Mumu 22– 28:“Nyame Ne Ba Krɔnkrɔn Akyɛdze a Onnyi Kãbea” Bra, Bɛka Mo Do—Dze Ma Fie na Asɔr: Nkyerɛkyerɛ na Ahyɛmudzi 2025 (2025)

“Borɔnya,” Bra, Bɛka Mo Do—Dze Ma Fie na Asɔr: Nkyerɛkyerɛ na Ahyɛmudzi 2025

Nativity in Copper and Umber [Awooe no a wɔayɛ no wɔ Kɔɔber na Kɔben mu], n’afã bi a J. Kirk Richards yɛe

Mumu 22– 28: Nyame Ne Ba Krɔnkrɔn Akyɛdze a Onnyi Kãbea

Borɔnya

Nkɔnhyɛnyi Joseph Smith paa mu kãa dɛ, “Hɛn nyamesom n’asɛmpa fapem no nye Asomafo na Nkɔnhyɛfo, hɔn dasegye, wɔ Jesus Christ ho dɛ Owui, wosie No, na da a otsĩa ebiasa no Ɔsoɛree bio, na Ɔfowee kɔr sor, na ndzɛmba nyina a ɔfa hɛn nyamesom ho no yɛ iyi ho mbataho.” (Teachings of Presidents of the Church: Joseph Smith [2011], 49). Mfe 160 na no mboree ekyir no, asɛm yi kenyaan President a Odzi Kan na n’Apamfo na Asomafo Duebien no hɔn Quorum no ma wɔdze “Christ Ɔtseasefo No: Asomafo no Dasegye no” puee guado. dze hyɛɛ Agyenkwa no N’awoe ho fa a otsĩa 2,000 no enyimnyam (hwɛ Russell M. Nelson, “Drawing the Power of Jesus Christ into Our Lives,” Liahona, Esusow Aketseaba 2017, 40).

Dɛ yɛyɛ Latter-day Saintfo yi, yedzi ehurusi wɔ nyikyerɛ ho nhyira a ɔkɔ do a odua ndɛ nkɔnhyɛfo na asomafo mu ba no. Yɛda ase wɔ hɔn nkenyan afotu nsɛm, kɔkɔbɔ, na nkuranhyɛ. Mbom, ne kɛse koraa no, hɔn dasegye ndamyɛ mu wɔ Jesus Christ ho—Borɔnyaber na afe mu ne nyinara hyira hɛn. Iyinom bor nkenyan nsɛm a akyerɛwfo a wɔawea akyerɛw anaa baguamu akasafo anaa nhumu a ofi kyerɛwsɛm mu do. Iyinom yɛ “Christ ne dzin ho adasegyefo soronko a wɔwɔ wiadze nyina mu” (Nkyerɛkyerɛ na Ahyɛmudzi 107:23 a Nyame asan mu eyi hɔn, afrɛ hɔn na wɔama hɔn tumdzi.

Adwenkyerɛ horow ma Adzesũa wɔ Fie na wɔ Asɔr

“Obiara nnyaa nhyɛdo nwanwa tse dɛm.”

Ebɛn asɛm na ebɛkã dze agye asɛm yi abamba dɛ “obiara nnyaa nhyɛdo nwanwa [dɛ Jesus Christ] wɔ hɔn a wɔatsena ase nyina na hɔn a wɔbɛtsena ase nyina wɔ asaase do”? Hwehwɛ nyiyimu ahorow wɔ “Christ Ɔtseasefo No” mu a ɔgye dase wɔ Agyenkwa no Ne nhyɛdo nwanwa no. Oesi dɛn enya nhyɛdo wɔ wo do?

Susu dɛ obia a onnyim Christiansom ho nsɛm bisa wo siantsir a ehyɛ Borɔnya fa. Ibesi dɛn eyi ano? Bobɔ “Christ Ɔtseasefo No” no do a edze nsɛmbisa yi ato w’adwen do, na susu dɛ ebɛkyerɛw adwendwen anaa nkenyan biara a ɔba wo do.

Hwɛ “Why We Need a Savior” (video), Asɛmpa Nwoma Korabea so.

“Ɔsoɛree fii owumaa mu.”

“Christ Ɔtseasefo No” mu no, Asomafo no gye dase wɔ Agyenkwa no No Wusoɛr ho, na wɔkã Ewuradze a Ɔasoɛr no mpuei mpɛn ebiasa ho asɛm (hwɛ asɛnsin 5). Susu dɛ ebɛkenkan nsera yinom ho nsɛm wɔ John 20; 3 Nephi 11; na Joseph Smith—Abakɔsɛm 1:14–20 mu. Ebɛnadze na isũa wɔ Agyenkwa no ho fi Ne nsɛm na ndzeyɛɛ wɔ mpuei yinom ho?

Tsim wɔ Agyenkwa no do “Mpaabɔ mu ara erekenkan ‘Christ Ɔtseasefo No’ tse dɛ erekenkan Matthew, Mark, Luke, John, na Mormon Nwoma mu nkɔnhyɛfo no hɔn dasegye. Ɔbɔto wo gyedzi wɔ Agyenkwa no mu na wɔaboa wo ma akɔ do etsim wɔ No do” (M. Russell Ballard, “Return and Receive,” Liahona, Esusow Aketseaba 2017, 65).

“N’asɔfodzi na N’Asɔr no wɔdze asan ananmu aba.”

Wo Nkyerɛkyerɛ na Ahyɛmudzi ho adzesũa afe yi mu no, enya kwan dze esũa ara yie mbrɛ wɔdze Agyenkwa no “N’asɔfodzi na N’Asɔr no asan ananmu aba.” Ebɛn nokwar anaa fapem horow a wɔdze asan ananmu aba na enya ho ntseasee ara yie? Susu dɛ ebobɔ kyerɛwsɛm a odzi do yinom bi do a ɔkyerɛkyerɛ Nsanananmu ho nsɛm: Nkyerɛkyerɛ na Ahyɛmudzi 1:17–23; 13; 20:1–12; 65; 110; 112:30–32; 124:39–42; 128:19–21. Dwendwen mbrɛ asɛmpa a wɔdze asan ananmu aba ho nokwar boa wo ma ihu Jesus Christ na edɔ no.

“Dabi Ɔbɛsan aba asaase do.”

Borɔnya nye ber a yɛhwɛ ekyir dze hwɛ da a wɔwoo Jesus Christ na yɛhwɛ kan dze hwɛ da no a Ɔbɛsan aba. Ebɛnadze na isũa wɔ Ne mbae ho fi nsɛnsin a otsĩa ebien-dze kɔ ewiei wɔ “Christ Ɔtseasefo No” Ibotum esusu dɛ ebɛkenkan, ebɔtow, anaa ibetsie Borɔnya asɔr ndwom a ɔkyerɛkyerɛ Mbae a Otsĩa ebien ho nsɛm, tse dɛ “Joy to the World” anaa “It Came upon the Midnight Clear” (Hymns, nkanee 201, 207).

“Ɔno nye kan no, nkwa no, na wiadze enyidado no.”

Nsɛnsin a odzi ewie wɔ “Christ Ɔtseasefo No” mu no, hyɛ no nsew wɔ su na edzin horow a wɔdze ama Agyenkwa no. Susu dɛ ebɛfa mber dze esũa iyinom binom ho asɛm. Mfatoho:

Kan: Osi dɛn na Jesus Christ yɛ dɛ kan ma wo? Ibotum esusu ayɛ nsaano mfonyin anaa etwa mfonyin a ma ɔwo no, ogyina hɔ ma kan no a Ɔdze ma wo no. Ebɛnadze na inya ho nkenyan dɛ ebɛyɛ dze akyɛ Ne kan no? (Hwɛ John 8:12; 3 Nephi 18:24; Nkyerɛkyerɛ na Ahyɛmudzi 50:24 so.)

Nkwa: Dɛn ntsi na edwen dɛ nkwa yɛ asɛm pa a wɔdze bɛkyerɛ Jesus Christ no su? Ebɛn kwan do na Ɔma wo nkwa? Ebɛn nsesã na nkyɛ ɔbɛba w’abrabɔ mu sɛ nnyi Ɔno na N’asɛmpa a? (Hwɛ John 10:10; 1 Corinthfo 15:19–23; Nkyerɛkyerɛ na Ahyɛmudzi 66:2. so)

Enyidado: Ebɛnadze na ewɔ ho enyidado osian Jesus Christ na N’asɛmpa ntsi? Ana inyim obi a onnyi ndaamba ho enyidado ho atsenkã pa biara a? Dwendwen mbrɛ enye dɛm nyimpa no bɛkyɛ enyidado a inya no wɔ Jesus Christ mu. (Hwɛ Romefo 8:24–25; Ether 12:4; Moroni 7:41 so.)

Hwɛ Nsɛngyinado na Nsɛmbisa, so “Jesus Christ,” Asɛmpa Nwoma Korabea.

“Yɛda Nyame ase wɔ [Ne] akyɛdze a onnyi kãbea.”

“Christ Ɔtseasefo No” mu no, Asomafo no kã Agyenkwa no ho asɛm dɛ Ɔyɛ “akyɛdze” fi hɛn Ɔsor Egya hɔ. Irigyina dza ihu wɔ “Christ Ɔtseasefo No” mu no, ibesi dɛn ewie asɛntɔw yi: “Odua Jesus Christ mu no, Nyankopɔn ma me … akyɛdze.” Dwendwen dza ebɛyɛ dze agye akyɛdze yinom emudzi mu.

Irusũa “Christ Ɔtseasefo No” esi dɛn asesã wo gyedzi na wo dɔ ma Agyenkwa no?

Hwɛ Russell M. Nelson, “Four Gifts That Jesus Christ Offers to You” (President a Odzi Kan na N’apamfo Borɔnya mpaabɔsom, Mumu 2, 2018), Asɛmpa Nwoma Korabea; “Excerpts from ‘The Living Christ: The Testimony of the Apostles’” (video), ChurchofJesusChrist.org.

Excerpts from "The Living Christ: The Testimony of the Apostles"

Epɛ adwenkyerɛ horow bi akã ho a, hwɛ bosoom yi Liahona na For the Strength of Youth dawurbɔ nkrataa mu.

Adwenkyerɛ horow ma Erekyerɛkyerɛ Mbofra

Mubotum “ama [me] dasee” dze ahyɛ Jesus N’awoe ho fa.

Susu mbrɛ bia ibeyi “Christ Ɔtseasefo No” n’enyim akyerɛ wo mbofra no. Bia ibotum aboa hɔn ma wɔatsen hɔn nsa wɔ Christ ne dzin a ɔwɔ tsir no mu no do na President a Odzi Kan na n’Apamfo na Duebien no hɔn nsa ano edzin do. Bia ibotum akyerɛkyerɛ mu dɛ iyi nye hɔn dasegye wɔ Jesus Christ ho a wɔpɛ dɛ wɔnye wiadze kyɛ.
Ibotum ama abofra kor biara kasasin fi “Christ Ɔtseasefo No” mu na ebisa hɔn ma wɔahwehwɛ anaa wɔadorɔw dɛm kasasin no ne nsaano mfonyin. Nkyii ibotum aboa hɔn ma wɔahwehwɛ kasasin no wɔ “Christ Ɔtseasefo No” mu. Ibotum mpo aboaboa mfonyin yinom na kasasin horow no ano dze ayɛ buukuu.
Hom nye hom ho nkorkor nkyɛ mbrɛ hom sii nyaa hom dasee wɔ Jesus Christ mu. Bia ibotum dze Agyenkwa no no mfonyin akɔ aporɔw na wɔafa mber nkorkor akyɛ biribi a hom nyim fa No ho (a nokwar a wɔkyerɛkyerɛɛ wɔ “Christ Ɔtseasefo No” mu kã ho).

“Okyinii yɛɛ yie.”

Ber a ɔwo na wo mbofra kenkan asɛnsin a otsĩa ebien wɔ “Christ Ɔtseasefo No” mu no, enye hɔn nkasa mfa ndzɛmba binom a Jesus yɛe ho. Hom botum so ahwɛ N’abrabɔ mu mfonyin horow (hwɛ dapɛn yi dwumadzi krataafa na Gospel Art Book mu). To nsa frɛ mbofra no ma wɔnkasa mfa dza Agyenkwa no reyɛ wɔ mfonyin horow no mu. Yebesi dɛn botum asom nkaafo no dɛ mbrɛ Ɔyɛe no? “Light the World” video ahorow a ɔwɔ Asɛmpa Nwoma Korabea mu no botum ama hom adwenkyerɛ.

“Ɔno nye kan no, nkwa no, na wiadze enyidado no.”

Boa wo mbofra ma wɔnhwehwɛ Borɔnya asɔr ndwom a ɔkã kan, nkwa, na enyidado a Agyenkwa no N’awoe dze baa wiadze ho asɛm, tse dɛ “O Little Town of Bethlehem” (Asɔr Ndwom, nkanee 208). Hom mbɔ mu ntow asɔr ndwom no, na ma wo mbofra nkyɛ mbrɛ Jesus esi dze kan, nkwa, na enyidado aba hɔn abrabɔ mu.

“Yɛda Nyame ase wɔ Ne Ba krɔnkrɔn akyɛdze a onnyi kãbea no ntsi.”

Ebɛn akyɛdze horow na yenya osian Jesus Christ ntsi? Bia ɔwo na wo mbofra botum ahwehwɛ akyɛdze yinom wɔ “Christ Ɔtseasefo No” mu anaa wɔ ndwom tse dɛ “He Sent His Son” (Children’s Songbook, 34–35 mu). Nkyii wobotum akyekyer biribi ho dze ayɛ dɛ dɛm akyɛdze horow no. Ibotum esusu dɛ wo mbofra no botum ebue akyɛdze horow no do Borɔnya Da no, dze aboa akaa hɔn Agyenkwa no na N’akyɛdze horow a Ɔdze ma hɛn.

Epɛ adwenkyerɛ horow bi akã ho a, hwɛ bosoom yi Friend dawurbɔ krataa mu.