მოძღვრება და აღთქმები 129–132

არსებობს ბევრი რამ, რაც არ ვიცით ამაღლების ან ცელესტიალური სასუფევლის უმაღლეს ხარისხში ცხოვრების შესახებ - ისეთი ცხოვრების, რომლითაც ღმერთი ცხოვრობს. მეტწილად ეს ჩვენი გაგების უნარს აღემატება. მაგრამ ღმერთმა გამოავლინა რამდენიმე ძვირფასი მინიშნება და ბევრი მათგანი გვხვდება მოძღვრება და აღთქმები 130–32-ში. შეგიძლია წაიკითხო ასეთი კითხვებით გონებაში: რას ვსწავლობ ღმერთზე? რას ვსწავლობ მიწიერი ცხოვრების შემდეგ არსებულ ცხოვრებაზე? როგორ მაკურთხებს ამჟამად, აღნიშნული ინფორმაცია მარადიული სიცოცხლის შესახებ?

იხილე ასევე “Our Hearts Rejoiced to Hear Him Speak,” Revelations in Context, 277–80.

როგორ ჩამოაყალიბებ შენი სიტყვებით - რას გასწავლის უფალი მოძღვრება და აღთქმები 130:20–21 და 132:5-ში? იმსჯელე, იმაზე, თუ როგორ გაჩნდა ეს პრინციპი შენს ცოხვრებაში.

ზოგჯერ, მაშინაც კი, როცა ღმერთს ვემორჩილებით, კურთხევები, რომელთა იმედიც გვაქვს, მაშინვე არ მოდის. როგორ ინარჩუნებ რწმენას და იმედს, როდესაც ასე ხდება? მოძებნე ინფორმაცია უხუცეს დ. ტოდ კრისტოფერსონის გზავნილში „ჩვენი ურთიერთობა ღმერთთან“ (Liahona, 2022 წლის მაისი, 78–80).

იხილე ასევე 1 ნეფი 17:35; მოძღვრება და აღთქმები 82:10.

წინასწარმეტყველი ჯოზეფ სმითის მეშვეობით უფალმა აღადგინა ჭეშმარიტება, რომ ქორწინება და ოჯახური ურთიერთობები შეიძლება იყოს მარადიული. როდესაც შენ კითხულობ მოძღვრება და აღთქმები 132:13–21-ს, მოძებნე ფრაზები, რომლებიც დაგეხმარება გაიგო განსხვავება იმაზე, თუ რა „დარჩება“ სამუდამოდ და რა არა. როგორ ფიქრობ, რას ნიშნავს საქორწინო ურთიერთობა იყოს „[უფლისგან]“? (მუხლი 14).

პრეზიდენტი დიტერ ფ. უხტდორფი, თავის გზავნილში “In Praise of Those Who Save,” უპირისპირებს მარადიულ ქორწინების ურთიერთობას რამე „ერთჯერად“-ს (Liahona, 2016 წლის მაისი, 77–78). რას გასწავლის ეს კონტრასტი იმის შესახებ, თუ როგორ უნდა განავითარო საქორწინო ურთიერთობები ან მოემზადო ქორწინებისთვის? იფიქრე შენს ოჯახურ ურთიერთობებზე — ახლა და მომავალში — როცა კითხულობ უხუცეს უხტდორფის გზავნილს. რა მოიძიე ამ გზავნილში, რაც გაძლევს ქრისტეს იმედს შენი ოჯახური ურთიერთობებისთვის?

პრეზიდენტმა ჰენრი ბ. აირინგმა გაგვიზიარა რჩევა, რომელიც თავად მიიღო, როდესაც საკუთარი ოჯახური მდგომარეობა აწუხებდა: „შენ უბრალოდ იცხოვრე ცელესტიალური სასუფევლის ღირსად და ოჯახური მდგომარეობა ბევრად უფრო მშვენივრად აეწყობა, ვიდრე წარმოგიდგენია“ („A Home Where the Spirit of the Lord Dwells,“ Liahona, 2019 წლის მაისი, 25). როგორ შეიძლება ეს რჩევა დაგეხმაროს შენ ან რომელიმე შენს ნაცნობს?

იხ. აგრეთვე “Families Can Be Together Forever,” Hymns, no. 300; Topics and Questions, “Marriage,” Gospel Library.

ბევრ ადამიანს, ვინც კითხულობს ძველ აღთქმას, აინტერესებს აბრაამის, იაკობის, მოსესა და სხვების მრავალცოლიანობა. მრუშობდნენ თუ არა უფლის ეს მსახურები? მოიწონა თუ არა ღმერთმა მათი ქორწინება? ჯოზეფ სმითს მსგავსი კითხვები ჰქონდა. ღვთის პასუხები მოიძიე მოძღვრება და აღთქმები 132:1–2, 29–40-ში.

ერთ მამაკაცსა და ერთ ქალს შორის ქორწინება ღვთის ქორწინების სტანდარტია (იხილე ოფიციალური განცხადება 1-ს სათაური; იაკობი 2:27, 30). თუმცა, იყო შემთხვევები, როცა ღმერთმა უბრძანა თავის შვილებს მრავალცოლიანობა.

აღდგენილი ეკლესიის ადრეული წლები იყო ერთ-ერთი ასეთი გამონაკლისი პერიოდი. თუ გსურს გაიგო მეტი მრავალცოლიანობის შესახებ ადრეულ წმინდანთა შორის, იხილე “Mercy Thompson and the Revelation on Marriage” ( Revelations in Context, 281–93); Saints, 1:290–92, 432–35, 482–92, 502–4; თემები და საკითხები, “Plural Marriage in The Church of Jesus Christ of Latter-day Saints,” Gospel Library; “Why Was It Necessary for Joseph Smith and Others to Practice Polygamy?” (video), ChurchofJesusChrist.org.

10:8

• რას გვასწავლის მოძღვრება და აღთქმები 132:13 სამყაროს შესახებ? შესაძლოა შენ და შენმა ბავშვებმა ჩაალაგოთ ჩემოდანში ან ზურგჩანთაში ნივთები, რომლებიც წარმოადგენს იმას, რაც მოძღვრება და აღთქმები 130:2, 18–19; 132:19-ს თანახმად, შეგვიძლია თან წავიღოთ საიქიოში.

• შესაძლოა, უბრალო შედარებამ ასწავლოს შენს შვილებს ღვთის მცნებების შესრულება. მაგალითად, შეგიძლია სთხოვო, მოგცენ მითითებები, რომ გაისეირნო სადმე, მაგალითად, სკოლაში ან ეკლესიის შენობაში. რა ხდება, როდესაც ჩვენ არ მივყვებით მითითებებს? შემდეგ, შეგიძლია წაიკითხო მოძღვრება და აღთქმები 130:21 და შეადარო ეს მითითებები იმ მცნებებს, რომლებიც ღმერთმა მოგვცა.

• თქვენ ასევე შეგიძლიათ ერთად იმღეროთ სიმღერა მორჩილების შესახებ, მაგალითდ, “Keep the Commandments” (Children’s Songbook, 146–47) და მოიძიოთ სიტყვები მოძღვრება და აღთქმები 130:20–21 და 132:5 -ში რომლებიც მსგავსია აღნიშნული სიმღერისა. როგორ გვაკურთხებს ღმერთი, როცა მისი მცნებების დაცვას ვცდილობთ?

• მას შემდეგ, რაც ბავშვებთან ერთად წაიკითხავთ მოძღვრება და აღთქმები 130:22 -ს, თქვენ უნდა შეხედოთ იესო ქრისტეს სურათს და მიუთითოთ მის თვალებზე, მის პირზე და მისი სხეულის სხვა ნაწილებზე. შენს ბავშვებს შეუძლიათ მიუთითონ თავიანთი სხეულის იმავე ნაწილებზე. უთხარი მათ, რატომ არის შენთვის მნიშვნელოვანი იცოდე, რომ ჩვენი სხეული მამაზეციერისა და იესოს სხეულს ჰგავს.

• დაეხმარე შენს შვილებს იპოვონ ისეთი ნივთების მაგალითები, რომლებიც სამუდამო არ არის - საკვები, რომელიც ფუჭდება, ყვავილები, რომლებიც ჭკნება და ა.შ. შემდეგ ერთად გადახედეთ მოძღვრება და აღთქმები 132:19 -ს და იპოვეთ საკვანძო ფრაზები, როგორიცაა „მარადიული აღთქმა“, „ჩაბეჭდილი“, „მთელი მარადისობა“ და „უკუნითი უკუნისამდე“. (იხ. აგრეთვე “Chapter 55: A Revelation about Marriage,” Doctrine and Covenants Stories-ში, 198, ან შესაფერისი ვიდეო სახარების ბიბლიოთეკაში.) ასევე შეგიძლიათ გადახედოთ ოჯახურ სურათებს და დაამოწმო, რომ უფალმა შესაძლებელი გახადა ტაძრის წეს-ჩვეულებებისა და აღთქმების მეშვეობით ოჯახების მარადიული არსებობა.

0:42