Nkyerɛkyerɛ na Ahyɛmudzi 129–132

Ndzɛmba pii na yennyim a ɔfa nkwagye ntowdo ho anaa abrabɔ wɔ celestial ahenman n’atwer a ɔkrɔn kɛse no mu—abrabɔ saso a Nyankopɔn tse mu no. No mu dodow bɔbor dɛ yebotum atse ase sesei. Mbom Nyankopɔn eyi asɛnkyerɛdze a ɔsom bo kakra ara, na no mu dodow wobohu no wɔ Nkyerɛkyerɛ na Ahyɛmudzi 130–32 mu. Ibotum akenkan a nsɛmbisa tse dɛ iyinom da w’adwen do: Ebɛnadze na musũa fa Nyame ho? Ebɛnadze na musũa fa abrabɔ a ɔwɔ ɔnnkyebo abrabɔ yi ekyir? Osi dɛn na onnyiewiei nkwa ho asɛm yi hyira m’abrabɔ sesei?

Hwɛ “Our Hearts Rejoiced to Hear Him Speak,” wɔ Revelations in Context, 277–80 so.

Ɔwo wankasa wo nsɛmfua mu no, ebɛnadze na Ewuradze kyerɛkyerɛ wɔ Nkyerɛkyerɛ na Ahyɛmudzi 130:20–21 na 132:5 mu? Dwendwen mbrɛ fapem yi ada edzi wɔ w’abrabɔ mu.

Ɔtɔfabi a, yɛayɛ setsie ama Nyame mpo no, nhyira a hɛn enyida do no mmba ntsɛmara. Ibesi dɛn bɛma wo gyedzi na enyidado etsim ber a iyi si? Hwehwɛ nhunmu wɔ Elder D. Todd Christofferson n’asɛm “Our Relationship with God” (Liahona, Esusow Aketseaba 2022, 78–80) mu.

Hwɛ 1 Nephi 17:35; Nkyerɛkyerɛ na Ahyɛmudzi 82:10 so.

Ewuradze edua Nkɔnhyɛnyi Joseph Smith no do, dze nokwar no asan ananmu aba dɛ ebusua ebusua nkitahodzi botum ayɛ onnyiewiei. Ber a ekenkan Nkyerɛkyerɛ na Ahyɛmudzi 132:13–21, hwehwɛ kasasin horow a ɔbɔboa wo ma atse nsonsonee a ɔda ndzɛmba a “ɔbɛka hɔ” onnyiewiei mu na dza ɔrennka. Ebɛnadze na edwen ho dɛ awar nkitahodzi a “ofi [Ewuradze] hɔ n’asekyerɛ bɛyɛ”? (nyiyimu 14).

N’asɛm mu no “In Praise of Those Who Save,” President Dieter F. Uchtdorf dze onnyiewiei awar nkitahodzi toto ndzɛmba a “wɔtow kyen ho” (Liahona, Esusow Aketseaba 2016, 77–78). Ebɛnadze na nsonsonee yi kyerɛkyerɛ wo fa mbrɛ ibesi bɛnyɛn—anaa ebɛyɛ ahoboa ama—awar nkitahodzi? Dwen w’ebusua nkitahodzi ho—sesei na wɔ ndaamba mu—ber a ekenkan Elder Uchtdorf n’asɛm no. Ebɛnadze na ihu wɔ hɔ a ɔma wo enyidado wɔ Christ mu ma w’ebusua nkitahodzi ho?

President Henry B. Eyring kyɛɛ afotu yi a onyae ber a nna n’ebusua gyinabew no haw no no: “Ɔwo bɔ bra a ɔbɛfata celestial ahenman no, na ebusua nhyehyɛɛ no bɛyɛ nwanwa akyɛn dza ibotum esusu ho” (wɔ “A Home Where the Spirit of the Lord Dwells,” Liahona, Esusow Aketseaba 2019, 25). Afotu yi besi dɛn bɔboa ɔwo anaa obi a inyim no?

Hwɛ “Families Can Be Together Forever,” Hymns, nkanee 300; Nsɛngyinado na Nsɛmbisa, “Marriage,” Asɛmpa Nwoma Korabea so.

Nkorɔfo pii a wɔkenkan Ahyɛmu Dadaw no ɔyɛ hɔn nwanwa dɛ Abraham, Jacob, Moses, na binom so warwar nyernom pii. Ana nna Ewuradze no nkowaa yinom roto awar a? Ana Nyame peen hɔn awarwar no do? Nna Joseph Smith wɔ nsɛmbisa a ɔtse dɛm. Hwehwɛ mbuae a Nyankopɔn dze maa no wɔ Nkyerɛkyerɛ na Ahyɛmudzi 132:1–2, 29–40 mu.

Ɔbarimba baako na ɔbaa baako nko ntamu awar nye Nyame ne gyinapɛn ma awar (hwɛ Asɔr Dawurbɔ 1 no ɔfa tsir; Jacob 2:27, 30). Naaso, mber binom mu no Nyankopɔn ama Ne mba mbrasɛm wɔ awar pii ne nyɛe ho.

Asɔr no a wɔdze asan ananmu aba n’ahyɛse mber no kã dɛm mber no a wɔmaa ho kwan no. Sɛ ipɛ dɛ isũa asɔpɔkan Ahotseweefo awar pii ho asɛm bi kã ho a, hwɛ “Mercy Thompson and the Revelation on Marriage” (wɔ Revelations in Context, 281–93); Saints, 1:290–92, 432–35, 482–92, 502–4; Nsɛngyinado na Nsɛmbisa, “Plural Marriage in The Church of Jesus Christ of Latter-day Saints,” Asɛmpa Nwoma Korabea; “Why Was It Necessary for Joseph Smith and Others to Practice Polygamy?” (video), ChurchofJesusChrist.org.

10:8

• Ebɛnadze na Nkyerɛkyerɛ na Ahyɛmudzi 132:13 kyerɛkyerɛ hɛn fa wiadze ndzɛmba ho? Bia ɔwo na wo mbofra botum afa ndzɛmba a ogyina hɔ ma dza Nkyerɛkyerɛ na Ahyɛmudzi 130:2, 18–19; 132:19, kyerɛ dɛ yebotum dze akɔ abrabɔ a odzi do mu no, ahyehyɛ no wɔ adaka anaa ekyir kotoku mu.

• Bia ntotoho a ɔda famu botum akyerɛkyerɛ wo mbofra afa yɛreyɛ setsie ama Nyankopɔn ne mbrasɛm ho. Mfatoho, ibotum ebisa hɔn ma wɔakyerɛ wo kwan a wɔdze nantsew kɔ beebi, tse dɛ skuul anaa Asɔrdan bi. Ebɛnadze na ɔbɛba sɛ yenndzi kwankyerɛ no do a? Nkyii hom botum akenkan Nkyerɛkyerɛ na Ahyɛmudzi 130:21 na hom dze kwankyerɛ yinom atoto mbrasɛm a Nyankopɔn dze ama hɛn no ho.

• Bia hom botum so abɔ mu atow setsie ho ndwom, tse dɛ “Keep the Commandments” (Children’s Songbook, 146–47), na hom ahwehwɛ nsɛmfua wɔ Nkyerɛkyerɛ na Ahyɛmudzi 130:20–21 na 132:5 mu a ɔtse dɛ ma ɔwɔ ndwom no mu no. Nyankopɔn si dɛn hyira hɛn ber a yɛbɔ mbɔdzen dɛ yebesie Ne mbrasɛm no?

• Hom abɔmu akenkan Nkyerɛkyerɛ na Ahyɛmudzi 130:22 ewie no, ɔwo na wo mbofra no botum ahwɛ Jesus Christ no mfonyin na wɔatsen hɔn nsatseaba wɔ N’enyiwa, N’ano, na Ne nyimpadua nkaa no do. Wo mbofra no botum atsen hɔn nsatseaba wɔ hɔnankasa hɔn nyimpadua dze no do. Kã kyerɛ hɔn siantsir a ohia ma wo dɛ ibohu dɛ hɛn nyimpadua tse dɛ Ɔsor Egya na Jesus Hɔn nyimpadua no.

• Boa wo mbofra ma wonya ndzɛmba a ɔnnkyɛr afebɔɔ ho mfatoho—edziban a ɔsɛɛ, nhyirɛn a ɔkyenkyen, na dza ɔkekã ho. Nkyii wɔmbɔ mu nhwɛ Nkyerɛkyerɛ na Ahyɛmudzi 132:19 na wɔnhwehwɛ kasasin etsitsir tse dɛ “ahyɛmudzi a ɔwɔ hɔ daapem,” “wɔasɔw ano,” “mbersantsen nyina mu,” na “afebɔɔ ekesi afebɔɔ.” (Hwɛ “Chapter 55: A Revelation about Marriage,” wɔ Doctrine and Covenants Stories, 198, anaa video a ɔnye no kɔ do wɔ Asɛmpa Nwoma Korabea so.) Wobotum so ahwɛ ɔwo na w’ebusua hɔn mfonyin na agye dase dɛ Ewuradze ama wotum dua temple ahyɛdze na ahyɛmudzi horow do, ma ebusua ebusua atsena afebɔɔ.

0:42