Nkyerɛkyerɛ na Ahyɛmudzi 137–138

Alvin Smith, Nkɔnhyɛnyi Joseph no nuabanyin dɔfo no, twaa mu koree mfe esia ansaana Nyame dze tumdzi a wɔdze numa no resan ananmu aba. Nna ntseasee a wɔatahye wɔ Christianfo mu wɔ afe 1836 mu no nye dɛ sɛ woennuma nyimpa na owu a, dɛm nyimpa no nnkotum akɔ heaven. Joseph dwendwen Alvin n’onnyiewiei nkwagye ho mfe pii—kesi dɛ onyaa nyikyerɛ no a ɔwɔ Nkyerɛkyerɛ na Ahyɛmudzi 137 mu no.

Ndɛ nkorɔfo pii wɔ nsɛmbisa a ɔtse dɛm. Dɛn ntsi na Nyankopɔn bɔhwehwɛ ayɛdze na ahyɛmudzi ber a nkorɔfo pii nara ennya kwan anngye dabiarada? Ebɛnadze na ebɛkã akyerɛ obi a ɔdwen dɛm? Ibesi dɛn bɔtow hɔn gyedzi wɔ Nyame mu na N’ahwehwɛdze ma nkwagye? Hwehwɛ nokwar horow a ibotum akyɛ wɔ ɔfã 137 na wɔ ɔfã 138:30–37, 57–60. Ibotum so ahwehwɛ nokwar yinom a wɔakyerɛw no wɔ asɔr ndwom “The Glorious Gospel Light Has Shone” (Hymns, nkanee 283) na wɔ President Henry B. Eyring ne kasaa “Gathering the Family of God” (Liahona, Esusow Aketseaba 2017, 19–22 mu).

Ber a isũa na edwendwen ho no, ibotum ewie nsɛntɔw horow tse dɛ iyinom dze akyerɛw wo nkenyan:

• Osian nyikyerɛ yinom ntsi, minyim dɛ Ɔsor Egya .

• Osian nyikyerɛ yinom ntsi, minyim dɛ Egya no nkwagye ho nhyehyɛɛ .

• Osian nyikyerɛ yinom ntsi, mepɛ dɛ .

Hwɛ Saints, 1:232–35 so.

Ɔtɔfabi a nyikyerɛ ba ber mpo a yɛronnhwehwɛ. Mbom ɔtaa ba osiandɛ yɛhwehwɛ no enyiberdo na yɛyɛ ho ahoboa. Ber a ekenkan Nkyerɛkyerɛ na Ahyɛmudzi 138:1–11, 25–30, hyɛ no nsew dza nna President Joseph F. Smith rodwendwen ho ber a “wobuee [ne] ntseasee enyiwa.” Ibotum so dze no sũahu yi ato 1 Nephi 11:1–6; Joseph Smith—Abakɔsɛm 1:12–19 ho. Nkyii susu mbrɛ ibesi bedzi President Smith ne fasusu do. Mfatoho, ebɛn nsesã na inya ho nkenyan dɛ yɛ no wɔ wo kyerɛwsɛm adzesũa ho ama enya ankorankor nyikyerɛ ara yie?

N’asɛm mu no “The Vision of the Redemption of the Dead” (Liahona, Ɔberɛfɛw 2018, 71–74), President M. Russell Ballard susuu akwan binom so a President Smith yɛɛ ahoboa dɛ obenya nyikyerɛ yi. Ebɛnadze na isũa fi no sũahu horow no mu? Susu mbrɛ Ewuradze esiesie wo ma sũahu a erefa mu sesei—na mbrɛ Orisi siesie wo ma wo ndaamba sũahu horow.

Hwɛ Saints, 3:202–5; “Ministry of Joseph F. Smith: A Vision of the Redemption of the Dead” (video), Asɛmpa Nwoma Korabea so.

3:6

President Russell M. Nelson kyerɛkyerɛɛ dɛ, “Hɛn asɛm a yɛdze ma wiadze no da famu na ɔyɛ nokwar: yɛto nsa frɛ Nyankopɔn ne mba a wɔwɔ ntwamutam n’afã ebien nyina no dɛ wɔmbra hɔn Agyenkwa hɔ, na wɔngye temple krɔnkrɔn ne nhyira no, wonya enyigye a otsim, na wɔnfata onnyiewiei nkwa” (“Let Us All Press On,” Liahona, Esusow Aketseaba 2018, 118–19). Dwendwen asɛmkã yi ho ber a ekenkan Nkyerɛkyerɛ na Ahyɛmudzi 138:25–60. Ibotum so adwen nsɛmbisa yinom ho:

• Ebɛnadze na isũa fi nyiyimu yinom mu a ɔfa mbrɛ worisi reyɛ Agyenkwa no n’edwuma wɔ sunsum wiadze? Dɛn ntsi na ohia ma wo dɛ ibohu dɛ edwuma yi rokɔ do?

• Ebɛnadze na okenyan wo fa Ewuradze n’asomafo ho wɔ sunsum wiadze?

• Osi dɛn na nyikyerɛ yi hyɛ wo gyedzi dzen wɔ Nyankopɔn no ɔpon ho nhyehyɛɛ no?

Sɛ epɛ dɛ isũa sunsum wiadze ho nsɛm binom kã ho a, ibotum esũa President Dallin H. Oaks n’asɛm “Trust in the Lord” (Liahona, Ɔberɛfɛw 2019, 26–29).

Hwɛ “Susa Young Gates and the Vision of the Redemption of the Dead,” wɔ Revelations in Context, 315–22; “A Visit from Father” (video), Asɛmpa Nwoma Korabea so.

3:20

• Ama hom esũa afa mbrɛ Joseph Smith ne ntseasee bɛyɛ no wɔ n’ebusua mu mba pii a ohun hɔn wɔ celestial ahenman mu no, wo mbofra no botum ahwɛ video “Ministry of Joseph Smith: Temples” (Asɛmpa Nwoma Korabea), anaa ibotum akyɛ Doctrine and Covenants Stories, 152–53 (anaa video a ɔnye no kɔ do wɔ Asɛmpa Nwoma Korabea). Bia wobotum so akasa afa obi a hom nyim no a woennuma no na owui. Ebɛnadze na Nkyerɛkyerɛ na Ahyɛmudzi 137:5–10 kyerɛkyerɛ hɛn fa dɛm nyimpa no ho?

  

  2:20

  

  2:17

• Susu dɛ edze Agyenkwa ne nda no bɛkyerɛ (hwɛ Gospel Art Book, no. 58, anaa Bible Mfonyin horow, nkanee 14) na mfonyin a ɔwɔ n’apɔwdo n’apɔwdo yi fa kyerɛ wo mbofra no bea a Jesus no sunsum kɔree ber a No honandua no da nda mu no. Nkyii hom botum abɔ mu akenkan Nkyerɛkyerɛ na Ahyɛmudzi 138:18–19, 23–24, 27–30 dze esũa dza Jesus yɛe ber a Ɔwɔ hɔ no ho nsɛm. Woananom na Ɔkɛseraa hɔn? Ebɛnadze na Ɔsee hɔn dɛ wɔnyɛ? Dɛn ntsi na Ɔyɛɛ iyi?

  

• Ibotum so dze dapɛn yi dwumadzi krataafa dze aboa wo mbofra ma wɔdze atoto dza asɛmpasomafo no kyerɛkyerɛ wɔ ntwamutam n’afã ha yi (hwɛ, mfatoho, Gyedzi ho Nsɛmpɔw 1:4) to dza asɛmpasomafo kyerɛkyerɛ wɔ sunsum wiadze (hwɛ Nkyerɛkyerɛ na Ahyɛmudzi 138:33). Nyiyimu yinom mu no, ebɛnadze na ɔyɛ kor, na ebɛnadze na nsonsonee wɔ mu? Ebɛnadze na iyi kyerɛkyerɛ hɛn fa Ɔsor Egya na Ne nhyehyɛɛ ho?

• Ber a enye wo mbofra bɔ mu kenkan Nkyerɛkyerɛ na Ahyɛmudzi 138:1–11 no, ibotum ato nsa afrɛ hɔn dɛ wompetuw dɛ wɔyɛ President Joseph F. Smith na wɔnyɛ ndzeyɛɛ a ɔnye nsɛmfua a ɔwɔ nyiyimu 6 na 11 no kɔ do no. Ibotum so edze President Smith no mfonyin akyerɛ hɔn (kor wɔ n’apɔw do n’apɔw do yi mu) na kyerɛkyerɛmu dɛ nna ɔyɛ Asɔr no ne President a otsĩa esia. Ibotum akasa afa ber bi ho a edwendwen biribi a ɔwɔ kyerɛwsɛm no mu ho no na Sunsum Krɔnkrɔn no boaa wo ma etsee ase.

• Susu dɛ wɔbɔbɔ mu atow ndwom a ɔfa kyerɛwsɛm adzesũa ho, tse dɛ “Search, Ponder, and Pray” (Children’s Songbook, 109). Ebɛnadze na ndwom yi kã dɛ yebotum ayɛ ma yɛatse kyerɛwsɛm no ase?