Ebusua No: Dawurbɔ a wɔdze ma Wiadze

“Ebusua no: Dawurbɔ a wɔdze ma Wiadze” fa ebusua ebusua ho pefee. Naaso ɔfa Nyankopɔn no nkwagye ho nhyehyɛɛ ho dɛmara. Kwan kor a yɛdze bosũa dawurbɔ no nye yɛbɛkyerɛw kasasin horow no abrabɔ a ansaana nyimpa reba asaase do, ɔnnkyebo abrabɔ, na owu ekyir abrabɔ no wɔ krataa sin bi do na yɛakyerɛw dza dawurbɔ no kyerɛkyerɛ wɔ nsɛngyinado yinom ho nkorkor. Sɛ isũa dawurbɔ no wɔ kwan yi do a, ebɛnadze na isũa? Osi dɛn na iyi boa wo ma inya ntseasee wɔ siantsir a awar na ebusua ho hia tsitsir wɔ Nyankopɔn ne nhyehyɛɛ mu? Osi dɛn na nokwar horow a ɔwɔ dawurbɔ no mu no nya nhyɛdo wɔ wo nsanmuyi horow do?

Nyimpa pii wɔ hɔ a, ɔnam siantsir horow ntsi, bia wobosuro awar anaa mba ntsetsee. Sɛ nyɛnko bi se wo dɛ, “Memmpɛ dɛ mobɔwar anaa mibenya ebusua dabiarada a,” ebɛn asɛm na ebɛkã? Bia ibotum ahwehwɛ dawurbɔ no mu dze ahwehwɛ biribi a ɔbɔboa wo nyɛnko no ma oenya enyidado wɔ Nyankopɔn ne nhyehyɛɛ mu.

Asɛmbisa kor so a wobotum ebisa wo nye dɛ—anaa dɛ ɔwoara dze bebisa wo ho—tse dɛ kor yi: “Sɛ m’ebusua gyinabew nntse dɛ ma wɔakã ho asɛm wɔ ebusua dawurbɔ no mu no ɛ?” Ha nye mbea ebien a ibotum ahwehwɛ nkɔnhyɛfo afotu wɔ: ɔfã “A Mighty Change” no a ɔwɔ Elder Dieter F. Uchtdorf n’asɛm mu “Jesus Christ Is the Strength of Parents” (Liahona, Esusow Aketseaba 2023, 55–59) na nkasasin anan a odzi ewiei wɔ Elder D. Todd Christofferson’s n’asɛm mu “Why Marriage, Why Family” (Liahona, Esusow Aketseaba 2015, 52).

Ebɛnadze na inya ho nkenyan dɛ ebɛyɛ osian dza esũa no ntsi?

Hwɛ Dallin H. Oaks, “The Plan and the Proclamation,” Liahona, Ɔberɛfɛw 2017, 28–31; Nsɛngyinado na Nsɛmbisa, “Family,” Asɛmpa Nwoma Korabea.

Yɛtaa dwen ebusua dawurbɔ no ho dɛ ɔyɛ ebusua abrabɔ ho akwankyerɛ. Naaso ɔkyerɛkyerɛ nokwar a ohia papaapa a ɔfa hɛn ɔsor ebusua na hɛn daapem nyimpa ban ho. Dɛn ntsi na ohia papaapa ma wo dɛ ibohu dɛ hɛn nyinara kã ebusua yi ho? Osi dɛn na nokwar yi nya nhyɛdo wɔ wo nsanmuyi horow a eyɛ no do?

Hwɛ “Meyɛ Nyame Ne Ba,” Mbofra na Asɔr Ndwom, nkanee 61 so.

Dwen kasasin 6 na 7 wɔ ebusua dawurbɔ ho dɛ “ebusua abrabɔ mu enyigye” ho nhwɛdo. Ber a ekenkan kasasin yinom no, hyɛ “awar na ebusua ebusua a wɔkɔ do yie no” ne fapem horow no nsew. Ibotum adwen fapem horow yinom ho mfatoho a ehu wɔ wankasa w’ebusua anaa ebusua ebusua binom mu ho. Osi dɛn na fapem horow yinom boa ma eyɛ Jesus Christ w’ebusua abrabɔ ne fapem?

Nkyii ibotum adwen ebusua nkitahodzi bia ebɛpɛ dɛ ehyɛ no dzen no ho. Edze Agyenkwa no mboa no, yɛ nhyehyɛɛ dɛ, edze nkenyan horow a inya no bedzi dwuma.

Hwɛ L. Whitney Clayton, “The Finest Homes,” Liahona, Esusow Aketseaba 2020, 107–9 so.

Ɔfrɛ dɛ yɛbɛkekã hɛnho ayɛ biribi no kã kasasin a odzi ewiei wɔ ebusua dawurbɔ no ho. Ber a isusu mbrɛ ibesi bedzi dɛm ɔfrɛ no ho dwuma no, bia obotum aboa dɛ ibosua dawurbɔ ne tsir ho nsɛm. Mfatoho, ebɛnadze nye dawurbɔ? Ebɛn ntseasee na dɛm asɛm no dze ma wo a ɔfa nkyerɛwee no mu amandzɛɛbɔ no ho? Ebɛnadze nye tum a President a Odzi Kan na n’Apamfo na Asomafo Abaguafo Duebien no gyinaa do dze dawurbɔ a ɔfa ebusua ebusua ho maa wiadze? Ibotum so akyerɛw dza isusu dɛ ɔyɛ nsɛm tsitsir a ɔwɔ dawurbɔ no mu no nkorkor. Ibesi dɛn bepegya nsɛm yinom wɔ w’abrabɔ mu, wɔ wo fie na wo sɔn mu?

Hwɛ Bonnie L. Oscarson, “Defenders of the Family Proclamation,” Liahona, Esusow Aketseaba 2015, 14–17; “Defenders of the Faith” (video), Asɛmpa Nwoma Korabea.

6:56

• Boa wo mbofra no ma wɔdwen ndzɛmba a ohia ara ma wɔbɛpɛ dɛ wɔkã ho asɛm kyerɛ obiara. Fa “Ebusua No: Dawurbɔ a wɔdze ma Wiadze” no kor kyerɛ mbofra no, na kyerɛkyerɛ mu dɛ nkɔnhyɛfo na asomafo na wɔkyerɛwee dze akyerɛ hɛn mbrɛ ebusua ebusua ho si hia Ɔsor Egya papaapa. Dɛn ntsi na ebusua ebusua ho hia No papaapa? (hwɛ video no so “What Is the Purpose of Family?” [ChurchofJesusChrist.org]).

  

  1:19

• Enye wo mbofra no nkyɛ biribi fi dawurbɔ no mu a inya atsenkã dɛ ɔsɛ dɛ hɛn nyinara yehu. To nsa frɛ mbofra no ma wɔnkyɛ hɔn atsenkã wɔ dɛm nokwar horow no ho. Ebɛn nsesã na nkyɛ ɔbɛba hɛn abrabɔ mu sɛ yennyim nokwar yinom a? Hom botum abɔ mu atow ndwom a ɔfa nokwar a wohu no wɔ dawurbɔ yi mu, tse dɛ “I Will Follow God’s Plan” (Children’s Songbook, 164–65).

• Ɔfã IV mu wɔ ne nsɛm “The Plan and the Proclamation” (Liahona, Ɔberɛfɛw 2017, 30 mu no), President Dallin H. Oaks kyerɛkyerɛɛ mbrɛ wosii kyerɛɛw ebusua dawurbɔ no. Bia ɔwo na wo mbofra botum abobɔ ne nkyerɛkyerɛmu no do na wɔakasa afa siantsir a ɔyɛ wo enyisɔ dɛ Ewuradze kenyaan No nkowaa dɛ wɔnkyerɛkyerɛ hɛn nokwar horow yinom a ɔfa ebusua ebusua ho.

• Ibotum so dze mfonyin a ɔkyerɛ nokwar horow (anaa ibotum ama wɔadrɔw binom) a wohu no wɔ ebusua dawurbɔ no mu. Iyinom botum ayɛ temple bi no mfonyin, ebusua a wɔabɔ mu robɔ mpaa anaa woridzi agor, anaa awarfo a wɔrowar. Nkyii wo mbofra no botum ahwehwɛ nsɛntɔw horow a ɔwɔ ebusua dawurbɔ no mu a ɔfa mfonyin yinom ho. Ebɛnadze na Ewuradze kyerɛkyerɛ hɛn fa ndzɛmba yinom ho wɔ dawurbɔ no mu?

• Ber a hom bɔ mu tow“Meyɛ Nyame Ne Ba”” (Asɔr na Mbofra Ndwom, 61), ibotum atow bɔɔl ama abofra bi ber a ekã dɛ, “Minyim Nyame Ne ba bi a wɔfrɛ no [abofra no ne dzin].” Nkyii abofra no botum atow adze no ama obi fofor, a ɔrekã nsɛm kor noara na ɔdze nyimpa no ne dzin rehyɛ mu. Boa wo mbofra no ma wɔnhwehwɛ kasasin no “ɔsor awofo hɔn sunsum mu dɔ babanyin anaa babaa.” wɔ ebusua dawurbɔ no mu, na gye wo dasee wɔ nokwar yi ho.

• Ama hom aahyɛ nkɔmbɔdzi a ɔfa hom rehyɛ hom ebusua dzen ase ho no, ɔwo na wo mbofra botum akasa afa dza yɛyɛ dze ma ndzɛmba binom yɛ dzen—tse dɛ hɛn sẽ, hɛn honandua, anaa dan bi. Nkyii ibotum dze atoto erekyekyer ebusua a ɔyɛ dzen ho. Boa wo mbofra no ma wonhu Christ-su fapem horow a ogya kɔ ebusua abrabɔ mu enyigye, a wohu no wɔ kasasin 7 wɔ ebusua dawurbɔ (hwɛ dapen yi mu dwumadzi krataafa so).