Сургаал ба Гэрээ 124

Их Эзэн “дэлхийн бүх хаад”-д “[Өөрийнх нь] сайн мэдээг чин сэтгэлээсээ тунхагла” (Сургаал ба Гэрээ 124:2–11-ийг үзнэ үү) хэмээн Иосеф Смитэд хэлэв. Хэрэв та энэ үүрэг даалгаврыг хүлээн авсан бол Есүс Христийн тухай, Түүний сэргээгдсэн сайн мэдээний талаар хэрхэн тунхаглах байсан бэ? Түүнчлэн та өдөр бүр харьцдаг хүмүүстэйгээ гэрчлэлээ энгийн бөгөөд өөрийнхөөрөө хэрхэн хуваалцах талаар тунгаан бод.

Түүнчлэн Gospel Library-аас “Есүс Христийн сайн мэдээний бүрэн байдлын Сэргээлт: Дэлхий дахинаа өргөх хоёр зуун жилийн ойн тунхаг”-ийг үзнэ үү.

Та Сургаал ба Гэрээ 124:12–21-ээс өөрийн олж харсан Христийнхтэй адил зан чанаруудыг Аврагчийн хуваалцсаны адил бусадтай хуваалц. Тэр таныг хайрлах хайр, танд итгэх итгэлээ ямар арга замаар илэрхийлсэн байна вэ?

Мөн Ричард Ж.Мэйнсийн “Бурханы болон гэр бүлийнхээ итгэлийг олж авах нь” захиасыг 2017 оны 10-р сарын Ерөнхий чуулган сэтгүүлийн х. 75–77-оос үзнэ үү.

Та Сургаал ба Гэрээ 124:22–24, 60–61 дээрх Их Эзэний өгсөн зааварчилгааг тунгаан бодохдоо гэр орон, тойргоо хэрхэн Их Эзэний дүрслэн хэлсэн Наувутай адил газар болгох талаар эргэцүүл.

Мөн “A Friend to All” (видео)-г ChurchofJesusChrist.org вэбсайтаас үзнэ үү.

4:1

Яагаад Их Эзэн Өөрийн хүмүүст “[ариун сүмүүдийг] [Түүний] ариун нэрэнд барихаар” “ямагт зарлигладаг” гэж та бодож байна вэ? Сургаал ба Гэрээ 124:25–45, 55-ыг унших үедээ шалтгаануудыг жагсаана уу. Та “Таны өргөөнд бид хайртай” (Дуулал, д.129) зэрэг дууллаас эсвэл ““What Is a Temple?” (Gospel Library) видеоноос бусдыг нь олж болох юм. Ариун сүмийг барих ажил хэрхэн Их Эзэний таныг хайрлах хайрын илэрхийлэл болдог вэ?

5:41

1840 онд Наувугийн ариун сүм баригдсанаас хойш 300 гаруй ариун сүм баригдаж, зарлагдаад байна. Ерөнхийлөгч Рассэлл М.Нэлсон: “Ариун сүмд өнгөрүүлсэн цаг хугацаа маань бидний болон гэр бүлийнхний маань аврал, өргөмжлөлд амин чухал гэдгийг бид мэддэг. … Дайсны дайралтууд хүч чадал, төрөл зүйлийн хувьд асар хурдтай өсөн нэмэгдэж байна. Ариун сүмд байнга байх бидний хэрэгцээ хэзээ ч ийм их байгаагүй” гэж заажээ (“Үлгэр жишээ хожмын үеийн гэгээнтнүүд болох нь,” 2018 оны 10-р сарын Ерөнхий чуулган, 114). “Дайсны дайралтуудыг” сөрөн зогсоход ариун сүм танд хэрхэн тусалсан бэ? Та ерөнхийлөгч Нэлсоны зөвлөгөөг дагахын тулд юу хийхээр сүнслэгээр өдөөгдөж байна вэ?

Мөн “Why Latter-day Saints Build Temples”-ийг temples.ChurchofJesusChrist.org-оос үзнэ үү.

Гэгээнтнүүдэд Миссурийн Жаксон гүнлэгт ариун сүм барихыг зарлигласан боловч “дайснууд нь саад учруулсан” (Сургаал ба Гэрээ 124:51). 49–55-р шүлэг Бурханы зарлигуудыг сахихыг хүсдэг боловч гэр бүлээс эсвэл өөр бусад нөхцөл байдлаас болоод саад бэрхшээлтэй тулгарч байгаа хүмүүст итгэл найдвар төрүүлэх захиасыг агуулдаг. Та эдгээр шүлгээс ийм нөхцөл байдалд байгаа хэн нэгэнд туслах ямар зөвлөгөөг олсон бэ?

Бошиглогчийн аав Ахмад Иосеф Смитийг өөд болсны дараа удалгүй Их Эзэн Хайрум Смитийг бошиглогчийн аавынх нь үйлчилж байсан дуудлага болох Сүмийн патриархын үүрэгт дуудан томилжээ. Та үүний талаар Сургаал ба Гэрээ 124:91–92-оос унших боломжтой.

Та патриархын адислалын талаар огт сонсож байгаагүй хүнд энэ талаар хэрхэн тайлбарлах вэ? Та энэ адислалыг хүлээн авах талаар хэн нэгэнд хэрхэн зөвлөх вэ? Ахлагч Рандалл К.Бэннэттийн “Таны патриархын адислал бол Тэнгэрлэг Эцэгээс өгсөн сүнслэг удирдамж юм” гэсэн захиаснаас хариултуудыг хайж ол (Лиахона, 2023 оны 5-р сар, 42–43) эсвэл Topics and Questions дэх “Patriarchal Blessings” (Gospel Library)-ийг үзнэ үү.

Та сурч мэдсэн зүйл, олж авсан туршлага дээрээ үндэслэн дараах өгүүлбэрийг хэрхэн гүйцээхээ бод. “Патриархын адислал яг л -тай адилхан.” Яагаад Тэнгэрлэг Эцэг хүүхдүүдээ патриархын адислал хүлээн аваасай гэж хүсдэг вэ?

Хэрэв та патриархын адислал аваагүй бол үүнд бэлтгэхийн тулд юу хийж болох вэ? Хэрэв та патриархын адислал авсан бол энэ бэлгийг нандигнаж байгаагаа Бурханд хэрхэн харуулах вэ?

Казүхико Ямашитагийн “Патриархын адислалаа хэзээ авах вэ” захиасыг 2023 оны 5-р сарын Лиахонагийн х. 88–90-ээс мөн Ерөнхий гарын авлагын 18.17-г Gospel Library-аас үзнэ үү.

• Сургаал ба Гэрээ 124:15, 20 дээрээс сурсан зүйлсээ эргэн санахад нь хүүхдүүдэд туслахын тулд та тэдэнд зүрх зуран хэлбэр гаргаж хайчлахад нь туслаарай. Хайчилсан зүрхнүүд дээр эдгээр шүлгийн түлхүүр хэллэгүүдийг бичихэд нь тэдэнд тусал. “Үнэний төлөө зогс” (Хүүхдийн дууны ном, 81) гэх зэрэг дуу Их Эзэний үгсэд хүч нэмж болох юм.

• Сургаал ба Гэрээ 124:15, 20-ийг хамтдаа уншсаны дараа та Өсвөр үеийнхний бат бөх байдлын төлөө: Сонголт хийхэд туслах хөтөч гарын авлагын 31-р хуудаснаас үнэнч шударга амьдарна гэж юу гэсэн үг болохыг олж мэдэхэд нь тэдэнд тусал. 20-р шүлэг дээр Их Эзэн Жорж Миллерийн тухай “[түүний] зүрх сэтгэлийн үнэнч шударгын учир” юуг онцлон хэлсэн бэ? Та өөрийн туршлагаас эсвэл Найз сэтгүүл дээрээс хүүхдийн үнэнч шударга байдлыг харуулсан жишээг авч хуваалцаж болно. Хүүхдүүдийг ирэх долоо хоногт үнэнч шударгаар үйлдэх зорилго тавин ийн үйлдсэний дараа ямар мэдрэмж төрсөн талаараа хуваалцахад урь.

• Хүүхдүүдэд эрт цагийн болон амьдардаг газрынхаа ойролцоох ариун сүмүүдийн зургийг харах нь сонирхолтой санагдаж болох юм (ChurchofJesusChrist.org/temples/list). Тухайн зургуудыг болон Сургаал ба Гэрээ 124:39-ийг ашиглан эрт болон эдүгээ цагт Есүс Христ хүмүүстээ ариун сүм барихыг үргэлж зарлигласаар ирсэн талаар тайлбарла (энэ долоо хоногийн үйл ажиллагааны хуудсыг үзнэ үү).

• Хэрэв та ариун сүмтэй ойрхон амьдардаг бол хүүхдүүдээ авч очин, ариун сүмийн талбайгаар бишрэл хүндэтгэлтэйгээр алхаж болох юм. Тэднийг ариун сүмийн гадна талаас “Ариуныг Их Эзэнд—Их Эзэний өргөөнд” гэсэн үгсийг олоход урь. Эдгээр үг ямар утгатайг тэдэнтэй ярилц.

• Хүүхдүүдэд ариун сүмд орж болох өдрөө тэсэн ядан хүлээдэг болоход нь туслахын тулд хавсралт А дахь “Өвөг дээдсийнхээ төлөө баптисм хүртэж, гишүүнээр батлуулах” дээрх санаануудыг ашигла (мөн хавсралт Б дэх “Ариун сүм ба аз жаргалын төлөвлөгөө“-г үзнэ үү).

• Хамтдаа Сургаал ба Гэрээ 124:91–92-ийг уншихдаа, Их Эзэн Хайрум Смитээр юу хийлгэхээр дуудсаныг олж мэдэхэд хүүхдүүдэд тусал. Патриархын адислалын тухай ярь. Энэ нь өөрсдийн маань тухай мөн Их Эзэний биднээс хэн болохыг хүсдэг талаар Түүний бидэнд заадаг онцгой нэгэн адислал юм. Хүүхдүүдэд патриархын адислал хүлээн авахад бэлтгэхэд нь туслахын тулд хавсралт А дахь “Патриархын адислал хүлээн авах” гэсэн хэсгийг ашигла.