛ ɔboaa asɔpɔkan Ahotseweefo no wɔ hɔn akwantu mu no.

Hwɛ “This Shall Be Our Covenant,” wɔ Revelations in Context, 307–14; “Hom mbra Esarfo,” Asɔr na Mbofra Ndwom, nkanee 30; Asɔr Abakɔsɛm Nsɛngyinado, “Succession of Church Leadership,” Asɛmpa Nwoma Korabea.

• Twa no tsia ma wo mbofra Nkyerɛkyerɛ na Ahyɛmudzi 135:1 anaa kyɛ “Chapter 57: The Prophet Is Killed” (wɔ Doctrine and Covenants Stories, 201–5 mu, anaa video a ɔnye no kɔ do wɔ Asɛmpa Nwoma Korabea). Iyi botum ayɛ kwan pa ma ɔwo na wo mbofra ma hom akyɛ hom atsenkã wɔ afɔrbɔ a Joseph na Hyrum bɔe maa Agyenkwa no na N’asɛmpa no.

  

  3:21

• Nkyerɛkyerɛ na Ahyɛmudzi 135:4–5 kã dɛ Hyrum Smith kenkaan Mormon Nwoma mu nyiyimu bi ana ɔrokɔ Carthage Efiadze. Ɔwo na wo mbofra botum abɔ mu akenkan nyiyimu yi (hwɛ Ether 12:36–38). Nyiyimu yinom besi dɛn dze awerɛkyekye abrɛ Hyrum? Ibotum so akyɛ kyerɛwsɛm a ɔdze awerɛkyekye brɛ wo ber a erehaw anaa wo werɛ ahow.

• Ɔwo na wo mbofra botum ahwɛ nkɔnhyɛfo hɔn mfonyin (hwɛ Gospel Art Book, nkanee. 7, 14, 67) na wonkasa mfa ndzɛmba binom a Nyankopɔn se nkɔnhyɛfo dɛ wɔnyɛ ho. Ebɛnadze na nkɔnhyɛfo yinom dze bɔɔ afɔr maa Agyenkwa no?

  

• Ama aaboa wo mbofra ma wɔakaa na hɔn enyi asɔ mbrɛ Ewuradze esi edua Joseph Smith no ndwuma do ehyira hɛn no, ibotum dze ndzɛmba a ogyina hɔ ma dza Joseph yɛe, tse dɛ Mormon Nwoma no, Nkyerɛkyerɛ na Ahyɛmudzi no, anaa temple bi no mfonyin akyerɛ (hwɛ dapɛn yi dwumadzi krataafa so) Nkyii wo mbofra botum ahwɛ Nkyerɛkyerɛ na Ahyɛmudzi 135:3 mu ahwehwɛ ndzɛmba binom a Joseph Smith yɛe a ɔboa hɛn ma yɛbɛn Ɔsor Egya na Jesus Christ yie. To nsa frɛ wo mbofra no ma wɔnkyɛ siantsir a ndzɛmba yinom yɛ hɔn enyisɔ.

• Susu dɛ edze Nauvoo Temple besi dan no n’afã na ayɛ asoɛe kakrabaa wɔ afã no ho. To nsa frɛ mbofra no ma wɔmboa ano mbɛn mfonyin no, na kã Ahotseweefo no a nna ɔwɔ dɛ wotu fi Nauvoo Joseph Smith no wu ekyir no ho nsɛm kyerɛ hɔn (hwɛ etsir 58, 60, na 62 wɔ Doctrine and Covenants Stories, 206–8, 211–16, 222–24, anaa video a ɔnye no kɔ do wɔ Asɛmpa Nwoma Korabea). Tsĩ mu kã gyedzi a Ahotseweefo yinom nyaa no wɔ Jesus Christ mu ho asɛm, na to nsa frɛ wo mbofra no ma wɔnantsew nkɔ asoɛe no a ogyina hɔ ma akwantu kɔ Winter Quarters no. Wobotum atow ndwom tse dɛ “To Be a Pioneer” (Children’s Songbook, 218–19) ber a wɔrenantsew no.

  

  1:31

  

  3:51

  

  2:29

• Kyerɛkyerɛ mu dɛ wɔ Nkyerɛkyerɛ na Ahyɛmudzi 136 mu no, Ewuradze maa hɔn afotu dze aboa Ahotseweefo wɔ hɔn akwantu kɔ Salt Lake Bɔnsa mu no. Boa wo mbofra ma wɔnhwehwɛ biribi wɔ nyikyerɛ yi mu a obotum ama hɔn akokodur ma akwantu yi (hwɛ nyiyimu 4, 10–11, 18–30). Osi dɛn na afotu yi botum aboa hɛn wɔ nsɔhwɛ horow a yehyia no ndɛ yinom mu?